Day: October 23, 2025

အောက်တိုဘာ ၂၃၊ ၂၀၂၅ GG (VOM) မန္တလေးတိုင်း၊ အမရပူရမြိုနယ်၊မြစ်ငယ်မြို့ အ.ထ.က ကျောင်းမှာ ဓားထိုးမှုဖြစ်ပွားပြီး ကျောင်းသူနှစ်ယောက်နဲ့ ကျောင်းသားတယောက်တို့ ထိခိုက်ဒဏ်ရာရရှိပြီး ဆေးရုံမှာကုသမှုခံယူနေရတယ်လို့ ဒေသခံတွေဆီကသိရပါတယ်။ ဓားထိုးခံရမှုကြောင့် ထိခိုက်ဒဏ်ရာရရှိသူတွေက Grade 11 ကျောင်းသား ကျောင်းသူတွေဖြစ်တဲ့ မစုမြတ်နိုးဦး ၊ မရွှေစင်ငြိမ်း ၊မောင်မျိုးမင်းထွန်းဆိုသူတို့ဖြစ်တယ်လို့သိရပါတယ်။ ” ဖြစ်တာက ကျောင်းသားအချင်းချင်းတော့မဟုတ်ဘူး။ ကျောင်းသူတယောက်ရဲ့အမက သူ့ညီမကို အအေးဘူးပေးမယ်ဆိုပြီး ကျောင်းထဲဝင်ပြီး လုပ်သွားတာလို့သိရတယ်။အဲဒါကို တခြားကျောင်းသူတွေက ဝင်ဆွဲတာမှာ ဒဏ်ရာရကုန်တာ။ဓားနဲ့လည်ပင်းထိုးခံရတဲ့တယောက်ကတော့ ပြင်းတယ်သိရတယ်။” လို့ ဒေသခံကပြောပါတယ်။ ဓားထိုးမှုမှာ လည်ပင်းထိုးသွင်းဒဏ်ရာ လက်ခုံနဲ့ လည်ပင်း ပြတ်ရှဒဏ်ရာတွေရရှိခဲ့ပြီး ကျောင်းသားတွေကို ဆေးခန်းမှတဆင့် ဆေးရုံကို မြစ်ငယ်ကြက်ခြေနီအသင်းခွဲမှ အရေးပေါ်ပို့ဆောင်ခဲ့ရတာဖြစ်တယ်လို့သိရပါတယ်။ ဖြစ်စဥ်အခြေအနေအသေးစိတ် ကို ကူညီကယ်ဆယ်ရေးသွားရောက်ခဲ့တဲ့ မြစ်ငယ်ကြက်ခြေနီအသင်းခွဲကိုဖုန်းနဲ့ဆက်သွယ်မေးမြန်းခဲ့ရာ ဖြစ်စဥ်မှန်ကြောင်းပြောဆိုပေမယ့် အသေးစိတ်အခြေအနေကို ဖြေဆိုဖို့အဆင်မပြေကြောင်း ငြင်းဆိုခဲ့ပါတယ်။ ခုလို ကျောင်းဝန်းထဲ ဓားထိုးမှုဖြစ်ပွားတဲ့အပေါ်…

အောက်တိုဘာ ၂၃၊ ၂၀၂၅ GG (VOM) ထိုင်း-မြန်မာနယ်စပ် ၊ ကရင်ပြည်နယ် ၊ မြဝတီမြို့၊ မယ်ထော်သလေးကျေးရွာအနီးမှာရှိတဲ့ တရုတ်နိုင်ငံသားတွေဦးစီးလုပ်ကိုင်နေတဲ့ ကျားဖြန့် ( ငွေလိမ်ဂိုဏ်း) AA အလုပ်ဆိုက်ကနေ မြဝတီမြို့ ကို ထွက်ပြေးလာသူတွေ ဒီကနေ့ အောက်တိုဘာ ၂၃ ရက်နေ့အထိ အများအပြားရှိနေတယ် လို့ မြို့ခံတွေ ဆီကသိရပါတယ်။ ကျားဖြန့်ငွေလိမ်ဂိုဏ်းတွေကနေ ထွက်ပြေးလာသူတွေထဲက ခေါင်းဆောင်ပိုင်းတွေကိုတော့ BGF က ကားတွေနဲ့ ခေါ်ဆောင်ကာ ပို့ဆောင်ပေးတာမျိုးရှိ ပြီး ကျန်တဲ့သူတွေကတော့ AA ဆိုက်ကနေ မြဝတီအထိ အဝတ်အစားအထုတ်ကိုယ်စီနဲ့လမ်းလျှောက်လာကြတာရှိသလို ဆိုင်ကယ်ငှားရမ်းပြီးလာရောက်ကြတာမျိုးလည်းတွေ့ရတယ်လို့ဆိုပါတယ်။ ကျားဖြန့်လုပ်ကိုင်သူတွေဟာ မနေ့က အောက်တိုဘာ ၂၂ ရက်နေ့ မနက်ပိုင်းကတည်းက ထွက်ပြေးလာကြတာဖြစ်ကြောင်း ၊ လက်ရှိအထိ ကျားဖြန့်ဂိုဏ်းက ထွက်ပြေးလာ သူတွေကို အစိုးရဘက်က ခေါ်ယူထိန်းသိမ်းပြီး အရင်လို နိုင်ငံချင်းချိတ်ဆက်ပြီး သက်ဆိုင်ရာနိုင်ငံကို…

အောက်တိုဘာ ၂၃ -၂၀၂၅ KKL (VOM ) ဧရာဝတီတိုင်း ကြံခင်းမြို့နယ် တလိုင်းကွင်းကျေးရွာအုပ်စု အုပ်ချုပ်ရေးမှူးဖြစ်တဲ့ အသက် ၇၂ နှစ်အရွယ် ဦးတင်လှဟာ အောက်တိုဘာ ၁၉ ရက်က မန္တလေးတိုင်း မြင်းခြံမြို့ကနေ ​နေရပ်ကို ခရီးသည်တင် မော်တော်ယာဉ်နဲ့ ပြန်အလာ ကျောက်ပန်းတောင်းမြို့နယ် ဆိတ္တိန်းကျေးရွာအနီး အရောက်မှာလက်နက်ကိုင်အဖွဲ့တခုကဖမ်းဆီးသွားတာလို့ ​ဆွေမျိုးနီးစပ်သူဆီက သိရပါတယ်။ ”အလုပ်ကိစ္စနဲ့ ခရီးသွားရင်းအဖမ်းခံရတာလို့ သိရပါ တယ်။ မော်တော်ယာဉ်တွေကို တားဆီးစစ်ဆေးနေတဲ့ လက်နက်ကိုင်အဖွဲ့က အုပ်ချုပ်ရေးမှူး ဦးတင်လှကိုဖမ်းဆီးခေါ် ဆောင်သွားတာ ဒီနေ့အထိအဆက်သွယ် ပြတ်နေတယ်။”လို့ အဖမ်းခံရတဲ့သူနဲ့ နီးစပ်သူ တယောက်ကပြောပါတယ်။ အဲ့ဒီ ကျေးရွာအုပ်ချုပ်ရေးမှူး လက်နက်ကိုင် အဖွဲ့ရဲ့ ဖမ်းဆီးခံထားရတဲ့ဖြစ်စဉ်နဲ့ ပတ်သက်ပြီး သက်ဆိုင်ရာလုံခြုံရေးတပ်ဖွဲ့ဝင်တွေက စုံစမ်း စစ်ဆေးရှာဖွေနေတယ်လို့သိရပါတယ်။ ”ဖြစ်စဉ်ကို အသေးစိတ်ကို သက်ဆိုင်ရာက စစ်ဆေးနေပါတယ်။ လက်နက်ကိုင်အဖွဲ့က ၆ ယောက်လောက်က ယာဉ်တွေကိုတားစီးစစ်ဆေးနေပြီးဖမ်းသွားတာလို့သိရပါတယ်။”လို့…

အောက်တိုဘာ ၂၃ ၊ ၂၀၂၅ CC (VOM) တနင်္သာရီတိုင်း၊ မြိတ်ခရိုင် ၊ ပုလောမြို့မှာ ဒီကနေ့ အောက်တိုဘာ ၂၃ ရက်နေ့မနက်ပိုင်းက ရပ်ကွက်အုပ်ချုပ်ရေးမှူးနဲ့ လုံခြုံရေးတပ်ဖွဲ့ဝင်တယောက် ပစ်ခတ်ခံရပြီး သေဆုံးမှုဖြစ်ပွားခဲ့တယ်လို့ ဒေသခံတွေဆီကသိရပါတယ်။ ဖြစ်စဥ်က မနက် ၈ နာရီလောက်မှာ အမှတ် ၄ ရပ်ကွက် အုပ်ချုပ်ရေးမှူးနဲ့ လုံခြုံရေးတပ်ဖွဲ့ဝင်တို့ နှစ်ယောက်ဟာ ကျောက်စုဂိတ်ကနေ ပြန်လာချိန် အ.မ.က ၈ ကျောင်းနားအရောက်မှာ သေနတ်နဲ့ ပစ် သတ်ခံခဲ့ရတာဖြစ်တယ်လို့ သိရပါတယ်။ ” ဖြစ်စဥ်ကဟုတ်တယ်။အုပ်ချုပ်ရေးမှူးက ဦးစိုးဝေ၊ နောက်တယောက်က စစ်သားလို့သိရတယ်။အဲဒီဘက် ဘယ်သူမှမသွားရဲဘူး။ လူလည်း နည်းနည်းအသွားအလာကြဲတယ်။ဖြစ်ပြီးမှသိရတာပါ။သက်ဆိုင်ရာက လာစစ်ပြီး အလောင်းတွေသယ်သွားတယ်။ကျောင်းဘက်လည်းပေါက်ကွဲမှုရှိပေမယ့်ကလေးတွေတော့ဘာမှမဖြစ်ဘူးကြားတယ် ။ အဲဒီကျောင်းက မဲရုံလုပ်မယ့်အထဲပါတယ်။” လို့ ဒေသခံကပြောပါတယ်။ ပစ်ခတ်မှုဖြစ်ပွားခဲ့တဲ့ အ.မ.က ၈ အနီး လေယာဥ်ကွင်းလမ်းဆုံတဝိုက်ကို လုံခြုံးရေးတပ်ဖွဲ့က စစ်ဆေးမှုတွေပြုလုပ်နေပြီး…

အောက်တိုဘာ ၂၂ ၊ ၂၀၂၅ CC (VOM) မန္တလေးတိုင်း ၊သပိတ်ကျင်းမြို့နယ်ထဲက ဇရပ်ကွင်းရွာမှာ အောက်တိုဘာ ၂၁ ရက်နေ့ ညနေပိုင်းက ဒရုန်းဗုံး ကြဲခံရပြီး ငါးယောက်သေဆုံးကာ ထိခိုက်ဒဏ်ရာရသူ တွေရှိခဲ့တယ်လို့ သိရပါတယ်။ ညနေ ၆ နာရီလောက်မှာ ဇရပ်ကွင်းရွာရှိ ရွာလယ်တံတားအနီးကို ဗုံးကျရောက်ပေါက်ကွဲခဲ့တာဖြစ်ကြောင်း သေဆုံးသူတွေထဲမှာ ကလေးတယောက်ပါတယ်လို့ ကနဦးသိရပါတယ်။ ” အခုသိရသလောက်ဆိုရင် သေတာက မိန်းကလေးနှစ်ယောက်၊ယောကျ်ားလေးနှစ်ယောက်နဲ့ လသားအရွယ်ကလေးတယောက်ပါ။နေရာမှာပွဲချင်းပြီးဆုံးတယ်သိရတယ်။ဒဏ်ရာရသူကလည်းများတယ်။ ခုသိရသလောက် ငါးယောက်ကျော်တယ်သိရတယ်။ ဇရပ်ကွင်းက ဖော့တောလမ်းဆုံနဲ့နီးတယ်လေ။” လို့ စစ်ရှောင်ကူညီနေသူ တယောက်က ပြောပါတယ်။ ထိခိုက်ဒဏ်ရာရရှိသူတွေကို ကယ်ထုတ်ပြီး ဆေးဝါးကုသနိုင်ဖို့ ညတွင်းချင်း လုပ်ဆောင်နေကြောင်း ၊ ဒရုန်းတိုက်ခိုက်မှုတွေက ညပိုင်းအထိဆက်ရှိနေတယ်လို့သိရပါတယ်။ ဇရပ်ကွင်းရွာဟာ ဖော့တောလမ်းဆုံနဲ့နီးကြောင်း ၊ ဖော့တောလမ်းဆုံကတော့ မကြာသေးမီးကမှ အစိုးရတပ်တွေ ပြန်လည်ထိန်းချုပ်ထားတာ ဖြစ်တဲ့အတွက် ဇရပ်ကွင်းရွာကို ဆက်လက်သိမ်းပိုက်နိုင်ဖို့ ထိုးစစ်ဆင်…