ဇွန် ၁၅၊ ၂၀၂၆ NN(VOM) အစိုးရတပ်နဲ့ အပစ်အခတ်ရပ်စဲရေး သဘောတူ လက်မှတ်ထိုးထားတဲ့ ကိုးကန့် တပ်ဖွဲ့က ၁၀၂၇ တိုက်ပွဲအတွင်း ဖမ်းဆီးထားတဲ့ အစိုးရတပ် စစ်သုံ့ပန်းတွေထဲက ၁၇၄ ယောက်ကို ဒီနေ့ ပြန်လွှတ်ပေးလိုက်တယ်လို့ ဒေသခံတွေဆီကနေ သိရပါတယ်။ ပြန်လွတ်လာသူတွေကို လားရှိုးမြို့ အရှေ့မြောက်တိုင်း စစ်ဌာနချုပ်ထဲကို ခေါ်သွားတယ်လို့ သိရပါတယ်။ “ဒီနေ့ နေ့လယ်ပိုင်းက လွတ်လာတာ ဟုတ်ပါတယ်။ ရမခထဲ ပို့လိုက်တာ တွေ့တယ်။ မိသားစုတွေနဲ့တော့ တွေ့လို့မရသေးဘူး” လို့ လားရှိုးမြို့ခံတယောက်က ပြောပါတယ်။ ပြန်လွတ်လာသူတွေထဲမှာ ရဲတပ်ဖွဲ့၊ ယာဉ်ထိန်းတပ်ဖွဲ့ဝင်တွေလည်း ပါတယ်လို့ သိရပါတယ်။ “နေရာအစုံကလို့တော့ ပြောတယ်။ လောက်ကိုင်၊ ကွမ်လုံ၊ ချင်းရွှေဟော်ဘက် မှာ ဖမ်းထားတဲ့သူတွေလည်း ပါတယ်လို့ ပြောတယ်” လို့ လားရှိုးမြို့ ခံတယောက်က ပြောပါတယ်။ ၁၀၂၇ တိုက်ပွဲကာလအတွင်းမှာ အရှေ့မြောက်တိုင်း…

ဇွန် ၁၄ – ၂၀၂၆ SN (VOM) စစ်ကိုင်းတိုင်း၊ ကလေးမြို့နယ် (မြောက်ပိုင်း) နဲ့ တမူးမြို့နယ်အတွင်း အစိုးရတပ်၊ ပြည်သူ့စစ် ပူးပေါင်းအဖွဲ့နဲ့ ဒေသတွင်း လက်နက်ကိုင် တပ်ဖွဲ့တွေအကြား တိုက်ပွဲတွေ အပြင်းအထန် ဖြစ်ပွားနေတယ်လို့ ဒေသခံတွေက ပြောပါတယ်။ အစိုးရ ပူးပေါင်းတပ်တွေဟာ ကလေး – တမူးလမ်းပိုင်းကို နယ်မြေစိုးမိုးနိုင်ဖို့အတွက် အဲဒီလမ်းပိုင်းကို ထိန်းချုပ်ထားတဲ့ လက်နက်ကိုင်တပ်ဖွဲ့တွေကို ပြီးခဲ့တဲ့ ဇွန် ၇ ရက်နေ့မှစတင်ကာ အင်အားအလုံးအရင်းနဲ့ ထိုးစစ်ဆင် တိုက်ခိုက်နေတာဖြစ်တယ်လို့ သိရပါတယ်။ “အဲဒီလမ်းပိုင်းက နယ်စပ်နဲ့ အနီးဆုံးဖြစ်တယ်။ အိန္ဒိယ – မြန်မာ – ထိုင်း၊ ဒီသုံးနိုင်ငံရဲ့ အဓိက ကုန်သွယ်ရေးလမ်းကြောင်းလည်း ဖြစ်တယ်။ ဒီလမ်းကြောင်းကို ထိန်းချုပ်ပြီး ကုန်သွယ်ရေး ပြန်လုပ်နိုင်ဖို့အတွက် အစိုးရက ပြင်ဆင်နေတာပါ။ စစ်ကြောင်း နှစ်ကြောင်းနဲ့ နှစ်ဖက်ညှပ်ပိတ်ပြီး…

ဇွန် ၁၄ ၊ ၂၀၂၆ GG (VOM) ချင်းပြည်နယ်တောင်ပိုင်းက ကန်ပက်လက်မြို့နဲ့ မင်းတပ်မြို့ တိုက်ပွဲတွေ ဆက်လက်ဖြစ်ပွားနေပြီး လေကြောင်းကနေ ဗုံးကြဲတိုက်ခိုက်မှုတွေလည်း ဆက်တိုက် ဖြစ်ပွားနေတယ်လို့ စုံစမ်း သိရှိရပါတယ်။ မင်းတပ်မြို့ကိုဆိုရင် ခုဇွန်လ ၆ ရက်နေ့ကစပြီး ဒီကနေ့ ဇွန် ၁၄ ရက်နေ့အထိ လေကြောင်းကနေဗုံးကြဲတိုက်ခိုက်မှုတွေ ဆက်တိုက်ပြုလုပ်နေတာ ဖြစ်တယ်လို့ သိရပါတယ်။ ဇွန်လ ၆ ရက်နေ့ကနေ ၉ ရက်နေ့အတွင်း မင်းတပ်မြို့နယ်မှာ လေကြောင်းကနေ အကြိမ် ၃၀ ကျော် ဗုံးကြဲတိုက်ခိုက်ခံရပြီး ဇွန် ၁၀ ရက်ကနေ ၁၄ ရက်မနက်ပိုင်းအထိ လေကြောင်းတိုက်ခိုက်မှု ၁၆ ကြိမ်ထက်မနည်းရှိခဲ့ကာ အားလုံးပေါင်း ဗုံးအရေအတွက် ၁၀၀ ကျော်ကြဲချတိုက်ခိုက်ခဲ့တာ ဖြစ်တယ်လို့ သိရပါတယ်။ ” ဒီရက်ပိုင်း မင်းတပ်ကို လေကြောင်းကနေ တအားဖိနေတာတွေ့ရတယ်။ မြေပြင်တိုက်ပွဲကလည်း…

ဇွန် ၁၄ – ၂၀၂၆ SS (VOM) တက္ကသိုလ်ဝင်စာမေးပွဲ အောင်စာရင်းထွက်ပါက မိမိတိုရဲ့ ခုံအမှတ်နဲ့ တိုက်ရိုက်ရှာဖွေ ကြည့်ရှုနိုင်ဖို့ https://result.dme.gov.mm ဝက်ဘ်ဆိုက်မှာ လွှင့်တင်ပေးဖို စီစဉ်နေတယ်လို့ ပညာရေးဝန်ကြီးဌာနက အသိပေးထားပါတယ်။ စာစစ်ဦးစီးဌာနအနေနဲ့ အောင်စာရင်းတွေကို ၎င်းတို့ရဲ့ တရားဝင် ဝက်ဘ်ဆိုက်ကသာ တပြိုင်နက်တည်း ထုတ်ပြန်ပေးသွားဖို့ စီစဉ်နေတာဖြစ်ပြီး ပြီးခဲ့တဲ့နှစ်တွေနည်းတူ တက္ကသိုလ်ဝင်တန်းတွေ ဖြေဆိုခဲ့တဲ့ စာစစ်ဌာနအလိုက် အောင်စာရင်းတွေကို ကြည့်ရှုနိုင်မယ့် ဝက်ဘ်ဆိုက်လည်း ရှိနေမှာဖြစ်တယ်လို့ သိရပါတယ်။ “တရားဝင် ဝက်ဘ်ဆိုက်ကနေသာ ကိုယ်ရေးအချက်အလက် လုံခြုံစိတ်ချစွာနဲ့ အောင်စာရင်းတွေကို တိတိကျကျ မှန်မှန်ကန်ကန်နဲ့ ကြည့်ရှုနိုင်မှာ ဖြစ်ပါတယ်။ အောင်စာရင်း ဘယ်နေ့ထွက်မယ်ဆိုတာတော့ ဒီအချိန်မှာ ကျွန်တော်တို့ကိုယ်တိုင်တောင် သေချာ မသိရသေးပါဘူး။ အောင်စာရင်း တရားဝင်ထွက်ရှိမယ့်ရက်နဲ့ အသေးစိတ် အချက်အလက်တွေကို စာစစ်ဌာနက အချိန်တန်ရင် ထုတ်ပြန်ပေးသွားပါလိမ့်မယ်။ ဒီအချိန်မှာ အောင်စာရင်း ကြိုကြည့်ပေးမယ်ဆိုပြီး…