ဩဂုတ် ၁၀၊ ၂၀၂၆ Shy V (VOM) ရှမ်းပြည်နယ်မြောက်ပိုင်းက သီပေါ၊ ကျောက်မဲ၊ သိန္နီ၊ လားရှိုး၊ မိုးမိတ်နဲ့ ကြူကုတ် (ပန်ဆိုင်း) စတဲ့ မြို့နယ်တွေမှာ တောင်ကျရေနဲ့ မိုးရေကြောင့် ရေကြီးရေလျှံမှု၊ မြေပြိုမှုတွေ တံတားတွေ ပျက်စီးနေပြီး စပါးခင်းနဲ့ စိုက်ပျိုးမြေတွေ ရေမြုပ်တာတွေ ရှိနေတယ်လို့ ဒေသခံတွေဆီက သိရပါတယ်။ မိုးမိတ်မြို့နယ်၊ မြစ်ဆုံကျေးရွာအနီးမှာ ရေကြီးရေလျှံမှုကြောင့် နမိတ်ချောင်းတံတား ပျက်စီးသွားပြီး ရေစီးလည်း အတော်ပြင်းထန်နေတယ်လို့ ဒေသခံတဦးက ပြောပါတယ်။ “မိုးမိတ် မြစ်ဆုံမှာ ရေကြီးလို့ တံတားပါကျိုးတယ်။ ရေစီးကလည်း ကြမ်းတယ်။ မိုးမိတ်နားက မြစ်ဆုံရွာ၊ နမိတ်ချောင်းတံတားပါ။ ကင်းချောင်းဘက်လည်း ရေတော်တော်ကြီးတယ်” လို့ ဆိုပါတယ်။ အဲဒီဒေသမှာ ရွှေတူးဖော်မှုတွေ အလွန်များပြားလာတာကြောင့် မြစ်ချောင်းအခြေအနေတွေ ပြောင်းလဲလာပြီး ရေကြီးရေလျှံမှု ပိုမိုဆိုးရွားလာနိုင်တယ်လို့လည်း ဒေသခံတွေက ပြောပါတယ်။ မိုးမိတ်မြို့နယ်…
Read MoreCategory: ဓာတ်ပုံ ဗီဒီယို
မန္တလေးတိုင်းဒေသကြီးလွှတ်တော်အစည်းအဝေးကို ပါတီ ၆ ခုက ပါတီဝင်တွေ လာရောက်လေ့လာ
မန္တလေး၊ သြဂုတ် – ၁၀- ၂၀၂၆ SA(VOM) ပါတီ ၆ ခု က ပါတီ၀င်အင်အား ၁၀၀ ဝန်းကျင်ဟာ ဒီကနေ့ သြဂုတ်လ ၁၀ရက်နေ့မှာကျင်းပတဲ့ တတိယအကြိမ် မန္တလေးတိုင်းဒေသကြီးလွှတ်တော် တတိယပုံမှန်အစည်းအဝေး(ပဉ်စမနေ့) အခမ်းအနားကို လာရောက်လေ့လာခဲ့ပါတယ်။ တိုင်းရင်းသားစည်းလုံးညီညွတ်ရေးပါတီ၊ ရှမ်းနှင့်တိုင်းရင်းသားများ ဒီမိုကရက်တစ်ပါတီ(ကျားဖြူပါတီ)၊ ၊ ဒီမိုကရက်တစ် အင်အာစု လေဘာပါတီ၊ လူမှုစီးပွားမြှင့်တင်ရေးပါတီ၊ ပြည့်သူ့ရှေ့ ဆောင်ပါတီ၊ တောင်သူလယ်သမားဖွံ့ဖြိုးတက်ရေး ပါတီတွေကပါတီ၀င် အယောက် ၁၀၀ ဝန်းကျင်က လာရောက်လေ့လာခဲ့တာဖြစ်တယ်လို့ သိရပါတယ်။ ဒီအစည်းအဝေးကို တက်ရောက်လေ့လာတဲ့ တိုင်းရင်းသားစည်းလုံးညီညွတ်ရေးပါတီက မန္တလေးတိုင်းရုံး အတွင်းရေးမှူး ဦးခင်မောင်ဝင်း၊ ရှမ်းနှင့်တိုင်းရင်းသားများ ဒီမိုကရက်တစ်ပါတီ (ကျားဖြူပါတီ) က မန္တလေးတိုင်းဥက္ကဋ္ဌ ဦးညိုဇေယျ နဲ့ ပါတီထောင်ဖို့ လွှတ်တော်ကိုလာရောက်လေ့လာတဲ့ ဦးသိန်းဇော်တို့ကို VOM က တွေ့ဆုံမေးမြန်းထားပါတယ်။
Read Moreမြေဂရန် သက်တမ်းတိုးတာနဲ့ အသစ်ထုတ်ပေးတာ ငွေကုန် ကြေးကျများပြီး အချိန်ကြာမြင့်နေမှုအပေါ် ဘယ်လိုဆောင်ရွက်ပေးမလဲ
မန္တလေး၊ သြဂုတ်- ၁၀- ၂၀၂၆ SA(VOM) မန္တလေးတိုင်းအတွင်းမှာရှိတဲ့ မြို့တွေမှာ မြေဂရန်သက်တမ်းတိုးတာနဲ့ အသစ်ထုတ်ပေးတာတွေမှာ ငွေကြေးကုန်ကျမှုများပြီး အချိန်ကြာမြင့်မှုတွေအပေါ် အမြန်ဆောင်ရွက်ပေးနိုင်ခြင်းရှိမရှိနဲ့ သတ်မှတ်နှုန်းထား ဘယ်လောက်ကုန်ကျသလဲ ဆိုတာတွေကို ပုသိမ်ကြီးမြို့နယ်၊ ကိုယ်စားလှယ်အမှတ် ၁၊ တိုင်းဒေသကြီးလွှတ်တော်ကိုယ်စားလှယ် ဦးဆွေသန်းက လွှတ်တော်ကတဆင့် သက်ဆိုင်ရာ ဝန်ကြီးဌာနကို မေးမြန်းခဲ့ပါတယ်။ ဒီကနေ့ကျင်းပတဲ့ တတိယအကြိမ် မန္တလေးတိုင်းဒေသကြီးလွှတ်တော် တတိယပုံမှန်အစည်းအဝေး(ပဉ္စမနေ့) မှာ တိုင်းဒေသကြီးလွှတ်တော်ကိုယ်စားလှယ် ဦးဆွေသန်း မေးမြန်းခဲ့တဲ့ မေးခွန်းကို မန္တလေးတိုင်းဒေသကြီးအစိုးရအဖွဲ့ လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး နေလင်းစိုး က ပြန်လည်ဖြေကြားခဲ့ပြီး လွှတ်တော်အစည်းအဝေးအပြီးမှာ VOM က တိုင်းဒေသကြီးလွှတ်တော်ကိုယ်စားလှယ် ဦးဆွေသန်း ကို တွေ့ဆုံမေးမြန်းခဲ့ပါတယ်
Read Moreဗန်းမော်မြို့ကနေ မန္တလေးကိုစစ်ဘေးရှောင်နေတဲ့ပြည်သူတွေအတွက် ရှမ်းနီအဖွဲ့တွေက ထောက်ပံ့ကူညီ
မန္တလေး-ဩဂုတ် ၉-၂၀၂၆ VOM ကချင်ပြည်နယ် ဗန်းမော်မြို့ဝန်းကျင်က တိုက်ပွဲတွေကြောင့် မန္တလေးမြို့ကိုရောက်နေတဲ့ စစ်ဘေးရှောင်ပြည်သူ ၃၄၀ ကျော်ကို ရှမ်းနီအမျိုးသားများတပ်မတော် SNUC/SNA ၊ ရှမ်းနီလူမှုရေးအသင်း နဲ့ တိုင်းလိုင်(ရှမ်းနီ) အမျိုးသားများတိုးတက်ရေးပါတီ တို့က ဝိုင်းဝန်းပြီးထောက်ပံ့လှူတန်းတဲ့ပွဲကို မန္တလေး ပြည်ကြီးတံခွန်မြို့နယ်က မစိုးရိမ်တိုက်သစ် ဘုန်းတော်ကြီးကျောင်းမှာ ဩဂုတ် ၉ ရက်မနက်က ပြုလုပ်ခဲ့ပါတယ်။ ဒီပွဲမှာ ဗန်းမော် ရှမ်းနီစစ်ရှောင် အိမ်ထောင်စု ၃၄၀ အတွက် တအိမ်ထောင် ငွေကျပ်တသိန်းခွဲ၊ ဆန်တအိတ် ၊ ဆီတဗူး၊ ဆား တပိဿာ၊ အချိုမူန့် တပိဿာ ထောက်ပံ့လှူတန်းခဲ့ကြပါတယ်။ ဗန်းမောင်စစ်ရှောင်တွေရဲ့ နေထိုင်ရတဲ့အခြေအနေကို ကိုယ်တိုင်ကြုံခဲ့ရတဲ့ နန်းနီနီထွန်း၊ ဒီလှူတန်းမှုကို ဦးဆောင်တဲ့ ရှမ်းနီအမျိုးသားများတပ်မတော် ပြောရေးဆို ခွင့်ရှိသူ စိုင်းဆေကောင်းဆိုင်၀် ၊ တိုင်းလိုင်(ရှမ်းနီ) အမျိုးသားများတိုးတက်ရေးပါတီက နန်းထားထားမေ နဲ့ ရှမ်းနီလူမှုရေးအသင်းက ဒေါ်ခင်မေဌေးတို့ရဲ့…
Read More“တရားမဝင်အကွက်ရိုက် ရောင်းချမှုတွေကို သက်ဆိုင်ရာတာဝန်ရှိသူတွေက ဂရန်တွေချပေးလိုက်မယ်ဆိုရင် ကုမ္ပဏီဘက်က ကန့်ကွက်ခွင့်မရှိပါဘူး” ဆိုတဲ့ အမရပူရမြို့ပြဖွံ့ဖြိုးရေးစီမံကိန်း ဒါရိုက်တာ ဦးဇော်ရဲဝင်းနဲ့ တွေ့ဆုံခြင်း
မန္တလေး- သြဂုတ်- ၆-၂၀၂၆ VOM သြဂုတ်လ ၅ ရက်နေ့ မနေ့ညနေ ၃ နာရီဝန်းကျင်က အမရပူရမြို့နယ် လွှတ်တော်ကိုယ်စားလှယ်တွေဖြစ်တဲ့ ပြည်သူ့လွှတ်တော်ကိုယ်စားလှယ် ဦးသိန်းထွန်းဦး၊ တိုင်းဒေသကြီးလွှတ်တော်ကိုယ်စားလှယ်တွေဖြစ်ကြတဲ့ ဦးဇော်အောင်ထက်နဲ့ ဒေါ်စောမြိုင်တို့က စီမံကိန်းလယ်ယာမြေပေါ်ဆောက်လုပ်ထားတဲ့ နေအိမ်ဖျက် သိမ်းခံရမယ့် အုပ်စုသုံးခုက ဒေသခံတွေနဲ့ ရွှေဘုံသာတိုက်ဟောင်းကျောင်းတိုက်အတွင်းမှာ တွေ့ဆုံခဲ့ကြပါတယ်။ ဒီတွေ့ဆုံပွဲမှာ ဒေသခံတွေက သူတို့ဖြစ်စေချင်တဲ့ လိုလားချက်တွေကို တင်ပြခဲ့သလို လွှတ်တော်ကိုယ်စားလှယ်တွေကလည်း ဥပဒေဘောင်အတွင်းက သူတို့ဆက်လက်လုပ်ဆောင်မယ့် ကိစ္စတွေကို ရှင်းပြခဲ့ပါတယ်။ အဲလိုတွေ့ဆုံပြီးတဲ့နောက်မှာ အမရပူရမြို့ပြဖွံ့ဖြိုးရေးစီမံကိန်းရဲ့ တာဝန်ရှိသူ ဒါရိုက်တာ ဦးဇော်ရဲဝင်းနဲ့ Voice Of Myanmar အယ်ဒီတာချုပ် ဦးနေလင်းတွေ့ဆုံမေးမြန်းခဲ့ပါတယ်။ “ အမရပူရမြို့ပြဖွံ့ဖြိုးရေးစီမံကိန်းကြောင့် မည်သည့်ရွာမျှပြောင်း ရွှေ့ရခြင်း မရှိကြောင်း ၊ လယ်ယာမြေ အကွက်ရိုက်ရောင်းချထားသူများထံမှ အမှန်တကယ်ဝယ်ယူမိသူတွေ ဖြစ်ပါက ဆုံးရှုံးမှုသက်သာစေရေးအတွက် ကုမ္ပဏီ အနေနှင့် တတ်နိုင်သမျှ အကောင်းဆုံးကူညီဆောင်ရွက်ပေးမည် ဖြစ်ပါကြောင်းနဲ့…
Read Moreအမရပူရမြို့နယ်က လွှတ်တော်ကိုယ်စားလှယ်တွေနဲ့ နေအိမ်တွေဖျက်သိမ်းခံရမယ့် ဒေသခံတွေ တွေ့ဆုံ
မန္တလေး၊ သြဂုတ်- ၅- ၂၀၂၆ SA(VOM) ဒီကနေ့ သြဂုတ်လ ၅ ရက်နေ့ညနေ ၃ နာရီဝန်းကျင်မှာ အမရပူရမြို့နယ်က လွှတ်တော်ကိုယ်စားလှယ်တွေဖြစ်တဲ့ ပြည်သူ့လွှတ်တော်ကိုယ်စားလှယ် ဦးသိန်းထွန်းဦး၊ တိုင်းဒေသကြီးလွှတ်တော်ကိုယ်စားလှယ်တွေဖြစ်ကြတဲ့ ဦးဇော်အောင်ထက်နဲ့ ဒေါ်စောမြိုင်တို့က နေအိမ်တွေ ဖျက်သိမ်းခံရမယ့် အုပ်စုသုံးခုက ဒေသခံတွေနဲ့ ရွှေဘုံသာတိုက်ဟောင်းကျောင်းတိုက်အတွင်းမှာ တွေ့ဆုံခဲ့ကြပါတယ်။ ဒီတွေ့ဆုံပွဲမှာ ဒေသခံတွေက သူတို့ဖြစ်စေချင်တဲ့ လိုလားချက်တွေကို တင်ပြခဲ့သလို လွှတ်တော်ကိုယ်စားလှယ်တွေကလည်း ဥပဒေဘောင်အတွင်းက သူတို့ဆက်လက်လုပ်ဆောင်မယ့် ကိစ္စတွေကို ရှင်းပြခဲ့ပါတယ်။ ပြီးခဲ့တဲ့ ဇူလိုင် ၂၈ ရက်နေ့က သက်ဆိုင်ရာက ထုတ်ပြန်တဲ့ ထုတ်ပြန်စာမှာတော့ အမရပူရမြို့နယ်၊ ယဥ်တော်ကျေးရွာအုပ်စုကွင်းအမှတ် ၆၀၃ (မြို့ပတ်လမ်းအရှေ့ဘက်ခြမ်း)မှာ မြေကွက်ရိုက်ဖော်ဆောင်ခြင်း၊ ဝန်းခြံကာရံခြင်း၊ လမ်း ခင်းကျောက်ရိုးစီခြင်း၊ အဆောက်အဦး ဆောက်လုပ်အသုံး ပြုနေကြောင်း စိစစ်တွေ့ရှိရတာကြောင့် လယ်ယာမြေ ဥပဒေပုဒ်မ ၁၉ (ဂ ၊ ဃ) တို့နဲ့…
Read Moreလက်နက်ကိုင်အဖွဲ့စုံက အလင်းဝင်လာတဲ့သူတွေကို အလယ်ပိုင်းတိုင်းစစ်ဌာနချုပ်မှာ လက်ခံကြိုဆိုပြီး မိဘတွေဆီပြန်လည်အပ်နှံ
မန္တလေး၊ သြဂုတ်- ၁- ၂၀၂၆ SA(VOM) မန္တလေးတိုင်းအတွင်းမှာ လက်နက်ကိုင်လှုပ်ရှားနေတဲ့ အဖွဲ့အသီးသီးက အလင်း ဝင်လာသူ ၃၀၃ ယောက် ကို အလယ်ပိုင်းတိုင်းစစ်ဌာနချုပ်မှာ မန္တလေးတိုင်းအစိုးရအဖွဲ့နဲ့ တာဝန်ရှိသူတွေက လက်ခံကြိုဆိုခဲ့ကြပြီး မိဘတွေဆီပြန်လည်အပ်နှံတဲ့အခမ်း အနားကို ဒီကနေ့သြဂုတ်လ ၁ ရက်နေ့မနက်ပိုင်းက ပြုလုပ်ခဲ့ကြပါတယ်။ ဒီတခေါက်အလင်းဝင်တဲ့အထဲမှာ AA၊ KNU၊ ရတနာပုံတော် လှန်ရေးတပ်ဖွဲ့၊ ABSDF၊ PDFs၊ PLAစတဲ့အဖွဲ့မျိုးစုံ စုစုပေါင်း ၄၅ ဖွဲ့က ၃၀၃ ယောက်ဟာ ဥပဒေဘောင်အတွင်းကိုဝင်ခဲ့တာဖြစ်ပါတယ်။ အလင်းဝင်လာသူတွေနဲ့အတူ ရိုင်ဖယ်အုပ်စုဝင် သေနတ် ၉ လက်၊ လက်လုပ်သေနတ် ၉ လက်၊ ကျည်အိမ်မျိုးစုံ ၁၇ ခု၊ ကျည်မျိုးစုံ ၆၇၈ တောင့်၊ လက်ပစ်ဗုံးမျိုးစုံ ၁၂ ခု ပါဝင်တယ်လို့ သိရပါတယ်။ အလယ်ပိုင်းတိုင်းစစ်ဌာနချုပ်မှာ ပြီးခဲ့တဲ့ မေလ ၁၉…
Read Moreအမရပူရမြို့နယ်အတွင်းက ဖယ်ရှားခံရမယ့် နေအိမ်တွေကိစ္စ ကော်မတီဖွဲ့စည်းပြီး အထက်အဆင့်ဆင့်တင်ပြမယ်
မန္တလေး၊ ဇူလိုင်- ၃၀- ၂၀၂၆ SA(VOM) အမရပူရမြို့ပြဖွံ့ဖြိုးရေးစီမံကိန်း လျာထားဧရိယာထဲက လယ်ယာမြေတွေပေါ်မှာ အခြားနည်းသုံးစွဲခွင့်မရှိပဲ အကွက်ရိုက်ရောင်းချ နေအိမ်တွေဆောက် လူနေထိုင်မှုတွေရှိလို့ဆိုကာ ဖယ်ရှားပေးဖို့ အမိန့်စာထုတ်ပြန်တဲ့အပေါ် ကွင်းအမှတ် ၆၀၃ အတွင်းကကျေး ရွာနေသူတွေနဲ့ ရပ်မိရပ်ဖတွေစုပေါင်းကာ ဒီကနေ့ ဇူလိုင်လ ၃၀ ရက်နေ့ မနက်ပိုင်းက ရွှေဘုံသာတိုက်ဟောင်းကျောင်းတိုက်အတွင်းမှာ အစည်းအဝေးတရပ်ပြုလုပ်ခဲ့ပါတယ်။ ” ပြည်သူတွေရဲ့ စိတ်ဆန္ဒပဲရှင့် တကယ်လို့ တန်ရာတန်ကြေး အပြည့်စုံရမယ်ဆိုရင်တော့ ကျမတို့ စဥ်းစားပါမယ်၊ တတ်နိုင်ရင်တော့ ကျမတို့ ကျမတို့တည်နေရာလေးကို ကျမတို့ တည်နေရာလေးအတိုင်း နေချင်ပါတယ်” လို့ ကွင်းအမှတ် ၆၀၃ က ရပ်မိ ရပ်ဖ အဖွဲ့ဝင် ဒေါ်ခင်ခင်ချော က ကျေးရွာနေသူတွေရဲ့ဆန္ဒကို မေးမြန်းပြီး VOM ကို ဖြေကြားပါတယ်။ ထုတ်ပြန်စာမှာတော့ အမရပူရမြို့နယ်၊ ယဥ်တော်ကျေးရွာအုပ်စုကွင်းအမှတ် ၆၀၃ (မြို့ပတ်လမ်းအရှေ့ဘက်ခြမ်း)မှာ မြေကွက်ရိုက်ဖော်ဆောင်ခြင်း၊…
Read Moreအမှိုက်စွန့်ပစ်မှုနဲ့ ပတ်သက်တဲ့ ပညာပေးအစီအစဥ် နိုင်ငံကျော်အဆိုတော်၊ အနုပညာရှင်တွေနဲ့အတူ မန္တလေးမှာ ကျင်းပ
မန္တလေး၊ ဇူလိုင်- ၂၈- ၂၀၂၆ SA(VOM) မန္တလေးမြို့၊ အောင်မြေသာစံမြို့နယ်၊ ၂၆ လမ်း ၆၆ လမ်း ထောင့်မှာ ဒီကနေ့ ဇူလိုင်လ ၂၈ ရက်နေ့ မနက်ပိုင်းက မန္တလေးမြို့နေပြည်သူလူထုကို အမှိုက်စွန့်ပစ်မှုနဲ့ပတ်သက်တဲ့ ပညာပေးအစီအစဥ်တရပ်အဖြစ် နိုင်ငံကျော်အနုပညာရှင်တွေနဲ့ မန္တလေးမြို့တော်စည်ပင်သာယာရေးကော်မတီ၊ လွှတ်တော်ကိုယ်စားလှယ်၊ အ ထွေထွေအုပ်ချုပ်ရေးဦးစီးဌာန၊ တိုင်းဒေသကြီးအစိုးရအဖွဲ့တို့ ပူးပေါင်းပြီး သရုပ် ဖော်ပြသ စီစဥ်တင်ဆက်ခဲ့ပါတယ်။ ” အမှိုက်စွန့်ပစ်မှုနဲ့ပတ်သက်တဲ့ ပညာပေးအစီအစဥ်ကို ပြည်သူလူထုကို အသိ ပညာပေးတဲ့အနေနဲ့ ကျယ်ကျယ်ပြန့်ပြန့်လုပ်တာပါ၊ အဆိုတော်တွေကို ဖိတ်တယ်ဆိုတာကလည်း ပြည်သူလူထုက ပိုပြီးတော့ စိတ်ဝင်တစားရှိလာအောင်လို့ စီစဥ်တာပါ၊ အစီအစဥ်လေးကတော့ ကျနော်တို့ စည်ပင်သာယာရေးကော်မတီ ဝန်ထမ်းတွေကနေ LED ကားပြီးအပြင် ပါဖော့မန့် တခုလုပ်မယ် ပြီးရင် အဆိုတော်တွေက တေးသီချင်းတွေနဲ့ ဖျော်ဖြေပေးပြီး အလှည့်ကျဆောင် ရွက်သွားမှာပါ ” လို့ မန္တလေးမြို့တော်စည်ပင်သာယာရေးကော်မတီ…
Read Moreကမ္ဘာ့ အသည်းရောင်ရောဂါနေ့ အထိမ်းအမှတ်အနေနဲ့ “B” ပိုးအခမဲ့သွေးစစ်ခြင်း၊ အသည်းရောင် “B” ပိုး ကာကွယ်ဆေးအခမဲ့ထိုးပေး
မန္တလေး၊ ဇူလိုင်- ၂၈- ၂၀၂၆ SA(VOM) ကမ္ဘာ့အသည်းရောင်ရောဂါနေ့(World Hepatitis Day 2026) အထိမ်းအမှတ်အနေနဲ့ အသည်းရောဂါဆေးပညာဌာန မန္တလေးပြည်သူ့ဆေးရုံကြီးက ကြီးမှူးပြီးတော့ မြန်မာနိုင်ငံဆရာဝန်များအသင်း၊ မန္တလေးခန်းမမှာ အသည်းရောင် “B” ပိုး အခမဲ့သွေးစစ်ခြင်း၊ အသည်းရောင် “B” ပိုး ကာကွယ်ဆေးအခမဲ့ထိုးပေးတာတွေကို ဒီကနေ့ ဇူလိုင် ၂၈ ရက်နေ့ မနက် ၉ နာရီကနေ ၁၁ နာရီအထိ ဆောင်ရွက်ပေးခဲ့တာဖြစ်တယ်လို့သိရပါတယ်။ ဒီအခမ်းအနားမှာ အသည်းရောင်ရောဂါကို ကုသခြင်းထက် ကာကွယ်ခြင်းကလည်း ပိုပြီးထိရောက်ကြောင်းနဲ့ ဒီကနေ့ကျင်းပတဲ့ ပွဲအကြောင်း၊ မန္တလေးပြည်သူ့ဆေးရုံကြီး အသည်းရောဂါဌာနရဲ့လုပ်ဆောင်ချက်တွေအကြောင်း ဘယ်လိုတွေကာကွယ်ရမလဲ ဘယ်လိုကုသမလဲဆိုတာ မန္တလေးပြည်သူ့ဆေးရုံကြီး အသည်းရောဂါဌာန ဌာနမှူး ပါမောက္ခ ဒေါက်တာသန္တာထွန်း ကို VOM သတင်းဌာန အယ်ဒီတာချုပ် ဦးနေလင်း က တွေ့ဆုံမေးမြန်းခဲ့ပါတယ်။
Read More