ဇွန် ၅ – ၂၀၂၆ SN (VOM) တပ်မ (၃၃) အခြေစိုက်တဲ့ စစ်ကိုင်းတိုင်း၊ စစ်ကိုင်းမြို့ပေါ် က လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန (လဝက) ရုံးအတွင်းမှာ ဒီကနေ့ ဇွန် ၅ ရက်၊ မနက် ၁၀ နာရီခွဲဝန်းကျင်က ဗုံးပေါက်ကွဲမှု ဖြစ်ပွားခဲ့ပြီး အယောက် ၂၀ ဒဏ်ရာ ရရှိခဲ့တယ်လို့ ဒေသခံတယောက်က ပြောပါတယ်။ ဖြစ်စဉ်အတွင်း လဝကဝန်ထမ်း အမျိုးသား သုံးယောက်၊ အမျိုးသမီး သုံးယောက်၊ ပြည်သူ အမျိုးသား ၂ယောက်၊ အမျိုးသမီး ‌၁၂ ယောက်၊ စုစုပေါင်း အယောက်၂၀ ဒဏ်ရာတွေ ရရှိခဲ့တယ်လို့ သိရပါတယ်။ “ဗုံးက သက်ဆိုင်ရာအဖွဲ့တွေ သုံးသပ်တာတော့ ချိန်ကိုက်ဗုံးလို့ သုံးသပ်တာပေါ့နော်။ ဗုံးက စားပွဲခုံတခုံအောက်ကနေ စပြီး ကွဲတယ်လို့ သိရတယ်။ ဖြစ်တဲ့အချိန်က မနက်…

မုံရွာ -ဇွန်-၅-၂၀၂၆ MW(VOM) တတိယအကြိမ် စစ်ကိုင်းတိုင်းဒေသကြီးလွတ်တော် ဒုတိယပုံမှန်အစည်းအဝေး ဒုတိယနေ့ကို ဇွန်လ ၅ ရက် မနက်က မုံရွာမြို့စစ်ကိုင်းတိုင်းဒေသကြီးလွတ်တော်မှာ ကျင်းပရာမှာ ကြယ်ပွင့်ပြမေးခွန်း ၇ ခုနဲ့ တိုက်တွန်းကြောင်း အဆို ၁ ခုတင်သွင်းခဲ့ပါတယ်။ မုံရွာမြို့က ပျက်ဆီးနေတဲ့ ရပ်ကျေးအုပ်ချုပ်ရေးရုံးတွေ ပြန်လည်ပြုပြင်ပြီး ရုံးခန်းတွေပြန်ဖွင့်နိုင်ဖို့ အစီအစဥ်ရှိမရှိမေးခွန်းကို မုံရွာမြို့နယ်အမှတ် ၂ တိုင်းဒေသကြီးလွှတ်တော်ကိုယ်စားလှယ်ဒေါ်ကြူကြူစိန်ကမေးမြန်းတဲ့အခါ လုံခြုံရေးနဲ့နယ်စပ်ရေးရာဝန် ကြီး ဗိုလ်မှုးကြီး ဝင်းတင်စိုးက ဖြေကြားခဲ့တာပါ။ “ပြုပြင်ဖို့ရုံး ၉ရုံး အကြမ်းဖက်အဖွဲ့မီးရှိုခံရတဲ့ရုံး၁ရုံး ကိုယ်ထူကိုယ်ထရုံး၁ရုံးကို ၂၀၂၆-၂၀၂၇ ဘဏ္ဍာရေးနှစ် ဖြည့်စွက်ရန်ပုံငွေမှာတောင်းခံပြီး ရရှိရင်အမြန်ပြီးအောင် ဆောင်ရွက်မှာဖြစ်ပါတယ်။ ဘဏ္ဍာငွေမရရင် ၂၀၂၇-၂၀၂၈ ဘဏ္ဍာရေးနှစ်မှာ ဘဏ္ဍာငွေလျာထားဆောင်ရွက်သွားမှာဖြစ်ပါတယ်။ ဥပစာသန့်ရှင်းရေးဆောင်ရွက်ရမယ့် သလ္လာရပ်ကွက်အုပ်ချုပ်ရေးမှုးရုံးကို ၂၀၂၆ ခုနှစ်ဇွန်လ၁ရက်နေ့က အပြီးဆောင်ရွက်ခဲ့ပြီဖြစ်ပါတယ်။ လုံခြုံရေး အခြေအနေအရ ဖွင့်လှစ်နိုင်ခြင်းမရှိတဲ့ ရုံးကိုတော့နယ်မြေတည်ငြိမ်အေးချမ်းရင် ပြန်လည်ဖွင့်လှစ်သွားမှာဖြစ်ပါတယ်။”လို့ လုံနယ်ဝန်ကြီးကဖြေပါတယ်။ မုံရွာမြို့ဟာ စစ်ကိုင်းတိုင်းဒေသကြီးရဲ့…

နေပြည်တော် ဇွန် ၅ – ၂၀၂၆ KKL(VOM) ATR 72-600 လေယဥ်ဆင်းသက်နိုင်အောင်ရခိုင်ပြည်နယ် မာန်အောင်မြို့နယ်ထဲမှာရှိတဲ့ စမုံတဲ လေယဥ်ကွင်း အဆင့်မြှင့်တင်တဲ့လုပ်ငန်းကို၂၀၂၇-၂၀၂၈ မှာစတင်ဆောင်ရွက်သွားမယ်လို့ ပို့ဆောင်ရေးဝန်ကြီးဌာန ဒုတိယဝန်ကြီး ဦးထွန်းလှ ကပြောပါတယ်။ ဒီကနေ့ နေ့လယ်က ပြုလုပ်ခဲ့တဲ့ တတိယအကြိမ် ပြည်သူ့လွှတ်တော် ဒုတိယ ပုံမှန်အစည်းအဝေး တတိယနေ့မှာ မန်အောင်မြို့နယ် ပြည်သူ့လွှတ်တော်ကိုယ်စားလှယ် ဦးကျော်သန်း မေးမြန်းတဲ့ မာန်အောင်မြို့နယ်၊ စမုံတဲ လေယာဉ်ကွင်းကို တိုးချဲ့ဆောက် ပေးရန် အစီအစစဉ် ရှိ/မရှိနဲ့ တိုးချဲ့ဆောက်လုပ်ပေးမယ်ဆိုရင် မည်သည့် ဘဏ္ဍာနှစ်မှာ တည်ဆောက်ပေးမည်ကို သိရှိလိုတဲ့ အပေါ် ပို့ဆောင်ရေးဝန်ကြီးဌာန၊ ဒုတိယဝန်ကြီး က ပြန်လည် ဖြေကြားခဲ့မှုအရ သိရတာ ဖြစ်ပါတယ်။ စမုံတဲ လေယဥ်ကွင်းတိုးချဲ့ဆောင်ရွက်ဖို့ လက်ရှိလေယာဉ်ပြေးလမ်းကို ၄၅၀၀ x ၁၀၀ ပေကနေ ပြေးလမ်းတောင်ဘက်ကို ၁၅၀၀x၁၀၀ ပေ…

မန္တလေး၊ ဇွန်- ၄- ၂၀၂၆ SA(VOM) မန္တလေး၊ ပုလိပ်၊ တံတားဦး လမ်းပိုင်း ကို မီးရထား (သို့မဟုတ်) ကားရထား ပြေးဆွဲပေးနိုင်ဖို့ အစီအစဥ်ရှိ မရှိ ကို မြစ်သားမြို့နယ်၊ ကိုယ်စားလှယ်အမှတ် ၂၊ တိုင်းဒေသကြီးလွှတ်တော်ကိုယ်စားလှယ် ဒေါ်လဲ့လဲ့ဝင်း က ဒီကနေ့ ကျင်းပတဲ့ တတိယအကြိမ် မန္တလေးတိုင်းဒေသကြီးလွှတ်တော် ဒုတိယပုံမှန်အစည်း အဝေး (ဒုတိယနေ့)မှာ လွှတ်တော်ဥက္ကဋ္ဌက တဆင့် သက်ဆိုင်ရာ တိုင်းဒေသကြီးအစိုးရအဖွဲ့ကို မေးမြန်းခဲ့တာဖြစ်ပါတယ်။ ” တံတားဦးမြို့ အနီး အမြန်လမ်းပေါ်က မိုင်တိုင်(၃၅၈)အနီးမှာရှိတဲ့ ဒုတ္ထဝတီမြစ်ကူးတံတားမှာ မြေငလျင်လှုပ်စဉ်က ပြိုကျပျက်စီးသွားသဖြင့် ပြုပြင်နေဆဲဖြစ်ပါတယ်။သို့ပါ၍ တံတားဦးမြို့နယ်ရှိ ဒေသခံများမှာ ပလိပ်၊မြစ်ငယ်ဘက်မှ ပတ်၍ သွားရပါတယ်။ တံတားဦးမှ မန္တလေးသို့ ဆိုင်ကယ်ဖြင့်သွားမည်ဆိုပါက ယခင်အမြန်လမ်းမှ သွားလျှင် တစ်နာရီကြာမောင်းရ၍ ယခုမြစ်ငယ်လမ်းမှ သွားလျှင် နှစ်နာရီကြာမောင်းနေရပါတယ်။ဆီဈေးကြီးချိန်ဖြစ်၍ တံတားဦးမှ မန္တလေးသို့…

ဇွန် ၄-၂၀၂၆ KKA (VOM) ကချင်ပြည်နယ်၊ မြစ်ကြီးနားမြို့ရှိ ယာယီတိမ်းရှောင်စခန်းကို ရောက်ရှိခိုလှုံနေတဲ့ ပြည်သူများအနေနဲ့ စိတ်ပျက်အားငယ်မှု မရှိကြရန်နဲ့ လိုအပ်ချက်များကို ပြည်နယ်အစိုးရက အချိန်နဲ့တပြေးညီ အတတ်နိုင်ဆုံး ဖြည့်ဆည်းပေးသွားမယ်လို့ ကချင်ပြည်နယ်ဝန်ကြီးချုပ် ဦးခက်ထိန်နန်က ပြောကြားလိုက်ပါတယ်။ ဇွန်လ (၂) ရက် ညနေပိုင်းက မြစ်ကြီးနားမြို့၊ မန်ခိန်ရပ်ကွက်၊ ဦးမော်ရာဟူးခြံအတွင်းရှိ ယာယီတိမ်းရှောင်စခန်းကို သွားရောက် လှူဒါန်းထောက်ပံ့မှုများ ပြုလုပ်အပြီးမှာ ပြည်နယ်ဝန်ကြီးချုပ်က အထက်ပါအတိုင်း ထည့်သွင်းပြောကြားခဲ့တာလည်းဖြစ်ပါတယ်။ ” စခန်းရှိ ပြည်သူများအနေနဲ့ စိတ်ပျက်အားငယ်မှု မရှိကြဖို့၊ မိုးရာသီကာလဖြစ်လို့ ကျန်းမာရေးကို အထူးဂရုစိုက်ကြဖို့နဲ့လိုအပ်ချက်‌ေတွရှိပါက အချိန်နှင့်တစ်ပြေးညီ တင်ပြပေးကြဖို့၊ ပြည်နယ်အစိုးရအဖွဲ့အနေနဲ့ကလည်း အတတ်နိုင်ဆုံး ဖြည့်ဆည်းဆောင်ရွက်ပေးသွားမယ်”လို့ ဝန်ကြီးချုပ်က ပြောကြားခဲ့တာပါ။ အဲဒီ ယာယီတိမ်းရှောင်စခန်းမှာ ဝိုင်းမော်မြို့နယ်၊ သာဂရကျေးရွာက ရွှေ့ပြောင်းတိမ်းရှောင်လာရတဲ့အိမ်ထောင်စု (၃၄၁) စု ခိုလှုံနေထိုင်လျက်ရှိပြီး ဝန်ကြီးချုပ်နှင့်အဖွဲ့က တစ်အိမ်ထောင်လျှင် (၂၄) ပြည်ပါ…

မုံရွာ-ဇွန်-၄-၂၀၂၆ MW(VOM) တတိယအကြိမ် စစ်ကိုင်းတိုင်းဒေသကြီးလွှတ်တော်ရဲ့ ဒုတိယပုံမှန်အစည်းအဝေး ပထမနေ့ကို ဇွန်လ၄ရက် နံနက်၁၀နာရီက မုံရွာမြို့စစ်ကိုင်းတိုင်းဒေသကြီးလွှတ်တော်မှာ မေးခွန်းတွေ အဖြေတွေနဲ့ ပြန်လည်အသက်ဝင်ခဲ့ပြီဖြစ်ပါတယ်။ ဒီ​နေ့ အစည်းအဝေးကို လွတ်တော်ဥက္ကဌဦးတင့်လှိုင်မြင့်၊ ဒုဥက္ကဌဦးမျိုးသန့်၊နဲ့ တိုင်းဒေသကြီးလွှတ်တော်ကိုယ်စားလှယ်တွေ၊ စစ်ကိုင်းတိုင်းဒေသကြီးအစိုးရဝန်ကြီးချုပ် ဦးကို​လေးနဲ့ဝန်ကြီးတွေ လာရောက်လေ့လာကြတဲ့ မုံရွာစီးပွားရေးတက္ကသိုလ်က ပါမောက္ခချုပ်၊ ပါမောက္ခနဲ့ ကျောင်းသား၊ကျောင်းသူတွေ၊ မုံရွာမြို့ရပ်ကွက်အုပ်ချုပ်ရေးမှုးတွေတက်ရောက်ကြပါတယ်။ အစည်းအဝေးမှာ ခန္တီး၊ မြင်းမူ၊ တမူး၊ ဘုတလင်၊ မော်လိုက်၊ မင်းကင်း၊ မုံရွာ၊ အရာတော်နဲ့ ကနီမြို့နယ် တိုင်းဒေသကြီးလွှတ်တော်ကိုယ်စားလှယ်တွေက ကြယ်ပွင့်ပြမေးခွန်း ၁၀ခုမေးမြန်းကြရာမှာ စစ်ကိုင်းတိုင်းဒေသကြီးအစိုးရဝန်ကြီးတွေက ဖြေကြားခဲ့ကြပါတယ်။ ချင်းတွင်းမြစ်အထက်ပိုင်းမှာရှိတဲ့ အဆင်ခြင်မဲ့ရွှေတူးဖော်မှုလုပ်ငန်း​တွေကြောင့်မြစ်ကြောင်းပျက်ဆီးတာ ပြဒါးညစ်ညမ်းတာနဲ့ ဆိုင်ယာနိုက်ဓာတုပစ္စည်းတွေရဲ့ ဘေးအန္တရာယ်တွေက ကာကွယ်တားဆီးနိုင်ရေး တိုက်တွန်းကြောင်းအဆိုကို မော်လိုက်မြို့နယ်အမှတ်၁လွတ်တော်ကိုယ်စားလှယ်ဒေါ်စန္ဒာသိန်းကအစည်းအဝေးကို တင်သွင်းရာမှာ ဖောင်းပြင်မြို့နယ်အမှတ်၁ တိုင်းဒေသကြီးကိုယ်စားလှယ်ဦးတင်မင်းထွဋ်က ထောက်ခံဆွေးနွေးခဲ့ပါတယ်။ တင်သွင်းလာသောအဆိုကို လွှတ်တော်က လက်ခံဆွေးနွေးဖို့ သင့် ၊မသင့်လွှတ်တော်ကိုယ်စားလှယ်တွေထံ အဆုံးအဖြတ်ရယူရာမှာ လက်ခံဆွေးနွေးသင့်ကြောင်း အားလုံးကဆုံးဖြတ်ကြတဲ့အတွက်…