ပြည်သူ့ပါတီ ( People Party) ဥက္ကဋ္ဌ ဦးကိုကိုကြီးဟာ မန္တလေးတိုင်းအတွင်းက ပြည်သူ့ပါတီဝင်တွေ၊ ရပ်မိရပ်ဖတွေ တွေ့ဆုံပွဲ တခု မန္တလေးမှာ ဒီနေ့ စက်တင်ဘာ၆ ရက်မနက်က ပြုလုပ်ခဲ့ပါတယ်။ ဒီပွဲမှာ ပါတီဥက္ကဋ္ဌ ဦးကိုကိုကြီးက သူတို့ပါတီအနေနဲ့ တိုင်းပြည်အတွက်အရေးကြီးဆုံးဖြစ်တဲ့ ငြိမ်းချမ်းရေးကို အဓိကထားလုပ်ဆောင်မယ့်အေကြာင်း ထည့်သွင်းပြောကြားသွားပါတယ်။
ပြည်သူ့ပါတီဟာ လာမယ့်ရွေးကောက်ပွဲမှာ ပြည်ထောင်စုအဆင့်အနေနဲ့ မဲဆန္ဒနယ် အကုန်နီးပါး ဝင်ရောက်ယှဥ်ပြိုင်မှာဖြစ်ပါတယ်။ ပြည်သူ့ပါတီ ဥက္ကဋ္ဌ ဦးကိုကိုကြီးကို တွေ့ဆုံပွဲအပြီးမှာ VOM အယ်ဒီတာချုပ် ဦးနေလင်းက တွေ့ဆုံမေးမြန်းထားပါတယ်။
ပြည်သူ့ပါတီအနေနဲ့ ရွေးကောက်ပွဲကော်မရှင်က သတ်မှတ်တဲ့ အရည်အချင်းနဲ့ အရေအတွက်တွေပြည့်ပြီလား ဘာအခက်အခဲတွေရှိနေသလဲ၊ ဘာတွေပြင်ဆင်ထားသလဲ၊ ဘဏ္ဍာငွေ ဘယ်လိုရှာဖွေသလဲဆိုတာ မေးကြည့်ထားပါတယ်။
ရိုက်ကူး တည်းဖြတ် ရှိုင်းအောင်
