ပေကျင်း၊ ဒီဇင်ဘာ-၁၂-၂၀၂၃
မျိုးဆက်(VOM)
မြန်မာစစ်တပ်နဲ့ မြောက်ပိုင်းသုံးဖွဲ့အကြား ဖြစ်ပွားနေတဲ့ တိုက်ပွဲတွေနဲ့ပတ်သက်ပြီး တရုတ်နိုင်ငံရဲ့ ကြားဝင်စီစဉ်ပေးမှုနဲ့ ပြုလုပ်ခဲ့တဲ့ ဆွေးနွေးပွဲဟာ အပြုသဘောဆောင်တဲ့ ရလဒ်တွေရှိခဲ့တယ်လို့ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မော်နင်က ပြောပါတယ်။
မြန်မာနိုင်ငံ မြောက်ပိုင်းက ပဋိပက္ခတွေနဲ့ပတ်သက်ပြီး ငြိမ်းချမ်းရေးဆွေးနွေးပွဲတွေကျင်းပပြီး အပြုသဘောဆောင်တဲ့ရလဒ်တွေကို တွေ့ခဲ့ရတာ ဝမ်းသာမိတယ်လို့ သူကဆိုပါတယ်။
တရုတ်နိုင်ငံအနေနဲ့ ဒီဆွေးနွေးပွဲတွေကို အပြီးသတ်ထိ ဆက်လက်ပံ့ပိုးကူညီပေးသွားမယ်လို့ ဆိုပါတယ်။ မြန်မာနိုင်ငံမြောက်ပိုင်းအခြေအနေတွေ ပြေလျော့တာဟာ မြန်မာနိုင်ငံမှာရှိတဲ့ အဖွဲ့တွေအားလုံးရဲ့ အကျိုးစီးပွားကို ဖော်ဆောင်ပေးပြီး တရုတ်-မြန်မာနယ်စပ်တလျှောက် တည်ငြိမ်းရေးနဲ့ ငြိမ်းချမ်းရေးကို အထောက်အကူဖြစ်စေတယ်လို့ တရုတ်နိုင်ငံခြားရေးဝန်ကြီးဌာနက ထုတ်ပြန်ပါတယ်။
လက်ရှိဆွေးနွေးမှုအပေါ် အခြေခံပြီး ဒီလကုန်ပိုင်းမှာ နောက်ထပ်ဆွေးနွေးမှုတွေ ဆက်လက်လုပ်ဆောင်သွားဖို့ိရှိတယ်လို့ နစက ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပြောပါတယ်။
လက်ရှိမှာတော့ ရှမ်းပြည်နယ်မြောက်ပိုင်းမှာ ညီနောင်မဟာမိတ်သုံးဖွဲ့နဲ့စစ်တပ်အကြား တိုက်ပွဲတွေပြင်းထန်စွာ ဖြစ်ပွားနေပြီး ဒေသခံတွေ ထိခိုက်သေဆုံးမှုနဲ့ စစ်ဘေးရှောင်ရတာတွေ ရှိနေပါတယ်။
Ref:CNA
