မေ ၂၄ ၊ ၂၀၂၆ GG (VOM) ချင်းပြည်နယ်တောင်ပိုင်းက မြို့နယ်တွေကို အစိုးရတပ်က လေကြောင်းကနေ ဗုံးကြဲတိုက် ခိုက်မှုတွေ ဆက်တိုက် ပြုလုပ်လာနေတယ်လို့ စုံစသိရပါတယ် ။ ချင်းတောင်ပိုင်းမှာရှိတဲ့ ကန်ပက်လက် ၊မင်းတပ် ၊ မတူပီမြို့တွေကို ပြန်လည်ထိန်းချုပ် နိုင်ဖို့အတွက် စစ်အင်အား ထောင်နဲ့ချီပြီး မြေပြင်စစ်ကြောင်းထိုးတိုက်ခိုက်နေသလို လေကြောင်းကနေလည်း ဆက်တိုက်ဗုံးကြဲ တိုက်ခိုက်နေတယ်လို့ သိရပါတယ် ။ ဒီကနေ့ မေ ၂၄ ရက်နေ့ မနက်ပိုင်း ၉ နာရီကနေ ၁၀ နာရီအတွင်းမှာပင် မတူပီမြို့နယ် ကို လေကြောင်းကနေ ဗုံးကြဲတိုက်ခိုက်မှု ၁၀ ကြိမ် ရှိခဲ့တယ်လို့ သိရပါတယ်။ အလားတူ ကန်ပက်လက်မြို့နယ်မှာလည်း မနက်အစော ၁ နာရီလောက်က လေကြောင်းတိုက်ခိုက်မှုနှစ်ကြိမ်ရှိခဲ့ပြီး မနက် ၉ နာရီကျော်လောက်မှာ တကြိမ် လေကြောင်းတိုက်ခိုက်မှုရှိခဲ့ တယ်လို့…

မေ ၂၃ – ၂၀၂၆ SS (VOM) ကချင်ပြည်နယ်နဲ့ စစ်ကိုင်းတိုင်းအစပ်မှာ တိုက်ပွဲ ဖော်ဆောင်နေတာကြောင့် နှစ်ဖက်တပ်ဖွဲ့တွေက မော်လူးလမ်းပိုင်း သွားလာခွင့်ကို ရက်အကန့်အသတ်မရှိ ပိတ်ထားတဲ့အတွက် ခရီးသည်တင်ကားနဲ့ ကုန်တင်ကား အစီးရေ ၂၀၀ ကျော် ပိတ်မိနေတယ်လို့ အဲဒီလမ်းပိုင်း အသုံးပြုသူတွေက ပြောပါတယ်။ “ကားတွေ ရှေ့တိုးမရ၊ နောက်ဆုတ်မရနဲ့ ပိတ်မိနေတာ သုံးရက် ကြာသွားပြီ။ ပါလာတဲ့ စားစရာတွေက ရှိတဲ့လူလည်း ရှိသေးသလို မရှိတဲ့လူလည်း မရှိတော့ဘူး။ လမ်းစရိတ်တွေလည်း ကုန်ပြီ။ နောက် ဘယ်နှစ်ရက်လောက် နေရဦးမယ်မသိဘူး။ အားလုံး ဒုက္ခရောက်နေကြရတယ်” လို့ ယာဉ်မောင်းတယောက်က ပြောပါတယ်။ ရွှေဘို – မြစ်ကြီးနား လမ်းပိုင်းပေါ်ရှိ အင်းတော်မြို့နဲ့ မော်လူးမြို့တို့မှာ ပြီးခဲ့တဲ့ မေ ၂၀ ရက်နေ့က စတင်ကာ တိုက်ပွဲတွေ ဖြစ်ပွားနေခြင်းဖြစ်ပြီး လေကြောင်း…

မေ ၂၃ ၊ ၂၀၂၆ GG (VOM) ပဲခူးတိုင်းအနောက်ပိုင်း ၊ သာယာဝတီခရိုင်၊ အုတ်ဖိုမြို့နယ် အရှေ့ဘက်ခြမ်းရှိ ကျေးရွာဘက်တွေမှာ တိုက်ပွဲပြင်းထန်ဖြစ်ပွားနေတာကြောင့် ကျေးရွာပေါင်း ၂၀ ကျော်လောက် အရေးပေါ်စစ်ဘေးရှောင်နေကြရတယ်လို့ သိရပါတယ်။ အုတ်ဖိုမြို့နယ်အရှေ့ဘက်ခြမ်းမှာရှိတဲ့ ရှားစေးဖိုရွာ ၊ ကြီးပျက်ရွာတွေဘက်မှာ တိုက်ပွဲတွေ ဖြစ်ပွားနေတာဖြစ်ပြီး အစိုးရတပ်က အင်အားရာနဲ့ချီစစ်ကြောင်းထိုးနေသလို လေကြောင်းကနေလည်း ဗုံးကြဲတိုက်ခိုက်မှုရှိနေတယ်လို့ သိရပါတယ် ။ ” ခုဖြစ်နေတဲ့ နေရာက တိမ်မြုတ်ရွာ ဘေးက ရွာတွေဘက်မှာ ဖြစ်နေတာ ။ တိမ်မြုတ်ရွာမှာက တပ်ကအထိုင်ချထားတာရှိတယ်။ အဲဒီတော့ တိမ်မြုပ်ရွာနဲ့ အုတ်ဖိုအကြားက သိပ်မဖြစ်ဘူး ။ တိမ်မြုပ်ရွာ ဘေးတဝိုက်က ရွာတွေကတော့ PDF တွေလှုပ်ရှားမှုရှိတယ်။ တိမ်မြုပ် ရွာဘက်တွေကိုတော့ အရေးကြီးကိစ္စ မရှိရင် သိပ်မသွားကြပါဘူး ။ အခုက ကျွန်တော်တို့လည်း ကိုယ့်လုံခြုံရေး ကိုယ်ပဲဂရုစိုက်နေနေရတဲ့…

မေ ၂၄ – ၂၀၂၆ SN (VOM) အမေရိကန်နိုင်ငံအတွင်း ယာယီဗီဇာနဲ့ ရောက်ရှိနေပြီး အမြဲတမ်းနေထိုင်ခွင့်အတွက် Green Card လျှောက်မယ့် နိုင်ငံခြားသားတွေအနေနဲ့ မိခင်နိုင်ငံကိုပြန်ပြီး သက်ဆိုင်ရာသံရုံးကတဆင့် လျှောက်ထားရမယ်ဆိုတဲ့ မူဝါဒသစ်ကြောင့် အမေရိကန်ရောက် မြန်မာတွေအနေနဲ့ အခက်တွေ့နေရတယ်လို့ သိရပါတယ်။ အမေရိကန် နိုင်ငံသားနှင့် လူဝင်မှုကြီးကြပ်ရေးဗျူရို (USCIS) က မနေ့ မေ ၂၂ က ကြေညာလိုက်တဲ့ လမ်းညွှန်ချက်အသစ်အရ ကျောင်းသားဗီဇာ (F-1)၊ အလုပ်ဗီဇာ (H-1B) အပါအဝင် ယာယီဗီဇာ (Temporary Visas) အမျိုးမျိုးနဲ့ အမေရိကန်ကို ဝင်ရောက်လာတဲ့ နိုင်ငံခြားသားတွေအနေနဲ့ အမြဲတမ်းနေထိုင်ခွင့် (Permanent Residency/Green Card) လျှောက်ထားလိုပါက ၎င်းတို့ရဲ့ မိခင်နိုင်ငံတွေကို ပြန်သွားရမှာဖြစ်တယ်လို့ အသိပေးထားပါတယ်။ ဒီလုပ်ထုံးလုပ်နည်းအသစ်ဟာ နှစ်ပေါင်း ၆၀ ကျော်အတွင်း ပထမဆုံးအကြိမ် အပြောင်းလဲကြီးတခုဖြစ်ပြီး…

မေ၊၂၂၊ ၂၀၂၆ NN(VOM) ၁၀၂၇ တိုက်ပွဲကာလအတွင်း ဖမ်းဆီးခံရပြီး နမ့်ဆန်မြို့မှာ ထိန်းသိမ်းထားတဲ့ အစိုးရတပ်ရဲ့ စစ်သုံ့ပန်းတွေထဲက အယောက်တရာကျော်ကို TNLA တပ်ဖွဲ့က အခုလဆန်းပိုင်းမှာ နေရာရွှေ့လိုက်တယ်လို့ ဒေသခံတွေထံကနေ သိရပါ တယ်။ နမ့်ဆန်မြို့ကနေ နမ့်ခမ်းမြို့ဘက်ကို ရွှေ့လိုက်တာဖြစ်ပြီး ဘယ်နေရာမှာ ထားတယ်ဆိုတာကိုတော့ အတိအကျ မသိရသလို အဆက်အသွယ်လည်း မရဘူးလို့ ဖမ်းဆီးခံထားရတဲ့ စစ်သုံ့ပန်းတွေရဲ့ မိသားစုဝင်တွေက ပြောပါတယ်။ “အရင်က နမ့်ဆန်မှာထားတာ။ ပြီးခဲ့တဲ့တခေါက်က သူတို့ လူတရာကျော် လွှတ်ပေးပြီး နောက်ပိုင်း ကျန်တဲ့သူတွေကို နေရာရွှေ့လိုက်တယ်လို့ ပြောပါတယ်။ နမ့်ခမ်းဘက်ရွှေ့တာလို့ ပြောတယ်။ အခုထိတော့ ဘယ်မှာထားတယ် ဆိုတာ အဆက်အသွယ်မရသေးဘူး” လို့ မိသားစုဝင်တယောက်က ပြောပါတယ်။ မိုးကုတ်၊ နမ္မတူ၊ နမ့်ဆန်၊ ကျောက်မဲ၊ မန်တုံမြို့ သိမ်း တိုက်ပွဲတွေမှာ အစိုးရတပ်ဖွဲ့ဝင် ထောင်နဲ့ချီပြီး TNLA…

မေ ၂၂ – ၂၀၂၆ SN (VOM) မကွေးတိုင်းက မြို့နယ်တချို့မှာ တိုက်ပွဲတွေနဲ့ စစ်ရေး တင်းမာမှုတွေ ရှိနေတဲ့အတွက် ဒေသခံ အများအပြား စစ်ရှောင်နေရပြီး အရေးပေါ် အကူအညီတွေ လိုအပ်နေတယ်လို့ ဒေသအခြေစိုက် စစ်ရှောင်အရေး ဆောင်ရွက်နေသူတွေက ပြောပါတယ်။ လက်ရှိ စလင်းမြို့နယ်မှာ ဒေသအခြေစိုက် ခြေလျင်တပ်ရင်း (ခလရ – ၂၅၃ ၊ ၂၅၄) ၊ ရဲတပ်ဖွဲ့၊ ပြည်သူ့စစ်တွေ ပူးပေါင်းထားတဲ့တပ်တွေဟာ ပြီးခဲ့တဲ့ မေ ၁၉ ရက်နေ့ကစပြီး စလင်း – ကံပြားလမ်းအတိုင်း ဝင်ရောက်လာခဲ့ကာ နယ်မြေရှင်းလင်းရေး လုပ်ဆောင်နေတဲ့အတွက် ကျေးရွာ ၁၀ ရွာထက်မနည်းက ဒေသခံ‌ ထောင်နဲ့ချီ စစ်ဘေး တိမ်းရှောင်နေရတယ်လို့ သိရပါတယ်။ အဲဒီ တပ်တွေဟာ မြေနီကုန်းကျေးရွာမှာ အထိုင်ချတပ်စွဲပြီးနောက် ဒေသတွင်း လက်နက်ကိုင်တပ်တွေရှိရာ နေရာတွေကို…

မန္တ​လေး – ​မေ ၂၂-၂၀၂၆ VOM မန္တ​​လေးမှာ ၂၀၂၅ မတ်လ ၂၈ ရက်က လှုပ်ခတ်ခဲ့တဲ့ ​ငလျင်ကြီး​ကြောင့် ​ထောင်နဲ့ချီတဲ့ အ​ဆောက်အဦးတွေပြိုပျက်ပြီးတဲ့​နောက် အ​ဆောက်အဦးအသစ်​ဆောက်မယ်ဆိုရင် စည်းကမ်းသတ်မှတ်ချက်​တွေကို မန္တ​လေး မြို့​တော်စည်ပင်သာယာ​ရေး​ကော်မတီက တိတိကျကျ သတ်မှတ်စစ်​ဆေးမှု​တွေ လုပ်​နေပါတယ်။ ဒီ​တော့ အ​ဆောက်အဦးအသစ်​ဆောက်မယ်ဆိုရင် စည်ပင်သာယာ​​ရေး​ကော်မတီရဲ့ ခွင့်ပြုချက်ရဖို့ ဘယ်လို အ​ထောက်အထား​တွေလိုလဲစည်းကမ်းသတ်မှတ်ချက်​တွေက ဘာ​တွေရှိလဲ ဆိုတာသိနိုင်ဖို့ မန္တ​လေး မြို့​တော်စည်ပင်သာယာ​ရေး​ကော်မတီ အ​ဆောက်အအုံနဲ့ ကုန်ရုံဌာန ဒုတိယ ဌာနမှူး ​ဒေါ်မျိုးအိအိစိုးဝင်းကို VOM အယ်ဒီတာချုပ် ကို​နေလင်းက ​တွေ့ဆုံ​မေးမြန်းထားပါတယ်။ VOM- မန္တ​လေးမှာ အ​ဆောက်အဦးအသစ်​ဆောက်မယ်ဆိုရင် ခွင့်ပြုချက်ရဖို့ ဘာတွေလိုအပ်မလဲ DMEESW- အိမ်ဆောက်မယ်ဆိုရင် မြေယာရဲ့ မြေပုံလိုမယ်ပေါ့‌နော်၊ မြေယာမြေပုံကနေ အဆက်အစပ်ပေါ့ GP တို့ SP တို့ ရယ် နောက်ပြီးရင် အရောင်းအဝယ်စာချုပ် မိတ္တူပြီးရင် ဂရန်မိတ္တူလိုမယ်၊…

မေ ၂၂ ၊ ၂၀၂၆ CC (VOM) မန္တလေးတိုင်း၊ မြင်းခြံမြို့၊ အမှတ် ၄ ရပ်ကွက်၊ နယ်မြေ ၂ က နေအိမ်တခုရဲ့ မိလ္လာကန်ထဲမှာ အမျိုးသားနှစ်ယောက် အောက်ဆီဂျင်ပြတ်ပြီးသေဆုံးမှု ဒီကနေ့ မေ ၂၂ ရက်နေ့ မနက်ပိုင်း ၁၁ နာရီကျော်လောက်က ဖြစ်ပွားခဲ့တယ်လို့ သိရပါတယ်။ ဖြစ်စဥ်က မိလ္လာကန်အဟောင်းထဲကနေ မိလ္လာကန်အသစ်ထဲကို အပေါက်ဖောက်ပြီး လွှဲပြောင်းစဥ် မိလ္လာကန်အဟောင်းထဲကို ကျပြီး နှစ်ယောက်လုံးသေဆုံးခဲ့တာ ဖြစ်တယ်လို့ သိရပါတယ်။ ” ကျွန်တော်တို့ ရောက်တော့ တယောက်က အပေါ်ရောက်နေပြီ။ ဒါပေမယ့် အသက်မရှိတော့ဘူး ။ နောက်တယောက်က ၁၅ မိနစ်လောက်ကြာမှ ထပ်ဆယ်ယူနိုင်တယ်။.နှစ်ယောက်လုံး ဆုံးပါတယ်။ မိလ္လာကန်အဟောင်းကပြည့်လို့ ကန်အသစ်ထဲကို အပေါက်ဖောက်ပြီး ထည့်တာမှာ ကျပြီး ကန်အဟောင်းထဲကျပြီး အောက်ဆီဂျင်ပြတ်သေဆုံးတာလို့ သိရတယ်။ သေတဲ့သူတွေက အလုပ်သမားတွေပါ…