ဩဂုတ် ၁၆၊ ၂၀၂၆ Shy V (VOM) ရှမ်းပြည်နယ်မြောက်ပိုင်း၊ မူဆယ်မြို့နယ်အတွင်းက MNDAA ထိန်းချုပ်ရာ နယ်မြေဘက်ခြမ်း ၁၀၅ မိုင် မော်တောင်းရွာအနီးက ခိုတိန်ရွာမှာ ယမန်နေ့ ဩဂုတ်လ ၁၅ ရက်နေ့ မနက်ပိုင်း အွန်လိုင်းငွေလိမ် ကျားဖြန့် အလုပ်ဆိုဒ် တခု စီးနင်းဖမ်းဆီးခံရကြောင်း ဒေသခံတွေဆီက သိရပါတယ်။ “ဟုတ်တယ်။ ခိုတိမ်ရွာ ရှမ်းရွာမှာ။ ကျားဖြန့်ကို ဝင်ဖမ်းတာ ပြေးကုန်ပြီ။ မူဆယ်မြို့နယ် မော်တောင်းရွာနဲ့ နီးတယ်။ မော်တောင်းရွာ ကနေ ဆိုင်ကယ်နဲ့ ဆင်းသွားရင် မိနစ် ၂၀ လောက် ဆိုရောက်ပြီ။ တရက်နှစ်ရက်ဆို သတင်းထွက်တော့မယ်။” လို့ ဒေသခံ အမျိုးသား တယောက်က ပြောပါတယ်။ အွန်လိုင်းငွေလိမ်ဂိုဏ်း ကျားဖြန့်တွေ အလုပ်လုပ် အခြေချခဲ့တဲ့ အဆောက်အဦး အိမ်ခြံဝင်းအတွင်းက သူတို့ ကျန်ခဲ့တဲ့ ပစ္စည်းတွေကို…

ဩဂုတ် ၁၆ – ၂၀၂၆ SN (VOM) ရန်ကုန့်မြို့အတွင်း ပြေးဆွဲနေတဲ့ YBS ယာဉ်စီးခတွေ တိုးမြှင့်ကောက်ခံဖို့ ကြေညာခြင်းကို ဒီကနေ့ ဩဂုတ် ၁၆ ရက်နေ့ကစပြီး ပယ်ဖျက်လိုက်တယ်လို့ ရန်ကုန်တိုင်း ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ (YRTC) တွဲဖက်အတွင်းရေးမှူး ဦးလျန်ကျင့်မန်က ပြောပါတယ်။ “YBS ယာဉ်စီးခ ကျပ် ၂၀၀ ခရီးစဉ်ကို ၃၀၀ ကျပ်၊ ကျပ် ၄၀၀ ခရီးစဉ်ကို ၆၀၀ ကျပ်အဖြစ် စက်တင်ဘာလ ၁ ရက်နေ့ကနေစပြီး ပြောင်းလဲကောက်ခံမယ့် အစီအစဉ်ကို ပယ်ဖျက်ထားပါတယ်။ ပယ်ဖျက်ရတဲ့ အကြောင်းရင်းကတော့ ပြည်သူတွေ အခက်အခဲမဖြစ်အောင်လို့ပါ” လို့ ဦးလျန်ကျင့်မန်က ပြောပါတယ်။ ယာဉ်အပိုပစ္စည်း၊ ယာဉ်နဲ့ ဆက်စပ်ပစ္စည်းတွေ ဝယ်ယူမှုတန်ဖိုး ကြီးမြင့်တာ၊ ယာဉ်ပြင်ဆင်စရိတ်တွေ မြင့်တက်လာတာကြောင့် ယာဉ်စီးခတွေကို တိုးမြှင့်ကောက်ခံမယ်လို့ YRTC…

ဩဂုတ် ၁၆ – ၂၀၂၆ SS (VOM) ကိုယ်ဝန်ဆောင်မိခင်တွေနဲ့ အသက် နှစ်နှစ်အောက် ကလေးငယ်တွေကို ငွေကြေးထောက်ပံ့ခြင်း (Maternal and Child Cash Transfer – MCCT) အစီအစဉ်ရဲ့ နာမည်ကို အလွဲသုံးစားပြုကာ အွန်လိုင်းမှတဆင့် ငွေကြေးလိမ်လည်မှုတွေ ရှိနေတာကြောင့် အထူးသတိပြုကြဖို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနက အသိပေးထားပါတယ်။ လူမှုဝန်ထမ်းဦးစီးဌာနအနေနဲ့ MCCT အစီအစဉ်မှာ အကျုံးဝင်သူတွေရဲ့ စာရင်းကို သက်ဆိုင်ရာ ရပ်ကွက် (ဒါမှမဟုတ်) ကျေးရွာ အုပ်ချုပ်ရေးမှူးတွေကတဆင့်သာ ကောက်ယူနေတာဖြစ်ပြီး အွန်လိုင်းကနေ စာရင်းကောက်ယူခြင်း လုံးဝ (လုံးဝ) မပြုလုပ်ဘူးလို့ ဆိုပါတယ်။ ဒါအပြင် အကျိုးခံစားသူ စာရင်းသွင်းဖို့ လျှောက်ထားပုံစံနဲ့ ပတ်သက်လို့လည်း ငွေကြေးတစုံတစ်ရာ ကောက်ခံတာမရှိသလို အခု ၂၀၂၆ – ၂၀၂၇ ဘဏ္ဍာနှစ်အတွင်း အကျိုးခံစားခွင့်…

ဩဂုတ်၁၅၊ ၂၀၂၆။ NN(VOM) UWSA “ဝ” တပ်ဖွဲ့က သူတို့ထိန်းချုပ်နယ်မြေအတွင်းက ခရစ်ယာန် ဘုရားကျောင်းတွေအားလုံးကို ယာယီပိတ်လိုက်တယ်လို့ ဒေသခံတွေဆီကနေ သိရပါတယ်။ အစွန်းရောက်တဲ့ ခရစ်ယာန် ဘာသာရေးအဖွဲ့အချို့ ဝင်ရောက်လာလို့ ပိတ်တာလို့ ကနဦးသိရတယ်လို့ ပန်ဆန်းမြို့ခံ တချို့ဆီကနေ သိရပါတယ်။ “ယေရှုတရုတ်မ ဂိုဏ်းအဖွဲ့ ရောက်နေလို့ဆိုပြီး ပိတ်ထားမယ်လို့ သိရတာ ” လို့ ပန်ဆန်းမြို့ခံတယောက်က ပြောပါတယ်။ အစွန်းရောက်တဲ့ ခရစ်ယာန် ဘာသာရေးအဖွဲ့တွေ ရောက်နေတာကြောင့် တရုတ်အစိုးရဘက်က သတိပေးလို့ ပိတ်ထားရတာလို့ “ဝ” တပ်ဖွဲ့ တာဝန်ရှိ သူ တွေဘက်က ပြောပါတယ်။ “ဝ” ဒေသမှာ ဘာသာရေးလွတ်လပ်ခွင့် အပြည့်ပေးထားပြီး အစွန်းရောက် တဲ့ ဘာသာရေးယုံကြည်မှုကိုတော့ လက်ခံမှာမဟုတ်ဘူးလို့ ဆိုပါတယ်။ ခရစ်ယာန် ဘုရားကျောင်းတွေကို ရက်ပေါင်း ဘယ်လောက်အထိ ပိတ်ထား မယ်ဆိုတာကိုတော့ “ဝ” တပ်ဖွဲ့…

ဩဂုတ် ၁၄ ၊ ၂၀၂၆ GG (VOM) မွန်ပြည်နယ် ၊ မော်လမြိုင်မြို့ ၊ ညောင်ပင်ဆိပ်ရပ်ကွက် ၊ စက်မှုဇုန်(၁၆)လမ်းမှာ မနေ့ ဩဂုတ် ၁၃ ရက်နေ့ မနက်အစောပိုင်းက ဓာတ်ကြိုးလာခိုးတဲ့အမျိုးသားတယောက် ဓာတ်လိုက်သေဆုံးခဲ့တယ်လို့ သိရပါတယ် ။ စက်မှုဇုန်(၁၆)လမ်းမှာရှိတဲ့ ဓာတ်တိုင်ကတွဲလောင်းကျနေတဲ့ ဓာတ်ကြိုးကို ဖြုတ်ယူရာကနေ ဓာတ်လိုက်သေဆုံးခဲ့တာ ဖြစ်ကြောင်း သိရပါတယ် ။ ” ပြောပုံအရဆိုရင် ၅ နာရီကျော်ကျော်လောက်ထဲက ဖြစ်နေတာ ။ကျွန်တော်တို့သွားတော့ သူ့လက်ထဲမှာ ဓာတ်ကြိုးကိုင်ရက်သား တွေ့ရတယ်။ အရင် သူခိုးခိုးဖြတ်ထားတဲ့ ဓာတ်ကြိုးက ဓာတ်တိုင်ပေါ်ကနေ တွဲလောင်းကျနေတာ။ အဲဒါကို သူကဆွဲတာကနေ အပေါ်က ကြေးကြိုးပါတွဲကျလာပြီး ကြိုးတွေပူးပြီး ဓာတ်လိုက်တဲ့ သဘောလို့သိရတယ်။ သူတို့ကတော့ ပလုံကောက်တာလို့ပြောပေမယ့် တချို့ကတော့ မနက်အစောကြီးဆိုတော့ ခိုးတာပဲ ဖြစ်ဖို့များတယ်ပေါ့လေ ။ ” လို့…