မင်းတုန်းမှာ စက်လှေမှောက်လို့ ပျောက်သွားတဲ့ ကျောင်းသူတွေအလောင်းရှာဖွေတာ တယောက်တွေ့ ၃ယောက် ရှာမရဖြစ်နေဆဲ

မင်းတုန်း ဇူလိုင်-၁၄ -၂၀၁၉

ဂျန်ကိုးလ်(VOM)

 

 

မကွေးတိုင်းသရက်ခရိုင် မင်းတုန်းမြို့မှာဇူလိုင်၁၂ရက်နေ့ မွန်းလွဲပိုင်းက ကျောင်းကြိုစက်လှေမှောက်လို့ ပျောက်ဆုံးနေတဲ့ ကျောင်းသူ ၄ဦးအနက်၁ဦးကို ဇူလိုင်၁၃ရက်မနက်က သေဆုံးလျှက်ရှာဖွေတွေ့ရှိခဲ့ပြီး ကျန်တဲ့ကျောင်းသူ၃ယောက်ကတော့ ဇူလိုင်၁၄ရက်မွန်းလွဲအထိ မတွေ့ရှိသေးဘူးလို့သိရပါတယ်။

 

‘ မနက်ကတည်းကကံမမြောက်ချောင်း ကူညီရေးအသင်းနဲ့စရှာတယ် မန္တလေးကပရဟိတရေငုတ်သမားတွေနဲ့ အခုဆက်ရှာနေတုန်းဘဲ”လို့ရှာဖွေရေးလုပ်ဆောင်နေတဲ့ကိုဇင်မြတ်ထွန်းကပြောပါတယ်။

 

မင်းတုန်းမြို့ တဘက်ကမ်းကနေ ကျောင်းလာတက်ရတဲ့ကလေးတွေဟာ အဲဒီနေ့က ကျောင်းမှာဝါဆိုသင်္ကန်းကပ်လို့ ကျောင်းချိန်စောလွှတ်လိုက်တာလို့သိရပြီး ကျောင်းသူကျောင်းသားများအပါအဝင် လူ၁၈ဦးနဲ့ဆိုင်ကယ်တစီးတင်ဆောင်ပြီး ထွက်ခွာလာစဉ်မှာ နစ်မြုပ်တာလို့သိရပါတယ်။

 

စက်လှေမှောက်ရာမှာပါဝင်ခဲ့တဲ့ ၇တန်းကျောင်းသူမဆွေဇင်ဝတီက သူတို့ ဖြစ်ပျက်ခဲ့တဲ့ အခြေအနေကို ခုလိုပြောပြပါတယ်။

 

‘ လူများနေလို့မလိုက်တော့ဘူးလို့နေတာမောင်းတဲ့သူက နောက်တခေါက်လာမခ်ါဘူးဆိုလို့ လိုက်ရတာ။  နေရာက စက်လှေဦးမှာနေရာရတယ်။ စက်လှေထွက်ကတည်းက စောင်းနေတာဘက်မမျှလို့ လူခွဲထိုင်ပေးပါဆိုရင်း ရေစီးသန်တဲ့နေရာမှာ စက်လှေထဲရေတွေဝင်လာပြီး တည့်တည့်ကြီးမြုပ်သွားတာ။သမီးကိုလူကြီးတွေက မေးစေ့လောက်ရှိတဲ့နေရာအထိ ဆွဲထားလို့မသေခဲ့ရတာဘာကျောက်ဆောင်မှမရှိဘူးမတိုက်မိဘူး”

 

ချောင်းရေဟာမိုးဆက်တိုက်ရွာသွန်းနေလို့ မနေ့ကထက်ပိုများနေတယ်လို့ ရှာဖွေနေသူတွေဆီကစုံစမ်းသိရှိရပါတယ်။ ဒီဖြစ်စဉ်မှာ စက်လှေမောင်းတဲ့ ဇာနည်အောင် အသက်၂၄နှစ်ကိုမင်းတုန်းမြို့မရဲစခန်းက(ပ)၁၂၆/၂၀၁၉ ရာဇသတ်ကြီးပုဒ်မ၂၀၈/၃၃၇နဲ့ ထိမ်းသိမ်းထားတယ်လို့သိရပါတယ်။

 

#voiceofmyanmar  #မင်းတုန်း  #စက်လှေမှောက် #အလောင်းရှာဖွေ

Related posts

Leave a Comment

VOM News

FREE
VIEW