Category: သတင်း

ကွာလာလမ်ပူ၊ ဧပြီ-၂၀-၂၀၂၄မျိုးဆက်(VOM)မြန်မာနိုင်ငံမှာ ဖြစ်ပွားနေတဲ့ အကြမ်းဖက် ပဋိပက္ခတွေချက်ချင်းရပ်ဖို့နဲ့ နယ်စပ်ဒေသတွေမှာ လတ်တလောဖြစ်ပွားနေတဲ့ အခြေအနေတွေကို ထိန်းထိန်းသိမ်းသိမ်း လုပ်ဆောင်ကြဖို့ ပဋိပက္ခမှာ ပါဝင်နေတဲ့ အဖွဲ့အစည်းတွေကို အာဆီယံနိုင်ငံခြားရေးဝန်ကြီးတွေက တိုက်တွန်းတောင်းဆိုလိုက်ပါတယ်။အထူးသဖြင့် ကရင်ပြည်နယ် မြ၀တီမြို့နဲ့ ရခိုင်ပြည်နယ်တို့မှာ မကြာသေးမီက ဖြစ်ပွားခဲ့တဲ့ အကြမ်းဖက်မှုတွေ အရှိန်အဟုန်မြင့်တက်လာတဲ့အပေါ် လွန်စွာစိုးရိမ်ပူပန်ကြောင်း အာဆီယံနိုင်ငံခြားရေးဝန်ကြီးတွေက ထပ်မံပြီးတော့ ပြောဆိုကြပြန်ပါတယ်။ဘယ်လိုပုံစံမျိုးနဲ့မဆို ပဋိပက္ခပြင်းထန်လာခြင်းက ဖြစ်ပေါ်လာတဲ့ လူသားချင်စာနာမှုဆိုင်ရာ နောက်ဆက်တွဲအကျိုးဆက်တွေကို ရှောင်ရှားနိုင်ဖို့အတွက် တင်းမာမှုတွေ လျှော့ချရေး၊ အရပ်သားတွေကို အကာကွယ်အကွယ်ပေး လုံခြုံမှုရှိစေရေး၊ နိုင်ငံတကာလူသားချင်းစာနာမှုဆိုင်ရာ အခြေခံမူတွေကို လိုက်နာဖို့၊ အကြမ်းဖက်ပဋိပက္ခကို ချက်ချင်းရပ်ဖို့နဲ့ အဆုံးစွန်ထိန်းထိန်းသိမ်းသိမ်း လုပ်ဆောင်ကြဖို့ အာဆီယံနိုင်ငံခြားရေး ဝန်ကြီးတွေက တိုက်တွန်းထားပါတယ်။လူသားချင်းစာနာမှုဆိုင်ရာ အကူအညီတွေကို အချိန်နဲ့တပြေးညီ ပေးပို့နိုင်မယ့် ဘေးကင်းတဲ့ဝန်းကျင်တခု ဖန်တီးရေးအပါအဝင် အရပ်သားတွေအပေါ် ပဋိပက္ခတွေကြောင့် ထိခိုက်မှုအနည်းဆုံးဖြစ်မယ့် အရေးပေါ်လုပ်ဆောင်မှုတွေပြုလုပ်ဖို့ကိုလည်း ဝန်ကြီးတွေက တောင်းဆိုထားပါတယ်။အာဆီယံ လူသားချင်းစာနာမှုဆိုင်ရာ အကူအညီပေးရေး ညှိုနှိုင်းမှုဌာနနဲ့…

မြဝတီ ၊ ဧပြီ ၂၀ – ၂၀၂၄ GG (VOM) မြဝတီ အမှတ် ၂ ချစ်ကြည်ရေးတံတားမှာ တိုက်ပွဲ ပြင်းထန်နေပြီး လေကြောင်းပစ်ခတ်မှုတွေ ၊ လက်နက်ကြီးပစ်ခတ်မှုတွေ ၊မြေပြင် ပစ်ခတ်မှုတွေ ခုညနေပိုင်းအထိ ဆက်တိုက်ဖြစ်ပွားနေဆဲဖြစ်တယ်လို့သိရပါတယ်။ တိုက်ပွဲအတွင်းမှာ မြဝတီအမှတ် ၂ ချစ်ကြည်ရေးတံတား ပတ်ဝန်းကျင်နေထိုင်သူတွေထဲက စစ်ရှောင်ထွက်လာတဲ့ အရပ်သားဒေသခံကားနှစ်စီး ပစ်ခတ်ခံရပြီး အမျိုးသမီး နှစ်ယောက်နဲ့ အမျိုးသားတယောက်သေဆုံးခဲ့သလို အမျိုးသားတယောက်ထိခိုက်ဒဏ်ရာရရှိခဲ့တယ်လို့သိရပါတယ်။ ဒါ့အပြင် အမှတ်၂ချစ်ကြည်ရေးတံတားပတ်ဝန်းကျင်လူနေရပ်ကွက်ထဲ လက်နက်ကြီးကျရောက်ပေါက်ကွဲလို့ ဒေသခံအမျိုးသမီးကြီးတယောက်လည်းသေဆုံးကာ ထိခိုက်ဒဏ်ရာရသူတွေပါရှိနေတယ်လို့သိရပါတယ်။ ” လက်နက်ကြီး ကတော့ လေယာဉ်နဲ့ တောက်လျှောက်ဝဲပြီးပစ်တယ်။တံတား၂ဘက်ပေါ့။အဲ့ဒီဘက်ပစ်တာပေါ့။ခုထိလည်းပစ်နေတုန်းပဲ လာပစ်လိုက်ပြန်သွားလိုက်လုပ်နေတာ။ အရပ်သားကားပစ်ခံရတာက သူတို့ကမှားပစ်တာပေါ့။ အရပ်သားကားနှစ်စီးက စစ်ရှောင်ထွက်လာတာ သူတို့ကအတွေ့ကြုံလည်းမရှိဘူး၊အလံဖြူလည်းမထောင်ထားဘူး၊ကားမှန်လည်းချမထားဘူး၊အရှိန်ကလည်းများတယ်၊လာတာကလည်းတံတား၂ဘက်ကနေထွက်လာတာဆိုတော့ ခလရ၂၇၅ ကစစ်သားတွေထွက်လာတယ်ဆိုပြီး ရေပူလမ်းဆုံရောက်နေတဲ့အဖွဲ့စုံကဝိုင်းပစ်တော့ ဘေးကိုထိုးကျသွားတာ၊ပြီးတော့မှ မှားသွားတယ်ဆိုပြီး ဆေးဘာညာထည့်ပေးပေမယ့် သုံးယောက်က ဆေးရုံရောက်သေဆုံးသွားတယ်။နောက်ဒဏ်ရာရအမျိုးသားတယောက်ကမဲဆောက်ဆေးရုံပို့ထားတယ်။လက်နက်ကြီးကျလို့သေဆုံးတာအမျိုးသမီးတယောက်ရှိတယ်ဆိုတော့အားလုံးလေးယောက်သေပါတယ်။ထိခိုက်ဒဏ်ရာရသူတွေလည်းရှိတယ်ကျနော့ဆီတော့ စာရင်းကမရောက်သေးတော့သေချာမသိဘူး ” လို့…

ရန်ကုန်၊ ဧပြီ ၂၀ – ၂၀၂၄ GG (VOM) ကရင်ပြည်နယ် ကျုံဒိုးမှာ KNU၊KNLA ၊PDF ပူးပေါင်းတပ်တွေနဲ့ နစက စစ်တပ်အကြား မနေ့က ဧပြီလ ၁၉ ရက်နေ့ မနက်ပိုင်းမှာတိုက်ပွဲ ပြင်းထန်ခဲ့ပေမယ့် ဒီနေ့ ဧပြီလ ၂၀ ရက်မှာတော့ တိုက်ပွဲဖြစ်ပွားခြင်းမရှိဘဲ ငြိမ်နေတယ်လို့ ဒေသခံတွေဆီကသိရပါတယ်။ ကျုံဒိုး တိုက်ပွဲက မနေ့ကမနက်ပိုင်းမှာ ဖြစ်ပွားခဲ့ပြီး နေ့လယ် ၁၂ နာရီလောက်စပြီး ဒီနေ့အထိ အပစ်ခတ်ငြိမ်သွားတာဖြစ်တယ်လို့သိရပါတယ်။ ” မနေ့ကနေ့ခင်းထဲက ငြိမ်သွားတာ ဒီနေ့အထိအေးဆေးပါပဲ။ တိုက်ပွဲမရှိဘူး၊ မရှိဘူးဆိုပေမယ့် ရွာတွေထဲတော့ မနေရဲကြသေးဘူး။စစ်ရှောင်တွေကလည်းပြန်မလာရဲကြသေးဘူး။မြို့ထဲလည်း ဝယ်စရာရှိတာဝယ် အိမ်ပြန်ကြတာ၊အရင်လိုစည်ကားနေတာမျိုးမဟုတ်ဘူး ” လို့ ဒီနေ့ရဲ့အခြေအနေကို ကျုံဒိုးမြို့ခံတဦးကပြောပြပါတယ်။ မြဝတီကို စစ်ကူလာရောက်တဲ့ စစ်ကြောင်းကို KNU ဦးဆောင်တဲ့ ပူးပေါင်းတပ်တွေက တိုက်ခိုက်ရာကနေ ကျုံဒိုးမြို့နယ်မှာရှိတဲ့ နစကရဲ့ ခမရ…