ဖေဖော်ဝါရီ ၁၉ – ၂၀၂၆ SN (VOM) စစ်ရေးတင်းမာမှုတွေ ရှိနေတဲ့ စစ်ကိုင်းတိုင်း၊ မုံရွာမြို့မှာ ဈေးဆိုင်ခန်းပေါင်း ၁၀၀ ကျော် ပါဝင်တဲ့ ညဈေး (Night Market) ကို ဖွင့်လှစ်သွားမှာ ဖြစ်တယ်လို့ တိုင်းဒေသကြီး အစိုးရအဖွဲ့က အသိပေးထားပါတယ်။ အပန်းဖြေလိုသူတွေ၊ ညဘက် စျေးဝယ်လိုသူတွေအတွက် ကန်သာယာညစျေးကို မြို့အရှေ့ဘက် ကန်သာယာ တောင်ဘက်ကွင်းထဲမှာ ၁၂ ပေပတ်လည်ရှိ စျေးဆိုင်ခန်းပေါင်း ၁၁၀ ခန်း တည်ဆောက်ကာ ဖွင့်လှစ်ပေးမှာဖြစ်ပြီး ဖျော်ဖြေရေး အစီအစဥ်တွေလည်း ပါဝင်တယ်လို့ သိရပါတယ်။ “နေ့ပိုင်း မအားလပ်သူတွေ၊ ဝန်ထမ်းတွေ၊ ညပိုင်း အပန်းဖြေလိုသူတွေအတွက် တေးသံသာတွေနဲ့အတူ ကန်သာယာရဲ့ ညရှုခင်းကို ခံစားရင်း လိုအပ်တဲ့ စားသောက်ကုန်တွေကို ဝယ်ယူနိုင်တော့မှာ ဖြစ်ပါတယ်” လို့ တိုင်းဒေသကြီး အစိုးရအဖွဲ့ရဲ့ အသိပေးချက်မှာ ဖော်ပြထားပါတယ်။ လက်ရှိ…

ဖေဖော်ဝါရီ ၁၈ – ၂၀၂၆ SN (VOM) စစ်ကိုင်းတိုင်း၊ ခင်ဦးမြို့နယ်မှာ မနေ့ ဖေဖော်ဝါရီ ၁၇ ရက်၊ ညပိုင်းက လေကြောင်းတိုက်ခိုက်မှု ဖြစ်ပွားခဲ့ပြီး သုံးယောက် သေဆုံးကာ ခြောက်ယောက် ဒဏ်ရာရရှိခဲ့တယ်လို့ ‌ဒေသခံတွေက ပြောပါတယ်။ ခင်ဦးမြို့နယ်၊ ညောင်ပင်ကြီးစုကျေးရွာမှာ မနေ့ ည ၁၀ နာရီဝန်းကျင်က လေကြောင်းတိုက်ခိုက်မှု ဖြစ်ပွားခဲ့တာဖြစ်ပြီး စာသင်ကျောင်း အဆောက်အအုံတွေနဲ့ နေအိမ် ငါးလုံးလည်း ထိခိုက် ပျက်စီးခဲ့တယ်လို့ သိရပါတယ်။ “တိုက်ခိုက်မှုက ည ၁၀ နာရီ ၂ မိနစ်လောက်ကနေစပြီး ၈ မိနစ်လောက်အထိ သုံးကြိမ်ဆက်တိုက်ဖြစ်တာ။ စာသင်ကျောင်း အဟောင်းပေါ် ကျတာပါ။ ကျောင်းထဲမှာ လူတော့ မရှိဘူး။ လမ်းပေါ်ကိုကျမှ လူထိသွားတာ။ သေဆုံး သုံးယောက်က နေရာမှာတင် ပွဲချင်းပြီးတယ်” လို့ ဒေသခံတယောက်က ပြောပါတယ်။…

ဖေဖော်ဝါရီ ၁၇၊ ၂၀၂၅။ NN(VOM) ရှမ်းပြည်တောင်ပိုင်း မိုင်းနောင်မြို့နဲ့ ရှမ်းပြည်မြောက်ပိုင်း မိုင်းရယ်မြို့နယ် အတွင်း အွန်လိုင်းငွေလိမ်လုပ်ငန်းကနေ ဖမ်းမိတဲ့ တရုတ်နိုင်ငံသား လေးရာကျော်ကို လားရှိုးအကျဉ်းထောင်ဆီ​ပြောင်းပြီး စစ်ဆေးနေတယ်လို့ အာဏာပိုင်တွေနဲ့ နီးစပ်သူတွေဆီက သိရပါတယ်။ ပြီးခဲ့တဲ့နှစ် နိုဝင်ဘာလတုန်းက ရှမ်းပြည်တောင်ပိုင်း မိုင်းနောင်မြို့နယ် နောင်တောင်ကျေးရွာမှာ အွန်လိုင်းငွေလိမ်လုပ်ငန်း လုပ်နေတဲ့ တရုတ်နိုင်ငံ သား ၂၆ ယောက်နဲ့ မြန်မာနိုင်ငံသား ရှစ်ယောက်ကို ဆက်စပ်ပစ္စည်းတွေနဲ့ အတူ ဖမ်းဆီးရမိခဲ့ပါတယ်။ အလားတူ မိုင်းရယ်မြို့နယ်၊ ဟိုက်ပုရွာမှာ အခုလဆန်းပိုင်းက အွန်လိုင်းငွေလိမ်လုပ်ငန်း လုပ်ကိုင်သူတွေကို အစိုးရတပ်က ဝင်ရောက်ဖမ်းဆီးချိန်မှာ တရုတ်နိုင်ငံသား အမျိုးသမီး ကိုးယောက်နဲ့ အမျိုးသား ၃၂၁ ယောက်ကို ဖမ်းမိခဲ့ပါတယ်။ ရှမ်းပြည်တောင်ပိုင်းနဲ့ မြောက်ပိုင်း မြို့နယ်တွေမှာ အွန်လိုင်းငွေလိမ်လုပ်ငန်းနဲ့ ဆက်စပ်ပြီး ဖမ်းမိတဲ့ တရုတ်နိုင်ငံသား အယောက် ၄၀၀ ကျော်အထိ ရှိခဲ့ပြီး…

ဖေဖော်ဝါရီ ၁၇ – ၂၀၂၆ SN (VOM) စိုက်ပျိုးရေးလုပ်ငန်း လုပ်ကိုင်နိုင်ဖို့အတွက် စစ်ကိုင်းတိုင်း၊ ကန့်ဘလူခရိုင်၊ ကျွန်းလှမြို့နယ်မှာ တည်ရှိတဲ့ သဖန်းဆိပ်ဆည်ကနေ လက်ရှိအချိန်အထိ ရေလွှတ်ပေးခြင်း မရှိသေးတာကြောင့် ဒုက္ခရောက်နေကြရတယ်လို့ ဒေသခံ တောင်သူတွေက ပြောပါတယ်။ သဖန်းဆိပ်ဆည်၊ ရေအားလျှပ်စစ်ရုံး အပါအဝင် အနီးဝန်းကျင်က ကျေးရွာတွေကို ပြီးခဲ့တဲ့ ၂၀၂၅ ခုနှစ်၊ နိုဝင်ဘာ လဆန်းပိုင်းကစပြီး ဒေသတွင်း လက်နက်ကိုင်တပ်တွေက ထိန်းချုပ်ထားတာ ဖြစ်တယ်လို့ သိရပါတယ်။ အဲဒီနောက် ဆည်အတွင်းကနေ စိုက်ပျိုးရေတွေ ထုတ်လွှတ်ပေးနိုင်ခြင်း မရှိအောင် တားမြစ်ထားတာကြောင့် သဖန်းဆိပ် ဆည်ရေသောက်ဖြစ်တဲ့ ကျွန်းလှ၊ ကန့်ဘလူ၊ ရေဦး၊ ခင်ဦး၊ ဒီပဲယင်းနဲ့ တန့်ဆည်မြို့နယ်က လယ်ဧက ငါးသိန်းဝန်းကျင်ဟာ စိုက်ပျိုးသီးနှံတွေ ပျက်စီးနေပြီ ဖြစ်တယ်လို့ သိရပါတယ်။ “အခုက ဘယ်လိုဖြစ်နေလဲ ဆိုတော့ ရေလွှတ်ဖို့ထက် ရွှေတူးဖို့ပဲ…