Category: မြန်မာသတင်း

ဇန်နဝါရီ ၁၈ – ၂ဝ၂၅ KKO(VOM) ရန်ကုန်တိုင်းမှာ ဧည့်စာရင်းတွေကို စတင်တင်းကြပ်နေပြီး နယ်ကပြောင်းလာသူတွေနဲ့စစ်ဘေးရှောင်လာသူတွေကို အဓိကထားစိစစ်နေတယ်လို့ အုပ်ချုပ်ရေးပိုင်းဆိုင်ရာ အသိုင်းအဝိုင်းနဲ့ နီးစပ်သူတွေထံကနေ သိရပါတယ်။ “ရန်ကုန်တိုင်းမှာ ဧည့်စာရင်းတွေကိုစတင်တင်းကြပ်နေပါပြီ။ပြောင်းရွှေ့လာတဲ့ဒေသက ရပ်ကွက်/ကျေးရွာတွေရဲ့ထောက်ခံစာမပါဘူးဆိုရင် ဧည့်စာရင်းမပေးတော့ပါဘူး။ မြို့နယ်အတော်များများမှာပေါ့။အပြည့် အစုံတော့မသိရပါဘူး”လို့ ရန်ကုန်တိုင်းအတွင်းက ရပ်ကွက်အုပ်ချုပ်ရေးမှူးတယောက်က VOM ကို ပြောပါတယ်။ လက်ရှိကာလမှာ ဧည့်စာရင်းတိုင်တန်းမယ်ဆိုပါက အိမ်ရှင်ကိုယ်တိုင်လာရောက်ဖို့နဲ့အိမ်ရှင်မှ ကိုယ်တိုင် မိမိတို့ အိမ်ဌားကိုဧည့်စာရင်းပြုလုပ်ပေးရမယ်လို့ သိရပြီး အိမ်ရှင် ကိုယ်တိုင်မလာရောက်ပါက ဧည့်စာရင်းမထုတ်ပေးဘူးလို့လည်း ရပ်ကွက်အုပ်ချုပ်ရေးမှူးရုံးတွေကနေ အသိပေးထားတယ်လို့ သိရပါတယ်။ ဒါအပြင် အိမ်ဌားမှ အိမ်ရှင်အိမ်ဌားစာချုပ်၊မူရင်း/မိတ္တူ၊ နိုင်ငံသားအမှတ် မူရင်း/မိတ္တူတို့အပြင် မိမိတို့ပြောင်းရွှေ့ဒေသမှ ထောက် ခံစာမူရင်းတို့ အပါအဝင် နေထိုင်မယ့်သူအားလုံးရဲ့မှတ်ပုံတင်တွေကို ယူဆောင်လာရမှာဖြစ်သလို အိမ်ဌားမှအထက်ပါ အချက် အလက်တွေ မပါရှိပါက ဧည့်စာရင်းကိုမဆောင်ရွက်ပေးဘူးလို့ ရန်ကုန်တိုင်းအတွင်းက ရပ်ကွက်အုပ်ချုပ်ရေးပိုင်းဆိုင်ရာအဖွဲ့ဝင် တယောက်က ပြောပါတယ်။ “နယ်ကလာတဲ့သူတွေက အဓိကထား…

ZY(VOM) ရှမ်းပြည်နယ်တောင်ပိုင်း၊ ဖယ်ခုံအရှေ့ဖက်ကမ်းရှိ ညောင်ရွှေမြို့နယ်ထဲကို ဇန်နဝါရီလ ၁၇ရက်၊ နေ့လည်ပိုင်းက လက်နက်ကြီးကျည်ကျရောက်ပေါက်ကွဲလို့ သုံး​ယောပ်သေဆုံးပြီး ၁၄​ယောက် ဒဏ်ရာရရှိခဲ့တယ်လို့ စစ်ဘေးရှောင်အရေး ကူညီနေသူတွေထံကနေ သိရပါတယ်။ ညောင်ရွှေမြို့နယ်၊ ဘုရားတောင်ကျေးရွာထဲက လွယ်နွဲ့စစ်ရှောင်စခန်းကို လက်နက်ကြီး ၂ လုံး ကျရောက်ပေါက်ကွဲခဲ့တာကြောင့် အဲဒီစစ်ဘေးရှောင်စခန်းမှာ နေထိုင်နေကြသူ သုံး​ယောက်သေဆုံးပြီး ၁၄ ​ယောက်ဒဏ်ရာရရှိခဲ့တာ ဖြစ်တယ်လို့ သိရပါတယ်။ “လက်နက်ကြီး ၂လုံးဆက်တိုက် ကျလာတာ။ ၃ယောက်ကတော့ အဲဒီနေရာမှာပဲ ပွဲချင်းပြီး ဆုံးသွားတယ်။ ၁၄ ယောက်ကတော့ ဆေးကုသမှုခံယူနေတုန်း၊ ၂ယောက်ကတော့ အသက်အန္တရာယ် စိုးရိမ်ရတဲ့ အခြေအနေမှာပဲ ရှိသေးတယ်”လို့ စစ်ဘေးရှောင်အရေး ကူညီနေသူတစ်ယောက်က VOM ကို ပြောပါတယ်။ အဲဒီလို လက်နက်ကြီးကျည် ကျရောက်ပေါက်ကွဲခဲ့တာကြောင့် အသက် ၆ နှစ်အရွယ် မိန်းကလေးတဦး၊ အသက် ၅၀ ကျော် ဦးစိုင်းနဲ့ အသက်…

ဇန်နဝါရီ ၁၇ -၂၀၂၅ GG (VOM) စစ်ကိုင်းတိုင်း၊ အင်းတော်မြို့နယ်၊ မော်လူးမြို့မှာ ဇန်နဝါရီ ၁၆ ရက်နေ့ညပိုင်းက လေကြောင်းတိုက်ခိုက်ခံရပြီး လူသုံးယောက်သေဆုံးခဲ့သလိုထိခိုက်ဒဏ်ရာရသူတွေလည်းရှိခဲ့တယ်လို့သိရပါတယ်။ မနေ့က ညပိုင်း ၁၁ နာရီခွဲကျော်လောက်မှာ လေကြောင်းကနေဗုံးကြဲတိုက်ခိုက်ခံခဲ့ရတာဖြစ်ပြီး စည်ပင်ရုံးနဲ့မြမာလာရပ်ကွက်ထဲကို ဗုံးကျရောက်ခဲ့ကာ လူသေဆုံးခဲ့သလို အဆောက်အဦတွေလည်းပျက်စီးခဲ့ရတာဖြစ်တယ်လို့သိရပါတယ်။ “ဟဲနုတပ်ကုန်းအောက်က စည်ပင်ရုံးပေါ်ကျတယ်။နောက်ပြီး မြမာလာရပ်ကွက်ထဲကျတယ်။အခုသိရသလောက်သုံးယောက်သေတယ်။ဒဏ်ရာရတာလည်းရှိတယ်။ အိမ်တွေလည်းပျက်စီးတာရှိတယ်။ဗုံးက ကြဲတာလေးလုံးလောက်ရှိတယ်။ကျဲချိန်က ကျွန်တော်တို့လည်းဝပ်နေရတာ။ဘယ်နေရာကြဲမှန်းမသိဘူး။ဒီနေ့မှ နေရာရော၊သေတာရော ကြားရတာပေါ့။” လို့ ဒေသခံကပြောပါတယ်။ လက်ရှိမော်လူမြို့ကို ဝင်ရောက်ခွင့်ယာယီပိတ်ထားပြီး မြို့ကနေ ထွက်ခွာခွင့်တော့ပြုထားကြောင်း၊ စစ်ရှောင်ကြသူအနည်းစုလည်းရှိနေပြီး မြို့မှာတော့ ဖုန်းဆက်သွယ်ရေးလိုင်းတွေပြတ်တောက်နေတယ်လို့သိရပါတယ်။ ၂၀၂၄ ခုနှစ်ဒီဇင်ဘာလ တုန်းကလည်း မော်လူမြို့နယ်မှာလေကြောင်းတိုက်ခိုက်ခံရပြီးမော်လူးတိုက်နယ်ဆေးရုံရှိ အဆောက်အဦအချို့ပျက်စီးမှုရှိခဲ့တယ်လို့သိရပါတယ်။ မော်လူးမြို့ကိုတော့ ၂၀၂၃ ခုနှစ် ဒီဇင်ဘာလမှာNUG လက်အောက်ခံ PDF တွေက သိမ်းပိုက်ခဲ့တာဖြစ်လို့ ခုဆိုရင် မော်လူး မြို့ကို NUG ထိန်းချုပ်နေတာ တနှစ်ကျော်ရှိပြီဖြစ်တယ်လို့သိရပါတယ်။ မနေ့က ဇန်နဝါရီ…

ဇန်နဝါရီ ၁၇ – ၂၀၂၅ SN (VOM) ဖားကန့်မြို့နယ်နဲ့ နယ်နိမိတ်ချင်းထိစပ်နေတဲ့ စစ်ကိုင်းတိုင်း၊ ဟုမ္မလင်းမြို့နယ်က ကျေးရွာတွေမှာ တိုက်ပွဲတွေ ဖြစ်ပွားနေတဲ့အတွက် ဒေသခံရာနဲ့ချီ စစ်ရှောင်နေရတယ်လို့ ကူညီပေးနေသူတွေဆီက သိရပါတယ်။ ပြီးခဲ့တဲ့ ဇန်နဝါရီ ၁၄ ရက်နေ့က ဟုမ္မလင်းမြို့ကို ကာကွယ်ရေးဝန်ကြီး ဗိုလ်ချုပ်ကြီး မောင်မောင်အေး ရောက်ရှိလာကာ ဟုမ္မလင်းတပ်နယ်ရှိ အရာရှိ၊ စစ်သည်၊ မိသားစုဝင်တွေနဲ့ တွေ့ဆုံပြီးတဲ့နောက်ပိုင်း ဒေသတွင်းမှာ တိုက်ပွဲတွေ ပိုမို ပြင်းထန်လာတာဖြစ်တယ်လို့ ဆိုပါတယ်။ ဟုမ္မလင်းမြို့နယ်မှာ နစကတပ်၊ ရှမ်းနီအမျိုးသားများတပ်မတော် (SNA) နဲ့ ကချင်လွတ်လပ်ရေးတပ်မတော် (KIA) ပူးပေါင်းတပ်တွေကြား တိုက်ပွဲတွေ ဖြစ်ပွားနေတာဖြစ်ပြီး ဒေသခံပြည်သူ ၅၀၀ ကျော် စစ်ရှောင်နေရတယ်လို့ သိရပါတယ်။ “ဇန်နဝါရီ ၄ ရက်နေ့ကတည်းကစပြီး တိုက်ပွဲဖြစ်နေတာ။ ခုရက်ပိုင်း ပိုပြင်းထန်လာတယ်။ ရေပေါ်မီးကျေးရွာနဲ့ ပါဟုတ်ကြီး ကျေးရွာတွေရော၊…

ဇန်နဝါရီ ၁၇ – ၂၀၂၅ CC (VOM) NUG ထိန်းချုပ်ထားတဲ့ စစ်ကိုင်းတိုင်း၊ တမူးခရိုင်၊ ခမ်းပတ်မြို့ကို ဇန်နဝါရီ၁၆ ရက်နေ့ညပိုင်းက နစကမှ လေကြောင်းတိုက်ခိုက်မှုပြုလုပ်ခဲ့ရာ ခြောက်ယောက် သေဆုံးခဲ့တယ်လို့သိရပါတယ်။ မနေ့က ညပိုင်း ၈ နာရီကျော် လောက်မှာ လေကြောင်းတိုက်ခိုက်မှုဖြစ်ပွားခဲ့တာဖြစ်ပြီး တိုက်ခိုက်ခံရ မှုကြောင့်လူသေဆုံးမှုအပြင် နေအိမ် ၂၀ ထက်မနည်းလည်းပျက်စီးမှုဖြစ်ပွား ခဲ့တယ်လို့သိရပါတယ်။ ” ၈ နာရီကျော်လောက်မှာ ဗုံးသုံးကြိမ် ကြဲချတာပါ။ သိရသလောက်တော့ခြောက်ယောက်သေတယ်။ အဲဒီထဲမှာကလေးရော၊သံဃာရောပါတယ်ဆိုပြီးသိရတယ်။သတင်းတွေလည်းတက်နေပါတယ်။အိမ်တွေလည်းပျက်စီးတယ်။NUGကစစ်ကိုင်းတိုင်းမှာရုံးစိုက်မယ်ဆိုပြီးသတင်းထွက်ပြီးမကြာဘူးခမ်းပတ်မှာရုံးစိုက်မယ်ဆိုပြီးထွက်တော့ ခုလိုကြဲခံရတာပဲ။ကြားထဲကပြည်သူတွေထိခိုက်သေရတယ်။ခုထိတော့ ခမ်းပတ်မှ NUG ကရုံးစိုက်တာမရှိသေးဘူး။ ” လို့ တမူးဒေသခံကပြောပါတယ်။ လေကြောင်းတိုက်ခိုက်ခံခဲ့ရတာက ခမ်းပတ်မြို့ရှိ အမှတ်၁ရပ်ကွက်အပါအဝင် ကနန်းစံပြ ကျေးရွာတို့ဖြစ်တယ်လို့သိရပါတယ်။ ခမ်းပတ်မြို့လေကြောင်းတိုက်ခိုက်ခံရတယ်ဆိုတဲ့ ကိစ္စအပေါ် NUG ဘက်ကတော့ခုချိန်ထိတစုံတရာ တုန့်ပြန်ပြောဆိုတာမျိုးမတွေ့ရသေးသလို နစကဘက်မှလည်း လေကြောင်းတိုက်ခိုက်မှုနဲ့ပတ်သက်ပြီး ထုတ်ပြန်ပြောဆိုတာမရှိသေးပါဘူး။ ၂၀၂၄ ခုနှစ် ဇန်နဝါရီလတုန်းကလည်း ခမ်းပတ်မြို့…