ဩဂုတ် ၁၂ – ၂၀၂၄ SS (VOM) မန္တလေးတိုင်း၊ သပိတ်ကျင်းခရိုင်၊ စစ်ကိုင်းတိုင်းအစပ်မှာရှိတဲ့ တကောင်းမြို့မှာ တိုက်ပွဲတွေ ပြင်းထန်နေပြီး အရပ်သား ထိခိုက် သေဆုံးမှုတွေလည်း ရှိနေတယ်လို့ ‌ဒေသခံတွေက ပြောပါတယ်။ ဒေသတွင်း လက်နက်ကိုင်တပ်ဖွဲ့တွေက တကောင်းမြို့ရှိ နစက တပ်စခန်းတွေကို မနေ့ ဩဂုတ် ၁၁ ရက်၊ မနက် ၅ နာရီဝန်းကျင်မှစပြီး ထိုးစစ်ဆင် တိုက်ခိုက်နေတာဖြစ်ကာ အပြီးသတ်သိမ်းပိုက်နိုင်ဖို့ စစ်ခန်းတခုသာ ကျန်ရှိတော့တယ်လို့ သိရပါတယ်။ တိုက်ပွဲကြား လက်နက်ကြီး ထိမှန်တာ‌ကြောင့် ဒေသခံပြည်သူ အမျိုးသမီးကြီး တယောက် သေဆုံးပြီး အမျိုးသမီးငယ် တယောက်လည်း အပြင်းအထန် ဒဏ်ရာရရှိခဲ့တယ်လို့ ဒေသခံတွေက ပြောပါတယ်။ “မနေ့က တနေကုန်ပဲ တိုက်ပွဲတွေပြင်းထန်နေတာ။ မြို့ပေါ်မှာရှိတဲ့ နစကရဲ့ အထိုင်စခန်းတွေဖြစ်တဲ့ ‌တိုက်နယ်ဆေးရုံနဲ့ ရဲစခန်းက တပ်ဖွဲ့တွေ လက်နက်ချပေမယ့်…

  ဩဂုတ် ၁၂ – ၂၀၂၄ GG (VOM) မန္တလေးတိုင်း၊ တောင်သာမြို့နယ်မှာ ဒီနေ့ဩဂုတ်လ ၁၂ ရက်နေ့မနက်အစောပိုင်းကစပြီး တိုက်ပွဲတွေပြင်းထန်နေပြီး အရပ်သားတွေကျည်ထိမှန်ထားသလို အစိုးရပိုင် အထည်ချုပ်စက်ရုံအပါ အဝင် အဆောက်အဦအချို့လည်းလက်နက်ကြီးထိမှန်ပျက်စီးမှုတွေရှိနေတယ်လို့သိရပါတယ်။ တောင်သာမြို့နယ်ရှိ အစိုးရပိုင် အမှတ်(၁၀)အထည်ချုပ်စက်ရုံ(စွပ်ကျယ်စက်ရုံ)နဲ့ တောင်သာ-မိတ္ထီလာလမ်းပိုင်းမှာရှိ ဓာတ်ငွေ့ပိုက်လိုင်းစက်ရုံရှိ နစက တပ်ဖွဲ့ဝင်တွေကို နယ်မြေခံ PDF တပ်ဖွဲ့တွေက ဝင်ရောက်ပစ်ခတ်တိုက်ခိုက်ရာကနေ တိုက်ပွဲ ဖြစ်ပွားနေတာဖြစ်တယ်လို့သိရပါတယ်။ ” တိုက်ပွဲဖြစ်တဲ့ဘက်တွေသွားလာလို့မရဘူးလေ။လူနာကောက်ဖို့တောင်မသွားရဲလို့ အခြေအနေကြည့်လှုပ်ရှားနေရတဲ့အခြေအနေပါ။စွပ်ကျယ်စက်ရုံမီးလောင်တယ်။တောင်သာမြို့အဝင်က ဓာတ်ငွေ့ပိုက်လိုင်းစက်ရုံမှာလည်းစစ်တပ်ရှိတော့အဲ့ဒီနေရာတွေကို ဝင်တိုက်ကြတာပါ။ကားတစီးထဲကလူနှစ်ယောက်ကျည်ထိထားတယ်။” လို့ ဒေသခံတယောက်ကပြောပါတယ်။ တိုက်ပွဲအကြားသွားလာတဲ့ ကားတစီးကျည်ထိမှန်ပြီး အရပ်သားနှစ်ယောက်ကျည်ထိမှန်ခဲ့တာဖြစ်ကြောင်း ၊ လက်ရှိမှာ ကျည်ထိမှန်ထားတဲ့ အရပ်သားနှစ်ယောက်ကို လူနာတင်ကားနဲ့မြင်းခြံကိုသယ်ဆောင်သွားနေပြီဖြစ်တယ်လို့သိရပါတယ်။ ” စွပ်ကျယ်စက်ရုံမီးလောင်တာတော့မှန်တယ်။ သူကမြို့အဝင် မြင်းခြံဘက်အထွက်မှာရှိတာ။အဲ့ဘက်ကတိုက်ပွဲဖြစ်တော့မသွားရဲဘူး။မြို့ထဲတောင်အသွားအလာရှင်းပါတယ်။ စက်ရုံက အကုန်လုံးတော့ မပျက်စီးဘူးသိရတယ် “လို့ နောက်ထပ်ဒေသခံတယောက်ကပြောပါတယ်။ အဆောက်အဦကျည်ထိမှန်မှုအနေနဲ့က မနေ့ကညပိုင်းမှာ လှည်းကူးမအုပ်စု ၊ ပြဿဒ်ကြီးကျေးရွာ…

  ဩဂုတ် ၁၂ – ၂၀၂၄ SN (VOM) ရခိုင်ပြည်နယ်ထဲကို ကုန်စည်တင်ပို့ရာမှာ ဧရာ၀တီတိုင်း ရေကြည်မြို့ကနေ ဂွ-ငါးသိုင်းချောင်းလမ်းအတိုင်း အခြေခံစားသောက်ကုန် သယ်ယူခွင့်ကို ဆက်လက် ပိတ်ပင်ထားတာကြောင့် ကုန်ဈေးနှုန်းတွေ အဆမတန် ထပ်မံ မြင့်တက်လာကာ ပစ္စည်းပြတ်လပ်မှုတွေနဲ့ ကြုံတွေ့နေရတယ်လို့ ကုန်သည်တွေနဲ့ ဒေသခံတွေက ပြောပါတယ်။ ဂွ – ငါးသိုင်းချောင်း လမ်းမအနီး ဖြစ်ပွားနေတဲ့ တိုက်ပွဲတွေကြောင့် ပြီးခဲ့တဲ့ ဩဂုတ်လ ပထမအပတ်ကစပြီး ရေကြည်မြို့ကနေ ရခိုင်ပြည်နယ်အတွင်း ပစ္စည်းတင်ပို့ခွင့်ကို ပိတ်ပင်ခံထားရတာဖြစ်တယ်လို့ သိရပါတယ်။ “သူတို့က တင်ပို့ သယ်ယူခွင့် ပိတ်ထားတယ်လို့ ကြိုပြောတာမဟုတ်ဘူး။ ဂိတ်ရောက်မှ ဆက်သွားခွင့်မပေးတာ။ ရေကြည်ကနေ ဂွမြို့ကို ဘာကုန်စည်တွေကိုပဲ ပို့ပို့ ဂွ – ငါးသိုင်းချောင်းလမ်း၊ ဗေဒါစစ်ဆေးရေးဂိတ် အဝင်အထွက်ကနေ ပြန်လွှတ်ခံနေရတယ်” လို့ ကုန်သည်တယောက်က ပြောပါတယ်။ ရခိုင်ပြည်နယ်ဘက်ကို…

  ဩဂုတ် ၁၂ – ၂၀၂၄ CC (VOM) ရှမ်းမြောက် ၊သီပေါမြို့နယ်မှာ တိုက်ပွဲမရှိပေမယ့် လက်နက်ကြီးကျရောက်ပေါက်ကွဲလို့ ဒီနေ့ ဩဂုတ်လ ၁၂ ရက်နေ့မှာ မိသားစုသုံးယောက်သေဆုံးမှုဖြစ်ပွားခဲ့တယ်လို့သိရပါတယ်။ သီပေါမြို့နယ်မှာ ဩဂုတ်လ ၁၀ ရက်နဲ့ ၁၁ ရက်နေ့တုန်းကလည်း လက်နက်ကြီးထိမှန်လို့ သေဆုံးခဲ့ရသူ ခြောက်ယောက်နဲ့ထိခိုက်ဒဏ်ရာရသူခြောက်ယောက်ရှိခဲ့တာကြောင့် ဒီနေ့အထိ သုံးရက်အတွင်းမှာဆိုရင် အရပ်သားသေဆုံးမှု ကိုးယောက်အထိရှိတယ်လို့သိရပါတယ်။ ” ဒီနေ့သေတဲ့မိသားစုသုံးယောက်က သီပေါဒေသခံတွေမဟုတ်ဘဲအိမ်ငှားနေကြသူတွေလို့သိရတယ်။သူတို့အိမ်ပေါ်လက်နက်ကြီးကျတာပါ။သီပေါမှာကအခုထိငြိမ်နေတယ်တိုက်ပွဲမရှိပါဘူး။အိမ်ကမြို့လယ်ရပ်၊ပြောင်းပွဲရုံနားကအိမ်ပါ။တိုက်ပွဲမရှိဘဲ မြို့ထဲကိုလက်နက်ကြီးတွေကျတာပါ။” လို့ဒေသခံကပြောပါတယ်။ သီပေါမှာ အရက်ရက်တွေက နှစ်ဖက်ထိတွေ့တိုက်ပွဲတွေပြင်းထန်ပြီး ဒရုန်းဗုံးတွေပစ်ခတ်ခြင်း၊လေကြောင်းပစ်ကူပစ်ခတ်ခြင်းတွေအထိရှိခဲ့တာကြောင့် မြို့ထဲကို လက်နက်ကြီးကျပေါက်ပွဲကာ အရပ်သားသေဆုံးရတာဖြစ်ပြီး လူနေအိမ်အဆောက်အဦးတွေလည်း ထိခိုက်ပျက်စီးမှုတွေရှိနေတယ်လို့သိရပါတယ်။ သီပေါမြို့နယ်မှာ မနေ့ကဩဂုတ်လ၁၁ ရက်နေ့ညပိုင်းကစပြီး မြေပြင်နှစ်ဖက်ထိတွေ့တိုက်ပွဲတွေရပ်သွားတာ လက်ရှိအချိန်ထိဖြစ်ကြောင်း ၊ တိုက်ပွဲကြောင့်သီပေါမြို့ဒေသခံအများအပြားစစ်ရှောင်နေကြသလို အချို့ဒေသခံတွေကလည်းခုထိမပြောင်းရွှေ့သေးဘဲ မြို့ထဲမှာနေထိုင်မှုရှိနေတယ်လို့သိရပါတယ်။ သီပေါမြို့နယ်မှာတော့ ပြီးခဲ့တဲ့ ဇူလိူင်လ ၄ရက်နေ့ညနေပိုင်းကစပြီး TNLA ပူးပေါင်းတြ်တွေနဲ့ နဲ့နစက တပ်တွေ…

  သြဂုတ် ၁၁ – ၂၀၂၄ KG ယခုနှစ်ပိုင်းအတွင်းပြည်တွင်းထုတ်သတင်းစာ၊ဂျာနယ်၊စာစောင်တွေ ရောင်းအားကျဆင်းမှုဟာ ဆက်လက်ဖြစ်ပေါ်နေပြီး နာလန်မထူသေးကြောင်း သတင်းစာ၊ဂျာနယ်ဖြန့်ချိရေးကိုယ်စား လှယ်တွေက ပြောပါတယ်။ ကိုဗစ် ၁၉ ကာလမှစတင်လို့ ပြည်တွင်းထုတ်သတင်းစာ၊စာစောင်ရောင်းအားတွေကျဆင်းခဲ့သလို ပြီးခဲ့တဲ့ ၂၀၂၃ ခုနှစ်အတွင်းမှာလည်း အဆိုးဆုံးအခြေအနေကိုဖြတ်ကျော်နေခဲ့ရပြီး လက်ရှိမှာ ရောင်းအားထက်ဝက်ခန့် ကျဆင်းနေတယ်လို့ ဖြန့်ချိရေးလုပ်ငန်းလုပ်ကိုင်သူတွေက ဆိုပါတယ်။ “သတင်းစာ၊စာစောင်ဖြန့်ချိရေးလောကရဲ့ ရွှေခေတ်က ၂၀၀၈ ခုကနေပြီး ၂၀၂၀ အထိလို့ပြောလို့ရပါတယ်။လက်ပွေ့ရောင်းတဲ့သူတွေတောင်အိမ်တွေ၊ဝိုင်းတွေဝယ်နိုင်ခဲ့တယ်။အဲဒီနောက်ကိုဗစ်ကနေစပြီး တဖြည်းဖြည်း ပါးလာလိုက်တာ၊နိုင်ငံရေးအပြောင်းအလဲဖြစ်တော့ပိုဆိုးသွားတာပေါ့။သတင်းစာပို့တဲ့သူတွေကလည်းနေ့တွက်စားစရိတ်တောင်မကိုက်တော့မလုပ်ကြတော့ပါဘူး။ဒီလုပ်ငန်းကိုစွန့်ခွာသွားကြတယ်။ဒီလောကမှာကျန်တဲ့သူတွေက လိုင်းကြီးသမားတွေနဲ့ စာပေကိုချစ်မြတ်နိုးတဲ့သူတွေဘဲကျန်ရစ်တော့တယ်”လို့ ဝါရင့်ဖြန့်ချိရေးသမားဖြစ်သူ ကိုကျော်မြင့်(ဓါတု)က ပြောပြခဲ့ပါတယ်။ ဒါအပြင် လက်ရှိပြည်တွင်းမှာထုတ်လုပ်မှုစရိတ်စကတွေမြင့်တက်လာတာကြောင့် သတင်းစာတစောင်စျေးကလည်းကျပ် ၇၀၀ နဲ့ကျပ် ၈၀၀ လောက်အထိဖြစ်နေပြီးလူတိုင်းဝယ်မဖတ်နိုင်ကြတော့တဲ့အပြင် ယခုလိုဂျာနယ်၊စာစောင်တွေရောင်းပါးကျဆင်းရတာဟာ ပြည်သူတွေခမျာမှာလည်းစားဝတ်နေရေးခက်ခဲတဲ့ကာလကိုဖြတ်သန်းနေရတာကြောင့်ဖြစ်တယ်လို့ သူက ဆက်ပြီးပြောပြခဲ့ပါတယ်။ “အခုအပါတ်စဥ်ထုတ်ဝေတဲ့စာစောင်တွေကသိပ်မရှိတော့ဘူးလေ။ဘာရှိမလဲဆို ပြည်မြန်မာတို့ ၊ ဘောလုံးစာစောင်က Sports Eleven တို့ စနေနေ့ဆိုအားကစားစာစောင်တွေလောက်ပဲထွက်တယ်။ကျွန်တော်ဆိုသတင်းစာဖြန့်ချိရေးလုပ်သက်နှစ်ပေါင်းသုံးဆယ်ရှိပါပြီ။အခုအချိန်အထိသတင်းစာပို့နေတုန်းပါဘဲ။အခုတော့အစိုးရသတင်းစာတွေဖြစ်တဲ့ကြေးမုံ၊မြန်မာ့အလင်းတို့ ရဲ့ ရောင်းအားနဲ့ပဲခြေကန်ထားရတာပေါ့။ပုဂ္ဂလိကသတင်းစာတွေအနေနဲ့က…