အောက်တိုဘာ ၁၇၊ ၂၀၂၆ Shy V(VOM) ရှမ်းပြည်နယ်မြောက်ပိုင်း၊ MNDAA ထိန်းချုပ်ရာ သိန္နီမှာ အခုရက်ပိုင်းအတွင်း MNDAA တပ်ဖွဲ့က ကားလိုင်စင်နဲ့ အခွန် စာရွက်တွေကို စစ်ဆေးရေးတင်းကြပ်ပြီး လုပ်မထားတဲ့ကားတွေကို အဆ ရာချီ ဒဏ်ရိုက်နေကြောင်း ယာဉ်မောင်းတွေဆီက သိရပါတယ်။ “ခါတိုင်း ကတ် အဖြူ ခရီးသည်တင်ယာဉ် အဝင်/ အထွက် လက်မှတ် သိပ်မစစ်ဘူး။ ဒီရက်ပိုင်း အရမ်း စစ်တယ်။ မလုပ်ထားရင် ၁၀ သိန်း ဒဏ်ရိုက်တယ်” လို့ ဒဏ်ရိုက်ခံရတဲ့ ယာဉ်မောင်း တယောက်ကပြောပါတယ်။ အဲဒီ ကတ်အဖြူက နေ့တိုင်း ပြုလုပ်ရတာဖြစ်ပြီး သွားရောက်ပြုလုပ်ပါက ကျပ် တစ်သောင်း သာ ကျပေမယ့် လုပ်မထားပါက အဆ တရာ၊ ကျပ် ၁၀ သိန်း ဒဏ်ရိုက်တယ်လို့ သူက ပြောပါတယ်။ ကားတွေ…

​အောက်တိုဘာ ၁၈-၂၀၂၆ KG(VOM) စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့မှာရှိတဲ့ ဘုရားဆင်းတုတော်​တွေ အကြိမ်ကြိမ် ဖျက်ဆီးခံရမှုကို ဥပဒေအရ ထိန်းကျောင်းရန် လိုအပ်နေတယ်လို့ ​ဒေသခံ​တွေဆီကသိရပါတယ်။ လဟယ်မြို့ရှိ သမိုင်းဝင် ဘုရားစေတီကုန်းပေါ်မှာရှိတဲ့စေတီတော်ဟာ ဖဆပလအစိုးရ ဝန်ကြီးချုပ် ဦးနုလက်ထက်ကတည်းက တည်ထားကိုးကွယ်ခဲ့တဲ့ သမိုင်းဝင် စေတီတော်တဆူ ဖြစ်ပါတယ်။ အဲဒီ ဘုရားဝင်းအတွင်း ဖျက်ဆီးခံရတဲ့ ဆင်းတုတော်​တွေကို ဒေသခံ ဗုဒ္ဓဘာသာဝင်​တွေနဲ့ တာဝန်ရှိသူ​တွေက ပြန်လည်ပြုပြင် မွမ်းမံတည်ထားခဲ့​ပေမယ့် လွန်ခဲ့တဲ့ ၂ နှစ်အတွင်းကလည်း ယခုလို ရည်ရွယ်ချက်ရှိရှိ အကြိမ်ကြိမ် ထပ်မံဖျက်ဆီးခံရတဲ့ ဖြစ်စဉ်​တွေ ဖြစ်​နေတာမို့ သက်ဆိုင်ရာက ဂရုစိုက်​ပေးဖို့ လို​နေတယ်လို့ ​ဒေသခံ​တွေက ​ပြောပါတယ်။ ” နာဂဒေသတွင်း မတူညီတဲ့ ဘာသာရေးနဲ့ လူမျိုးရေး အသိုင်းအဝိုင်းကြား မလိုလားအပ်တဲ့ ထိခိုက်မှု​တွေမဖြစ်ပေါ်ဘဲ ငြိမ်းချမ်းစွာ အတူယှဉ်တွဲနေထိုင်နိုင်ရေး​ဟာ အရေးကြီးတာမို့ ထိန်းသိမ်းဖို လိုတယ်” လို့…

အောက်တိုဘာ ၁၈ – ၂၀၂၆ SN (VOM) ရခိုင်ပြည်နယ်မှာ အောက်တိုဘာ ၁ ရက်ကနေ ၁၈ ရက်နေ့အထိ လေကြောင်း တိုက်ခိုက်မှုတွေကြောင့် အယောက် ဝန်းကျင် သေဆုံးပြီး အယောက် ၇၀ ​ကျော် ဒဏ်ရာရခဲ့တယ်လို့ ဒေသခံတွေနဲ့ ကူညီပေးနေသူတွေက ပြောပါတယ်။ ဒီကနေ့ အောက်တိုဘာ ၁၈ ရက်၊ မနက် ၁ နာရီကျော်ဝန်းကျင်က ရသေ့တောင်မြို့ပေါ်ရှိ ချောင်းဝရပ်ကွက်၊ အရှေ့တောင်ရပ်ကွက်၊ ဂူတာပြင်ရပ်ကွက်နဲ့ အနီးဝန်းကျင်က ပြားချောင်းကြီး၊ ပြင်ခေါင်ကျေးရွာတွေမှာ လေကြောင်းတိုက်ခိုက်မှုတွေ ဖြစ်ခဲ့ပြီး သုံးယောက် ဒဏ်ရာရခဲ့ကာ ဘုန်းကြီးကျောင်း၊ စာသင်ကျောင်းနဲ့ နေအိမ်တချို့ ပျက်စီးခဲ့တယ်လို့ သိရပါတယ်။ “ဒီမနက် ၁ နာရီလောက်ကနေစပြီး ၂ နာရီကျော်အထိ ဖြစ်တာ။ မြို့ပေါ်ရပ်ကွက်တွေနဲ့ ကျေးရွာတွေဘက်ကို လေကြောင်းကနေ တိုက်ခိုက်တယ်။ မိုးစီကျွန်းဘက်ကိုလည်း လက်နက်ကြီး၊ ဒရုန်းတွေနဲ့…

အောက်တိုဘာ ၁၉ – ၂၀၂၆ SS (VOM) ပြည်ပမှဝယ်ယူလာတဲ့ လက်ကိုင်ဖုန်းတွေ အခွန်ဆောင်ခြင်းအတွက် လေဆိပ်မှာသာ တိုက်ရိုက် ဆောင်ရွက်ခွင့်ရရှိရေး စီစဉ်ပေးစေလိုတယ်လို့ ပြည်သူတွေက ပြောပါတယ်။ ပြည်ပနိုင်ငံတွေကနေ မြန်မာနိုင်ငံကို ပြန်လည် ဝင်ရောက်လာကြသူတွေ အနေနဲ့ ၎င်းတို့နဲ့အတူပါလာတဲ့ လက်ကိုင်ဖုန်း အသစ်တွေအတွက် International Mobile Equipment Identity (IMEI) အခွန် ပေးဆောင်ရာမှာ လက်ရှိ ဆောင်ရွက်နေရတဲ့ ပုံစံကြောင့် အချိန်ကြန့်ကြာမှုတွေနဲ့ ရင်ဆိုင်နေရတယ်လို့ သိရပါတယ်။ “လေဆိပ်မှာ ဖောင်တွေဘာတွေ အကုန်ဖြည့်လာပြီးတော့မှ ရန်ကုန်ကျရင် အလုံ ကမ်းနားလမ်းမှာ သွားပြီးတော့ အခွန်ဆောင်ရတာကိုး။ သူတို့က တနေ့ကို လူဦးရေ အယောက် ၁၀၀ လောက်ပဲ လက်ခံတယ်ဆိုတော့ မနက် ၃ နာရီ၊ ၄ နာရီလောက်ကတည်းက လာပြီး တန်းစီကြရတာ။ လေဆိပ်မှာပဲ တခါတည်း…

အောက်တိုဘာ ၁၉ ၊ ၂၀၂၆ GG (VOM) ဒီရက်ပိုင်းအတွင်း ကန့်ဘလူမြို့နယ် အပါအဝင်မြို့နယ်တချို့က ကျောင်းဆရာမ ၊ အုပ်ချုပ်ရေးမှူးအပါအဝင် လူခုနှစ်ယောက်ကို အစိုးရစစ်တပ်မဟုတ်တဲ့ ဒေသတွင်းလက်နက်ကိုင်အဖွဲ့က ဖမ်းဆီးခဲ့တယ်လို့ သိရပါတယ်။ ကန့်ဘလူမြို့နယ်၊ ပုပ္ပါးကျေးရွာ အခြေခံပညာမူလတန်းကျောင်းက မူလတန်းပြဆဆရာမ ဒေါ်ခင်မာဝေ ၊ ဒုတိယမူလတန်းပြဆရာမ ဒေါ်နီနီဝင်း နဲ့ လက်ထောက်မူလတန်းပြဆရာမ ဒေါ်အိဇင်သော် တို့ကို အောက်တိုဘာ ၁၇ ရက်နေ့က ​ဒေသတွင်း လက်နက်ကိုင်အဖွဲ့က ဖမ်းဆီးခဲ့တယ်လို့ သိရပါတယ်။ ” ပုပ္ပါးရွာကနေ ဘုံမြို့ရွာကို ဆိုင်ကယ်နဲ့ သွားတာမှာ ဖမ်းသွားတာလို့သိရတယ်။ ​ဒေသတွင်းလက်နက်ကိုင်ငါးယောက်က ဖမ်းသွားတာ။ ” လို့ သတင်းရင်းမြစ်က ပြောပါတယ် ။ အောက်တိုဘာ ၁၅ ရက်ကလည်း ပဲခူးတိုင်း၊ သဲကုန်းမြို့နယ်၊ အမှတ်(၄)ရပ်ကွက်က အသက် ၅၀ နှစ်အရွယ် ဦးရဲနိုင်ဆိုသူကို ​ဒေသတွင်းလက်နက်ကိုင်အဖွဲ့က…

အောက်တိုဘာ ၁၃၊ ၂၀၂၆ Shy V (VOM) ရှမ်းပြည်နယ်မြောက်ပိုင်း၊ မူဆယ်ခရိုင်အတွင်းရှိ MNDAA ထိန်းချုပ်ရာ မုံးကိုး – မန်ဟိုင်း နယ်စပ်မှာ MNDAA တပ်ဖွဲ့က ယွမ် ၂.၃ သန်းခန့် ကျကုန်မယ့် နိုင်ငံကူး တံတား တည်ဆောက်ဖို့ ပြင်ဆင်နေကြောင်း ဒေသခံတွေဆီကနဲ့ MNDAA ဘက်က ထုတ်ပြန်ချက်အရ သိရပါတယ်။ “တံတားတော့ မဆောက်သေးဘူး။ ဆောက်ဖို့ ပြင်ဆင်နေတာပဲ ရှိသေးတယ်။ တနေ့က ပုံတွေရိုက်ပြီး အားလုံးကို အသိပေးတာပဲ ရှိသေးတယ်” လို့ ဒေသခံ အမျိုးသား တယောက်က ပြောပါတယ်။ အရင်ရက် အောက်တိုဘာလ ၈ ရက်နေ့က အဲဒီ နှစ်နိုင်ငံ နယ်စပ်ကူး တံတား ပြုလုပ်မယ့် စီမံကိန်း ဖွင့်ပွဲ ပြုလုပ်ခဲ့တာ လို့ဆိုပါတယ်။ “MNDAA ရောက်လာပြီးနောက် မုံးကိုးမှာ…