စက်တင်ဘာ ၁၇ ၊ ၂၀၂၅
GG (VOM)
ရန်ကုန်တိုင်း၊ ရွှေပြည်သာမြို့နယ်မှာ ” ဒို့အရေး “ဆိုပြီး အော်ဟစ်ခဲ့တဲ့ အမျိုးသားလေးယောက်ကို သက်ဆိုင်ရာက ဖမ်းဆီးအရေးယူထားတယ်လို့ ကနဦးသတင်းအရ သိရပါတယ်။
စက်တင်ဘာ ၁၆ ရက်နေ့ညပိုင်း ရွှေပြည်သာ၊ထန်းခြောက်ပင်လမ်းဆုံမှာ ဆိုင်ကယ်တစီးကို လူလေးယောက်စီးနင်းလာသူတွေက “ဒို့အရေး “ဆိုပြီးအော်ဟစ်ခဲ့ကြတာဖြစ်ကြောင်း သိရပါတယ်။
” ဒို့အရေးဆိုပြီး လက်လည်းထောင်တယ်သိရတယ်။ရွှေပြည်သာနေထိုင်သူတွေပဲလို့သိရတယ်။အခုအရေးယူထားတယ်သိရတယ်။မူးပြီး အော်ဟစ်ကြတာမျိုးထင်ပါတယ်။ ” လို့ လုံခြုံရေးအဖွဲ့နဲ့နီးစပ်သူဆီကသိရပါတယ်။
အဆိုပါ ဒို့အရေး ဆိုပြီးအော်ဟစ်ခဲ့တဲ့ လူငယ်လေးယောက်ကို လက်ရှိမှာ သက်ဆိုင်ရာ မြို့နယ်ရဲစခန်းက ဖမ်းဆီးကာ အမှုဖွင့်အရေးယူဆောင်ရွက်နေကြောင်းသိရပြီး အသေးစိတ်သိရှိနိုင်ဖို့ VOM မှ ရွှေပြည်သာရဲစခန်းကို ဖုန်းနဲ့ဆက်သွယ်ခဲ့ပေမယ့် ဆက်သွယ်လို့မရခဲ့ပါဘူး။
၂၀၂၁ ခုနှစ်နောက်ပိုင်းကစပြီး နိုင်ငံရေးအပြောင်းအလဲကာလမှာ နလအကို ဆန္ဒပြသူတွေကို အာဏာပိုင်တွေက ပုဒ်မ ၅၀၅ ကအပါအဝင် အခြားပုဒ်မတွေနဲ့ ဖမ်းဆီးအရေးယူမှုတွေရှိခဲ့တာဖြစ်ပါတယ်။
