Category: ကာတွန်း

COVID 19 ဓါတ်ခွဲခန်းအတွက် မန္တလေးအပြင်တခြားမြို့က ကျန်းမာရေးဝန်ထမ်းတွေကို သင်တန်းပေးဖို့ ယူနန်ဆေးပညာအဖွဲ့ ရောက်မယ် မန္တလေး မေ ၂၂ -၂၀၂၀ ဖြူဖြူ (VOM) COVID 19 အတည်ပြုစစ်ဆေးပေးနိုင်မယ့် ဓါတ်ခွဲခန်းအတွက် မန္တလေး၊ တောင်ကြီးနဲ့ မော်လမြိုင်မြို့က ဆရာဝန်နဲ့ ကျန်းမာရေးဝန်ထမ်းတွေကို သင်တန်းပေးဖို့ ယူနန်ဆေးပညာအဖွဲ့ ဒီညနေမှာ ရောက်ရှိမယ်လို့ မန္တလေးတိုင်း ပြည်သူ့ကျန်းမာရေးနဲ့ ကုသရေးဦးစီးဌာန ဦးစီးမှူး ဒေါက်တာသန်းသန်းမြင့်က ပြောပါတယ်။ အထက်မြန်မာပြည်အတွက် COVID 19 ရောဂါ အတည်ပြုစစ်ဆေးပေးနိုင်မယ့် ဓါတ်ခွဲခန်းကို မန္တလေးမြို့ ၃၅ လမ်း၊ ၆၆-၆၄ လမ်းကြားရှိ FDA ရုံးဟောင်းမှာ စီစဉ်ဆောင်ရွက်ထားပြီး ဓါတ်ခွဲခန်းအတွက် ဓါတ်ခွဲဝန်ထမ်းတွေကို သင်တန်းပေးဖို့နဲ့ စက်ပစ္စည်းတချို့လှူဒါန်းဖို့ ယူနန်ဆေးပညာအဖွဲ့ရောက်ရှိလာမှာ ဖြစ်ပါတယ်။ “ကျန်းမာရေးဝန်ကြီးဌာနကနေ နောင်တစ်ချိန်မှာ တောင်ကြီးနဲ့ မော်လမြိုင်မှာ ဒီလုပ်ငန်းချဲ့ဖို့ စီစဉ်နေတဲ့အတွက် အဲဒီက…