Category: ကမ္ဘာ့သတင်း

ထရီပိုလီ၊ ဇူလိုင်-၂-၂၀၂၂ မျိုးဆက်(VOM) လစ်ဗျားနိုင်ငံအရှေ့ပိုင်း တိုဘရပ်ခ်မြို့ရှိ ပါလီမန်အဆောက်အအုံကို ဆန္ဒပြသူတွေက ဇူလိုင် ၁ ရက်မှာ ၀င်ရောက်စီးနှင်းပြီး အဆောက်အအုံရဲ့ အစိတ်ပိုင်းအချို့ကို မီးရှို့ဖျက်ဆီးခဲ့ကြပါတယ်။ နိုင်ငံတွင်းမှာ လျှပ်စစ်ဓါတ်အားပြတ်တောက်မှု၊ ကုန်စျေးနှုန်းကြီးမြင့်မှုနဲ့ နိုင်ငံရေး အကျပ်အတည်းဆက်လက်ဖြစ်ပွားနေတဲ့ အပေါ် လစ်ဗျားမြို့ကြီးတွေမှာ ဆန္ဒပြမှုတွေဖြစ်ပွားလျှက်ရှိပါတယ်။ မြို့တော်ထရီပိုလီတွင်အခြေစိုက်တဲ့ ပြုင်ဘက်အစိုးရဲ့ အုပ်ချုပ်ရေးဟာ ယိမ်းယိုင်နေတဲ့ အတွက် ရွေးကောက်ပွဲကျင်းပဖို့ ဆန္ဒပြသူတွေက တောင်းဆိုနေကြပါတယ်။ သူတို့ရဲ့ တောင်းဆိုချက်ကို ကြားဖြတ်ညီညွတ်ရေးအစိုးရ အကြီးအကဲ အဗ္ဗဒူဟာစ်ဒီဘိုင်ဘာ့က ထောက်ခံပေးထားပြီး နိုင်ငံရဲ့ဖွဲ့စည်းပုံအားလုံးကို ပြောင်းလဲဖို့လိုအပ်ကြောင်း သူကပြောပါတယ်။ လစ်ဗျားနိုင်ငံဟာ ၂၀၁၁ ခုနှစ်မှာ နေတိုးကျောထောက်နောက်ခံပြုတဲ့ အုံကြွမှုအပြီးမှာ နိုင်ငံကိုကာလရှည်ကြာအုပ်ချုပ်ခဲ့တဲ့ ကဒါဖီကိုဖြုတ်ချပြီးနောက် မတည်ငြိမ်မှုတွေ ဖြစ်ပွားလျှက်ရှိပါတယ်။ Ref: BBC Photo:Reuters #voiceofmyanmar #VOM #ထရီပိုလီ

ကိယက်ဗ်၊ ဇူလိုင်-၂-၂၀၂၂ မျိုးဆက်(VOM) ယူကရိန်းနိုင်ငံ တောင်ပိုင်း အိုဒီဆာဒေသမှာ ရုရှားရဲ့ ဒုံးကျည်တွေနဲ့ တိုက်ခိုက်မှုကြောင့် ကလေးငယ်တဦးအပါအ၀င် လူ ၂၁ ဦးထက်မနည်းသေဆုံးသွားတယ်လို့ ယူကရိန်းတာ၀န်ရှိသူတွေက ပြောပါတယ်။ ဆာဟီရီဗကာ ကျေးရွာမှာရှိတဲ့ ကိုးထပ်အဆောက်အအုံကို ဒုံးကျည်တစင်းထိမှတ်ခဲ့ပြီး လူ ၁၆ ဦးသေဆုံးခဲ့တယ်လို့ ပြည်နယ်အရေးပေါ် ဌာနက ထုတ်ပြန်ထားပါတယ်။ အဲဒီရွာမှာရှိတဲ့ အားလပ်ရက်အပန်းဖြေနေရာတခုကိုလည်း သီးခြားတိုက်ခိုက်မှုတခုမှာ လူငါးဦးသေဆုံးခဲ့တယ်လို့ တာ၀န်ရှိသူတွေကပြောပါတယ်။ ရုရှားဟာ ပြီးခဲ့တဲ့ ရက်အနည်းငယ်အတွင်းမှာ ယူကရိန်းမှာရှိတဲ့မြို့တွေကို ဒုံးကျည်ဒါဇင်များစွာနဲ့ တိုက်ခိုက်မှုတွေ ပြုလုပ်ခဲ့ပါတယ်။ ရုရှားသမ္မတနန်းတော် ပြောရေးဆိုခွင့်ရှိသူ ဒီမီထရီပက်စကော့ကတော့ ရုရှားရဲ့ တိုက်ခိုက်မှုဟာ အရပ်သားတွေကို ထိမှန်ခဲ့တဲ့ဆိုတဲ့ ကိစ္စကို ထပ်မံငြင်းဆိုခဲ့ပါတယ်။ ရုရှားဟာ ပင်လယ်နက်မှာပျံသန်းနေတဲ့ လေယာဉ်ပေါ်ကနေဒုံးကျည် သုံစင်းပစ်ခတ်ခဲ့တာဖြစ်ပြီး ဆိုဗီယက်ခေတ် X-22 ဒုံးကျည်တွေကို အသုံးပြုခဲ့တယ်လို့ ယုံကြည်ရကြောင်း ယူကရိန်းတာ၀န်ရှိသူတွေက ပြောပါတယ်။ Ref: BBC Photo:…

တိုကျို၊ ဇူလိုင်-၁-၂၀၂၂ မျိုးဆက်(VOM) ဂျပန်နိုင်ငံမှာ အဆိုးရွားဆုံးသော အပူလိုင်းဖြတ်မှုနဲ့ ရင်ဆိုင်နေရပြီး ဒါဟာ ၁၈၇၅ ခုနှစ်မှာ မှတ်တမ်းတွေ စတင်ပြီးနောက် အပူပြင်းဆုံးဖြစ်ပါတယ်။ ဒီလို ပြင်းထန်တဲ့ အပူလှိုင်းကြောင့် လျှပ်စစ်ဓါတ်အားပြတ်တောက်နိုင်ကြောင်း တရား၀င်သတိပေးချက်တွေ ထုတ်ပြန်ထားပြီး တတ်နိုင်သမျှစွမ်းအင်ချွေတာကြဖို့ ပြည်သူတွေကို အာဏာပိုင်တွေက တိုက်တွန်းထားပါတယ်။ ဒါပေမယ့် အပူဒဏ်ကြောင့် ဆေးရုံတက်ရမှုတွေ မြင့်တက်နေချိန်မှာ အပူဒဏ်ကိုလွန်ကဲစွာမခံစားရစေဖို့ လေအေးပေးစက်တွေ အသုံးပြုဖို့ကိုတော့ အစိုးရက အကြံပြုထားဆဲဖြစ်ပါတယ်။ လာမယ့် ရက်တွေအတွင်းမှာ အပူလှိုင်းဆက်လက်ရှိနေဦးမှာဖြစ်ကြောင်း မိုးလေ၀သတာ၀န်ရှိသူတွေက သတိပေးထားပါတယ်။ ရာသီဥတုပြောင်းလဲမှုတွေကြောင့် အပူလှိုင်းတွေဟာ မကြာခဏဖြစ်ပေါ်နေပြီး ယခင်ထက်ပိုမိုပြင်းထန်လာသလို ပိုမိုကြာမြင့်လာပါတယ်။ စက်မှုခေတ်စတင်ကတည်းက ကမ္ဘာ့အပူချိန်ဟာ ၁ ဒသမ ၁ ဒီဂရီစင်တီဂရိတ်ခန့်ရှိနေခဲ့ပြီး ကမ္ဘာ့နိုင်ငံတွေအနေနဲ့ ဓါတ်ငွေ့ထုတ်လွှတ်မှုကို ထိထိရောက်ရောက်လျှော့ချခြင်းမပြုပါက အပူချိန်ဆက်လက်မြင့်တက်နေဦးမှာဖြစ်ကြောင်း ပညာရှင်တွေက သတိပေးပြောဆိုထားပါတယ်။ Ref: BBC Photo:Taiwan Times #voiceofmyanmar #VOM…

ပြုံးယမ်း၊ ဇူလိုင်-၁-၂၀၂၂ မျိုးဆက်(VOM) မြောက်ကိုရီးယားမှာ ကိုဗစ်-၁၉ ရောဂါဖြစ်ပွားမှုဟာ တောင်ကိုရီးယားနဲ့ ထိစပ်နေတဲ့ နယ်စပ်အနီး ရောက်ရှိလာတဲ့ အမျိုးအမည်မသိအရာတွေကို နိုင်ငံသားတွေထိတွေ့ရာမှ စတင်ဖြစ်ပွားခြင်းဖြစ်ကြောင်း မြောက်ကိုရီးယားနိုင်ငံပိုင် သတင်းဌာနက ဇွန် ၃၀ ရက်မှာ ထုတ်ပြန်ပါတယ်။ ဒီအတွက်ကြောင့် တောင်ကိုရီးယားဘက်မှ နယ်စပ်ကိုဖြတ်ကျော်ရောက်ရှိလာတဲ့ ပစ္စည်းတွေကို သတိထားကြဖို့ နိုင်ငံသားတွေကို တိုက်တွန်းထားပါတယ်။ တောင်ကိုရီးယားကတော့ အဲဒီနည်းလမ်းနဲ့ ကိုဗစ်-၁၉ ကူးစက်တယ်ဆိုတာ မဖြစ်နိုင်ဘူးလို့ တုံ့ပြန်ပြောဆိုထားပါတယ်။ တောင်ကိုရီးယားရှိ တက်ကြွလှုပ်ရှားသူတွေဟာ မြောက်ကိုရီးယားဘက်ကို လက်ကမ်းစာစောင်တွေ လူသားချင်းစာနာမှုဆိုင်ရာ အကူအညီတွေကို မိုးပျံပူပေါင်းတွေနဲ့ နယ်စပ်ဖြတ်ကျော်ပြီး နှစ်ပေါင်းများကတည်းက ပေးပို့ခဲ့ကြပါတယ်။ မြောက်ကိုရီးယားနိုင်ငံပိုင်မီဒီယာရဲ့ အဆိုအရ တရားဝင်စုံစမ်းစစ်ဆေးမှုတခုမှာ တောင်ကိုရီးယားနယ်စပ်အနီး အမည်မသိပစ္စည်းတွေနဲ့ ထိတွေ့မိပြီးနောက် ကူးစက်မှုအစောပိုင်းမှာ ကိုဗစ်-၁၉ ရောဂါ ကူးစက်ခံရသူနှစ်ဦးကို တွေ့ရှိခဲ့ကြောင်း သိရပါတယ်။ အိုင်ဖိုရီရှိ တောင်ကုန်းတစ်ခုပေါ်မှာ တောင်ကိုရီးယားဘက်မှ ပို့လွှတ်လိုက်တဲ့ ပစ္စည်းတွေနဲ့ ထိတွေ့ပြီးနောက်…

မနီလာ၊ ဇွန်-၃၀-၂၀၂၂ မျိူးဆက်(VOM) ဖိလစ်ပိုင်သမ္မတ ဖာဒီနန်မားကို့စ်ဂျူနီယာဟာ မနီလာမြို့မှာ ဇွန် ၃၀ က ကျမ်းသစ္စာကျိန်ဆိုခဲ့ပြီး ဒူတာတေးရဲ့ နေရာကို ဆက်ခံလိုက်ပါတယ်။ သူ့ရဲ့ ကျမ်းသစ္စာကျိန်ဆိုမှုဟာ ၁၉၈၆ ခုနှစ်မှာ လူထုအုံကြွမှုဖြစ်ပွားပြီး ဖြုတ်ချခံခဲ့ရတဲ့ မားကို့စ်မိသားစုရဲ့ နိုင်ငံရေးမျိုးဆက်အဖြစ် နိုင်ငံရေးလောကသို့ တကျော့ပြန်ခြေချနိုင်ခဲ့တာလည်းဖြစ်ပါတယ်။ မစ္စတာမားကို့စ်ဂျူနီယာဟာ လွန်ခဲ့တဲ့လမှာ ကျင်းပခဲ့တဲ့ ရွေးကောက်ပွဲမှာ အပြတ်အသတ်အနိုင်ရရှိခဲ့တာဖြစ်ပါတယ်။ ရာထူးကနေ နှုတ်ထွက်သွားတဲ့ သမ္မတဒူတာတေးရဲ့သမီးဖြစ်သူ ဆာရာဒူတာတေးဟာလည်း ဒုတိယသမ္မတဖြစ်လာပါတယ်။ သမ္မတသစ်အနေနဲ့ နှစ်ရှည်လများ ကပ်ရောဂါဘေးကနေ ပြန်လည်နာလန်ထူဖို့နဲ့ ငွေကြေးဖောင်းပွမှု၊ ကြွေးမြီတွေမြင့်တက်လာမှုတို့ကြောင့် စီးပွားရေးကျဆင်းနေတဲ့ ဖိလစ်ပိုင်နိုင်ငံကို ဦးဆောင်ရမှာဖြစ်ပါတယ်။ ဒါပေမယ့် အလုပ်အကိုင်တွေတိုးမြှင့်ဖန်တီးဖို့နဲ့ ကုန်စျေးနှုန်းကြီးမြင့်မှုကို ကိုင်တွယ်ဖြေရှင်းရေးအတွက် သူ့ရဲ့ကတိက၀တ်တွေနဲ့ပတ်သက်ပြီး မူဝါဒပိုင်းဆိုင်ရာပြုပြင်ပြောင်းလဲဖို့ ဆွေးနွေးမှု အနည်းငယ်သာရှိကြောင်း လေ့လာစောင့်ကြည့်သူတွေက ဝေဖန်ပြောဆိုပါတယ်။ Ref: BBC Photo:Getty Images #voiceofmyanmar #VOM #မနီလာ