နိုဝင်ဘာ- ၂ – ၂၀၂၆ GG (VOM) မန္တလေးတိုင်း ၊ မိတ္ထီလာမြို့၊ မိတ္ထီလာပညာရေးဒီကရီကောလိပ်မှာ အသစ်ဆောက်နေတဲ့ မြေအောက်ရေကန်အတွင်း အလုပ်သမားလေးယောက် အောက်ဆီဂျင်ပြတ်ပြီးသေဆုံးခဲ့တယ်လို့ သိရပါတယ်။ မနေ့က နိုဝင်ဘာလ ၁ ရက်နေ့၊ ညနေ ၃ နာရီ ၁၅ မိနစ်လောက်မှာ အနက် ၆ ပေနဲ့ အကျယ် ၁၈ ပေပတ်လည်ရှိတဲ့ မြေအောက်ရေကန်အတွင်းမှာ လုပ်ထားတဲ့ ငြမ်းကို ဆင်းပြီး ဖြုတ်ရာကနေ လေးယောက်က အောက်ဆီဂျင်ပြတ်ကာနေရာမှာပဲသေဆုံးခဲ့ ဖြစ်ပါတယ်။ ” ရေကန်ထဲက ငြမ်းကိုဆင်းဖြုတ်ကြတာ။ တယောက်ဆင်းလိုက် နှစ်ယောက်ဆင်းလိုက်နဲ့ အကုန်လုံးငါးယောက်ဖြစ်သွားတယ်။ လေးယောက်ကဆုံးတယ်။ တယောက်ကတော့ ဆေးရုံပို့ထားတယ်။ ကန်က ဘိလပ်မြေသိပ်မခြောက်သေးတာလည်းပါမယ်။” လို့ မြေပြင်ကူညီကယ်ဆယ်ရေးလုပ်ခဲ့သူကပြောပါတယ်။ အောက်ဆီဂျင်ပြတ်ပြီး သေဆုံးတဲ့ အမျိုးသားလေးယောက်က အသက် ၃၀ ကနေ ၄၅ နှစ်အရွယ်တွေဖြစ်ပြီး မိတ္ထီလာမြို့ပေါ်ကပါသလို…

နိုဝင်ဘာ ၂ ၊ ၂၀၂၆ GG (VOM) ရခိုင်ပြည်နယ်မှာ မနေ့က နိုဝင်ဘာ ၁ ရက်နေ့ တရက်တည်း ကျောက်တော်၊ မြောက်ဦး၊ ပေါက်တောနဲ့ ကျောက်ဖြူ နယ်တွေမှာ လေကြောင်းတိုက်ခိုက်ခံရပြီး ၁၂ ယောက်ထက်မနည်းသေဆုံးကာ အယောက် ၃၀ ကျော်ထိခိုက်ဒဏ်ရာရရှိခဲ့တယ်လို့ သိရပါတယ်။ မြောက်ဦးမြို့နယ် ၊ ထမ္မရာဇ်ရပ်ကွက် ငွေတောင်ပေါက်အနီးမှာ မနေ့က ညနေ ၅ နာရီခွဲလောက်က လေကြောင်းတိုက်ခိုက်ခံရပြီး ငါးယောက်သေဆုံးကာ ကိုးယောက်ထိခိုက်သေဆုံးခဲ့တယ်လို့ သိရပါတယ်။ အလားတူ ကျောက်တော်မြို့နယ် နဲ့ ပုဏ္ဏားကျွန်းမြို့နယ်ကို ဆက်သွယ်ထားတဲ့ ယိုးချောင်းတံတားမှာ မနေ့က ည​​နေ ၅ နာရီကျော်လောက်က လေကြောင်းကနေ ဗုံးကြဲခံခဲ့ရပြီး ခုနှစ်ယောက်သေဆုံးက ထိခိုက်ဒဏ်ရာရသူ ခုနှစ်ယောက်ရှိခဲ့တယ်လို့ သိရပါတယ်။ ” စုစုပေါင်း သေဆုံးသူက ၁၃ ယောက်လောက်ရှိတယ်။ ထိခိုက်ဒဏ်ရာရတဲ့သူက ၃၀ ကျော်လောက်ရှိတယ်။…

နိုဝင်ဘာ ၂ ၊ ၂၀၂၆ MW (VOM) စစ်ကိုင်းတိုင်းအစိုးရမှာ ပြောင်းလဲအစားထိုးတဲ့ လုံနယ်ဝန်ကြီးနဲ့ စည်ပင်ဝန်ကြီးတို့ လွတ်တော်မှာကတိသစ္စာပြုဖို့ စစ်ကိုင်းတိုင်းဝန်ကြီးချုပ်က လွတ်တော်ခေါ်ဖို့ သဝဏ်လွှာပို့တဲ့အတွက် အရေးပေါ်အစည်းအဝေးကိုကျင်းပရတာလို့ စစ်ကိုင်းတိုင်းလွတ်တော်ဥက္ကဌဦးတင့်လှိုင်မြင့်က မုံရွာစစ်ကိုင်းတိုင်းလွတ်တော်မှာကျင်းပတဲ့ အရေးပေါ်အစည်းအဝေး အဖွင့်နှုတ်ဆက်စကားမှာပြောကြားပါတယ်။ “အရေးပေါ်အစည်းအဝေးကျင်းပရတာကတော့ စစ်ကိုင်းတိုင်းဒေသကြီးအစိုးရအဖွဲ့ လုံခြုံရေးနဲ့ နယ်စပ်ရေးရာဝန်ကြီးပြောင်းလဲအစားထိုးတဲ့အတွက်ကြောင့် လုံခြုံရေးနဲ့နယ်စပ်ရေးရာဝန်ကြီးအမည်စာရင်းကို လွတ်တော်မှာတင်သွင်းအတည်ပြုပြီး ကတိသစ္စာပြုဖို့နဲ့ စတုတ္ထပုံမှန်အစည်းအဝေးက စည်ပင်သာယာရေးဝန်ကြီး အမည်စာရင်းကို တင်သွင်းအတည် ပြုခဲ့ပြီး ဖြစ်ပေမယ့် လွတ်တော်အစည်းအဝေးရပ်နားထားတဲ့အတွက် ကတိသစ္စာပြုဖို့ ကျန်ရှိနေတဲ့အတွက် တိုင်းဒေသကြီးအစိုးရဝန်ကြီးချုပ်ကနေလွှတ်တော်အစည်းအဝေးခေါ်ယူပေးဖို​့ ၂၀၁၃ ခုနှစ် တိုင်းဒေသကြီးလွတ်တော်ဥပဒေပုဒ်မ ၃၃အရ သဝဏ်လွှာပေးပို့လာတဲ့အတွက် တိုင်းဒေသကြီး(သို့မဟုတ်)ပြည်နယ်လွတ်တော်ဆိုင်ရာ နည်းဥပဒေ၃(ဃ)အရ အရေးပေါ်အစည်းအဝေး၁/၂၀၂၆ကို ခေါ်ယူရတာဖြစ်ပါတယ်။”လို့ လွတ်တော်ဥက္ကဌဦးတင့်လှိုင်မြင့်က ပြောပါတယ်။ တတိယအကြိမ်စစ်ကိုင်းတိုင်းလွှတ်တော်အရေးပေါ်အစည်းအဝေးကို နိုဝင်ဘာလ၂ရက်နံနက်၁၀နာရီက မုံရွာမြို့စစ်ကိုင်းတိုင်းလွတ်တော်မှာကျင်းပတာပါ။အရေးပေါ်အစည်းအဝေးမှာ စစ်ကိုင်းတိုင်းလွှတ်တော်ဥက္ကဌဦးတင့်လှိုင်မြင့်က အဖွင့်နှုတ်ဆက်စကားပြောကြားပြီး တိုင်းဒေသကြီးတပ်မတော်သားလွှတ်တော်ကိုယ်စားလှယ်အဖြစ် ဗိုလ်မှုးကြီးမင်းသိန်းကကတိသစ္စာပြုပြီး ကတိသစ္စာပြုလွှာမှာ လက်မှတ်ရေးထိုးပါတယ်။ “အခုကျင်းပတဲ့အရေးပေါ်အစည်းအဝေးဟာ သာမာန်လုပ်ငန်းဆောင်ရွက်မှုအဖြစ်သာရှုမြင်ဖို့မဟုတ်ဘဲ လွတ်တော်ရဲ့ဖွဲ့စည်းပုံဆိုင်ရာတာဝန်များ ဥပဒေပြဌာန်းချက်များနဲ့…

မန္တလေး၊ နိုဝင်ဘာ- ၂- ၂၀၂၆ SA(VOM) ခြေချုပ်ခံဝန်ဥပဒေ ၅(၁)(စ)(ဆ) နဲ့ တရားစွဲခံရတဲ့ မန္တလေး တိုင်း လျှပ်စစ်၊ စွမ်းအင်နှင့် ဆောက်လုပ်ရေးဝန်ကြီးဟောင်း ဦးဇာနည်အောင် အမှုတွက် ဒီကနေ့ နိုဝင်ဘာ ၂ရက်နေ့ မနက်ပိုင်းမှာ မဟာအောင်မြေမြို့နယ်တရားရုံးက နောက်ဆုံးကျန်တဲ့ တရားလိုပြသက်သေ သုံးယောက်ကို စစ်ဆေးခဲ့ပြီး နိုဝင်ဘာ ၆ ရက်နေ့မှာ အပြီးသတ်အမိန့်ချမှတ်မှာ ဖြစ်ပါတယ်။ ” လွတ်တဲ့အခါကြမှဘဲ လွတ်ပြီဟေ့ဆိုတဲ့ အရသာရမှာပေါ့ဗျာ” လို့ ဦးဇာနည်အောင် က VOM ကိုပြောပါတယ်။ ဦးဇာနည်​အောင်က ဒီ​နေ့အပြီးသတ် အမိန့်ချဖို့ ​တရားသူကြီးကို ​တောင်းဆို​ပေမယ့် သာမန်အရပ်သားမဟုတ်ဘဲ ဝန်ကြီး​ဟောင်းဖြစ်တာမို့ စဥ်းစားဆုံးဖြတ်ဖို့လိုတယ်လို့ တွဲဘက်မြို့နယ်တရားသူကြီး(၂) က ရှင်းပြပါတယ်။ ဦးဇာနည်အောင်ကို ဒုရဲမှူးမြင့်ဇော် က ခြေချုပ်ခံဝန်ဥပဒေ ၅(၁)(စ)(ဆ) မဟာအောင်မြေမြို့နယ် တရားရုံးမှာ တရားလိုပြုလုပ်ပြီး တရားစွဲဆိုထားတာဖြစ်ပါတယ်။ ဦးဇာနည်အောင်အမှုမှာ…

နိုဝင်ဘာ ၂၊ ၂၀၂၆ Shy V (VOM) ရှမ်းပြည်နယ်အရှေ့ပိုင်း၊ တာချီလိတ်မြို့ ဆန်ဆိုင်း(က)ရပ်ကွက်ရှိ ယုဝရတ်ဟိုတယ်မှာ အွန်လိုင်းငွေလိမ်လည်မှုနဲ့ လောင်းကစားလုပ်ငန်းတွေ လုပ်ကိုင်နေတဲ့ ထိုင်းနိုင်ငံသား ၈၃ ယောက်ကို အောက်တိုဘာ ၃၁ ရက် ညနေပိုင်းမှာ ဖမ်းဆီးခဲ့တယ်လို့ ဒေသခံတွေနဲ့ ပြန်ကြားရေး ဌာနရဲ့ ရဲ့ သတင်းထုတ်ပြန်ချက်အရ သိရပါတယ်။ အောက်တိုဘာလ ၃၁ ရက်နေ့ နေ့ ညနေ ၅ နာရီ ၄၅ မိနစ်ခန့်မှာ လုံခြုံရေးတပ်ဖွဲ့ဝင်တွေပါဝင်တဲ့ ပူးပေါင်းအဖွဲ့က ယုဝရတ်ဟိုတယ်ကို ဝင်ရောက်စစ်ဆေးခဲ့တာဖြစ်ပြီး ဖမ်းဆီးခံရသူတွေထဲမှာ အမျိုးသား ၄၂ ယောက်နဲ့ အမျိုးသမီး ၄၁ ယောက် ပါဝင်တယ်လို့ နိုဝင်ဘာ ၁ ရက်မှာ MOI က သတင်း ထုတ်ပြန်ထားပါတယ်။ ဖမ်းဆီးချိန်မှာ ကျားဖြန့်လုပ်ငန်းတွေအတွက် အသုံးပြုတဲ့ Laptop ၄၀…

နိုဝင်ဘာ ၂၊ ၂၀၂၆။ NN(VOM) ရှမ်းပြည်မြောက်ပိုင်း၊ သီပေါစက်လှေဆိပ်မှာ ခရီးသည်တွေထက် ကုန်ပစ္စည်း တွေကိုပဲ ဦးစားပေးတင်နေတာကြောင့် အခက်အခဲဖြစ်နေကြတယ်လို့ ခရီးသွားတွေဆီကနေ သိရပါတယ်။ စက်လှေဂိတ်တိုင်းလိုလိုမှာ ကုန်ပစ္စည်းတွေကိုပဲ အဓိကတင်ပြီး ခရီးသည် တွေကို တနေကုန်နီးပါး စောင့်ခိုင်းထားတယ်လို့ ကိုယ်တိုင်ကြုံရတဲ့ ခရီးသွားတွေက​ ပြောပါတယ်။ “ ကုန်ကားတွေ၊ ခရီးသည်တင်ကားကြီးတွေကနေပါတဲ့ ကုန်တွေကိုပဲ ဦးစား ပေးတင်နေတာဗျ။ ခရီးသည်တွေကျတော့ နေပူထဲ စောင့်ခိုင်းထား တာဗျာ။ တချို့ဂိတ်တွေဆို လူမတင်ဘူးတဲ့။ အားလုံး ပြေလည်အောင်တော့ လုပ်ကြစေချင်တယ်” လို့ ခရီးသွား အမျိုးသားတယောက်က ပြောပါတယ်။ ဖြတ်သန်းခွင့်ရဖို့ ပြောတဲ့ ခရီးသည်တွေကိုလည်း စက်လှေဆိပ်က အလုပ် သမားတွေက မချေမငံ ပြန်ပြောတာတွေလည်း ရှိတယ်လို့ သိရပါတယ်။ ၁၀၂၇ တိုက်ပွဲကာလအတွင်း TNLA တပ်ဖွဲ့ သိမ်းပိုက်ခဲ့တဲ့ သီပေါမြို့ကို အစိုးရတပ်က ပြန်လည်သိမ်းပိုက်ခဲ့ပြီး…

နိုဝင်ဘာ ၂ – ၂၀၂၆ SN (VOM) ခွင့်ပြန်အလုပ်သမားတွေရဲ့ ပြည်ပအလုပ်သမား သက်သေခံကတ် (OWIC) ပြုလုပ်ခွင့်နဲ့ ပြည်ပပြန်လည် ထွက်ခွာခွင့်အတွက် လျှောက်ထားမှုတွေကို သုံးရက်အတွင်း ရရှိအောင် ဆောင်ရွက်ပေးနေတယ်လို့ အလုပ်သမားညွှန်ကြားရေးဦးစီးဌာနနဲ့ နီးစပ်သူတွေက ပြောပါတယ်။ လက်ရှိမှာ ခွင့်ပြန် အလုပ်သမားတွေအတွက် ဝန်ဆောင်မှုတွေကို မနေ့ နိုဝင်ဘာ ၁ ရက်နေ့မှစတင်ကာ ရန်ကုန်မြို့၊ ဒဂုံမြို့သစ် (မြောက်ပိုင်း) မြို့နယ်ရှိ ကျွမ်းကျင်မှု လေ့ကျင့်ရေးသင်တန်းကျောင်း၊ ပင်လုံခန်းမမှာ နေရာပြောင်းလဲ ဆောင်ရွက်‌ပေးတာဖြစ်ပါတယ်။ ဖောင်တင်တဲ့အချိန်မှာ လိုအပ်ချက်တွေကို သက်ဆိုင်ရာကောင်တာ တခုချင်းစီမှာ တခါတည်း စိစစ်ပေးနေတာဖြစ်ပြီး စာရွက်စာတမ်း ပြည့်စုံမှသာ လက်ခံ ဆောင်ရွက်ပေးမှာဖြစ်ကာ ဖောင်တင်ခဲ့သူတွေကို အရင်ကလို တယ်လီဂရမ်ကနေတဆင့် အမည်စာရင်းတွေ ထုတ်ပြန် ကြေညာပေးသွားမယ်လို့ အလုပ်သမားညွှန်ကြားရေး ဦးစီးဌာနနဲ့ နီးစပ်သူက ပြောပါတယ်။ “ဖောင်တင်ထားသူတွေအနေနဲ့ အရင်လို ရက်အကြာကြီး…