Author: Editor Htein Lin

စက်တင်ဘာ ၅-၂၀၂၆ CM(VOM) ရှမ်းမြောက်၊ တန့်ယန်းမြို့မှာ ညလုံးပေါက်မိုးရွာတာကြောင့် နမ့်ဟောင်ချောင်းရေလျှံပြီးရေချောင်းအနီးက ရပ်ကွက်တွေမှာ ရေကြီးရေလျှံဖြစ်ပေါ်နေပါတယ်။ “အခုလိုရေမကြီးတာလေးငါးနှစ်ရှိပြီ။ဒီနှစ်ကျမှဘယ်လိုဖြစ်တယ်မသိဘူး။ချက်ချင်းကြီးထိုးတက်လာတာများအိမ်တောင်မြုပ်တော့မလားပဲ”လို့ရပ်ကွက်(၁၀)မှာနေထိုင်သူကပြောပါတယ်။ ရှမ်းပြည်နယ်အတွင်းမှာ အမြင့်ဆုံးဖြစ်တဲ့လွယ်လိန်းတောင်ခြေကနေ ဖြစ်တည်လာတဲ့နမ့်ဟောင်ချောင်းဟာတန့်ယန်းမြို့ရပ်ကွက်(၁)၊(၆)(၃)(၈)(၉)နဲ့ရပ်ကွက်(၁၀)တို့ကိုဖြတ်သန်းစီးဆင်းနေတာဖြစ်ပြီးအခုလိုမိုးကြီးပြီးချောင်းရေလျှံတဲ့အခါချောင်းအနီးမှာနေထိုင်သူတွေ ရေဘေးအန္တရာယ်နဲ့ကြုံတွေ့နေရတာဖြစ်တယ်။ “ရေကမနက်စောစောကနေစကြီးတာပဲ၊အဆိုးဆုံးကရပ်ကွက်(၁၀)ချောင်းဘေးကပ်လျက်ကအိမ်တွေပဲ။ကလေးတွေနဲ့လူကြီးရွယ်အိုတွေရှိတဲ့အိမ် ငါးခြောက်အိမ်လောက်ကိုတော့ကျွန်တော်တို့အဖွဲ့ကရွှေ့ပြောင်းပေးခဲ့ပြီးပါပြီ။ရေဆက်တက်လာရင်ထမင်းထုပ်တွေပါဝေဖို့စောင့်ကြည့်ပေးနေပါတယ်”လို့ မွတ်စလင်သာရေးနာရေးအသင်းကအဖွဲ့ဝင်တ​ယောက်ကပြောပါတယ်။ တန့်ယန်းမြို့ဟာ ပင်လယ်ရေမျက်နှာပြင်(၃၁၁၆)ပေအမြင့်ရှိပြီးမြို့အနေအထားကဒယ်အိုးပုံစံဖြစ်နေပါတယ်။တောင်တွေပတ်လည်ဝန်းရံထားလို့မိုးကြီးလာတဲ့အခါတောင်ကျရေတွေကနေတဆင့် ရေကြီးရေလျှံမှုတွေမကြာခဏဖြစ်ပေါ်တတ်တယ်လို့ သိရပါတယ်။

စက်တင်ဘာ ၅၊ ၂၀၂၆ Shv(VOM) တရုတ်ဘက်မှာ ဖမ်းဆီးခံရလို့ ကချင်နယ်စပ်ဘက် ပြန်ပို့ခံရတဲ့သူတွေ စစ်သားစုဆောင်းခံရကြောင်း ပြန်ပို့ခံရသူတွေဆီက သိရပါတယ်။ “လွယ်ဂျယ်ဘက် ပြန်ပို့ခံရတာ။ ကျမတို့ ၉ ယောက်။ အကုန်လုံးကို KIA တပ်ထဲ ခေါ်သွားတာ” လို့ ပြန်ပို့ခံရသူ အမျိုးသမီး တယောက်က ပြောပါတယ်။ သူတို့ တပ်ထဲ ခေါ်သွား ခံရသူတွေကို ၆ လ ‌ခန့် အလုပ်လုပ်ပေးရမယ်လို့ ပြောတယ်လို့ သူက ပြောပါတယ်။ စကားမပေါက်တဲ့ သူနဲ့ ကလေး မိခင်တွေကိုပဲ ပြန်လွှတ်ပေးတယ်လို့ ဆိုပါတယ်။ “တရုတ်ဘက် လူသတ်မှု ဖြစ်လို့ မြန်မာ နိုင်ငံသားတွေကို လိုက်စစ်ပြီး ဖမ်းပို့နေတာလို့ ပြောတယ်။” လို့ နယ်စပ်ဒေသခံ တယောက်ကလည်း ပြောပါတယ်။ လူသတ်မှုနဲ့ ပတ်သက်ပြီး အသေးစိတ် မသိရပေမယ့် လတ်တလော စိုက်ခင်းတွေဘက်…

စက်တင်ဘာ ၅ ၊ ၂၀၂၆ GG (VOM) ရထားပြေးဆွဲမှုပိတ်ထားတာ တနှစ်နီးပါးကြာပြီဖြစ်တဲ့ ရန်ကုန် – ပြည် – ပုဂံရထားလမ်းပိုင်းကနေ ပုဂံရထားခရီးစဥ်ကို စက်တင်ဘာ ၂၂ ရက်မှာ ပြန်လည်စတင်ပြေးဆွဲဖို့ စီစဥ်ထားတယ်လို့ သိရပါတယ်။ ရန်ကုန် – ပြည် – ပုဂံ ရထားလမ်းပိုင်းမှာရှိတဲ့တောင်တွင်းကြီးမြို့နယ်၊ ဝက္ကသေးဘူတာအနီးက ရထားသံလမ်းတံတားရဲ့ အလယ်ကွန်ကရစ်တိုင်တခု ရေတိုက်စားမှုကြောင့် နိမ့်ကျွန်ကျခဲ့မှုကို ပြုပြင် ပြင်ဆင်ပြီးနီးပါး ဖြစ်တာကြောင့် ပုဂံရထားကို ရန်ကုန် – ပြည် – ပုဂံ ရထားလမ်းပိုင်းကနေ ပြန်လည်ပြေးဆွဲမှာ ဖြစ်ပါတယ်။ ဒါကြောင့် ခုလကုန်ကစပြီး ရန်ကုန် – ပုဂံရထားခရီးစဥ်ကို ပျဥ်းမနားဘက်က မပြေးဆွဲတော့ဘဲ အရင်ကအတိုင်း အောင်လံ ၊ ပြည် ( ရွှေတံခါး ဘူတာ) အပါအဝင် ပဲခူးတိုင်းအနောက်ခြမ်းက ဘူတာတွေကိုဖြတ်ပြီး…

စက်တင်ဘာ ၅ – ၂၀၂၆ SN (VOM) ရန်ကုန်မြို့၊ မရမ်းကုန်းမြို့နယ်မှာ တရားမဝင် လိုင်စင်မဲ့ ဘေးတွဲဆိုင်ကယ်တွေ ပြေးဆွဲနေတာကြောင့်လအနှေးယာဉ်လုပ်သားတွေ စားဝတ်နေရေးနဲ့ ခရီးသည်ရရှိမှု အပိုင်းမှာ ကြီးမားတဲ့ အခက်အခဲတွေနဲ့ ရင်ဆိုင်နေရတယ်လို့ အနှေးယာဉ်လုပ်သားတွေက ပြောပါတယ်။ လိုင်စင်မဲ့ ဘေးတွဲဆိုင်ကယ်တွေနဲ့ မော်တာဘီးတပ် ဆိုက္ကားတွေဟာ မရမ်းကုန်းမြို့နယ်အတွင်း အမှတ် (၁၊ ၂၊ ၃) ရပ်ကွက်တွေမှာ ဂိတ်တိုပြေးဆွဲခြင်း၊ ရပ်ကွက်အတွင်း လှည့်လည်ကာ အိမ်တိုင်ရာရောက် ခရီးသည် ခေါ်ယူနေတာတွေ ပြုလုပ်နေတယ်လို့ သိရပါတယ်။ လက်ရှိ ရပ်ကွက်တွေအတွင်း လိုင်စင်မဲ့ ဘေးတွဲဆိုင်ကယ် အစီးရေ ၆၀၀ ကျော်၊ ၇၀၀ နီးပါး ရှိနေပြီး တချို့သော ရပ်ကွက်တာဝန်ရှိ လူကြီးတွေက လစဥ်ကြေး ကောက်ယူကာ ပြေးဆွဲခိုင်းနေတာလို့ အနှေးယာဉ်လုပ်သား တယောက်က ပြောပါတယ်။ “လစဥ်ကြေးက ဘေးတွဲသမား တယောက်ကို…

စက်တင်ဘာ ၅ ၊ ၂၀၂၆ GG (VOM) တက္ကသိုလ်ဝင်စာမေးပွဲအောင်လက်မှတ် ထုတ်ယူဖို့အတွက် အွန်လိုင်းကနေအချက်အလက်ဖြည့် ဖောင်တင်ပြီး ရက်ချိန်းယူရာမှာ ဝက်ဆိုက်ဘ်က Error တက်နေတာကြောင့် အဆင်မပြေဖြစ်နေတယ်လို့ သိရပါတယ်။ အောင်လက်မှတ်ထုတ်ယူဖို့ လိုအပ်တဲ့အချက်အလက်တွေနဲ့တကွ ဖြည့်ပြီး ရက်ချိန်းယူတဲ့အခါ အွန်လိုင်းကနေငွေပေးချေလို့မရတာ ၊ ငွေပေးချရပါက QR ကုတ်မရတာ ၊ ငွေမပေးချေရသေးပဲ အောင်မြင်ကြောင်းပြတာ ၊ ငွေကိုနှစ်ကြိမ်ဖြတ်သွားတာ ၊ QR ကုတ်ကျတော့လည်း Date နဲ့ နာမည်မပါတာ စတဲ့ အဆင်မပြေမှုတွေ ဖြစ်ပေါ်နေတာပါ။ ” kpay ထဲကနေ ပိုက်ဆံလည်းဖြတ်တယ် ။ နေပြည်တော်လျှောက်တာကိုလည်း ရန်ကုန်ရုံး ခွဲဆိုပြီး ပေါ်တယ်။ booking number ကျလာတဲ့အချိန်မှာလည်း လျှောက်ထားသူနာမည်တို့ ရက်ချိန်းတွေလည်းမပါဘူးဗျ။ booking number ကို ပြန်စစ်တဲ့နေရာမှာ ထည့်ကြည့်တော့လည်း အချက်အလက်မတွေ့ရှိပါပဲပြတယ် ။…

စက်တင်ဘာ ၄ ၊ ၂၀၂၆ GG (VOM) အမျိုးသားလူသစ် သင်္ဘောသားနဲ့ အမျိုးသမီးသင်္ဘောသားတွေကို အခုလစက်တင်ဘာ ၁၅ ရက်ကစပြီး သင်္ဘောသားမြန်မာနိုင်ငံကူးလက်မှတ် (PS) နဲ့ ပြည်ပနိုင်ငံတွေကို အလည်အပတ်ထွက်ခွာခွင့်ပိတ်လိုက်ပြီလို့ သင်္ဘောသားဌာနခွဲ၊ ရေကြောင်းပို့ဆောင်ရေးညွှန်ကြားမှုဦးစီးဌာနက သိရပါတယ်။ ဒါကြောင့် အမျိုးသားလူသစ် သင်္ဘောသားနဲ့ အမျိုးသမီးသင်္ဘောသားတွေအနေနဲ့ ပြည်ပထွက်ခွာမယ်ဆိုပါက ပြည်ထဲရေးဝန်ကြီးဌာန၊ မြန်မာနိုင်ငံကူးလက်မှတ်ထုတ်ပေးရေးအဖွဲ့မှာ PS ကနေ PV အမျိုးအစားကို ပြောင်းလဲ ထွက်ခွာရမယ်လို့ သိရပါတယ်။ ပုံမှန်ဆိုရင် PS ကိုင်ထားတဲ့ သင်္ဘောသား လူသစ် ၊ လူဟောင်းအားလုံးဟာ ပြည်ပကို ခရီးထွက်ပါက ရေကြောင်းပို့ဆောင်ရေးညွှန်ကြားမှုဦးစီးဌာန Department of Marine Administration ( DMA) ခွင့်ပြုချက်နဲ့ သွားခွင့်ရရှိခဲ့ပါတယ်။ အခုကတော့ PS ကိုင်ထားတဲ့ သင်္ဘောသား လူသစ်တွေအနေနဲ့ ပြည်ပထွက်မယ်ဆိုရင် PS မှ…