Day: March 11, 2024

  ဂျကာတာ၊ မတ်-၁၁-၂၀၂၄ မျိုးဆက်(VOM) အင်ဒိုနီးရှားနိုင်ငံမှာ ပြည်တွင်းလေကြောင်းလိုင်း Batik Air က ခရီးသည်တင်လေယာဉ်တစ်စင်းဟာ ပျံသန်းနေစဉ်အတွင်း လေယာဉ်မှူးနှစ်ယောက်စလုံး နာရီဝက်နီးပါးကြာ အိပ်ပျော်သွားတာနဲ့ပတ်သက်ပြီး အာဏာပိုင်တွေက စုံစမ်းစစ်ဆေးနေပါတယ်။ လေယာဉ်မှူးအဖြစ်ကနေ ယာယီရပ်ဆိုင်းခံရတဲ့ အဲဒီလေယာဉ်မှူးနှစ်ဦးဟာ ဆူလာဝေစီကနေ မြို့တော် ဂျကာတာကို ဇန်နဝါရီ ၂၅ ရက်က ပျံသန်းစဉ်မှာ နှစ်ယောက်စလုံး အိပ်ပျော်သွားခဲ့တာဖြစ်ပါတယ်။ လေယာဉ်ထွက်ခွာပြီးနောက် နာရီဝက်အကြာမှာ အသက် ၃၂ နှစ်အရွယ် လေယာဉ်မှူးက အနားယူဖို့လိုတယ်ဆိုကာ တွဲဖက်လေယာဉ်မှူးကို လေယာဉ်ထိန်းချုပ်ဖို့ မှာကြားပြီး အိပ်ပျော်သွားခဲ့တယ်လို့ အင်ဒိုနီးရှား ပို့ဆောင်ရေးဝန်ကြီးဌာနက ပြောပါတယ်။ ဒါပေမယ့်လည်း လေယာဉ်ကို ထိန်းချုပ်မောင်းနှင်နေတဲ့ အသက် ၂၈ နှစ်အရွယ် တွဲဖက်လေယာဉ်မှူးဟာလည်း အမှတ်မထင် အိပ်ပျော်သွားခဲ့ပြီး လေယာဉ်မှူးအခန်းကို ဆက်သွယ်မှုတွေအပေါ် တုံ့ပြန်မှု တစုံတရာမလုပ်နိုင်ခဲ့ပါဘူး။ သူတို့ထဲက တယောက်ဟာ အမွှာကလေးငယ်မွေးထားပြီး ကလေးတွေကို ပြုစုစောင့်ရှောက်ခဲ့ရလို့…

  ဆိုးလ်၊ မတ်-၁၁-၂၀၂၄ မျိုးဆက်(VOM) တောင်ကိုရီးယားမှာ ဆေးတက္ကသိုလ်ဝင်ရောက်ခွင့် အရေအတွက် တိုးမြှင့်မယ့် ကိစ္စအပေါ်ဆန့်ကျင်တဲ့ အလုပ်ထွက်သွားတာကြောင့် လူနာတွေကို ကုသဖို့အတွက် တောင်ကိုရီးယားအစိုးရဟာ စစ်ဆရာဝန်တွေကို ဆေးရုံတွေမှာ စတင်စေလွှတ်နေပါတယ်။ ဖေဖော်ဝါရီ ၂၀ ရက်မှာ စတင်တဲ့ ဆရာဝန်တွေရဲ့ သပိတ်ကြောင့် ဆေးရုံတွေမှာ လူနာကုသမှုတွေအပေါ် ထိခိုက်မှုတွေဖြစ်ပွားခဲ့ပါတယ်။ ပြီးခဲ့တဲ့ သောကြာနေ့ထိ ဆေးရုံ ၁၀၀ ကျော်မှာရှိတဲ့ ဆန္ဒပြဆရာဝန် တသောင်းနှစ်ထောင်နီးပါးဟာ အစိုးရရဲ့ အမိန့်ကို ဖီဆန်ပြီး အလုပ်ထွက်ခဲ့ကြပါတယ်။ တောင်ကိုရီးယားအာဏာပိုင်တွေဟာ ဆန္ဒပြဆရာဝန်တွေရဲ့ ဆေးကုခွင့်လိုင်စင်တွေကို ဆိုင်းငံ့ထားကြောင်း အသိပေးစာထုတ်ပြန်ပြီး အလုပ်ပြန်ဆင်းဖို့ ကြိုးပမ်းခဲ့ပေမယ့် အောင်မြင်မရရှိခဲ့ပါဘူး။ လက်ရှိမှာတော့ လူနာတွေကို ကုသဖို့ ခွဲစိတ်ကျွမ်းကျင်တဲ့ စစ်ဆရာဆရာဝန် ၂၀ နဲ့အတူ ပြည်သူ့ကျန်းမာရေး ဆိုင်ရာဆရာဝန် ၁၃၈ ယောက်နဲ့ ဆေးရုံ တွေမှာ တလကြာ ကုသမှုတွေပေးမယ်လို့ တောင်ကိုရီးယားကျန်းမာရေးဝန်ကြီး…

ဂျကာတာ၊ မတ်-၁၁-၂၀၂၄ မျိုးဆက်(VOM) အင်ဒိုနီးရှားနိုင်ငံ အနောက်ဆူမားတြားပြည်နယ်မှာ မိုးသည်းထန်စွာရွာသွန်းပြီး ရေကြီးရေလျှံမှုနဲ့ မြေပြိုမှုတွေကြောင့် လူ ၂၁ ယောက်ထက်မနည်းသေဆုံးပြီး လူ ခုနှစ်သောင်းငါးထောင်ကျော်ကို ဘေးလွတ်ရာ ရွှေ့ပြောင်းပေးခဲ့ရပါတယ်။ ပြည်နယ်မြို့တော် ပါဒန်းနု့ အခြားဒေသရှစ်ခုမှာ ပြီးခဲ့တဲ့ မတ် ၇ ရက်ကစပြီး မိုးရွားသွန်းမှုနဲ့ မြေပြိုမှုတွေကြောင့် နေအိမ်၊ စာသင်ကျောင်းနဲ့ လမ်းတံတားပျက်စီးမှု ၇၀၀ နီးပါးရှိခဲ့ပြီး လယ်မြေ ၁၁၃ ဟတ်တာ ပျက်စီးခဲ့ပါတယ်။ မတ် ၁၀ ရက်ထိ လူ ၂၁ ယောက်သေဆုံးပြီး ခြောက်ယောက်ပျောက်ဆုံးနေဆဲဖြစ်ကြောင်း အနောက်ဆူမားတြားပြည်နယ် သဘာဝဘေးစီမံခန့်ခွဲမှု အေဂျင်စီက အေအက်ဖ်ပီသတင်းဌာနကို ပြောပါတယ်။ ဆီတီရာခရိုင်ရှိ ကုန်းမြင့်ဒေသတခုရှိ ကျေးရွာတရွာဟာ အဆိုးရွားဆုံးခံခဲ့ရကြောင်း တာဝန်ရှိသူတွေက ပြောပါတယ်။ အာဏာပိုင်တွေဟာ သဘာဝဘေးခံခဲ့ရတဲ့ ဒေသသုံးခုမှာ ကယ်ဆယ်ရေးလုပ်ငန်းတွေကို အပူတပြင်းဆောင်ရွက်နေပြီး ကယ်ဆယ်ရေးသမား ၁၅၀ ခန့် ဖြန့်ကြက်လုပ်ဆောင်ခဲ့ပါတယ်။…

ပို့အော့ပရင့် ၊ မတ်-၁၁-၂၀၂၄ မျိုးဆက်(VOM) ဟေတီနိုင်ငံမှာ အုပ်စုဖွဲ့အကြမ်းဖက်မှုတွေ ပိုမိုပြင်းထန်ဆိုးရွားလာတာကြောင့် အမေရိကန်သံရုံးဝန်ထမ်းတွေကို လေကြောင်းကနေ ပြောင်းရွှေ့ပေးခဲ့တယ်လို့ အမေရိကန်က ပြောပါတယ်။ ဒီလို ရွှေ့ပြောင်းရာမှ‌ြ မြို့တော်ပို့အော့ပရင်ရှိ အမေရိကန်သံရုံးရဲ့ မရှိမဖြစ်မဟုတ်တဲ့ ဝန်ထမ်းတွေပါဝင်ပြီး သံရုံးလုံခြုံရေးကိုလည်း အမေရိကန်တာဝန်ရှိသူတွေက တိုးမြှင့်ထားပါတယ်။ ပြီးခဲ့တဲ့သီတင်းပတ်အတွင်းမှာ ဟေတီမှာရှိတဲ့ လူဆိုးဂိုဏ်းတွေဟာ လေဆိပ်၊ ရဲစခန်းနဲ့ အကျဉ်းထောင်တွေကို တိုက်ခိုက်ခဲ့ပြီး ဝန်ကြီးချုပ် အေရီရယ်ဟင်နရီ နှုတ်ထွက်ပေးဖို့ ဖိအားပေးနေကြပါတယ်။ အမေရိကန်သံရုံးနဲ့ လေဆိပ်အနီးဝန်းကျင်မှာ အုပ်စုဖွဲ့အကြမ်းဖက်မှုတွေ တိုးလာတာကြောင့် သံရုံးဝန်ထမ်းတွေကို ပြောင်းရွှေ့ပေးဖို့ နိုင်ငံခြားရေးဝန်ကြီးဌာနက ဆုံးဖြတ်ခဲ့တာလို့ အမေရိကန်သံရုံးရဲ့ ထုတ်ပြန်ချက်မှာ ဖော်ပြထားပါတယ်။ သံရုံးကိုတော့ ဝန်ထမ်းအနည်းငယ်နဲ့ ဆက်လက်ဖွင့်လှစ်သွားမှာဖြစ်ပါတယ်။ ပြီးခဲ့တဲ့ မတ် ၉ ရက်နေ့က အီးယူသံတမန်တွေနဲ့အတူ ဟေတီဆိုင်ရာ ဂျာမနီသံအမတ်ကြီးလည်း ဒိုမီနီကန်နိုင်ငံကို ထွက်ခွာခဲ့တယ်လို့ ဂျာမနီနိုင်ငံခြားရေးဝန်ကြီးဌာနက ထုတ်ပြန်ထားပါတယ်။ Ref:BBC Photo:Reuters