သြဂုတ် ၂၄ ၊၂၀၂၆ GG (VOM) AA ထိန်းချုပ်ထားတဲ့ ချင်းပြည်နယ် ၊ ပလက်ဝမြို့နယ်ထဲက စိမ်းစင်းဝကျေးရွာမှာ ဒီကနေ့ ဩဂုတ် ၂၄ ရက်နေ့ မနက်ပိုင်းက လေကြောင်းကနေဗုံးကြဲ တိုက်ခိုက်ခံရပြီး လူငါးယောက်သေဆုံးကာ ၁၇ ယောက်ထိခိုက်ဒဏ်ရာ ရရှိခဲ့တယ်လို့သိရပါတယ်။ ဒီကနေ့ မနက် ၁၁နာရီကျော်လောက်မှာ လေကြောင်းကနေတိုက်ခိုက်ခံခဲ့ရတာ ဖြစ်ပြီး လက်ရှိမှာ ဒဏ်ရာရရှိသူတွေကို ဆေးကုသမှု ပေးနေတယ်လို့ သိရပါတယ် ။ ” လေကြောင်းကနေ သုံးကြိမ်ကြဲသွားတာလို့သိရတယ်။ ဒဏ်ရာရတဲ့သူတွေထဲမှာတော့ ပြင်းထန်တဲ့သူ မပါဘူးလို့တော့ ကနဦးသိရတယ်။စိမ်းစင်းရွာက ပလက်ဝမြို့နဲ့ဆိုရင်နှစ်မိုင်သုံးမိုင်လောက်ပဲဝေးတယ်။ ” လို့ စစ်ရေးသတင်းရင်းမြစ်က ပြောပါတယ်။ သေဆုံးသူတွေနဲ့ ဒဏ်ရာရသူတွေထဲမှာ အမျိုးသား ၊ အမျိုးသမီး တွေအပြင် ကလေးတွေလည်း ပါတာကို ဒေသတွင်း သတင်းတွေရဲ့ ဓာတ်ပုံဖော်ပြချက်အရသိရပါတယ်။ အဆိုပါ ပလက်ဝမြို့နယ် ၊ စိမ်းစင်းဝရွာ…

ဩဂုတ် ၂၅ ၊ ၂၀၂၆ GG (VOM) ထိုင်းနိုင်ငံတောင်ပိုင်းရှိ ပတ္တနီ၊ ယာလာ နဲ့ နရာသီဝပ် ပြည်နယ်တွေမှာ အကြမ်းဖက်တိုက်ခိုက်မှုတွေ ဖြစ်နေတာကြောင့် အဲဒီဒေသက မြန်မာနိုင်ငံသားတွေအနေနဲ့ မသက်ဆိုင်တဲ့ လူစုလူဝေးမှာ ပါဝင်ပတ်သက်မှုမလုပ်ဖို့နဲ့ လုံခြုံရေး အထူးဂရုပြု နေထိုင်သွားလာဖို့ ဘန်ကောက် ၊မြန်မာသံရုံးက သတိပေး ထုတ်ပြန်ပါတယ်။ တကယ်လို့ အကြောင်း တစုံတရာ ပေါ်ပေါက်လာပါက မြန်မာသံရုံးနဲ့ အလုပ်သမားသံအရာရှိရုံးကို ဆက်သွယ် အကြောင်းကြားဖို့ ဩဂုတ် ၂၄ ရက်မှာ အသိပေးခဲ့တာ ဖြစ်ပါတယ်။ ” အကြမ်းဖက်မှုတွေဖြစ်တဲ့နေရာထဲက ယာလာနဲ့ နရာသီဝပ်က ထိုင်းနဲ့မလေးရှားနယ်စပ် နေရာတွေပါ ။ ဒီအကြမ်းဖက်မှုတွေနဲ့ပတ်သက်လို့ ထိုင်းအာဏာပိုင်တွေကလည်း လုံခြုံရေးတိုးမြှင့်လုပ်နေတယ်။ အဲဒီပြည်နယ်တွေမှာက မြန်မာလုပ်သားရှိတော့ရှိပေမယ့် တအားမများဘူး။ ဆောက်လုပ်ရေးရှိမယ်။ ရေလုပ်ငန်းရှိမယ်။ ကျန်တဲ့အထွေထွေအလုပ်ရှိမယ်။ ဘာပဲ ဖြစ်ဖြစ် အဲဒီဒေသမှာ လုပ်ကိုင်နေတဲ့ မြန်မာတွေအနေနဲ့…

မန္တလေး၊ သြဂုတ်- ၂၂- ၂၀၂၆ SA(VOM) မန္တလေးမြို့၊ ချမ်းအေးသာစံမြို့နယ်အတွင်းက မန္တလေးပြည်သူ့ဆေးရုံကြီးကနေ အဲကွန်း ၁၇ လုံး(၄၅၈ သိန်းတန်ဖိုး) ဖြုတ်ခိုးခဲ့တဲ့သူတွေကို ဖမ်းဆီးရမိခဲ့တယ်လို့ မန္တလေးတိုင်းရဲတပ်ဖွဲ့ကနေ သိရပါတယ်။ မန္တလေးပြည်သူ့ဆေးရုံကြီးအတွင်းမှာရှိတဲ့ အရေးပေါ်ဌာန၊ ပင်မဓာတ်မှန်ဌာန၊ အရေးပေါ်ဌာန ယာယီစာသင်ခန်း၊ ပင်မ ခွဲစိတ် ခန်း စတဲ့ ဌာနအသီးသီးက အဲကွန်း ၁၇ လုံး ပျောက်ဆုံးမှုဖြစ်ပွားခဲ့လို့ ချမ်းအေးသာစံမြို့နယ် အမှတ် (၈) ရဲစ ခန်းမှာ တာ ဝန်ရှိသူတွေက သြဂုတ် ၆ ရက်နေ့မှာ အမှုဖွင့်တိုင်ကြားခဲ့တာဖြစ်တယ်လို့သိရပါတယ်။ အရေးပေါ်နှင့် ပြင်ပလူနာဌာနရှိ Mitzubishi (5HP)ceiling casstte Type အမျိုးအစား အဲကွန်း(၂)လုံး၊ တန်ဖိုးသိန်း (၁၆၀)ကျပ်ခန့်၊ Mitzubishi (2HP)အမျိုးအစား အဲကွန်း(၁) လုံး၊ တန်ဖိုးသိန်း(၂၀)ကျပ်ခန့်၊ Mitzu-bishi/ Hitashi/ Sakura/ general(1.5…

ဩဂုတ် ၂၂ ၊ ၂၀၂၆ GG (VOM) ရခိုင်ပြည်နယ် ၊ သံတွဲမြို့နယ်ထဲက ငပလီမြို့ နဲ့ ဂွမြို့နယ်မှာ လေကြောင်းတိုက်ခိုက်ခံရပြီး တယောက်သေဆုံးကာ ၂၂ ယောက် ထိခိုက်ဒဏ်ရာရခဲ့တယ်လို့ သိရပါတယ် ။ ဩဂုတ် ၂၁ ရက်နေ့ တရက်တည်းမှာ လေကြောင်းတိုက်ခိုက်ခံခဲ့ရတာ ဖြစ်ပြီး ငပလီကို မနက်အစောပိုင်း ၂ နာရီလောက်မှာ ဗုံးကြဲတိုက်ခိုက်ခဲ့ပြီး ဂွမြို့နယ်ကိုတော့ မနက်ပိုင်း ၅ နာရီလောက်မှာ ဗုံးကြဲတိုက်ခိုက်ခဲ့တာ ဖြစ်တယ်လို့ သိရပါတယ် ။ အဲဒီတိုက်ခိုက်မှုမှာ ငပလီမြို့က တယောက်သေပြီး ၁၄ ယောက်ထိခိုက်ဒဏ်ရာရရှိခဲ့ကာ ဂွမြို့နယ် ၊ ညောင်ချောင်းရွာက ခုနှစ်ယောက် ထိခိုက်ဒဏ်ရာ ရရှိခဲ့တာဖြစ်ပါတယ်။ ” ဗုံးအလုံးရေတော်တော်များများကြဲသွားတာ ။ သိရသလောက်ဆို ငပလီဘက်မှာ အဆောက်အဦတွေလည်း တော်တော်ကို ရစရာမရှိအောင် ပျက်စီးကုန်ပြီသိရတယ်။ လူသေဆုံးတာအပြင် အိမ်တွေလည်းပျက်စီးခဲ့တယ်…