ဇွန် ၂၃ – ၂၀၂၆ SN (VOM) စစ်ကိုင်းတိုင်း (အထက်ပိုင်း)၊ ဟုမ္မလင်းမြို့နယ်မှာ မိုးရွာသွန်းမှုများပြီး ဥရုချောင်းရေ မြင့်တက်လာတဲ့အတွက် ဟုမ္မလင်း – နမ့်တောသွား ကားလမ်းမပေါ်က ကွန်ကရစ်တံတားတစင်း၊ ဒီကနေ့ ဇွန် ၂၃ ရက်၊ မနက်ပိုင်းက ရေတိုက်စားကာ ကျိုးပျက်မှုဖြစ်ပေါ်ခဲ့ပြီး ကုန်းလမ်းခရီး သွားလာ‌ရေး ပြတ်တောက်နေတယ်လို့ ဒေသခံတွေက ပြောပါတယ်။ “ပင်းမခေါ် – နောင်ပိုအောင် – နမ့်တော လမ်းပိုင်းမှာရှိတဲ့ တံတားတစင်း ကျိုးတာ။ ဒီတံတားက အဓိကကျတဲ့ တံတားပဲ။ ကားတွေသွားလို့ရတဲ့နေရာ၊ ဒီတနေရာပဲရှိတာ။ အခု တံတားကျိုးသွားတော့ ကားတွေ သွားလို့မရတော့ဘူး။ ရေတွေကလည်း ဆက်ပြီးတက်နေသေးတော့ တံတား ပြင်ဖို့ရာလည်း အဆင်မပြေသေးဘူး” လို့ ဒေသခံတယောက်က ပြောပါတယ်။ အဲဒီတံတား တည်ရှိရာလမ်းပိုင်းဟာ ဒေသတွင်း ကုန်စည်စီးဆင်းမှုအတွက် အရေးပါတဲ့ အဓိက…

ဇွန် ၂၃-၂၀၂၆ KKA (VOM ) ကချင်ပြည်နယ်၊ မိုးကောင်းမြို့က ရေဘေးသင့်ပြည်သူ​တွေကို ကချင်ပြည်နယ်ဝန်ကြီးချုပ် ဦးခက်ထိန်နန်က ဇွန်လ ၂၃ ရက် နံနက်ပိုင်းမှာ သွားရောက်တွေ့ဆုံကာ စားသောက်ကုန်ပစ္စည်းများ ထောက်ပံ့လှူဒါန်းခဲ့ကြောင်း သိရပါတယ်။ မိုးကောင်းမြို့မှာ ဇွန်လ ၂၀ ရက်က‌ေန၂၂ ရက်အထိ မိုးအဆက်မပြတ် ရွာသွန်းခဲ့တာကြောင့် နန့်ရင်းချောင်းနှင့် နန့်ကောင်းချောင်းရေတို့ဟာ စိုးရိမ်ရေအမှတ် ၆၀၀ စင်တီမီတာအထက်ကို ကျော်လွန်ရောက်ရှိခဲ့ပြီး မြို့ပေါ်ရပ်ကွက်များနဲ့ ကျေးရွာအုပ်စုများရှိ လူနေအိမ်များအတွင်းသို့ ချောင်းရေများ ဝင်ရောက်ခဲ့တာဖြစ်ပါတယ်။ဒါကြောင့် ရေလွတ်ရာ ဘုန်းတော်ကြီးကျောင်းများနဲ့ဓမ္မာရုံများမှာ အရေးပေါ်ကယ်ဆယ်ရေးစခန်းဖွင့်လှစ်ပြီး ပြည်သူ‌ေတွကို ပြောင်းရွှေ့ကူညီ ကယ်ဆယ်ထားရတာလည်းဖြစ်ပါတယ်။ မိုးကောင်းမြို့နယ် လူမှုကယ်ဆယ်ရေးအသင်း တာဝန်ရှိသူတစ်ဦးက “စိုးရိမ်ရတဲ့ဘက်က အိမ်ထောင်စုတွေကိုပဲ ရွှေ့ပြောင်းပေးခဲ့တာပါ။ ဒီနေ့ကတော့ အဲဒီရွှေ့ပြောင်းပေးထားတဲ့ ရေဘေးသင့်အိမ်ထောင်စုတွေကို စားစရာထောက်ပံ့တဲ့ပွဲပါ”လို့ Voice of Myanmar (VOM)ကိုပြောပါတယ်။ လက်ရှိ ကယ်ဆယ်ရေးစခန်းမှာ ခိုလှုံနေထိုင်ကြတဲ့အိမ်ထောင်စု ၃၂…

မန္တလေး၊ ဇွန်- ၂၂- ၂၀၂၆ SA + SN (VOM) မန္တလေး – ပြည် – ရန်ကုန် ပြည်ထောင်စု လမ်းမကြီး စီမံကိန်းအကောင်အထည်ဖော်မှာမို့ တံတားဦးမြို့ လမ်းဘေးဝဲယာက လမ်းဦးစီးဌာန သတ်မှတ်ထားတဲ့ ပေအတွင်းမလွတ်တဲ့ အဆောက်အအုံတွေကို ဇွန်လ ၂၅ ရက်နေ့ နောက်ဆုံးထားပြီး ဖယ်ရှားပေးဖို့ ညွှန်ကြားထားတယ်လို့ သိရပါတယ်။ ဒီစီမံကိန်းအတွက် လမ်းနယ်နိမိတ်က ပေ ၁၅၀ ဖြစ်ပြီး လမ်းအလယ်ဗဟိုကနေ တဖက် ၇၅ ပေ အကွာက လမ်းဦးစီးဌာနပိုင် လမ်းနယ်မြေဖြစ်တယ်လို့ ကြေညာထားပါတယ်။ လမ်းဦးစီးဌာန တံတားဦးခရိုင်၊ တံတားဦးမြို့နယ်က “ပုလိပ် – တံတားဦးလမ်းပိုင်း မိုင် (၆/၀ ၃၆၃- ၆/၅ ၃၆၃) လမ်းနယ်နိမိတ်အတွင်း ကျူးကျော်ဆောက်လုပ်ထားသော အဆောက်အဦ ခြံစည်းရိုး စျေးဆိုင်များအား ကွင်းဆင်းတိုင်းတာစစ်ဆေးခဲ့ရာ ဆောက်…

ဇွန် ၂၂၊ ၂၀၂၆ Shy V (VOM) ရှမ်းပြည်နယ်မြောက်ပိုင်း မူဆယ်မြို့မှာ ကျားဖြန့်လုပ်ငန်း လုပ်ကိုင်နေတယ်လို့ သံသယရှိတဲ့ အဆောက်အဦးတခုကို ဒီနေ့ ဇွန် ၂၂ ရက် မနက်ပိုင်းက လုံခြုံရေးတပ်ဖွဲ့ဝင်တွေ ဝင်ရောက်စီးနင်းခဲ့ပြီး တရုတ်နိုင်ငံသားတချို့ကို ဖမ်းဆီးခေါ်ဆောင်သွား‌ေကြာင်း ဒေသခံတွေဆီက သိရပါတယ်။ ဖမ်းဆီးမှုဟာ Skewars Garden စားသောက်ဆိုင်အနီးမှာရှိတဲ့ အဆောက်အဦတခုမှာ ဖြစ်ပြီး နယ်မြေခံ စစ်တပ်နဲ့ ရဲတပ်ဖွဲ့ ပူးပေါင်းအဖွဲ့က ဝင်ရောက်ရှာဖွေ ဖမ်းဆီးခဲ့တာလို့ ဆိုပါတယ်။ “တရုတ်တွေချည်းပဲ Van ကားအပြည့် တင်ခေါ်သွားတာတွေ့တယ်။ ဘယ်နှယောက် ဖမ်းမိလဲတော့ မသိရသေးဘူး။ နေ့တိုင်းတော့ မဖမ်းဘူး။ သတင်းရတဲ့နေရာတွေကို ဝင်ဖမ်းတာ” လို့ ဒေသခံတ‌ေယာက်က ပြောပါတယ်။ ဒေသခံတွေရဲ့ ပြောကြားချက်အရ လတ်တလော မူဆယ်မြို့အတွင်း ကျားဖြန့်နဲ့ ဆက်စပ်တယ်လို့ သံသယရှိတဲ့ နေရာတွေကို လုံခြုံရေးတပ်ဖွဲ့တွေက မကြာခဏ…

ဇွန် ၂၂ ၊ ၂၀၂၆ GG (VOM) ရန်ကုန် ၊ ရွှေပြည်သာမြို့နယ် ၊ ဝါးတရာစက်မှုဇုန်ထဲက Myanmar Chaofa Leatherware Limited (အိတ်ချုပ်)စက်ရုံမှာ ဒေးကြေး ၊ရက်မှန်ကြေး ၊အချိန်ပိုကြေး တိုးပေးဖို့အတွက် အလုပ်သမား ၂၀၀ ကျော်စုပေါင်းပြီး ဆန္ဒပြ တောင်းဆိုနေတယ်လို့ သိရပါတယ်။ အလုပ်သမားတွေတောင်းဆိုနေတာက ဒေးကြေးကို စက်မြင့် – ၁၀၇၀၀ ကျပ် နဲ့ စက်နိမ့် ၁၀၅၀၀ ကျပ် ပေးခြင်းအစား အလုပ်သမားအားလုံးကိုတန်းတူ ၁၂၀၀၀ ကျပ်ပေးရန် ၊ အချိန်ပိုကြေးကို ၂၀၀၀ ကျပ်အစား ၃၀၀၀ ကျပ် တိုးပေးဖို့ ၊ ရက်မှန်ကြေးကို ၃၀၀၀၀ ကျပ်အစား ၅၀၀၀၀ ကျပ်အဖြစ်တိုးပေးဖို့ တောင်းဆိုနေကြတာ ဖြစ်တယ်လို့ သိရပါတယ် ။ အဆိုပါ ဆန္ဒပြတောင်းဆိုမှုကို ဇွန်၁၈…