Day: May 28, 2024

ပို့မိုရက်ဘီ၊ မေ-၂၈-၂၀၂၄မျိုးဆက်(VOM)ပါပူဝါနယူးဂီနီမှာ ပြီးခဲ့တဲ့ရက်ပိုင်းကဖြစ်ပွားခဲ့တဲ့ မြေပြိုမှုကြောင့် လူ ၂၀၀၀ ကျော်သေဆုံးဖွယ်ရှိနေပြီး အပျက်အစီးတွေကြားမှာ အသက်ရှင်ကျန်ရစ်သူတွေကို တွေ့နိုင်ဖွယ်မရှိတော့ကြောင်း ကယ်ဆယ်ရေးသမားတွေက ပြောပါတယ်။မြေပြိုမှုဟာ ပြီးခဲ့တဲ့ သောကြာနေ့က မြေပြိုမှုဖြစ်ပွားခဲ့ပြီးနောက်မှာ ဘေးသင့်နေရာတွေကို ဝင်ရောက်ဖို့ ခက်ခဲမှုတွေကြောင့် အလာင်းတွေကို ဆယ်ယူရေးနဲ့ သေဆုံးသူအရေအတွက်ကို အတိအကျသိနိုင်ဖို့ ခက်ခဲနေကြောင်း ကုလသမဂ္ဂက ပြောပါတယ်။ဒီနေ့ မတ် ၂၈ ရက်ထိ ရုပ်အလောင်းခြောက်လောင်းသာ ဆယ်ယူထားနိုင်သေးကြောင်း ဒေသဆိုင်ရာ တာဝန်ရှိသူတွေက ပြောပါတယ်။ လက်ရှိချိန်ထိ ကျောက်တုံးတွေနဲ့ အပျက်အစီးတွေ ဆက်လက်ရွေ့လျားနေတာကြောင့် ဒေသခံ ၇၉၀၀ နီးပါးဟာ အန္တရာယ်ရှိနေပြီး ဘေးလွတ်ရာပြောင်းရွှေ့ပြောင်းဖို့အတွက် သတိပေးချက်ထုတ်ပြန်ထားပါတယ်။အချို့နေရာတွေမှာ အပျက်အစီးတွေဟာ အနက် ၁၀ မီတာထိ ရှိနေပြီး အစုလိုက်အပြုံလိုက် တောင်ကုန်းအောက်ကို ရွေ့လျားနေဆဲဖြစ်ပြီး မြေပြိုမှုရဲ့နောက်ဆက်တွဲ သက်ရောက်မှုတွေ တိုးလာနေတယ်လို့ အာဏာပိုင်တွေက ပြောပါတယ်။အပျက်အစီးတွေအောက်မှာ ပိတ်မိနေတဲ့အလောင်းတွေ အစုလိုက်အပြုံလိုက် ပုပ်သို ဆွေးမြေ့လာတာကြောင့်…

ဒေလီ၊ မေ-၂၈-၂၀၂၄မျိုးဆက်(VOM)ဆိုင်းကလုန်းမုန်တိုင်း ရီမယ်လ်တိုက်ခတ်မှုကြောင့် အိန္ဒိယနိုင်ငံတောင်ပိုင်းနဲ့ ဘင်္ဂလားဒေ့ရှ်နိုင်ငံတောင်ပိုင်း ကမ်းရိုးတန်းဒေသတွေမှာ လူ ၁၆ ယောက်သေဆုံးခဲ့ပါတယ်။မုန်တိုင်းဟာ တနာရီ ကီလိုမီတာ ၁၁၀ နှုန်းနဲ့တိုက်ခတ်ခဲ့တာကြောင့် ပြင်းထန်တဲ့ မိုးရွာသွန်းမှုတွေနဲ့ ဒီလှိုင်းတွေက မြေနိမ့်ဒေသတွေကို ရေလွှမ်းခဲ့ပါတယ်။ မုန်တိုင်းဟာ တနင်္ဂနွေနေ့ညနေပိုင်းက ကုန်းတွင်းပိုင်းကို ဝင်ရောက်တိုက်ခတ်ခဲ့တာကြောင့် လူတသန်းနီးပါးကိုလည်း ဘေးလွတ်ရာ ရွှေ့ပြောင်းခဲ့ရပါတယ်။ဒေသဆိုင်ရာ အာဏာပိုင်တွေရဲ့အဆိုအရ ကလေးငယ် ၃ ဒသမ ၆ သန်းအပါအဝင် မုန်တိုင်းလမ်းကြောင်းမှာ လူ ၈ ဒသမ ၄ သန်းနေထိုင်ကြတယ်လို့ ဆိုပါတယ်။ မုန်တိုင်းဟာ ဘင်္ဂလားဒေ့ရှ်နိုင်ငံ မွန်ဂလာဆိပ်ကမ်းကနေ အိန္ဒိယနိုင်ငံ အနောက်ဘင်ဂေါရှိ ဆာဂါကျွန်းစုကို ဖြတ်ကျော်ဝင်ရောက်ခဲ့ပြီး နောက်တနေ့မှာ အားပျော့သွားပါတယ်။ဆိုင်ကလုန်းမုန်တိုင်းကြောင့် ဘင်္ဂလားဒေ့ရှ်မှာ လူ ၁၀ ယောက်သေဆုံးခဲ့ပြီး အချို့မှာ ရေနစ်သေဆုံးပြီး အချို့ကတော့ နေအိမ်တွေပြိုကျပြီး အပျက်အစီးတွေပိ သေဆုံးခဲ့တယ်လို့ ဘင်္ဂလားဒေ့ရှ်အာဏာပိုင်တွေက ပြောပါတယ်။အိမ်နီးချင်း အိန္ဒိယနိုင်ငံမှာတော့…

ပြုံးယမ်း၊ မေ-၂၈-၂၀၂၄မျိုးဆက်(VOM)မြောက်ကိုရီးယားဟာ မနေ့က စစ်ထောက်လှမ်းရေးဂြိုဟ်တု နောက်တလုံး လွှတ်တင်ဖို့ကြိုးပမ်းမှု မအောင်မြင်ခဲ့ဘဲ ဝေဟင်မှာ ပေါက်ကွဲသွားခဲ့ကြောင်း ထုတ်ဖော်ပြောဆိုပါတယ်။အဲဒီထောက်လှမ်းရေး ဂြိုဟ်တုကို နိုင်ငံအနောက်မြောက်ပိုင်း ဆိုဟေး လွှတ်တင်ရေးစင်တာကနေ လွှတ်တင်ခဲ့တာဖြစ်ပြီး လွှတ်တင်မှု ပထမအဆင့်မှာတင် ပေါက်ကွဲမှုဖြစ်ပွားခဲ့တာလို့ မြောက်ကိုရီးယား အာကာသနည်းပညာ စီမံခန့်ခွဲရေးအဖွဲ့က ဆိုပါတယ်။ဒီမတော်တဆမှုဟာ အသစ်တီထွင်ထားတဲ့ ဒုံးပျံအင်ဂျင်ကြောင့်လို့ ကနဦးယူဆနိုင်တယ်လို့ ပြောပါတယ်။ ဒါဟာ နိုဝင်ဘာလအတွင်းက စစ်ထောက်လှမ်းရေးဂြိုဟ်တု လွှတ်တင်မှုကြိုးပမ်းမှုရောအပါအဝင်ဆို လေးကြိမ်မြောက်ဖြစ်ပါတယ်။ဒါပေမယ့်လည်း မြောက်ကိုရီးယားဟာ ဂြိုဟ်တုလွှတ်တင်မှု မအောင်မြင်ရတဲ့အကြောင်းရင်းကို စိစစ်အကဲဖြတ်ပြီး နောက်ထပ်လွှတ်တင်ဖို့ ကြိုးစားဖွယ်ရှိနေပြီး ယခုနှစ်အတွင်းမှာ ဂြိုဟ်တုသုံးလုံး လွှတ်တင်မယ်လို့ အခိုင်အမာဆိုထားပါတယ်။မြောက်ကိုရီးယားဟာ သူ့ရဲ့ငါးနှစ်စစ်ရေးအစီအစဉ်အရ ဒုံးကျည်နဲ့နျူကလီးယားအစီအစဉ်တွေကိုလည်း အရှိန်မြှင့်စမ်းသပ်မှုများ လုပ်ဆောင်နေပြီး ဒေသတွင်း၌ အမေရိကန်၊ ဂျပန်၊ တောင်ကိုရီးယားတို့နှင့် တင်းမာမှုများ မြင့်တက်နေပါတယ်။Ref:NHKPhoto:AP