စစ်ပွဲတွေအတွင်းအရပ်သားထိခိုက်မှုလေ့လာစုံစမ်းရေးအဖွဲ့ဖွဲ့စည်းဖို့ရခိုင်လွှတ်တော်ကဆုံးဖြတ်

စစ်တွေ၊စက်တင်ဘာ၁၉-၂၀၁၉

ခိုင်လင်းစံ(VOM)

 

တိုက်ပွဲတွေဖြစ်ပွားနေတဲ့ရခိုင်ပြည်နယ် မြောက်ပိုင်းဒေသကတိုက်ပွဲနဲ့မသက်ဆိုင်ဘဲထိခိုက်သေဆုံးခဲ့ရတဲ့အရပ်သားတွေရဲ့ထိခိုက်မှုအတွက်လေ့လာစုံစမ်းရေးအဖွဲ့ဖွဲ့စည်း စစ်ဆေးမှုတွေပြုလုပ်ဖို့တင်သွင်းခဲ့တဲ့အဆိုကိုစက်တင်ဘာလ၁၈ရက်နေ့ကကျင်းပပြုလုပ်ခဲ့တဲ့ရခိုင်ပြည်နယ်လွှတ်တော်မှာအတည်ပြုဆုံးဖြတ်ခဲ့တာဖြစ်ပါတယ်။

 

 

လက်ရှိမှာရခိုင်ပြည်နယ်အတွင်းတိုက်ပွဲတွေနဲ့မသက်ဆိုင်တဲ့အရပ်သားတွေဟာလက်နက်ကြီးလက်နက်ငယ်တွေပစ်ခတ်မှုကြောင့်ထိခိုက်သေဆုံးနေကြရသလိုမတရားဖမ်းဆီးခံနေရပြီးအကြောင်းအမျိုးမျိုးကြောင့်သေဆုံးနေကြရတာတွေလည်း ရှိနေတာဖြစ်ပါတယ်။

 

“ရခိုင်ပြည်နယ်မှာတိုက်ပွဲနဲ့မဆိုင်တဲ့အရပ်သားတွေသေဆုံးနေတယ်။ထိခိုက်မှုတွေရှိနေတယ်။အဲ့ဒါကိုအစိုးရကဦးဆောင်ပြီးတော့လွှတ်တော်ကိုယ်စားလှယ်တွေ၊ဌာနဆိုင်ရတွေပါဝင်တဲ့အဖွဲ့တစ်ခုဖွဲ့ပြီးတော့လေ့လာစုံစမ်းပြီးပွင့်လင်းစွာချပြဖို့လိုအပ်ပါတယ်။”လို့မြောက်ဦးမဲဆန္ဒနယ်မြေအမှတ်၁ကပြည်နယ်လွှတ်တော်ကိုယ်စားလှယ်ဦးထွန်းသာစိန်ကပြောပါတယ်။

 

 

အဲ့ဒီအစိုးကိုလွှတ်တော်ကိုယ်စားလှယ်ဦးထွန်းသာစိန်ကတင်သွင်းခဲ့တာဖြစ်ပြီးတပ်မတော်ဘက်ကကန့်ကွက်ခဲ့ကြပေမယ့်မဲခွဲဆုံးဖြတ်ရာမှာတော့ကန့်ကွက်မဲ၁၁မဲ၊ထောက်ခံမဲ၂၄နဲ့အတည်ပြုဆုံးဖြတ်ခဲ့တာဖြစ်ပါတယ်။

 

“လက်ရှိအခြေနေအရတော့စုံစမ်းရေးအဖွဲ့ဖွဲ့တာစောလွန်းပါတယ်။ဒီအဖွဲ့ဖွဲ့ပြီးရင်လဲအချက်အလက်တွေကိုအမှန်အတိုင်းရနိုင်မှာမဟုတ်ဘူး။လုံခြုံးရေးကလည်းအားနည်းနေသေးတယ်။ဒါကြောင့်ကန့်ကွက်ခဲ့ရတာဖြစ်ပါတယ်။”လို့ရခိုင်ပြည်နယ်လုံခြုံရေးနဲ့နယ်စပ်ရေးရာဝန်ကြီးဗိုလ်မှူးကြီးမင်းသန့်ကပြောကြားခဲ့ပါတယ်။

 

 

လက်ရှိမှာတော့ရခိုင်ပြည်နယ်အတွင်းမှာဖြစ်ပွားနေတဲ့တိုက်ပွဲဖြစ်စဉ်တွေအတွင်းကျေးရွာတွေကိုဝင်ရောက်ပစ်ခတ်တိုက်ခိုက်တာတွေ၊လက်နက်ကြီးတွေနဲ့ပစ်ခတ်တာတွေကိုကြုံနေကြရပြီးသေဆုံးသူဦးရေ၈၀ကျော်ခန့်၊ဒဏ်ရာရသူဦးရေး၁၂၀ခန့်ရှိနေပြီဖြစ်တယ်လို့ဦးထွန်းသာစိန်ကအဆိုမှာထည့်သွင်းပြောဆိုခဲ့တာဖြစ်ပါတယ်။

 

ဒါ့အပြင်အရပ်သားတွေဖမ်းဆီးခံခဲ့ရပြီးစစ်ကြောရေးကာလအတွင်းမှာသေဆုံးခဲ့ရသူတွေရှိနေတဲ့အပြင်အဲ့ဒီသေဆုံးသွားသူတွေကိုမိသားစုတွေဆီအပ်နှံပေးခြင်းမရှိတဲ့အတွက်ရိုးရာဓလေ့ထုံးတမ်းတွေနဲ့သဂြိုဟ်ခွင့်မရရှိခဲ့တာတွေလည်းရှိပြီးဒီကိစ္စတွေအတွက်အခုလိုမျိုးပွင့်လင်းတဲ့စုံစမ်းရေးအဖွဲ့တစ်ဖွဲ့ကိုဖွဲ့စည်းဖို့မဖြစ်မနေလိုအပ်နေတာလည်းဖြစ်ပါတယ်။

 

Photo – San Myat Shwe

 

#voiceofmyanmar #ရခိုင်ပြည်နယ်လွှတ်တော် #အရပ်သားသေဆုံးမှု

 

Related posts

Leave a Comment

VOM News

FREE
VIEW