ကျောက်တော်၊ ဇွန် – ၅-၂၀၁၉
ခိုင်လင်းစံ (VOM)
ပြီးခဲ့တဲ့ရက်ပိုင်းက ကျောက်တော်မြို့နယ်အတွင်းမှာရှိတဲ့ အုပ်ချုပ်ရေးမှူး ၅၃ ဦးတို့ဟာ လုံခြုံမှုမရှိတော့ဘူးဆိုပြီး လက်ရှိတာဝန်ကနေနှုတ်ထွက်လိုကြောင်း မြို့နယ်အထွေထွေအုပ်ချုပ်ရေးဦးစီးဌာနရုံးကို အလုပ်ထွက်စာတွေ ပေးပို့ခဲ့ကြပါတယ်။
အခုလိုမျိုး ကျေးရွာအုပ်ချုပ်ရေးမှူးတွေ နှုတ်ထွက်ရခြင်းဟာ ပြီးခဲ့တဲ့ မေလအကုန်ပိုင်းက ကျောက်တော်မြို့နယ် ရွှေပြည်ကျေးရွာတာဝန်ခံနဲ့ မင်းသားတောင်ကျေးရွာအုပ်ချုပ်ရေးမှူးတို့ကို တပ်မတော်က ဖမ်းဆီးသွားခဲ့ပြီး ချုပ်နှောင်ထားတဲ့အတွက်ကြောင့်လို့ အုပ်ချုပ်ရေးမှူးတွေက ပြောပါတယ်။
ဇွန် ၄ ရက်က နှုတ်ထွက်စာတင်ခဲ့တဲ့ အုပ်ချုပ်ရေးမှူး ၅၃ ဦးထဲက တစ်ဦးဖြစ်သူ ဒုက္ကန်ချောင်းကျေးရွာအုပ်ချုပ်ရေးမှူး ဦးဖြိုးဝေက “လက်ရှိ တာဝန်ကို မထမ်းဆောင်တော့ဘူးဆိုပြီးတော့ လက်မှတ်ရေးထိုးပြီး ထွေ/အုပ်ရုံးကို ပို့ခဲ့ကြတာပါ။ ဘာကြောင့်လဲဆိုတော့ တောင်မင်းကုလား ကျေးရွာအုပ်ချုပ်ရေးမှူးလည်း ဖမ်းဆီးခံရပြီး ပျောက်သွားတယ်။ အခု ရွှေပြည်ကျေးရွာတာဝန်ခံနဲ့ မင်းသားတောင် အုပ်ချုပ်ရေးမှူးတို့ကိုလည်း တပ်ကဖမ်းဆီးထားတယ်။ ဒါကြောင့် မလုံခြုံတော့တဲ့အတွက် ဆက်မလုပ်ဖို့ဆုံးဖြတ်ခဲ့ကြတာပါ။”လို့ ပြောပါတယ်။
အဲ့ဒီအုပ်ချုပ်ရေးမှူးတွေ နှုတ်ထွက်ခဲ့ကြတာနဲ့ပတ်သက်လို့ အထွေထွေအုပ်ချုပ်ရေးဦးစီးဌာနဘက်က သဘောထားကို သိရှိလိုတဲ့အတွက် ကျောက်တော်မြို့နယ်အထွေထွေအုပ်ချုပ်ရေးဌာန တာဝန်ရှိသူတွေကို ဖုန်းဆက်သွယ်မေးမြန်းခဲ့ပေမယ့် ဖုန်းလက်ခံပြောကြားခဲ့ခြင်းမရှိပါဘူး။
“ကျနော်တို့တောင်းဆိုတာက အဲ့ဒီဖမ်းဆီးခံနေရတဲ့ ရွှေပြည်ကျေးရွာတာဝန်ခံရယ်၊ မင်းသားတောင်အုပ်ချုပ်ရေးမှူးရယ်၊ နောက် ကျောင်းဒကာတစ်ယောက်ရယ်၊ သူတို့သုံးယောက်ကို လွှတ်ပေးပြီးတော့ မြို့နယ်ထွေအုပ်ရုံးမှာ အမှုဖွင့်ပြီးစစ်ဆေးပါ။ လိုအပ်ရင် ပြည်နယ်ကို ပို့ပြီးစစ်ဆေးပါ။ ဒါက ကျနော်တို့ ဖြစ်စေချင်တဲ့သဘော။ အခုနှုတ်ထွက်တာကတော့ အများသဘောတူထွက်ကြတာ ဖြစ်တယ်။ လုပ်သင့်ရင်လည်းဆက်လုပ်မယ်။ မလုပ်သင့်ရင်လည်းမလုပ်တော့ဘူး။”လို့ ဦးဖြိုးဝေက ပြောပါတယ်။
အဲဒီလိုနှုတ်ထွက်စာပေးပို့ခဲ့ပြီးနောက်မှာတော့ ဖမ်းဆီးခံနေရတဲ့ အုပ်ချုပ်ရေးမှူးတွေ ကိစ္စနဲ့ပတ်သက်လို့ လေ့လာစိစစ်မှုတွေ ပြုလုပ်ပေးသွားမယ်လို့ မြို့နယ်အထွေထွေအုပ်ချုပ်ရေး ဦးစီးဌာနက အကြောင်းပြန်ခဲ့ကြောင်းလည်း ဦးဖြိုးဝေက ပြောပါတယ်။
#voiceofmyanmar # ကျေးရွာအုပ်ချုပ်ရေးမှူးတွေဖမ်းဆီးခံနေရလို့ကျောက်တော်မှာ ကျေးရွာအုပ်ချုပ်ရေးမှူး ၅၃ဦးနှုတ်ထွက် # ရခိုင် #ကျောက်တော်
