ဟေတီမှာ ရဲတွေသတ်ဖြတ်ခံနေရတာကြောင့် အစိုးရကို ရဲတွေက ဆန္ဒပြနေ

ပို့အော့ပရင့်စ်၊ ဇန်နဝါရီ-၂၇-၂၀၂၃ မျိုးဆက်(VOM) ဟေတီမှာ ရာဇ၀တ်ဂိုဏ်းတွေက လုပ်ဖော်ကိုင်ဖက်ရဲတပ်ဖွဲ့၀င် တဒါဇင်ကျော်ကို သတ်ဖြတ်ခဲ့တာနဲ့ပတ်သက်ပြီး မြို့တော်ပို့အော့ပရင့်စ်မှာ ရဲတပ်ဖွဲ့၀င်တွေက ဆူပူအုံကြွ ဆန္ဒပြမှုတွေ ဇန်နဝါရီ ၂၆ ရက်မှာ ဖြစ်ပွားခဲ့ပါတယ်။ ဒီကိစ္စနဲ့ပတ်သက်ပြီး ဟေတီအစိုးရက အရေးယူဆောင်ရွက်ခြင်းမရှိကြောင်း မကြေမနပ်ဖြစ်နေတဲ့ ရဲတပ်ဖွဲ့၀င်တွေက ပြစ်တင်ပြောဆိုနေပါတယ်။ ဆန္ဒပြသူ ၁၀၀ ကျော်ဟာ လမ်းတွေကို ပိတ်ဆို့၊ တာယာတွေကို မီးရှို့ကာ လုံခြုံရေးကင်မရာတွေကိုလည်း ဖျက်ဆီးခဲ့ကြပါတယ်။ ရဲတပ်ဖွဲ့၀င်အချို့ဟာ ၀န်ကြီးချုပ်ရဲ့ နေအိမ်တံခါးတွေကို ဖြတ်ကျော်၀င်ရောက်ကာ ဟေတီနိုင်ငံတကာလေဆိပ်ကိုလည်း ၀င်ရောက်ဖို့ ကြိုးပမ်းခဲ့ကြောင်း သတင်းဌာနတွေက ဖော်ပြထားပါတယ်။ ဟေတီမှာ ရဲစခန်းတွေကို ရာဇ၀တ်ဂိုဏ်းတွေရဲ့ အုပ်စုဖွဲ့တိုက်ခိုက်မှုအမျိုးမျိုးကြောင့် ယခုနှစ်အစောပိုင်းမစပြီး ရဲတပ်ဖွဲ့၀င် ၁၄ ဦးထက်မနည်းသေဆုံးခဲ့ကြောင်း ဟေတီအမျိုးသားရဲတပ်ဖွဲ့ တာ၀န်ရှိသူတွေကပြောပါတယ်။ ဇန်နဝါရီ ၂၅ ရက်ကဖြစ်ပွားခဲ့တဲ့ ရာဇ၀တ်ဂိုဏ်းတွေရဲ့ ပစ်ခတ်မှုအတွင်း ရဲတပ်ဖွဲ့၀င်နှစ်ဦး သတ်ဖြတ်ခံရတဲ့ အပြင် နောက်ထပ်လေးဦးကို လမ်းပေါ်မှာ…

Read More

ဟောင်ကောင်ကုန်တင်သင်္ဘော Jin Tian နစ်မြုပ်မှု မြန်မာနှစ်ဦးနဲ့ တရုတ်ခြောက်ဦးအပါအ၀င် လူရှစ်ဦးသေဆုံး

တိုကျို၊ ဇန်နဝါရီ-၂၇-၂၀၂၃ မျိုးဆက်(VOM) ဂျပန်ကမ်းလွန်မှာ ထိုင်၀မ်ကုန်တင်သင်္ဘော Jin Tian နစ်မြုပ်မှုမှာ တရုတ်နိုင်ငံသားခြောက်ဦးနဲ့ မြန်မာနိုင်ငံသား နှစ်ဦးသေဆုံးခဲ့ကြောင်း ဂျပန်ကမ်းခြေစောင့်တပ်ဖွဲ့က ပြောပါတယ်။ ပျောက်ဆုံးနေသူ ၁၃ ဦးအနက် ရှစ်ဦးသေဆုံးခဲ့ရာ ခြောက်ဦးမှာ တရုတ်နိုင်ငံသားများဖြစ်ကြောင်း ဖူကူအိုကာမြို့ တရုတ်ကောင်စစ်၀န်ချုပ် လူဂျီဂျန်က ပြောပါတယ်။ တရုတ်နိုင်ငံသားလေးဦးအပါအ၀င် ကယ်ဆယ်နိုင်ခဲ့တဲ့ ငါးဦးစလုံး အသက်အန္တရာယ် စိုးရိမ်ဖွယ်မရှိကြောင်းနဲ့ သေဆုံးသူများအတွက် လွန်စွာ၀မ်းနည်းကြောင်း သူကပြောပါတယ်။ တရုတ်နဲ့ မြန်မာသင်္ဘောအမှုထမ်းတွေပါ၀င်တဲ့ ထိုင်၀မ်ကုန်တင်သင်္ဘော Jin Tian ဟာ အင်္ဂါနေ့ညပိုင်းက ဂျပန်နိုင်ငံအနောက်တောင်ဘက် ပယ်လယ်ပြင်မှာ အရေးပေါ်အချက်ပြဆက်သွယ်ခဲ့ပါတယ်။ သင်္ဘောကပ္ပတိန်ဟာ သူနဲ့သင်္ဘောသားတွေ နစ်မြုပ်တော့မယ့် သင်္ဘောကနေ စွန့်ခွာတော့မယ်လို့ ဂြိုဟ်တုဖုန်းကို အသုံးပြုဆက်သွယ်ခဲ့တာကြောင့် တောင်ကိုရီးယားနဲ့ ဂျပန်ကမ်းခြေစောင့်တပ်အပြင် အနီးအနားက သင်္ဘောတွေက ကယ်ဆယ်ရေးလုပ်ငန်တွေ ဆောင်ရွက်ခဲ့ကြပါတယ်။ Ref: TRT Photo: AFP #voiceofmyanmar #VOM…

Read More

ထိုင်းသင်္ကြန်ပွဲတော်ကို ယူနက်စကိုကမ္ဘာ့အမွေအနှစ်အဖြစ်သတ်မှတ်ဖို့ ပဏာမစာရင်းထည့်သွင်းခံရ

ဘန်ကောက်၊ ဇန်နဝါရီ-၂၆-၂၀၂၃ မျိုးဆက်(VOM) ထိုင်းနိုင်ငံမှာ နှစ်စဉ်ကျင်းပလေ့ရှိတဲ့ ဆုန်ခရန် သင်္ကြန်ပွဲတော်ကို ယူနက်စကို ကမ္ဘာ့အမွေအနှစ်စာရင်း တင်သွင်းထားခဲ့ရာ ယခုနှစ်ကုန်မှာကြေညာမယ့် ယူနက်စကိုရဲ့ပဏာမစာရင်းမှာ ထည့်သွင်းခံထားရတယ်လို့ သိရပါတယ်။ ထိုင်းနိုင်ငံရဲ့ ခွန်ဆိုတဲ့ မျက်နှာဖုံးအက၊ ထိုင်းရိုးရာအနှိပ်ပညာ၊ နိုရာပြဇာတ်အကတို့ကိုလည်း ယူနက်စကိုမှာ စာရင်းသွင်းထားပြီဖြစ်တဲ့အတွက် ဆုန်ခရန်သင်္ကြန်ပွဲတွေဟာ ထိုင်းနိုင်ငံရဲ့ လေးခုမြောက်ယဉ်ကျေးမှု အမွေအနှစ် ဖြစ်လာဖို့ရှိနေပါတယ်။ ဒါ့အပြင် ထိုင်းနိုင်ငံဟာ မွေထိုင်း၊ ဖိတခွန်နဲ့ သရက်ကောက်ညှင်းအစားအစာနဲ့ ဖိတခွန်အက စတာတွေကိုလည်း ယူနက်စကိုက ကမ္ဘာ့ယဉ်ကျေးမှုအမွေအနှစ်အဖြစ် သတ်မှတ်ခံရဖို့ စာရင်းတင်သွင်းသွားဖို့ စီစဉ်နေပါတယ်။ ဒါပေမယ့် ဒါတွေဟာ ဒေသတွင်းရှိအခြားနိုင်ငံတွေမှာလည်း အလားတူရှိနေပါတယ်။ အခုနှစ် အရှေ့တောင်အာရှအားကစားပြိုင်ပွဲကို လက်ခံကျင်းပမယ့် ကမ္ဘောဒီးယားနိုင်ငံကတော့ ထိုင်းရိုးရာလက်ဝှေ့ မွေထိုင်းဆိုတဲ့ နာမည်အစား ကွမ်းခမာဆိုတဲ့ နာမည်ကို အသုံးပြုပြီး ပြိုင်ပွဲကျင်းပမှာဖြစ်ပါတယ်။ Ref: Laotimes #voiceofmyanmar #VOM #ဘန်ကောက်

Read More

စပိန်၀န်ကြီးချုပ်နဲ့ ထင်ရှားကျော်ကြားသူတွေထံ ပါဆယ်ဗုံးတွေ ပေးပို့ခဲ့တဲ့အမျိုးသား ဖမ်းဆီးခံရ

မက်ဒရစ်၊ ဇန်နဝါရီ-၂၆-၂၀၂၃ မျိုးဆက်(VOM) စပိန်၀န်ကြီးချုပ်အပါအ၀င် ထင်ရှားကျော်ကြားသူတွေကို ပစ်မှတ်ထားပြီး ပါဆယ်ဗုံးပေးပို့ခဲ့တဲ့ အသက် ၇၄ နှစ်အရွယ် အမျိုးသားတဦးကို စပိန်ရဲတပ်ဖွဲ့က ဖမ်းဆီးထိန်းသိမ်းလိုက်ပါတယ်။ အဲဒီအမျိုးသားကို စပိန်မြောက်ပိုင်းမှာ ဖမ်းဆီးထိန်းသိမ်းခဲ့ပြီးနောက် ယခုသီတင်းပတ်နှောင်းပိုင်းမှာ ရုံးထုတ်စစ်ဆေးသွားမည်ဖြစ်ကြောင်း တာ၀န်ရှိသူတွေက ဇန်နဝါရီ ၂၅ ရက်မှာ ပြောပါတယ်။ သူဟာ စပိန်၀န်ကြီးချုပ် ပက်ထရိုဆန်းချက်ဇ်ရဲ့ အိမ်တော်၊ အမေရိကန်နဲ့ ယူကရိန်းသံရုံးတွေအပါအ၀င် စပိန်နိုင်ငံတ၀န်းရှိ ထင်ရှားသူတွေကို လိပ်မူကာ ပါဆယ်ဗုံးတွေပေးပို့ခဲ့တယ်လို့ စွပ်စွဲခံထားရပါတယ်။ အဲဒီပါဆယ်ဗုံးအများစုကို မပေါက်ကွဲအောင်ရှင်းလင်းနိုင်ခဲ့ပေမယ့် ယူကရိန်းသံရုံးမှ၀န်ထမ်းတဦး အနည်းငယ်ဒဏ်ရာရရှိသွားကြောင်း တာ၀န်ရှိသူတွေက ပြောပါတယ်။ ဗုံးတွေကို စပိန်ကာကွယ်ရေး၀န်ကြီးဌာ၊ လေတပ်အခြေစိုက်စခန်းနှင့် လက်နက်ထုတ်လုပ်ရေးဌာနတွေ ပေးပို့ခဲ့ပြီး ဒီဖြစ်စဉ်နဲ့ ဆက်နွယ်မှုတွေကို စုံစမ်းစစ်ဆေးနေကြောင်း တာ၀န်ရှိသူတွေက ပြောပါတယ်။ Ref: BBC Photo:Reuters #voiceofmyanmar #VOM #မက်ဒရစ်

Read More

မြန်မာနိုင်ငံမှာ ပြီးခဲ့တဲ့နှစ်အတွင်း ဘိန်းစိုက်ပျိုးထုတ်လုပ်မှု မြင့်တက်လာတယ်လို့ ကုလသမဂ္ဂ ထုတ်ပြန်

ဝါရှင်တန်၊ ဇန်နဝါရီ-၂၆-၂၀၂၃ မျိုးဆက်(VOM) မြန်မာနိုင်ငံမှာ နိုင်ငံရေးအပြောင်းအလဲဖြစ်ပွားပြီးနောက် ဘိန်းစိုက်ပျိုးထုတ်လုပ်မှု မြင့်တက်လာကြောင်း ကုလသမဂ္ဂ မူးယစ်ဆေးဝါးနဲ့ ရာဇ၀တ်မှုဆိုင်ရာရုံး(UNODS) က ထုတ်ပြန်ပါတယ်။ ၂၀၁၄ ခုနှစ်ကနေ ၂၀၂၀ ခုနှစ်ထိ မြန်မာနိုင်ငံမှာ ဘိန်းစိုက်ပျိုးမှု ကျဆင်းခဲ့ပေမယ့် ၂၀၂၁ ခုနှစ်မှာ နိုင်ငံရေးအပြောင်းအလဲဖြစ်ပွားပြီးနောက် ဘိန်းစိုက်ပျိုးဧရိယာ ၃၃ ရာခိုင်နှုန်းတိုးလာပြီး ဧက ၉၉၀၀၀ ကျော်ရှိတယ်လို့ UNODS ရဲ့အစီရင်ခံစာမှာ ဖော်ပြထားပါတယ်။ နိုင်ငံရေးဖြစ်စဉ်ပြောင်းလဲပြီးနောက်မှာ စီးပွားရေး၊ လုံခြုံရေးနဲ့ အုပ်ချုပ်ရေးပြသနာတွေကြောင့် အထူးသဖြင့် ရှမ်းပြည်နယ်မြောက်ပိုင်းနဲ့ နယ်စပ်ဒေသရှိ ဝေးလံခေါင်သီတဲ့နေရာတွေက ဒေသခံတွေဟာ ဘိန်းကလွဲပြီး အခြားစိုက်ပျိုးသီးနှံ ရွေးချယ်စရာနည်းပါးသွားတယ်လို့ UNODS ရဲ့ ဒေသဆိုင်ရာ ကိုယ်စားလှယ် ဂျယ်ရမီဒေါက်ကလပ်စ်က ပြောပါတယ်။ မြန်မာနိုင်ငံကထွက်တဲ့ ဘိန်းထုတ်ကုန်တွေရဲ့တန်ဖိုးဟာ အမေရိကန်ဒေါ်လာ သန်း ၆၀၀ ကနေ နှစ် ဘီလီယံထိရှိတယ်လို့ အဲဒီအစီရင်ခံစာမှာ ဖော်ပြထားပြီး UNODS…

Read More

အာဖဂန်မှာ အေးခဲ ရာသီဥတုကြောင့် လူ ၁၂၀ ကျော်သေဆုံး

ကဘူးလ်၊ ဇန်နဝါရီ ၂၅-၂၀၂၃ မျိုးဆက်(VOM) အာဖဂန်နစ္စတန်နိုင်ငံမှာ လွန်ခဲ့တဲ့သီတင်းနှစ်ပတ်အတွင်း အေးခဲတဲ့ ရာသီဥတုကြောင့် လူ ၁၂၄ ဦးထက်မနည်းသေဆုံးခဲ့ကြောင်း တာ၀န်ရှိသူတွေက ဇန်နဝါရီ ၂၅ ရက်မှာ ပြောပါတယ်။ ဆယ်စုနှစ်အတွင်း အအေးဆုံးဆောင်းရာသီကြောင့် တိရိစ္ဆာန်ကောင်ရေ ခုနှစ်သောင်းကျော် သေဆုံးခဲ့ကြောင်း သဘာဘေးအန္တရာယ် စီမံခန့်ခွဲမှု၀န်ကြီးဌာန ပြောရေးဆိုခွင့်ရှိသူတဦးက ပြောပါတယ်။ အာဖဂန်နစ္စတန်ရဲ့ နေရာအနှံ့အပြားမှာ ဆီးနှင်းတွေထူထပ်စွာကျရောက်ပြီး လမ်းပန်းဆက်သွယ်ရေးတွေလည်း ပြတ်တောက်နေကာ စစ်ရဟတ်ယာဉ်တွေကို ကယ်ဆယ်ရေးလုပ်ငန်းတွေအတွက် စေလွှတ်ထားပေယ့် တောင်ထူထပ်တဲ့ ဒေသတွေ ဆင်းသက်နိုင်ခြင်းမရှိကြောင်း သူကဆိုပါတယ်။ ဒီအခြေအနေမှာ အာဖဂန်အမျိုးသမီးတွေကို အစိုးရမဟုတ်တဲ့ အဖွဲ့အစည်းတွေမှာ အလုပ်လုပ်ကိုင်ခွင့်ကို တာလီဘန်တို့က တားမြစ်ထားတာကြောင့် မကြာသေးမီရက်သတ္တပတ်တွေကစပြီး အကူအညီပေးရေး အဖွဲ့အစည်းတွေက သူတို့ရဲ့ လုပ်ငန်းတွေကို ရပ်ဆိုင်းထားပါတယ်။ အခုလို သဘာဝဘေးကြောင့် လူအများအပြားသေဆုံးမှုတွေ ဖြစ်ပွားနေသော်လည်း အဲဒီအမိန့်ကို ပြောင်းလဲမည်မဟုတ်ကြောင်း တာလီဘန်ထိပ်တန်းတာ၀န်ရှိသူတဦးက ထုတ်ဖော်ပြောဆိုထားပါတယ်။ Ref: BBC…

Read More

ယူကရိန်းအတွက် အမေရိကန်နဲ့ဂျာမနီက တင့်ကားတွေပေးပို့ဖို့ စီစဉ်နေ၊ ပြောင်ပြောင်တင်းတင်း ရန်စမှုလို့ ရုရှား သတိပေး

ဝါရှင်တန်၊ ဇန်နဝါရီ-၂၅-၂၀၂၃ မျိုးဆက်(VOM) အမေရိကန်နဲ့ ဂျာမနီတို့ဟာ လပေါင်းများစွာတွန့်ဆုတ်ခဲ့ပြီးနောက် ယူကရိန်းအတွက် တင့်ကားတွေပေးပို့ဖို့ စီစဉ်နေပြီး ဒါဟာ စစ်မြေပြင်မှာ အပြောင်းအလဲဖြစ်လာဖို့ ယူကရိန်းက မျှော်လင့်နေပါတယ်။ သမ္မတဂျိုးဘိုင်ဒင်ရဲ့ အမေရိကန်အစိုးရဟာ အမ်-၁ အေဘရမ်တင့်ကား အစီးရေ ၃၀ ထက်မနည်းကို ယူကရိန်းအတွက်ပေးမယ့်အစီအစဉ်ကို မကြာခင်ကြေညာသွားဖို့ ရှိနေပါတယ်။ ဂျာမနီအဓိပတိ အိုလပ်ရှုဇ်ကလည်း ယူကရိန်းအတွက် လီယိုပက်-၂ တင့်ကား ၁၄ စီးထက်မနည်းပေးဖို့ ဆုံးဖြတ်ပြီးပြီလို့ သတင်းတွေ ထွက်ပေါ်နေပြီး သူဟာ ဇန်နဝါရီ ၂၅ ရက်မနက်မှာ လွှတ်တော်မှာ မိန့်ခွန်းပြောဖို့ရှိနေပါတယ်။ အမေရိကန်ဆိုင်ရာ ရုရှားသံအမတ်ကြီးကတော့ ဒီသတင်းဟာ ရုရှားကို နောက်ထပ်ပြောင်ပြောင်တင်းတင်း ရန်စမှုဖြစ်တယ်လို့ သတိပေးပြောဆိုလိုက်ပါတယ်။ ဂျာမနီနဲ့ အမေရိကန်တို့ရဲ့ ဆုံးဖြတ်ချက်ဟာ ကောင်းကျိုးတစ်ခုမှမရှိနိုင်ကြောင်းနဲ့ ရုရှားနဲ့ဆက်ဆံရေးမှာ အဖုအထစ်တခုအဖြစ် ရှိနေလိမ့်မယ်လို့ ရုရှားအစိုးရ ပြောရေးဆိုခွင့်ရှိသူတဦးကလည်း ထုတ်ဖော်ပြောဆိုထားပါတယ်။ Ref: BBC Photo:Reuters…

Read More

မြန်မာနဲ့ တရုတ်နိုင်ငံသားတွေပါ၀င်တဲ့ ထိုင်၀မ်ကုန်တင်သင်္ဘောနစ်မြုပ်မှု ၁၃ ဦးကို ကယ်တင်နိုင်ခဲ့ပြီး ကိုးဦး ပျောက်ဆုံးနေ

တိုကျို၊ ဇန်နဝါရီ-၂၅-၂၀၂၃ မျိုးဆက်(VOM) ဂျပန်နိုင်ငံအနောက်တောင်ပိုင်းမှာ ဆိုးရွားတဲ့ရာသီဥတုကြောင့် နစ်မြုပ်သွားတဲ့ ကုန်တင်သင်္ဘောက အမှုထမ်း ၁၃ ဦးကို ရဟတ်ယာဉ်တွေ သင်္ဘောတွေနဲ့ ကယ်တင်နိုင်ခဲ့ပြီး ကျန် ကိုးဦးကို ရှာဖွေနေဆဲဖြစ်တယ်လို့ တာ၀န်ရှိသူတွေက ပြောပါတယ်။ တန်ချိန် ၆၆၅၁ အလေးချိန်ရှိတဲ့ ဟောင်ကောင်မှတ်ပုံတင်ထားတဲ့ Jintian အမည်ရကုန်တင်သင်္ဘောဟာ အင်္ဂါနေ့နှောင်းပိုင်းမှာ အရေးပေါ်ဆက်သွယ်မှုပြုခဲ့တယ်လို့ ဂျပန်ကမ်းခြေစောင့်တပ်ဖွဲ့က ပြောပါတယ်။ သစ်ခွဲသားတွေ တင်ဆောင်ထားတဲ့ အဲဒီသင်္ဘောနစ်မြုပ်ရတဲ့အကြောင်းရင်းကို ချက်ချင်းထုတ်ပြန်ခြင်း မရှိသေးပေမယ့် သင်္ဘောကနေ အကူအညီတောင်းခံတဲ့အချိန် ည ၁၁ နာရီ ၁၅ မိနစ်၀န်ကျင်းမှာ လေးပြင်းတွေ တိုက်ခတ်နေခဲ့တယ်လို့ တာ၀န်ရှိသူတွေက ပြောပါတယ်။ သင်္ဘောဟာ နောက်နေ့မနက် ၂ နာရီ ၄၆ မိနစ်မှာ နစ်မြုပ်သွားခဲ့တယ်လို့ အနီးအနားမှာရှိတဲ့ သင်္ဘောကအမှုထမ်းတွေကို ကိုးကားပြီး သတင်းဌာနတွေက ဖော်ပြထားပါတယ်။ နစ်မြုပ်သွားတဲ့ ဟောင်ကောင်သင်္ဘောပေါ်က အမှုထမ်းတွေအားလုံးဟာ မြန်မာနဲ့…

Read More

တရုတ်၊ မြောက်ကိုရီးယား၊ တောင်ကိုရီးယားနဲ့ ဂျပန်တို့မှာ ပြင်းထန်တဲ့အအေးလှိုင်းဖြတ်မှုနဲ့ ရင်ဆိုင်နေရ

ပြုးယမ်း၊ ဇန်နဝါရီ-၂၄-၂၀၂၃ မျိုးဆက်(VOM) ကိုရီးယားကျွန်းဆွယ်မှာ အအေးလှိုင်းတွေ ရိုက်ခတ်နေတဲ့အတွက် နိုင်ငံတွင်းမှာ ဆိုးရွားတဲ့ရာသီဥတုအခြေအနေတွေနဲ့ပတ်သက်ပြီး မြောက်ကိုရီးယားအာဏာပိုင်တွေက သတိပေးချက် ထုတ်ပြန်လိုက်ပါတယ်။ နိုင်ငံရဲ့ အဆင်းရဲဆုံးဒေသတွေဖြစ်တဲ့ မြောက်ပိုင်းဒေသတွေမှာ အပူချိန်ဟာ အနှုတ် ၃၀ ဒီဂရီစင်တီဂရိတ်ထိ ကျဆင်းသွားဖွယ်ရှိတယ်လို့ မြောက်ကိုရီးယားနိုင်ငံပိုင် ရေဒီယိုဌာနက ကြေညာထားပါတယ်။ ဒါ့အပြင် ကမ်းရိုးတန်းဒေသတွေမှာ လေပြင်းတွေတိုက်ခတ်မယ်လို့ ပြောပါတယ်။ တောင်ကိုရီးယားမှာလည်း အအေးလှိုင်းသတိပေးချက်ထုတ်ပြန်ထားသလို တရုတ်နိုင်ငံမြောက်ပိုင်းမှာတော့ အပူချိန်ဟာ စံချိန်တင်ကျဆင်းနေပါတယ်။ ဂျပန်နိုင်ငံမှာလည်း ယခုသီတင်းပတ်အတွင်းမှာ ဆယ်စုနှစ်တခုအတွင်း အပူချိန်စံချိန်တင်ကျဆင်းနိုင်ပါတယ်။ မြောက်ကိုရီးယားနိုင်ငံမှာ အခြားနိုင်ငံတွေလို ဆိုးရွားတဲ့ရာသီဥတုတွေ ရင်ဆိုင်ခဲ့ရပေမယ့် ပြည်သူတွေအပေါ် သက်ရောက်မှုအခြေအနေတွေကို ထုတ်ပြန်ခြင်းမရှိပါဘူး။ ရန်ဂန်၊ မြောက်ဟမ်ယောင်၊ တောင်ဟမ်ယောင်တို့လို ရာသီဥတုဆိုးရွားမှုနဲ့ ကြုံတွေ့ရလေ့ရှိတဲ့ ပြည်နယ်တွေဟာ နိုင်ငံမြောက်ပိုင်းမှာတည်ရှိနေပါတယ်။ ၂၀၁၉ ခုနှစ်အတွင်းက ဆယ်စုနှစ်လေးခုအတွင်း အဆိုးရွားဆုံးမိုးခေါင်ရေရှားမှုနဲ့ ကြုံတွေ့ခဲ့ရတယ်လို့ ထုတ်ပြန်ဖူးပါတယ်။ ၂၀၂၀ ခုနှစ်မှာတော့ တိုင်ဖွန်းမုန်တိုင်း ငါးကြိမ်၀င်ရောက်တိုက်ခတ်ခဲ့ပြီး အဆောက်အအုံတွေနဲ့…

Read More

နေတိုးအဖွဲ့ထဲ ဆွီဒင်၀င်ဖို့ မမျှော်လင့်နဲ့လို့ တူရကီသမ္မတအာဒိုဂန် သတိပေး

အန်ကာရာ၊ ဇန်နဝါရီ-၂၄-၂၀၂၃ မျိုးဆက်(VOM) ဆွီဒင်အနေဖြင့် နေတိုးအဖွဲ့ထဲ ၀င်ရောက်ရေးကြိုးပမ်းမှုမှာ တူရကီရဲ့ထောက်ခံမှုကို မမျှော်လင့်သင့်ကြောင်း တူရကီသမ္မတ အာဒိုဂန်က ဇန်နဝါရီ ၂၃ ရက်မှာ သတိပေးလိုက်ပါတယ်။ ဆွီဒင်နိုင်ငံ စတော့ဟုမ်းမှာပြုလုပ်တဲ့ ဆန္ဒပြပွဲတခုမှာ ကာ့ဒ်ဆန္ဒပြသူတွေက အာဒိုဂန်ရဲ့ပုံနဲ့ ကိုရ်အာန်ကျမ်းတစောင်ကို မီးရှို့ခဲ့ပြီးနောက် ရက်ပိုင်းအကြာမှာ တူရကီသမ္မတ အာဒိုဂန်က အခုလို ပြောဆိုလိုက်တာဖြစ်ပါတယ်။ ယူကရိန်းကို ရုရှားကကျူးကျော်တိုက်ခိုက်ပြီးနောက် ဆွီဒင်ဟာ နေတိုးအဖွဲ့ထဲ ၀င်ရောက်ဖို့ လျှောက်ထားပြီးဖြစ်ပေမယ့် နေတိုးအဖွဲ့၀င်နိုင်ငံဖြစ်တဲ့ တူရကီရဲ့ ထောက်ခံမှုလိုအပ်နေပါသေးတယ်။ လက်ယာစွန်းပါတီတခုက ဦးဆောင်ပြုလုပ်တဲ့ အဆိုပါဆန္ဒပြပွဲကို တူရကီသမ္မတ အာဒိုဂန်က ရှုတ်ချထားသလို ဆွီဒင်အစိုးရကလည်း ဆန္ဒပြပွဲကို ဝေဖန်ပြောဆိုထားပါတယ်။ မိမိတို့သံရုံးရှေ့မှာ အခုအရှက်ရစေအောင်ဆန္ဒပြမှုပြုခဲ့တဲ့အတွက် နေတိုးအဖွဲ့၀င်နိုင်ငံဖြစ်ရေး ဆွီဒင်ရဲ့ လျှောက်ထားမှုမှာ တူရကီရဲ့ထောက်ခံမှု မျှော်လင့်လို့မရဘူးဆိုတာ ရှင်းနေကြောင်း အာဒိုဂန်က ပြောဆိုထားပါတယ်။ Ref: BBC Photo:Reuters #voiceofmyanmar #VOM #အန်ကာရာ

Read More
VOM News

FREE
VIEW