ဩဂုတ် ၂၁ – ၂၀၂၆ SN (VOM) မိုးနှောင်းရာသီ ရောက်ရှိတော့မှာဖြစ်လို့ မိုးရွာသွန်းမှု ပိုမိုများပြားလာနိုင်ပြီး စစ်တောင်း၊ ရွှေကျင်၊ ပဲခူးမြစ်ရေတွေ ဆက်လက် မြင့်တက်နိုင်တာကြောင့် ရေကြီးရေလျှံမှု သတိပြုဖို့လိုတယ်လို့ မိုးလေဝသနှင့် ဇလဗေဒ ညွှန်ကြားမှုဦးစီးဌာနမှ ညွှန်ကြားရေးမှူးချုပ် ဒေါက်တာကျော်မိုးဦးက ပြောပါတယ်။ မိုးနှောင်းရာသီအတွင်း လာမယ့် စက်တင်ဘာလလောက်မှာ အရှေ့ဘက်ကလာတဲ့ တိုင်ဖွန်းမုန်တိုင်း အကြွင်းအကျန် တိမ်တိုက်တွေ မြန်မာနိုင်ငံကို ဖြတ်နိုင်ခြေရှိတာကြောင့် မိုးရွာသွန်းမှု ဆက်ကောင်းနေနိုင်တယ်လို့ ဒေါက်တာကျော်မိုးဦးက ပြောပါတယ်။ “မိုးများလာပြီဆိုတာနဲ့ ချက်ချင်း ရေတက်နိုင်တယ်။ မြစ်တွေ၊ ချောင်းတွေဘေးမှာ နေတဲ့သူတွေအနေနဲ့ ရေကြီးမှု သတိပြုရမှာဖြစ်သလို တောင်ကုန်းတောင်တန်း ဒေသတွေမှာလည်း လျှပ်တပြက် ရေကြီးမှုကို သတိပြုရမယ်။ လက်ရှိ မြင့်တက်နေတဲ့ ရွှေကျင်မြစ်ရေကလည်း စစ်တောင်းမြစ်ထဲကို ဝင်မယ်။ စစ်တောင်းမြစ်မှာလည်း မဒေါက်က စိုးရိမ်ရေမှတ်ကိုကျော်နေတာ တော်တော်ကြာနေပြီ။ ဒါကြောင့် မိုးနှောင်းကာလမှာ…
Read Moreမိုးနှောင်းကာလအတွင်း စစ်တောင်း၊ ရွှေကျင်၊ ပဲခူးမြစ်ရေတွေ မြင့်တက်နိုင်မှု သတိပြုဖို့လို
