နှစ်လမ်းသွား ထားဝယ်ထီးခီး အမြန်လမ်းအတွက်ချေးငွေအပြင်ရင်းနှီးမြှုပ်နှံမှုပါလိုအပ်နေ

 

ရန်ကုန်၊မေ၁၉-၂၀၁၉

သိင်္ဂီ(VOM)

 

ထားဝယ်ရေနက်ဆိပ်ကမ်းကနေထိုင်းနိုင်ငံနယ်စပ်အထိဖော်ဆောင်မယ့်နှစ်လမ်းသွား ထားဝယ်ထီးခီးအမြန်လမ်းအတွက်  ထိုင်းနိုင်ငံမှချေးငွေရရှိထားပေမယ့်လည်းရင်းနှီးမြှုပ်နှံမှုလိုအပ်တာကြောင့်စိတ်ဝင်စားတဲ့ကုမ္ပဏီတွေကိုရင်းနှီးမြှုပ်နှံဖို့ ကမ်းလှမ်းထားတယ်လို့ တနင်္သာရီတိုင်းဒေသကြီး၊ ကုန်သည်စက်မှုအသင်းဥက္ကဋ္ဌဦးရဲထွဋ်နိုင်က ပြောပါတယ်။

 

“ ချေးငွေနဲ့ဆောင်ရွက်မှာဆိုပေမယ့်လည်းရင်းနှီးမြှုပ်နှံသူကလိုအပ်သေးတယ်။ခုစီမံကိန်းအမြန်ဆုံးစတင်နိုင်ဖို့ဆောင်ရွက်နေတယ်။လက်ရှိတော့ရင်းနှီးမြှုပ်နှံမယ့်ကုမ္ပဏီတွေကိုကမ်းလှမ်းနေရတုန်းပဲ။ရပ်ထားတဲ့စီမံကိန်းကိုပြန်စတာဆိုတော့အချိန်တော့ယူရမှာပါ”လို့ဦးရဲထွဋ်နိုင်ကပြောပါတယ်။

 

ထားဝယ်အထူးစီးပွားရေးဇုန်စီမံကိန်းအမြန်ဆုံးစတင်နိုင်ဖို့အတွက်ထားဝယ်ရေနက်ဆိပ်ကမ်းကနေထိုင်းနိုင်ငံနယ်စပ်အထိနှစ်လမ်းသွားအမြန်လမ်းကို၂၀၀၈ခုနှစ်ကတည်းကအကောင်အထည်ဖော်လာခဲ့ရာခုဆိုရင်၁၀နှစ်ကျော်ကာလရှိပြီဖြစ်ကြောင်းနဲ့လက်ရှိမှာထိုင်းနိုင်ငံတွင်းဆောင်ရွက်ထားတဲ့လမ်းပိုင်းဟာပြီးစီးတော့မှာဖြစ်တာကြောင့်မြန်မာဘက်ခြမ်းကလမ်းပိုင်းကိုလည်းအမြန်ဆုံးဆောင်ရွက်ဖို့လိုအပ်နေတယ်လို့သိရပါတယ်။

 

အဲဒီအမြန်လမ်းအတွက်ထိုင်းနိုင်ငံကနေချေးငွေဘတ်ငွေ၎ဒဿမ၅ဘီလီယံသဘောတူညီမှုရရှိထားပါတယ်။

 

ထားဝယ်အထူးစီးပွားရေးဇုန်ရဲ့ပထမအဆင့်စီမံကိန်းမှာထိုင်းနိုင်ငံ၊ကန်ချနာဘူရီနဲ့စီပွားရေးဇုန်ကိုချိတ်ဆက်ပေးတဲ့နှစ်လမ်းသွားမော်တော်ကားလမ်းဖောက်လုပ်ခြင်း၊ရေလှောင်ကန်၊ဆက်သွယ်ရေးဝန်ဆောင်မှု၊ စက်ရုံတို့ပါဝင်တဲ့မြို့ပြစီမံကိန်းတို့ပါဝင်ကြောင်း၊ ဒီစီမံကိန်းကိုတရုတ်နဲ့ဂျပန်နိုင်ငံတို့ကနေအဓိကကူညီပံ့ပိုးပေးထားတာဖြစ်တယ်လို့သိရပါတယ်။

 

သဘာဝပတ်ဝန်းကျင်ထိခိုက်မှုမရှိစေဖို့အတွက်လည်းနိုင်ငံတကာကသတ်မှတ်ထားတဲ့စံနှုန်းတွေအတိုင်းလုပ်ဆောင်သွားမယ်လို့သိရပါတယ်။

 

#voiceofmyanmar  #ထားဝယ် #

Related posts

Leave a Comment

VOM News

FREE
VIEW