Category: Uncategorized

ဒီဇင်ဘာ ၃-၂၀၂၀ ဆွေလင်းထွန်း(VOM)   သက်တမ်းကုန်တော့မယ့် NLD အစိုးရရဲ့ လုပ်ဆောင်ချက်တွေအပေါ် ကျေနပ်အားရသူရှိသလို ထင်သလောက်ခရီးမပေါက်ဘူးဆိုသူတွေလည်း ရှိကြပါတယ်။ ဒါ့ကြောင့်လည်း နောက် ၅နှစ် ဆက်ခိုင်းကြည့်ဦးမယ်ဆိုတဲ့ မျှော်လင့်ချက်တွေနဲ့ NLD ကိုတခဲနက် ပုံအောမဲပေးခဲ့လို့ NLD နောက်တကြိမ်အနိုင်ရခဲ့ပြန်ပါပြီ။ ခုမဲပေးခဲ့သူတွေ သူတို့ဆန္ဒနဲ့ တထပ်တည်းကျရဲ့လား  နောက်တက်လာမယ့် အစိုးရအပေါ် မျှော်လင့်ချက်တွေ ဘယ်လိုရှိသလဲဆိုတာ VOM သတင်းထောက်တွေမေးမြန်းထားတဲ့ထဲက ထုတ်နုတ်တင်ပြလိုက်ပါတယ်။   အမရပူရဒေသခံတဦးဖြစ်တဲ့ ဒေါ်မော်မော်ဌေးက လက်ရှိအစိုးရရဲ့ လုပ်ဆောင်ချက်တွေကို ကျေနပ်တယ်လို့ ဆိုပါတယ်။ NLD အစိုးရလက်ထက်မှာ ပညာရေးနဲ့ ကျန်းမာရေး ကောင်းလာပြီး ကလေးတိုင်းကျောင်းနေနိုင်အောင် ဆောင်ရွက်ပေးခဲ့တာကကောင်းမွန်တဲ့ အချက်ပဲလို့ ပြောပါတယ်။ နောက်လာမယ့် အစိုးရသက်တမ်းမှာလည်း ပညာရေးနဲ့ ကျန်းမာရေးကဏ္ဍတွေကို တိုးမြင့်ရေးအတွက် ဆက်လက်ဆောင်ရွက်စေချင်တယ်လို့ အစိုးရအသစ်အပေါ် သူ့မျှော်လင့်ချက်ကို ပြောခဲ့ပါတယ်။   ရွေးကောက်ပွဲမှာ ကိုယ်အနိုင်ရစေချင်တဲ့သူတွေ နိုင်လာတဲ့အတွက်…

နိုဝင်ဘာ ၁၅-၂၀၂၀ ကိုတိုးကြီး (VOM) စစ်ကိုင်းတိုင်း၊ မုံရွာမြို့၊ ရွှေဇလုတ်ရပ်ကွက်၊ ကမ္မနယ်မြေမှာ မနေ့ နိုဝင်ဘာ ၁၄ ရက် ညပိုင်းက တပ်မတော်ဆရာဝန် ဗိုလ်မှူးအဆင့် အယောင်ဆောင်ပြီး ဆေးကုသနေတာကြောင့် အမှတ်-၇၆၇ တပ်မတော်တပ်ထိန်းတပ်ခွဲနဲ့ ရဲတပ်ဖွဲ့ဝင်တွေက သွားရောက်ဖမ်းဆီးခဲ့တယ်လို့ မုံရွာနယ်မြေရဲစခန်းကနေ သိရပါတယ်။ မုံရွာမြို့၊ သလ္လာနယ်မြေ၊ အမှတ်-၁၂ရပ်ကွက်၊ ကျန်စစ်သားလမ်းမှာနေတဲ့ ကိုသန့်ဇင်ဝင်း ဆိုသူဟာ တပ်မတော်ဆရာဝန် ဗိုလ်မှူးအဆင့် အယောင်ဆောင်ပြီး ဗိုလ်မှူးရဲသွေးဦး ဆိုတဲ့ အမည်ပြောင်းနဲ့ ဆေးကုသနေတာဖြစ်တယ်လို့ ဖမ်းဆီးရေးအဖွဲ့ ရယူထားတဲ့မှတ်တမ်းတွေအရ သိရပါတယ်။ ” စစ်စိမ်းရောင် ဝတ်စုံ ၁ စုံ ၊ ပိကက် ဦးထုပ် ၁ လုံး ၊ ပြောက်ကျား စစ်အနွေးထည် ၁ ထည် ၊ ပြောက်ကျား လက်ဆွဲအိတ် ၁ လုံး ၊…

အောက်တိုဘာ ၂၈-၂၀၂၀ ကိုတိုးကြီး (VOM) စစ်ကိုင်းတိုင်း၊ ဒီပဲယင်းမြို့နယ်၊ စိုင်ပြင်ကြီးမြို့နယ်ခွဲ၊ မုံရွာ – ရေဦး ကားလမ်းပေါ်မှာ မနေ့ အောက်တိုဘာ ၂၇ ရက် ညနေပိုင်းက ပြည်ခိုင်ဖြိုးပါတီ အောင်နိုင်ရေး မဲဆွယ်စည်းရုံးရေးယာဉ်တန်းမှာ လိုက်ပါလာတဲ့ ဆိုင်ကယ် ၂ စီး ယာဉ်တိုက်မှုဖြစ်ရာ လူ ၁ ယောက်သေဆုံးပြီး ၃ ယောက် ဒဏ်ရာရရှိခဲ့တယ်လို့ သိရပါတယ်။ ဒီပဲယင်းမြို့နယ်၊ ခွန်တောင်းကျေးရွာအုပ်စု၊ ပင်စည်ကျေးရွာက ပြည်ခိုင်ဖြိုးပါတီ ဝန်းရံထောက်ခံသူ လူအင်အား ၃၅၀၀ ကျော်ဟာ စိုင်ပြင်ကြီးမြို့နယ်ခွဲဘက်ကို အောင်နိုင်ရေး မဲဆွယ်စည်းရုံးရေးလှည့်လည်ချိန် ယာဉ်တိုက်မှုဖြစ်ပွားခဲ့တာလို့ အဲ့ဒီယာဉ်တန်းကိုလိုက်ပါခဲ့တဲ့ ပါတီဝန်းရံသူတစ်ဦးရဲ့ပြောပြချက်အရ သိရပါတယ်။ ” ပါတီ ဝန်းရံသူ အချင်းချင်း ဆိုင်ကယ်တိုက်မိတာဖြစ်တယ်၊ သေဆုံးသူက ဦးဆေး ဆိုသူဖြစ်တယ် ၊ နောက်ပြီး ကျား ၂ ဦး ၊…

အောက်တိုဘာ ၂၃-၂၀၂၀ ညီသစ်(VOM) ပြည်ထောင်စုရွေးကောက်ပွဲကော်မရှင်က နိုင်ငံရေးပါတီအဖြစ် ဖျက်သိမ်းလိုက်တဲ့ နှင်းဆီပါတီဥက္ကဋ္ဌ ဦးကျော်မြင့်ကို မန္တလေးမြို့၊ ချမ်းအေးသာစံမြို့နယ်တရားရုံးမှာ ဒီကနေ့မနက်ပိုင်းက ထောင်ပြေးမှုပုဒ်မ-၂၂၄နဲ့ ရုံးထုတ်စစ်ဆေးမှုပြုလုပ်ခဲ့ပါတယ်။ ရုံးထုတ်စစ်ဆေးရာမှာတော့ ဦးကျော်မြင့်ကို ၁၉၄၇ခုနှစ် လူဝန်မှုကြီးကြပ်ရေး(လတ်တလောပြဌာန်းချက်များ)အက်ဥပဒေပုဒ်မ-၁၃(၁)နဲ့ပါ ထပ်မံတရားစွဲထားတယ်လို့ ချမ်းအေးသာစံမြို့နယ်တရားသူကြီး ဦးကျော်မျိုးဝင်းကပြောပါတယ်။ ” အဲ့ဒီအမှုအပြင်ကို ဒီနေ့ ဦးကျော်မြင့်အပေါ်ကို နောက်ထပ်တစ်မှုဆွဲတင်ပါတယ်။ အဲ့ဒါကတော့ ၁၉၄၇ လူဝန်မှုကြီးကြပ်ရေး (လတ်တလောပြဌာန်းချက်များ) အက်ဥပဒေပုဒ်မ ၁၃(၁)ကိုပါထည့်သွင်းပြီး အမှတ်၈ ရဲစခန်းမှုး ဒု-ရဲမှုး အောင်အောင်မင်းက တရားခံဦးကျော်မြင့်အပေါ် ဆွဲတင်လာပါတယ်။ ဆွဲတင်လာတဲ့အပေါ်မှာ ရာဇဝတ်ကြီး အမှု့အမှတ် ၈၃၇/၂၀၂၀ နဲ့ လက်ခံလိုက်ပါတယ်”လို့ ဦးကျော်မျိုးဝင်းကပြောပါတယ်။ ဒီကနေ့ရုံးထုတ်စစ်ဆေးရာမှာတော ဦးကျော်မြင့်ဘက်ကနေ ခံပြသက်သေ ၆ ဦးတင်ပြထားပြီး အဲ့ဒီ ၆ ဦးဟာ ဒီကနေ့ရုံးချိန်းကို ခေါ်လိုက်နိုင်ခြင်းမရှိတဲ့အတွက် အောက်တိုဘာ၂၆ ရက်ကို ရုံးချိန်းပြန်လည် ချိန်းဆိုခဲ့ပါတယ်။ ” ဒီနေ့မှာ…

မန္တလေး အမရပူရမြို့နယ်ကပြည်သူတွေ ဘယ်ပါတီနဲ့ ဘယ်လွှတ်တော်ကိုယ်စားလှယ်ကို ဘယ်လိုရွေးပြီး မဲပေးမလဲ မန္တလေး- အောက်တိုဘာ ၁၄-၂၀၂၀ ဆွေလင်းထွန်း (VOM) ၂၀၂၀ နိုဝင်ဘာ ၈ ရက်နေ့မှာကျင်းပမယ့်ရွေးကောက်ပွဲအတွက် Voice Of Myanmar (VOM) က အချိန်ယူပြီး မဲဆန္ဒရှင်တချို့ကို ရွေးကောက်ပွဲနဲ့ပတ်သက်တဲ့ အသိတွေ ပြည်သူတွေဘယ်လောက်သိထားသလဲ လို့ စစ်တမ်းသဘောမျိုးမေးကြည့်တဲ့အခါ မဲပေးဖို့သာ စိတ်အားထက်သန်ကြပြီး ရွေးကောက်ပွဲကျင်းပမယ့်ရက်၊ မိမိပေးရမယ့် ပါတီရဲ့ကိုယ်စားလှယ်လောင်းကို မသိကြသူအများစုဖြစ်နေပါတယ်။ ဒါ့ကြောင့်မို့ ဒီကနေ့ မန္တလေးခရိုင် အမရပူရမြို့နယ်က မဲဆန္ဒရှင်တွေအတွက် သိသင့်တဲ့ အချက်အလက်တွေကိုတင်ပြပေးလိုက်ပါတယ်။ မန္တလေးတိုင်းဒေသကြီး အမရပူရမြို့နယ်မှာနေထိုင်တဲ့ မဲဆန္ဒရှင်တွေအနေနဲ့ ရှမ်းတိုင်းသားမဟုတ်တဲ့ အခြားတိုင်းရင်းသားတွေအနေနဲ့ အမျိုးသားလွှတ်တော်အတွက် တစ်မဲ၊ ပြည်သူ့လွှတ်တော်အတွက် တစ်မဲ၊ တိုင်းဒေသကြီးလွှတ်တော်အတွက် တစ်မဲ စုစုပေါင်း မဲကဒ်ပြား ၃ခု ထုတ်ယူပြီး မိမိကြိုက်နှစ်သက်တဲ့ ပါတီနဲ့ကိုယ်စားလှယ်လောင်းရဲ့ ဘေးမှာ မဲရုံကထုတ်ပေးတဲ့ တံဆိပ်တုံးကို…

ကယားပြည်နယ်ရဲ့ ပထမဦးဆုံး ကိုဗစ်ပိုးတွေ့လူနာဟာ အထက်တန်းသူနာပြုတစ်ဦးဖြစ်နေ အောက်တိုဘာ ၁၆-၂၀၂၀ ကောင်းလက်ျာ(VOM) ကိုဗစ်ဒုတိယလှိုင်းကာလ ကယားပြည်နယ်ရဲ့ ပထမဆုံး Covid-19 ပိုးတွေ့လူနာဟာ ရန်ကုန်မှာ သင်တန်းတက်ပြီး ပြန်လာတဲ့ ကျန်းမာရေးဦးစီးဌာနက အထက်တန်းသူနာပြုတစ်ဦးဖြစ်တယ်လို့ လွိုင်ကော်မြို့နယ်ပြည်သူ့ကျန်းမာရေးဦးစီးမှူး ဒေါက်တာထွန်းနေဝင်း က ပြောပါတယ်။ ” သူက ရန်ကုန်မှာ နှား၊ နှာခေါင်း၊ လည်‌ချောင်းနဲ့ပတ်သက်တဲ့ သင်တန်းသွားတက်ပြီး ပြန်လာတာပါ။ ချက်ခြင်းကွာရန်တင်းဝင်ခဲ့တာဖြစ်ပြီး အပြန်ကြိုခဲ့တဲ့ ပရဟိတကားသမားနှစ်ဦးလည်း တို့ဖတ်နမူနာယူစစ်ဆေးဖို့လုပ်နေတယ်”လို့ ဒေါက်တာထွန်းနေဝင်းကပြောပါတယ်။ အသက် ၃၀ ကျော်အရွယ် အထက်တန်းသူနာပြု အမျိုးသမီးဟာ အခုလ ၅ ရက်နေ့မှာ ကျန်းမာရေးနဲ့အားကစားဝန်ကြီးဌာန‌ကနေဖွင့်လှစ်တဲ့ သင်တန်းတက်ပြီး လွိုင်ကော်ကို ပြန်လည်ရောက်ရှိခဲ့တဲ့အတွက် ကွာရန်တင်းစခန်းမှာထားရှိပြီး နှာခေါင်းနဲ့အာခေါင်တို့ပတ်နမူနာ စစ်ဆေးခဲ့ရာ အောက်တိုဘာ ၁၅ ရက်နေ့ည ၈နာရီ ထုတ်ပြန်ချက်အရ ကိုဗစ်ရောဂါပိုးစစ်ဆေး‌တွေ့ရှိခဲ့တာဖြစ်ပါတယ်။ အဲ့ဒီ သူနာပြုအမျိုးသမီးဟာ ရန်ကုန်ကနေ စင်းလုံးငှားယာဉ်နဲ့ပြန်လာခဲ့တာဖြစ်ပြီး ဝါရီကောခူဂိတ်ကတစ်ဆင့်…

ဝှေခါကျေးရွာမှာ တန်နဲ့ချီတဲ့ ကျောက်စိမ်းတုံးတွေ့ရှိ  အောက်တိုဘာ-၁၃-၂၀၂၀ ဇော်မိုးထက်(VOM ) ကချင်ပြည်နယ်၊ မိုးညှင်းခရိုင်၊ ဖားကန့်မြို့နယ်၊ ဆိပ်မူအုပ်စု၊ ဝှေခါကျေးရွာအနီးက ကျောက်စိမ်းလုပ်ကွက်ဟောင်းအတွင်းမှာ အလေးချိန်တစ်တန်ကျော်ရှိတဲ့ ကျောက်စိမ်းတုံး တစ်တုံးကို မနေ့ အောက်တိုဘာ ၁၂ရက်နေ့ ညနေပိုင်းက တွေ့ရှိခဲ့တယ်လို့ ဝှေခါကျေးရွာ ဒေသခံတွေဆီကနေ သိရပါတယ် ။ အဲ့ဒီကျောက်စိမ်းတုံးကို တပိုင်တနိုင်ကျောက်စိမ်းတူးဖော်နေတဲ့ ရေမဆေးသမားတွေက တွေ့ရှိခဲ့တာလို့ သိရပြီး စတင်တွေ့ရှိတဲ့ ရေမဆေးသမားတွေဟာ ကျောက်စိမ်းမျိုးနွယ် မဟုတ်ဘဲ သာမန်ကျောက်တုံးဖြစ်နေတာကြောင့် မယူပဲထားခဲ့တယ်လို့ ရေမဆေးသမားတွေက ပြောပါတယ်။ ဝှေခါကျေးရွာတာဝန်ခံ ဦးကျော်မင်းကတော့ ” ကျောက်စိမ်းမဟုတ်ဘူးဗျ ။ အလေးချိန်ကတော့ ပိဿာချိန် ရှစ်ရာလောက်တော့ရှိမယ် ။ တပ်နဲ့ ရဲကတော့ လုံခြုံရေးယူထားတယ် “လို့ပြောပါတယ်။ ကျောက်စိမ်းတုံးကြီးတွေ့ရှိခဲ့တဲ့နေရာဟာ ဇူလိုင်လ ၂ရက် နေ့မနက်ပိုင်းက လုပ်ကွက် ကမ်းပါးပြိုကျမှုကြောင့် တပိုင်တနိုင်ကျောက်တူးသူ ရေမဆေးလုပ်သားပေါင်း နှစ်ရာနီးပါး…

ရခိုင်ပြည်နယ်က ဒေသခံပြည်သူတွေအတွက် မြေမြုပ်မိုင်းအန္တရာယ် ပိုမိုခြိမ်းခြောက်လာ အောက်တိုဘာ ၁၂- ၂၀၂၀ ထက်အောင်စိုင်း (VOM) ရခိုင်ပြည်နယ်မြောက်ပိုင်းမှာ ပြည်တွင်းစစ်ပဋိပက္ခတွေ အချိန်ကြာလာတာနဲ့အတူ လက်နက်ကြီး /ငယ်ကျည်ကျပြီး သေဆုံးဒဏ်ရာရသူတွေရှိတဲ့အပြင် မြေမြုပ်မိုင်းကြောင့် ဒေသခံပြည်သူတွေ သေဆုံး၊ ဒဏ်ရာရရှိမှုတွေနဲ့ ရင်ဆိုင်ကြုံတွေ့နေကြရတာ ဖြစ်ပါတယ်။ အခုလို မိုင်းဘေးအန္တရာယ်ကြောင့် ဒေသခံတွေ ထိခိုက်ဒဏ်ရာရသေဆုံးမှုတွေဟာ ပြီးခဲ့တဲ့ ၂၀၁၈ ခုနှစ် နှစ်ကုန်ပိုင်းလောက်ကနေ ခပ်စိပ်စိပ်တွေ့လာရပြီး ၂၀၁၉ ခုနှစ်လယ်ပိုင်းကနေ လက်ရှိ ၂၀၂၀ ခုနှစ်အထိ မိုင်းဘေးကြောင့် ဒေသခံတွေသေဆုံးဒဏ်ရာရမှုမြင့်တက်လာတာကိုတွေ့ရတယ်လို့ ဒေသခံတွေကပြောပါတယ်။ မိုင်းပေါက်ကွဲပြီး သေဆုံးဒဏ်ရာရမှုအများစုဟာ လက်ရှိ တပ်မတော်နဲ့ အေအေတို့ရဲ့ စစ်ရေးတင်းမာမှုတွေရှိနေတဲ့ ရခိုင်မြောက်ပိုင်းမြို့နယ်တွေနဲ့ ချင်းပြည်နယ်တောင်ပိုင်း ပလက်ဝမြို့နယ်တွေမှာ အများဆုံးကြုံတွေ့ရတာဖြစ်ပါတယ်။ မိုင်းဘေးအန္တရာယ်ဟာ မထင်မှတ်ထားတဲ့ နေရာတွေမှာ ပေါက်ကွဲမှုတွေရှိတဲ့အပြင် ကျေးရွာတွေအနီးက လယ်ကွင်းတွေ၊ မြစ်ချောင်းတွေအနီးနဲ့ စားဝတ်နေရေးအတွက် မျှစ်ချိုး၊ ဝါးခုတ် ၊ ဟင်းရှာထွက်တဲ့…