အငြင်းပွားဖွယ်နယ်စပ်မှာ အိန္ဒိယနဲ့တရုတ် တပ်ဖွဲ့ဝင်တွေ ပဋိပက္ခဖြစ်ပွားပြန်

ဒေလီ၊ ဇန်နဝါရီ ၂၅ -၂၀၂၁ မျိုးဆက် (VOM) အငြင်းပွားနေတဲ့ နယ်စပ်မှာ အိန္ဒိယနဲ့ တရုတ်တပ်ဖွဲ့ဝင်တွေအကြား ပဋိပက္ခထပ်မံဖြစ်ပွားတာကြောင့် နှစ်ဘက်စလုံးမှာ ဒဏ်ရာရရှိမှုတွေဖြစ်ခဲ့တယ်လို့ အိန္ဒိယအခြေစိုက်သတင်းဌာနတွေက ဖော်ပြထားပါတယ်။ အဲ့ဒီဖြစ်စဉ်ဟာ ဆစ်ကင်ပြည်နယ် မြောက်ပိုင်းမှာ ပြီးခဲ့တဲ့ ဇန်နဝါရီ ၂၀ ရက်ကဖြစ်ပွားခဲ့တာဖြစ်ပြီး အသေးစားပဋိပက္ခတစ်ခုကို ဖြေရှင်းနိုင်ခဲ့တယ်လို့ အိန္ဒိယစစ်ဘက် ထုတ်ပြန်ထားပါတယ်။ အိန္ဒိယနဲ့ တရုတ်နိုင်ငံအကြား ကမ္ဘာ့အကြာရှည်ဆုံး နယ်စပ်အငြင်းပွားမှုတွေကြောင့် နှစ်နိုင်ငံအကြား တင်းမာမှုတွေ မြင့်တက်နေပါတယ်။ နှစ်ဘက်စလုံးကတော့ နယ်စပ်တစ်လျှောက်မှာ နယ်မြေပိုင်ဆိုင်မှုပိုမိုတယ်လို့ အခိုင်အမာဆိုထားကြပါတယ်။ ပြီးခဲ့တဲ့ ဇွန်လအတွင်းကလည်း လာဒက်ဒေသမှာ နှစ်ဘက်တပ်ဖွဲ့ဝင်တွေအကြား ပဋိပက္ခတွေကြောင့် အိန္ဒိယတပ်ဖွဲ့ဝင် ၂၀ ဦးထက်မနည်း သေဆုံးခဲ့ရပါတယ်။ ခုနောက်ဆုံးဖြစ်တဲ့ ပဋပက္ခကတော့ တရုတ်ကင်းလှည့်အဖွဲ့က အိန္ဒိယပိုက်နက်ထဲကို ဝင်ရောက်ဖို့ ကြိုးစားခဲ့တာကြောင့်ဖြစ်ပြီး သူတို့ကို ပြန်ပို့ခဲ့တယ်လို့ အိန္ဒိယတာဝန်ရှိသူတွေက ပြောပါတယ်။ Ref: BBC Photo: Getty…

Read More

မက္ကဆီကိုသမ္မတ လိုပက်ဇ်အိုဘရာဒေါ ကိုဗစ်-၁၉ ရောဂါကူးစက်ခံနေရ

မက္ကဆီကိုစီးတီး၊ ဇန်နဝါရီ-၂၅-၂၀၂၁ မျိုးဆက်(VOM) မက္ကဆီကိုသမ္မတ လိုပက်ဇ်အိုဘရာဒေါဟာ သူ့မှာ ကိုဗစ်-၁၉ ရောဂါကူးစက်ခံနေရတယ်လို့ ထုတ်ဖော်ကြေညာလိုက်ပါတယ်။ သူ့မှာ ရောဂါ အပျော့စားရောဂါလက္ခဏာတွေ ပြသပြီးနောက် ဆေးစစ်ကြည့်ရာမှာ ရောဂါကူးစက်ခံနေရတာကို တွေ့ရှိခဲ့တယ်လို့ အသက် ၆၅ နှစ်အရွယ် မက္ကဆီကိုသမ္မတက ပြောပါတယ်။ မက္ကဆီကိုနိုင်ငံမှာ ကိုဗစ်-၁၉ ရောဂါကြောင့် လူတစ်သိန်းခွဲနီးပါး သေဆုံးနေပြီး ကူးစက်မှုတွေ မြင့်တက်နေချိန် သမ္မတမှာပါ ရောဂါကူးစက်ခံရတာဖြစ်ပါတယ်။ သူ့အနေနဲ့ ရုရှားနိုင်ငံထုတ် ကာကွယ်ဆေးဝယ်ယူရေးနဲ့ပတ်သက်ပြီး ရုရှားသမ္မတပူတင်နဲ့ ဆွေးနွေးခြင်းအပါအဝင် နေအိမ်မှသာ တာဝန်တွေထမ်းဆောင်သွားမယ်လို့ သမ္မတ လိုပက်ဇ်အိုဘရာဒေါက ပြောပါတယ်။ ရုရှားနိုင်ငံထုတ် ကာကွယ်ဆေးဟာ ရောဂါကာကွယ်ဖို့ ထိရောက်တယ်ဆိုရင် ဆေးအလုံးရေ ၁၂ သန်းဝယ်ယူသွားမယ်လို့ မက္ကဆီကိုသမ္မတက လွန်ခဲ့တဲ့နှစ်က ပြောကြားခဲ့ပါတယ်။ မက္ကဆီကိုဟာ နိုင်ငံအတွင်းမှာ ကိုဗစ်-၁၉ ကြောင့် သေဆုံးသူ ၁၄၉၆၁၄ ဦးထိရှိလာနေပြီး အမေရိကန်၊ ဘရာဇီးနဲ့ အိန္ဒိယနိုင်ငံတို့ပြီးရင်…

Read More

မြန်မာ့ဆန် တန်ချိန်တစ်သိန်း ဘင်္ဂလားဒေ့ရှ် ဝယ်ယူမယ်

ဒါကာ၊ ဇန်နဝါရီ ၂၅-၂၀၂၁ မျိုးဆက်(VOM) ဘင်္ဂလားဒေ့ရှ်အစိုးရဟာ ပြည်သူသန်း ၁၆၀ အတွက် အဓိကစားသောက်ကုန်တွေရှားပါးမှုကို ကျော်လွှားနိုင်ဖို့ အကြပ်အတည်းနဲ့ ရင်ဆိုင်နေရတာကြောင့် ရိုဟင်ဂျာပြသနာကို ဘေးချိတ်ပြီး မြန်မာနိုင်ငံက ဆန်တန်ချိန်တစ်သိန်း ဝယ်ယူမှာဖြစ်ပါတယ်။ နိုင်ငံအတွင်း ဆန်ဈေးနှုန်းကြီးမြင့်နေတာဟာ ဘင်္ဂလားဒေ့ရှ်အစိုးရအတွက် ပြဿနာတစ်ရပ်ဖြစ်ပြီး ပြီးခဲ့တဲ့နှစ်ကဖြစ်ပွားခဲ့တဲ့ ရေကြီးရေလျှံမှုတွေကြောင့် ကောက်ပဲသီးနှံတွေ ပျက်စီးခဲ့ကာ ဆန်ဈေးနှုန်း စံချိန်တင်မြင့်တက်နေတာဖြစ်ပါတယ်။ မွတ်စလင်အများစုရှိရာ ဘင်္ဂလားဒေ့ရှ်နိုင်ငံနဲ့ ဗုဒ္ဓဘာသာအများစုနေထိုင်ရာ မြန်မာနိုင်ငံတို့အကြား ဘင်္ဂလားဒေ့ရှ်တောင်ပိုင်းမှာ လက်ခံထားရတဲ့ ရိုဟင်ဂျာဒုက္ခသည်တစ်သန်းနီးပါးနဲ့ပတ်သက်ပြီး သဘောထားကွဲလွဲမှုတွေရှိနေပါတယ်။ နှစ်နိုင်ငံအစိုးရချင်း သဘောတူညီချက်အရ ဘင်္ဂလားဒေ့ရှ်ဟာ မြန်မာ့ဆန်ဖြူ တစ်တန်ကို ကုန်ကျစရိတ်၊ အာမခံနဲ့ ကုန်တင်ကုန်ချစရိတ်အပါအဝင် ၄၈၅ ဒေါ်လာနဲ့ ဝယ်ယူမှာဖြစ်တယ်လို့ ဘင်္ဂလားဒေ့ရှ် စားနပ်ရိက္ခာဝန်ကြီးဌာန အတွင်းဝန် Mosammat Nazmanara Khanum ကပြောပါတယ်။ မိမိတို့ရဲ့ အဓိကဦးစားပေးကတော့ ဆန်ဈေးကျသွားဖို့ဖြစ်ပြီး အခုနှစ်ဇွန်လအထိ အစိုးရအနေနဲ့ ဆန်တန်ချိန် ၁၀…

Read More

ရုရှားအတိုက်အခံခေါင်းဆောင် ပြန်လွှတ်ပေးရေးတောင်းဆိုသူ သုံးထောင်ကျော် အဖမ်းခံရ

မော်စကို၊ ဇန်နဝါရီ-၂၄-၂၀၂၁ မျိုးဆက် (VOM) ရုရှားအတိုက်အခံခေါင်းဆောင် နာဗာနီကိုပြန်လွှတ်ပေးဖို့ တောင်းဆိုဆန္ဒပြပွဲပြီးနောက် ဆန္ဒပြသူ ၃၀၀၀ ကျော်ကို ရုရှားအာဏာပိုင်တွေက ဖမ်းဆီးထိန်းသိမ်းလိုက်ပါတယ်။ အတိုက်အခံခေါင်းဆောင် နာဗာနီဟာ ဇန်နဝါရီ ၁၇ ရက်မှာ ဂျာမနီနိုင်ငံကနေ မိခင်နိုင်ငံရုရှားသို့ ပြန်လာပြီးနောက် လေဆိပ်အရောက်မှာ ဖမ်းဆီးထိန်းသိမ်းခံခဲ့ရတာဖြစ်ပါတယ်။ ရုရှားအစိုးရကို ဝေဖန်လေ့ရှိသူနာဗာနီဟာ အာရုံကြောဆိုင်ရာထိခိုက်စေတဲ့ ဓါတုလက်နက်အသုံးပြုပြီး လွန်ခဲ့တဲ့သြဂုတ်လက အဆိပ်ခတ်ခံခဲ့ရပြီးနောက် ဂျာမနီမှာဆေးကုသမှုခံယူခဲ့ရပါတယ်။ သူ့ကို ပြန်လွှတ်ပေးရေးနဲ့ပတ်သက်ပြီး မော်စကိုမြို့လယ်မှာ လူလေးသောင်းဝန်းကျင်က ဇန်နဝါရီ ၂၃ ရက်မှာ စုဝေးခဲ့ကြပါတယ်။ ခွင့်ပြုချက်မရှိပဲ ဆန္ဒပြတယ်ဆိုပြီး လူစုခွဲကြဖို့ အာဏာပိုင်များက အမိန့်ထုတ်ခဲ့ကာ မလိုက်နာသူတွေကို ဖမ်းဆီးထိန်းသိမ်းခဲ့ပါတယ်။ နာဗာနီရဲ့ဇနီးဖြစ်သူ ယူလီယာကိုလည်း အာဏာပိုင်တွေက ခေတ္တထိန်းသိမ်းခဲ့ပါတယ်။ မြို့ကြီးနဲ့မြို့ငယ် ၁၁၀ ကျော်မှာ လူပေါင်းသုံးထောင်ထက်မနည်းကို အာဏာပိုင်တွေက ဖမ်းဆီးထိန်းသိမ်းခဲ့တယ်လို့ လွတ်လပ်တဲ့ လူ့အခွင့်အရေးအဖွဲ့တစ်ဖွဲ့က ပြောပါတယ်။ Ref : NHK…

Read More

ထိုင်ဝမ်လေပိုင်နက်ထဲကို တရုတ်ဗုံးကြဲလေယာဉ်နဲ့ တိုက်လေယာဉ်အများအပြား ကျူးကျော်ဝင်ရောက်

တိုင်ပေ၊ ဇန်နဝါရီ-၂၄-၂၀၂၁ မျိုးဆက် (VOM) တရုတ်ဗုံးကြဲလေယာဉ် ရှစ်စင်းနဲ့ တိုက်လေယာဉ်လေးစင်းတို့ဟာ ထိုင်ဝမ်လေကြောင်းရန်ကာကွယ်ရေးဇုန်ရဲ့ အနောက်တောင်ဘက်ထောင့်သို့ ဇန်နဝါရီ ၂၃ ရက်မှာ ဝင်ရောက်ခဲ့ပြီး ကျူးကျော်လာမှုကို စောင့်ကြည့်ဖို့ ဒုံးပျံတွေဖြန့်ကြက်ခဲ့ရတယ်လို့ ထိုင်ဝမ်ကာကွယ်ရေးဝန်ကြီးဌာနက ပြောပါတယ်။ ထိုင်ဝမ်ကျွန်းကို ပိုင်ဆိုင်တယ်လို့ အခိုင်အမာဆိုထားတဲ့ တရုတ်နိုင်ငံဟာ မကြာသေးမီကလည်း ထိုင်ဝမ်တောင်ပိုင်းနဲ့ တောင်တရုတ်ပင်လယ်ရှိ ထိုင်ဝမ်ထိန်းချုပ်ထားတဲ့ပရာတက်ကျွန်းစုအကြားမှာ လေယာဉ်ပျံသန်းမှုတွေကို နေ့စဉ်နီးပါး လုပ်ဆောင်ခဲ့ပြီး ကင်းထောက်လေယာဉ် တစ်စင်းသို့မဟုတ် နှစ်စင်းသာ ပါဝင်လေ့ရှိပါတယ်။ ဒါပေမယ့် ယခုတစ်ကြိမ်မှာတော့ တရုတ်တိုက်လေယာဉ်အများအပြား ထိုင်ဝမ်လေပိုင်နက်အတွင်း ဝင်ရောက်ခဲ့တာဖြစ်ပြီး နျူကလီးယားဗုံးတင်ဆောင်နိုင်တဲ့ အိပ်ချ်-၆ကေ ဗုံးကြဲလေယာဉ်ရှစ်စင်းနဲ့ ဂျေ-၁၆ တိုက်လေယာဉ်လေးစင်း စုဖွဲ့ပျံသန်းမှုဟာ ပုံမှန်မဟုတ်ဘူးလို့ ထိုင်ဝမ်စစ်ဘက်ကပြောပါတယ်။ ထိုင်ဝမ်စစ်ဘက်ဟာ တရုတ်လေယာဉ်တွေ ထွက်ခွာသွားဖို့ သတိပေးချက်တွေထုတ်ပြန်ခဲ့ပြီးသူ တို့ကိုစောင့်ကြည့်ရန် လေကြောင်းရန်ကာကွယ်ရေးစနစ်ကို ဖြန့်ကြက်ခဲ့ရကာ ဒီလိုလှုပ်ရှားမှုတွေအတွက် ဘယ်လိုတုံ့ပြန်သွားမယ်ဆိုတဲ့ စံသတ်မှတ်ချက်တွေကို သတိပေးပြောဆိုခဲ့ရကြောင်း ထိုင်ဝမ်ကာကွယ်ရေးဝန်ကြီးဌာနက ပြောပါတယ်။ ထိုင်ဝမ်အပေါ်…

Read More

ကူးစက်မြန် သန္ဓေပြောင်းဗိုင်းရပ်စ်သစ် လူသေဆုံးမှုကို ပိုမိုဖြစ်ပေါ်စေဖွယ်ရှိ

လန်ဒန်၊ ဇန်နဝါရီ-၂၃-၂၀၂၁ မျိုးဆက် (VOM) ဗြိတိန်မှာ ကူးစက်မှုတွေဖြစ်ပေါ်နေတဲ့ သန္ဓေပြောင်း ကိုရိုနာဗိုင်းရပ်စ်ဟာ လူသေဆုံးမှုကို ပိုမိုဖြစ်ပေါ်နိုင်တယ်ဆိုတဲ့ ကနဦးသက်သေအထောက်အထားတွေမှာ တွေ့ရှိရတယ်လို့ ဗြိတိန်ဝန်ကြီးချုပ် ဘောရစ်ဂျွန်ဆင်က ပြောပါတယ်။ ဒါပေမယ့် သေဆုံးသူအရေအတွက်နဲ့ပတ်သက်ပြီး မရေရာမှုတွေများစွာရှိနေဆဲဖြစ်ပြီး လက်ရှိ ကာကွယ်ဆေးတွေဟာ အဲ့ဒီသန္ဓေပြောင်းဗိုင်းရပ်စ်အပေါ် ထိရောက်မှုရှိဖို့ မျှော်လင့်နေကြပါတယ်။ ဗိုင်းရပ်စ်အမျိုးအစားသစ် သို့မဟုတ် မူလဗိုင်းရပ်စ်ကူးစက်ခံထားရသူတွေရဲ့ သေဆုံးမှုနှုန်းကို နှိုင်းယှဉ်တဲ့ အချက်အလက်တွေကို ပညာရှင်တွေက သုံးသပ်မှုတွေပြုနေပါတယ်။ သန္ဓေပြောင်းဗိုင်းရပ်စ်သစ်ဟာ လက်ရှိမှာတော့ ဗြိတိန်နိုင်ငံတစ်ဝန်းမှာ ကျယ်ကျယ်ပြန့်ပြန့် ကူးစက်မှုတွေဖြစ်ပွားနေပါတယ်။ လန်ဒန်နဲ့ နိုင်ငံအရှေ့တောင်ဘက်မှာ ပထမဆုံးတွေ့ရှိခဲ့ရတဲ့ ဗိုင်းရပ်စ်မျိုးစိတ်သစ်ဟာ ပိုမိုလျှင်မြန်စွာ ကူးစက်နိုင်သလို သေဆုံမှုနှုန်း ပိုမိုမြင့်မားစေတဲ့ သက်သေအထောက်အထားအချို့ကို တွေ့ရှိရတယ်လို့ ဗြိတိန်ဝန်ကြီးချုပ် ဘောရစ်ဂျွန်ဆင်က သတင်းစာရှင်းလင်းပွဲမှာပြောပါတယ်။ အဲ့ဒီသန္ဓေပြောင်း ဗိုင်းရပ်စ်မျိုးစိတ်သစ်ရဲ့ အကျိုးသက်ရောက်မှုကြောင့် အမျိုးသားကျန်းမာရေး စောင့်ရှောက်မှုစနစ်ဟာ ပြင်းထန်တဲ့ ဖိအားတွေအောက်ရောက်ရှိနေရတယ်လို့ ဘောရစ်ဂျွန်ဆင်က ပြောဆိုပါတယ်။ Ref :…

Read More

ရုရှားနိုင်ငံထုတ် Pantsir-S1 လေကြောင်းရန်ကာကွယ်ရေးစနစ်ကို မြန်မာ့တပ်မတော် ဝယ်ယူမယ်

မော်စကို၊ ဇန်နဝါရီ ၂၃-၂၀၂၁ မျိုးဆက် (VOM) မြန်မာစစ်ဘက်ဟာ ရုရှားနိုင်ငံရဲ့ Pantsir-S1 လေကြောင်းရန်ကာကွယ်ရေးစနစ်နဲ့ Orlan-10E မောင်းသူမဲ့လေယာဉ်တွေ ဝယ်ယူဖို့ သဘောတူခဲ့တယ်လို့ ရုရှားအခြေစိုက် TASS သတင်းဌာနက ဖော်ပြထားပါတယ်။ ဒီလိုဝယ်ယူမှုနဲ့ပတ်သက်ပြီး ရုရှားကာကွယ်ရေးဝန်ကြီး Sergey Shoigu ရဲ့ မြန်မာနိုင်ငံခရီးစဉ်အတွင်းမှာ မြန်မာတပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့အကြား သဘောတူခဲ့ကြတာဖြစ်ပါတယ်။ ရုရှားနဲ့ မြန်မာစစ်ဘက်တို့အကြား ၂၀၀၁ ခုနှစ်ကစပြီး နှစ်ဘက်အကျိုးရှိစေမယ့် စစ်ရေးနည်းပညာဆိုင်ရာ ပူးပေါင်ဆောင်ရွက်မှုတွေကို မြှင့်တင်ခဲ့ကြပြီး ရုရှားဟာ မြန်မာစစ်ဘက်ကို MiG-29 လေယာဉ် အစင်း ၃၀ ၊ Yakolev-130 တိုက်ပွဲဝင်လေ့ကျင့်ရေး ဂျက်လေယာဉ် ၁၂ စင်း၊ Mi-24 နဲ့ Mi-35P ရဟတ်ယာဉ် ၁၀ စင်း၊ Pechora-2M လေကြောင်းရန်ကာကွယ်ရေးစနစ်နဲ့ ရေဒါတွေ၊ သံချပ်ကာယာဉ်တွေနဲ့ အမြောက်တွေကို ရောင်းချခဲ့ပါတယ်။ ဒါ့အပြင်…

Read More

ဘဂ္ဂဒက်မှာ အိုင်အက်စ်တို့ အသေခံဗုံးခွဲ၊ ၃၂ ဦးသေဆုံးပြီး ၁၀၀ ကျော်ဒဏ်ရာရ

ဘဂ္ဂဒက်၊ ဇန်နဝါရီ ၂၂-၂၀၂၁ မျိုးဆက် (VOM) အီရတ်နိုင်ငံ၊ ဘဂ္ဂဒက်မြို့မှာ မနေ့ ဇန်နဝါရီ ၂၁ ရက်ကဖြစ်ပွားခဲ့တဲ့ လူ ၃၂ ဦးသေဆုံးပြီး ၁၀၀ ကျော်ဒဏ်ရာရရှိခဲ့တဲ့ အသေခံဗုံးခွဲတိုက်ခိုက်မှုနှစ်ခုကို ကြိုးကိုင်လုပ်ဆောင်ခဲ့တယ်လို့ အိုင်အက်စ် စစ်သွေးကြွအဖွဲ့က ပြောပါတယ်။ ဒီတိုက်ခိုက်မှုဟာ ရှီးယိုက်မွတ်စလင်တွေကို ပစ်မှတ်ထားတိုက်ခိုက်ခြင်းဖြစ်တယ်လို့ ဆွန်နီအိုင်အက်စ်စစ်သွေးကြွအဖွဲ့ရဲ့အာမက်သတင်းဌာနက ထုတ်ပြန်ချက်ကို ကြေညာခဲ့ပါတယ်။ ဒါဟာ သုံးနှစ်အတွင်း ဘဂ္ဂဒက်မြို့မှာ အကြီးမားဆုံး အသေခံဗုံးခွဲတိုက်ခိုက်မှုလည်းဖြစ်ပါတယ်။ တိုက်ခိုက်ရေးသမားတွေဟာ တီရာယန်ရင်ပြင်ရှိ အဝတ်အထည်အဟောင်းရောင်းတဲ့ဈေးအတွင်းမှာ ဈေးဝယ်သူ လူအုပ်ကြားမှာ အသေခံဗုံးဖောက်ခွဲတိုက်ခိုက်ခဲ့ကြတာဖြစ်ပါတယ်။ ၂၀၁၇ ခုနှစ်မှာ ဒေသအတွင်း အိုင်အက်စ်တို့ စစ်ရေးရှုံးနိမ့်ချိန်မှစပြီး ဘဂ္ဂဒက်မှာ အသေခံဗုံးခွဲ တိုက်ခိုက်မှုတွေဖြစ်တာ အလွန်ရှားပါးပါတယ်။ အိုင်အက်စ်တို့ဟာ အီရတ်အရှေ့ပိုင်းမှ ဆီးရီးယားအနောက်ပိုင်းထိ စတုရန်းမိုင် ၃၄၀၀၀ ကိုတစ်ချိန်က ထိန်းချုပ်ထားနိုင်ခဲ့ပြီး ဒေသခံရှစ်သန်းနီးပါးကို ရက်စက်စွာ အုပ်ချုပ်ခဲ့ကြပါတယ်။ စစ်ရေးအရ အိုင်အက်စ်တို့ ရှုံးနိမ့်ခဲ့ကြပေမယ့်လည်း…

Read More

ဒေါ်နယ်ထရန့်ရဲ့ အဓိကမူဝါဒတွေကို သမ္မတသစ်ဂျိုးဘိုင်ဒင် အကြီးအကျယ်ပြောင်းလဲ

ဝါရှင်တန်၊ ဇန်နဝါရီ ၂၁-၂၀၂၁ မျိုးဆက် (VOM) အမေရိကန်သမ္မတ ဂျိုးဘိုင်းဒင်ဟာ ကျမ်းသစ္စာကျိန်ဆိုပြီးနောက် နာရီအနည်းငယ်အကြာမှာ ဒေါ်နယ်ထရန့်ရဲ့ အဓိကမူဝါဒအချို့ကို ပယ်ဖျက်မှုတွေ စတင်လုပ်ဆောင်လိုက်ပါတယ်။ မိမိတို့ရင်ဆိုင်နေရတဲ့ အကြပ်အတည်းကို ကိုင်တွယ်ဖြေရှင်းဖို့အတွက် အချိန်ဖြုန်းဖို့ မလိုဘူလို့ ကျမ်းသစ္စာကျိန်ဆိုပြီးနောက် အိမ်ဖြူတော်ကိုရောက်ချိန် တွစ်တာမှာရေးသားခဲ့တာဖြစ်ပါတယ်။ သမ္မတဂျိုးဘိုင်ဒင်ဟာ အမိန့် ၁၅ ခုကို လက်မှတ်ရေးထိုးထုတ်ပြန်ခဲ့ပြီး ပထမဦးစွာ ကိုရိုနာဗိုင်းရပ်စ် အကြပ်အတည်းကို တုံ့ပြန်ဖို့ အစိုးရရဲ့ဆောင်ရွက်မှုကို မြှင့်တင်ဖို့ဖြစ်ပါတယ်။ နောက်ထပ်အမိန့်တွေထဲမှာ ရာသီဥတုပြောင်းလဲမှုဆိုင်ရာ ပါရီသဘောတူညီချက်ကို ပြန်လည်ဝင်ရောက်ရေးနဲ့ မွတ်စလင်နိုင်ငံတွေအပေါ် ချမှတ်ထားတဲ့ လူဝင်မှုကြီးကြပ်ရေးတားမြစ်ချက်တွေ ရုပ်သိမ်းရေးတွေပါဝင်ပါတယ်။ ဒါ့အပြင် ကမ္ဘာ့ကျန်းမာရေးအဖွဲ့ကနေ တရုတ်ဝင်နှုတ်ထွက်ဖို့ ဒေါ်နယ်ထရန့်လုပ်ဆောင်ခဲ့တဲ့ လုပ်ငန်းစဉ်ကို တရားဝင်ရပ်ဆိုင်းပြီး ပြန်လည်ပူးပေါင်းဆောင်ရွက်သွားမှာဖြစ်ပါတယ်။ ၄၆ ဦးမြောက်အမေရိကန်သမ္မတအဖြစ် ဇန်နဝါရီ ၂၀ ရက်အစောပိုင်းမှာ ကျမ်းသစ္စာကျိန်ဆိုခဲ့တဲ့ မစ္စတာဘိုင်ဒင်ကို သမ္မတအဖြစ်တရားဝင်အတည်ပြုခြင်းမရှိသေးတဲ့ ဒေါ်နယ်ထရန့်ကတော့ အမေရိကန်ရဲ့ ကာလကြာရှည် ထုံးတမ်းစဉ်လာတွေကို ဖီလာဆန့်ကျင်ခဲ့တဲ့…

Read More

ရိုဟင်ဂျာဒုက္ခသည်တွေကို အခုနှစ်ဒုတိယသုံးလပတ်မှာ ပြန်လက်ခံဖို့ မြန်မာသဘောတူ

ဒါကာ၊ ဇန်နဝါရီ ၂၀-၂၀၂၁ မျိုးဆက်(VOM) ဘင်္ဂလားဒေ့ရှ်မှာရောက်နေတဲ့ ရိုဟင်ဂျာဒုက္ခသည်တွေကို အခုနှစ် ဒုတိယသုံးလပတ်မှာ ပြန်ခေါ်ဖို့အတွက် တရုတ်နိုင်ငံရဲ့စီစဉ်မှုနဲ့ မြန်မာ-ဘင်္ဂလားဒေ့ရှ်-တရုတ် အွန်လိုင်း သုံးပွင့်ဆိုင်ဆွေးနွေးပွဲမှာ မြန်မာဘက်က သဘောတူခဲ့တယ်လို့ ဘင်္ဂလားဒေ့ရှ်တာဝန်ရှိသူတွေက ဇန်နဝါရီ ၁၉ ရက်မှာ ပြောပါတယ်။ ဒုက္ခသည်တွေပြန်ခေါ်ရေးနဲ့ပတ်သက်ပြီး ဘင်္ဂလားဒေ့ရှ်က တွန်းအားပေးနေပေမယ့် ထောက်ပံ့ပို့ဆောင်ရေးအစီအစဉ်တွေအတွက် အချိန်ယူရဦးမှာဖြစ်တာကြောင့် မြန်မာဘက်က ထပ်ပြီးရွှေ့ဆိုင်းခဲ့တယ်လို့ ပြောပါတယ်။ မိမိတို့အနေနဲ့ အခုနှစ်ပထမ သုံးလပတ်မှာ ဒုက္ခသည်တွေပြန်ခေါ်လုပ်ငန်းစဉ်စဖို့ တွန်းအားပေးခဲ့ပေမယ့် ထောက်ပံ့ပို့ဆောင်ရေး အစီအစဉ်တွေနဲ့ ရုပ်ပိုင်းဆိုင်ရာ ပြင်ဆင်မှုတွေအတွက် အချိန်ပိုယူဖို့လိုတယ်ဆိုတာကြောင့် ဒုတိယသုံးလပတ်မှာ ဒုက္ခသည်တွေ ပြန်ခေါ်ရေးစတင်ဖို့ တောင်းဆိုချက်ကို မြန်မာဘက်က သဘောတူခဲ့တယ်လို့ ဘင်္ဂလားဒေ့ရှ်နိုင်ငံခြားရေးဝန်ကြီးဌာနအတွင်းဝန် မာဆွတ်ဘင်မိုမန်က ပြောပါတယ်။ ဒါ့အပြင် ဒုက္ခသည်ပြန်လည်လက်ခံံရေး စတင်ချိန်မှာ ရခိုင်ပြည်နယ်အတွင်း နိုင်ငံတကာအသိုင်းအဝိုင်းက အကူအညီပေးရေးအဖွဲ့တွေ ရှိနေတာကို ဆက်လက်ထိန်းသိမ်းထားဖို့ ဘင်္ဂလားဒေ့ရှ်ရဲ့ တိုက်တွန်းချက်ကို မြန်မာနဲ့တရုတ်နိုင်ငံဘက်က နားလည်သဘောတူခဲ့ကြတယ်လို့ ဘင်္ဂလားဒေ့ရှ်တာဝန်ရှိသူတွေက…

Read More
VOM News

FREE
VIEW