ဇူလိုင် ၂၀-၂၀၂၃
Voice Of Myanmar(VOM)
မန္တလေးမြို့၊ မဟာအောင်မြေမြို့နယ်၊ ၃၈နဲ့၃၉လမ်းကြား ၇၁နဲ့၇၂လမ်းကြားမှာ ဒီကနေ့မနက်ပိုင်းက နေအိမ် (၆)လုံးခန့် မီးလောင်မှုဖြစ်ပွားခဲ့တယ်လို့ မန္တလေးတိုင်းမီးသတ်ဦးစီးဌာနကနေ သိရပါတယ်။
” စလောင်တာကတော့ တစ်လုံးထိုး အားသွင်းဓာတ်ခဲ အားသွင်းထားရာကနေ လောင်တာပါ၊ နေအိမ် ၆လုံးခန့် မီးလောင်ဆုံးရှုံးပါတယ်၊
အိမ်ခြေစိပ်တော့ အခုလိုဖြစ်သွားတာ”လို့ မီးသတ်တပ်ဖွဲ့နဲ့နီးစပ်သူတစ်ဦးကပြောပါတယ်။
လျှပ်စစ်ပစ္စည်းအဟောင်းပြုပြင်ရေးနေအိမ်အပေါ်ထပ်မှာ တစ်လုံးထိုးဓာတ်ခဲ အားသွင်းထားရာကနေ အပူလွန်ကဲပြီး မီးလောင်မှုစတင်ဖြစ်ပွားခဲ့တယ်လို့ သိရပါတယ်။
မီးလောင်မှုကြောင့် နေအိမ်(၅)လုံး မီးလောင်ပျက်စီးခဲ့ပြီး မီးသတ်တွက်ချက်တန်ဖိုးငွေ သိန်း ၂၂၀နီးပါး ဆုံးရှုံးခဲ့မှုကြောင့် နေအိမ်ပိုင်ရှင်အား သက်ဆိုင်ရာနယ်မြေရဲစခန်းက အမှုဖွင့်အရေးယူဖို့ လုပ်ဆောင်နေတယ်လို့ သိရပါတယ်။
#voiceofmyanmar #VOM #မန္တလေး #မီးလောင်မှု
