ဇွန်၂၀၊ ၂၀၂၆။ NN(VOM) ကိုးကန့်လက်နက်ကိုင်တပ်ဖွဲ့ (MNDAA) က လောက်ကိုင်၊ သိန္နီ၊ ကွတ်ခိုင်မြို့တွေမှာ အခုနှစ်ကုန်ပိုင်းကစပြီး AI နည်းပညာကို အသုံးပြုသင်ကြားမယ့် ဆေး တက္က သိုလ်နဲ့ အဆင့်မြင့်ပညာ သင်ကျောင်းတွေ ကို ဖွင့်မယ်လို့ ဒီနေ့ ထုတ် ပြောလာပါတယ်။ လောက်ကိုင်မြို့မှာ လောက်ကိုင် ဆေးပညာ၊ သူနာပြုနှင့် ကျန်းမာရေး သိပ္ပံတက္ကသိုလ် (LUMNHS) တွေကို ဖွင့်လှစ်မှာဖြစ်တယ်လို့ သိရပါတယ်။ လောက်ကိုင် ဆေးပညာ၊ သူနာပြုနှင့် ကျန်းမာရေးသိပ္ပံတက္ကသိုလ် (LUM NHS) ဟာ မြန်မာနိုင်ငံရဲ့ ပထမဆုံး AI စနစ်သုံး သင်ရိုးညွှန်းတမ်း ဖြစ်လာမှာဖြစ်ပြီး သူ့ရဲ့အောက်မှာ ဆေးပညာကျောင်း၊ သူနာပြုကျောင်းနဲ့ ကျန်းမာရေးသိပ္ပံကျောင်းတွေ ပါဝင်မှာဖြစ်တယ်လို့ သိရပါတယ်။ ဆေးပညာနှင့် ပညာရေးဆိုင်ရာ စာတမ်း​တွေမှာ “AI (ဉာဏ်ရည်တုပညာ)ပေါင်းစပ်ထားသည့် အရည်အချင်းအခြေပြု သင်ရိုးညွှန်းတမ်းတွေနဲ့ အဓိက…

ဇွန် ၂၀ – ၂၀၂၆ SS (VOM) နိုင်ငံခြားအဖွဲ့အစည်းတွေနဲ့ နိုင်ငံရေးပါတီဝင်၊ ပါတီကိုယ်စားပြု လွှတ်တော်ကိုယ်စားလှယ်တွေ တွေ့ဆုံရာမှာ နိုင်ငံရေးနဲ့ ပတ်သက်မှုမရှိတဲ့ တွေ့ဆုံမှုမျိုးကို ခွင့်ပြုပေးဖို့ ပြည်ထောင်စုရွေးကောက်ပွဲကော်မရှင် (UEC) ကို တောင်းဆိုသွားဖို့ ရှိတယ်လို့ ပြည်သူ့ရှေ့ဆောင်ပါတီ (PPP) ရဲ့ ဗဟိုအလုပ်အမှုဆောင်ကော်မတီဝင်၊ တွဲဖက်အထွေထွေအတွင်းရေးမှူး ဦးကောင်းမင်းခန့်က ပြောပါတယ်။ နိုင်ငံရေးပါတီတွေဆီ ပေးပို့ထားတဲ့ UEC ရဲ့ အခု ၂၀၂၆ ခုနှစ်၊ ဇွန်လ ၁၁ ရက်နေ့၊ ရက်စွဲပါ အကြောင်းကြားစာအရ ပါတီတွေအနေနဲ့ နိုင်ငံခြားသံရုံး အဖွဲ့အစည်းတွေ၊ လူပုဂ္ဂိုလ်တွေနဲ့ တွေ့ဆုံဖို့ရှိပါက UEC ကို ကြိုတင် တင်ပြပြီး ခွင့်ပြုချက်ရရှိမှသာ တွေ့ဆုံရမှာဖြစ်ကာ ခွင့်ပြုချက်မရရှိဘဲ တွေ့ဆုံပါက နိုင်ငံရေးပါတီများ မှတ်ပုံတင်ခြင်းဥပဒေပုဒ်မ ၁၂ နဲ့အညီ အရေးယူ ဆောင်ရွက်သွားမှာ ဖြစ်တယ်လို့ အသိပေးထားပါတယ်။…

ဇွန် ၂၀ ၊ ၂၀၂၆ GG (VOM) စစ်ကိုင်းတိုင်း ၊ ကလေး – တမူးလမ်းပေါ်က ခါမ်းပါတ်မြို့ကို ဒီကနေ့ ဇွန် ၂၀ ရက်မှာ အစိုးရတပ် စစ်ကြောင်းတွေ ဝင်ရောက်ပြီး မြို့ကို ပြန်လည်ထိန်းချုပ်လိုက်ပြီ ဖြစ်တယ်လို့ စုံစမ်းသိရှိရပါတယ် ။ ခါမ်းပါတ်မြို့ကို ပြန်ရဖို့အတွက် ဇွန်လ ၇ ရက်နေ့ကစပြီး အစိုးရတပ်က တမူး၊ ကလေးနဲ့ မော်လိုက်မြို့တွေကနေ စစ်ကြောင်းသုံးခုခွဲကာ အင်အားအများအပြားနဲ့ စစ်ကြောင်းထိုး ထိုးစစ်ဆင်တိုက်ခိုက်ခဲ့တာဖြစ်ပါတယ်။ အဲဒီနောက် ၁၄ ရက် အကြာမှာတော့ ခါမ်းပါတ်မြို့ကို အစိုးရတပ်က ပြန်လည်ထိန်းချုပ် နိုင်ခဲ့တာ ဖြစ်တယ်လို့ သိရပါတယ် ။ ” ခါမ်းပါတ်မြို့ကို ပြန်ရပါပြီ ။ အခုနယ်မြေရှင်းလင်းရေး ဆက်လုပ်နေပါတယ် ။ ” လို့ လုံခြုံရေးတပ်ဖွဲ့ နဲ့နီးစပ်သူက ပြောပါတယ်။…

ဇွန် ၂၀ ၊၂၀၂၆ CC (VOM) ချင်းပြည်နယ်တောင်ပိုင်း ၊ ကန်ပက်လက်မြို့နယ် ၊ ကျင်ဒွေးမြို့မှာ လေကြောင်းကနေဗုံးကြဲတိုက်ခိုက်ခံရပြီး လူခြောက်ယောက်သေဆုံးကာ ၁၁ ယောက်ဒဏ်ရာ ရရှိခဲ့တယ်လို့ စုံစမ်းသိရှိ ရပါတယ်။ ဇွန် ၁၉ ရက်နေ့ည ၁၁ နာရီ ခွဲလောက်က ကျင်ဒွေးမြို့မှာ လေကြောင်းတိုက်ခိုက်ခံခဲ့ရပြီး သေဆုံးသူ​တွေရှိသလို ထိခိုက်ဒဏ်ရာ ရရှိသူတွေထဲမှာ ဒဏ်ရာပြင်းထန်ပြီး စိုးရိမ်ရသူတွေလည်း ရှိနေတယ်လို့ သိရပါတယ် ။ ကန်ပက်လက်မြို့နယ် လူသားခြင်းစာနာဘေးစီမံဌာနကလည်း ကျင်ဒွေးမြို့မှာ လေကြောင်းတိုက်ခိုက်ခံရမှုကြောင့် သေဆုံးသူခြောက်ယောက်နဲ့ ဒဏ်ရာရသူ ၁၁ ယောက်ရှိကြောင်း ထုတ်ပြန်ထားတာ တွေ့ရပါတယ်။ ” ဒဏ်ရာရတဲ့ ၁၁ ယောက်ကလည်း ပြင်းထန်တယ်လို့ ပြောတယ်။ လက်ရှိ ဆေးကုပေးနေတယ် သိရပါတယ်။ ည ၁၁ ခွဲလောက်ဆိုတော့ အိပ်နေချိန် ဖြစ်သွားတာလို့ သိရတယ်။.ကျန်တဲ့ အခြေအနေတော့ သေချာမသိရသေးဘူး…