စက်တင်ဘာ ၂၈ – ၂၀၂၆ SN (VOM) မကွေးတိုင်း၊ စစ်ကိုင်းတိုင်း၊ ရခိုင်ပြည်နယ်၊ ချင်းပြည်နယ်၊ ကချင်ပြည်နယ်နဲ့ ကယားပြည်နယ်တို့မှာ အခုရက်ပိုင်းအတွင်း လေကြောင်းတိုက်ခိုက်မှုတွေ ဆက်တိုက်ဖြစ်ပြီး သေဆုံး၊ ဒဏ်ရာရသူတွေလည်း ရှိနေတယ်လို့ ဒေသခံတွေနဲ့ လူမှုကူညီရေး လုပ်ဆောင်နေသူတွေက ပြောပါတယ်။ ရခိုင်ပြည်နယ်၊ ပုဏ္ဏားကျွန်းမြို့ပေါ်နဲ့ ခမောင်းတောကျေးရွာမှာ ဒီကနေ့ စက်တင်ဘာ ၂၈ ရက်၊ မနက် ၁၀ နာရီဝန်းကျင်နဲ့ မနေ့ စက်တင်ဘာ ၂၇ ရက်၊ ညပိုင်းက လေကြောင်းတိုက်ခိုက်မှုတွေ ဖြစ်ခဲ့သလို မင်းပြားမြို့နယ်၊ စွန်ရဲကျေးရွာမှာလည်း ဒီကနေ့ မနက် ၇ နာရီကျော်ဝန်းကျင်က လေကြောင်းတိုက်ခိုက်မှု ဖြစ်ခဲ့တာမှာ ခုနစ်ယောက် ဒဏ်ရာရပြီး နေအိမ်တချို့လည်း ပျက်စီးခဲ့တယ်လို့ သိရပါတယ်။ “ဒီမနက် ထိခိုက်မိသူတွေရဲ့ ဒဏ်ရာအခြေအနေနဲ့ နေအိမ်ပျက်စီးမှု အခြေအနေတွေကို အသေးစိတ် ပြောလို့မရသေးဘူး။ လေကြောင်းက…

စက်တင်ဘာ ၂၉ ၊ ၂၀၂၆ GG (VOM) ရခိုင်ပြည်နယ် ၊ ကျောက်တော်မြို့ လေကြောင်းတိုက်ခိုက်မှုမှာ သေဆုံးသူနဲ့ ဒဏ်ရာရသူထပ်တိုးလာလို့ သေဆုံး ၄၉ ယောက် ၊ ဒဏ်ရာရ ၅၈ ယောက်အထိရှိလာတယ်လို့ သိရပါတယ်။ လေကြောင်းတိုက်ခိုက်မှုအတွင်းမှာ တချို့လူတွေ က မီးလောင်ပြာကျသွားတဲ့အတွက် အလောင်းပကောက်ယူနိုင်တာ မရှိဘူးကြောင်း ၊ ဒဏ်ရာရသူတွေထဲမှာ ဒဏ်ရာပြင်းထန်ပြီး စိုးရိမ်ရသူတွေရှိတာကြောင့် သေဆုံးအရေအတွက် ထပ်တိုးလာနိုင်တယ် လို့သိရပါတယ်။ ” ထပ်တိုးအလာင်းတွေကြောင့် သေဆုံး ၄၉ ယောက်ရှိတယ်။ ဒဏ်ရာရ ၅၈ ယောက်ရှိတယ်။ အဲဒီထဲမှာ ၂၂ ယောက်က စိုးရိမ်ရတယ်။ ” လို့ စစ်ရေးသတင်းရင်းမြစ်က ပြောပါတယ်။ မနေ့က စက်တင်ဘာ ၂၈ ရက် ၊ နေ့လယ် ၁၂ နာရီကျော်မှာ ကစ္ဆပနဒီတံတားအနီးဝန်းကျင်နဲ့ အိန္ဒိယဈေးဝန်းကျင်ကို ဗုံးကြဲတိုက်ခိုက်ခံရတာဖြစ်ပါတယ်။…

စက်တင်ဘာ ၂၆၊ ၂၀၂၆။ NN(VOM) တရုတ်နိုင်ငံထဲ တရားမဝင် ဝင်လာတဲ့ မြန်မာနိုင်ငံသားတွေကို တင်းတင်းကျပ်ကျပ် ဖမ်းဆီးဖို့နဲ့ ဖမ်းမိသူတွေကိုလည်း ထောင်ဒဏ်နဲ့ ငွေဒဏ်တွေ ချမှတ်ဖို့ တရုတ်နယ်စပ် အာဏာပိုင်တွေက အခုလ ၂၄ ရက်နေ့ကစပြီး သတိပေးစာ ထုတ်ပြန် ထားတယ်လို့ တရုတ်နယ်စပ်မှာ နေထိုင်တဲ့ မြန်မာနိုင်ငံသားတွေဆီကနေ သိရပါတယ်။ တရုတ်နိုင်ငံထဲ အလုပ်လုပ်နေတဲ့ မြန်မာနိုင်ငံသား အချင်းချင်း ရန်ဖြစ်တာကနေ လူသတ်မှုတွေအထိ ဖြစ်ခဲ့တာတွေကြောင့် တရုတ်ရဲတပ်ဖွဲ့ဘက်က အထောက်အထားမဲ့ မြန်မာနိုင်ငံသားတွေကို ဖမ်းဆီးတာတွေ ပိုလုပ် တာဖြစ် နိုင်တယ်လို့ နယ်စပ်ရောက် မြန်မာနိုင်ငံသား တချို့က ပြောပါတယ်။ “လူသတ်မှုဖြစ်တာ နှစ်ခါရှိပြီ၊ ပြီးခဲ့တဲ့လက တစ်ခါ ဒီလမှာ တစ်ခါဖြစ်တယ်။ ကျူခုံမှာ ရန်ဖြစ်တာကနေ အချင်းချင်း လူသတ်မှုအထိ ဖြစ်တာ။ အဲကတည်း က တရုတ်ရဲတွေက မြန်မာနိုင်ငံသားတွေကို ဖမ်းဆီးတာ…

စက်တင်ဘာ ၂၆ – ၂၀၂၆ SN (VOM) အခြေခံပညာကျောင်းတွေမှာ ကျောင်းတက်စရာမလိုဘဲ အမည်စာရင်းသွင်း (Enroll) ပြုလုပ်ကာ ကျောင်းခေါ်ချိန် ယူနေမှုတွေအတွက် ငွေကျပ် ငါးသိန်းမှ ၂၅ သိန်းအထိ ဈေးပေါက်နေတယ်လို့ ပညာရေးအသိုင်းအဝိုင်းက သိရပါတယ်။ ကျောင်းသားမိဘ တချို့ဟာ သားသမီးတွေကို ပုဂ္ဂလိကကျောင်း (ဒါမှမဟုတ်) နိုင်ငံတကာကျောင်းတွေမှာ တက်ရောက်စေပြီး အစိုးရကျောင်းတွေမှာ စာမေးပွဲဖြေဆိုခွင့် (ဒါမှမဟုတ်) အောင်လက်မှတ်အတွက် အမည်စာရင်း (Enroll) တင်ထားကာ ကျောင်းခေါ်ချိန် ယူနေကြတယ်လို့ သိရပါတယ်။ တချို့သော မိဘတွေကတော့ ၎င်းတို့ရဲ့ သားသမီးတွေကို နေ့စဉ် ကျောင်း‌တက်တာမျိုး မပြုလုပ်စေဘဲ အိမ်မှာသာ Guide ခေါ်၊ စာသင်ကြားပေးကြကာ ကျောင်းမှာ Enroll တင်ထားကြတာလို့ သိရပါတယ်။ “ပညာရေးလောကမှာ ဒီလိုလုပ်နေကြတာ ကြာပြီ။ အခုမှ မဟုတ်ဘူး။ လွန်ခဲ့တဲ့ နှစ် ၂၀…