Day: September 20, 2023

ဝါရှင်တန်၊ စက်တင်ဘာ-၂၀-၂၀၂၃ မျိုးဆက်(VOM) တရုတ်နိုင်ငံခြာရေးဝန်ကြီးဟောင်း ချင်ဂန်းဟာ အမေရိကန်နိုင်ငံဆိုင်ရာ သံအမတ်ကြီးအဖြစ် တာဝန်ထမ်းဆောင်စဉ်က လူမှုရေးအရှုပ်အရှင်း အိမ်ထောင်ရေးဖောက်ပြန်မှု တွေရှိခဲ့တာကြောင့် ရာထူးကနေ ထုတ်ပယ်ခံရတာဖြစ်ကြောင်း အမေရိကန်အခြေစိုက် ဝေါလ်စရိဂျာနယ်က ရေးသားဖော်ပြထားပါတယ်။ ချင်ဂန်းဟာ အဲဒီအမျိုးသမီးနဲ့ ကလေးယူခဲ့တယ်လို့ ဝေါလ်စရိဂျာနယ်က ဆိုပါတယ်။ သူ့ကို ဝမ်ယီရဲ့နေရာမှာအစားထိုးပြီး တရုတ်နိုင်ငံခြားရေးဝန်ကြီးအဖြစ် ဇူလိုင်လအတွင်းက ခန့်အပ်ခဲ့ပါတယ်။ တရုတ်ကွန်မြူနစ်ပါတီတွင်း စုံစမ်းစစ်ဆေးမှုတွေကြောင့် ချင်ဂန်းရဲ့ လူမှုရေးအရှုပ်တော်ပုံကို ဖော်ထုတ်နိုင်ခဲ့ပြီး တရုတ်ထိပ်တန်းတာဝန်ရှိသူတွေကို သြဂုတ်လအတွင်းက အသိပေးအကြောင်းကြားခဲ့ကြောင်း သတင်းရင်းမြစ်တွေကို ကိုးကားပြီး ဖော်ပြထားပါတယ်။ အမေရိကန်မှာ မွေးဖွားတဲ့ကလေးဟာ အလိုအလျောက်အမေရိကန်နိုင်ငံသားဖြစ်ပြီး တရုတ်နိုင်ငံရဲ့ အမျိုးသားအကျိုးစီးပွားကို ထိခိုက်စေတာကြောင့် တရုတ်နိုင်ငံခြားရေးဝန်ကြီးချင်ဂန်းကို ရာထူးကနေ ထုတ်ပယ်ခဲ့တာလို့ ဝေါလ်စရိဂျာနယ်က ဆိုပါတယ်။ တရုတ်ကာကွယ်ရေးဝန်ကြီး လီရှန်းဖူဟာလည်း အကျင့်ပျက်ချစားမှုတွေနဲ့ စုံစမ်းစစ်ဆေးခံနေရကြောင်း သတင်းတွေထွက်ပေါ်နေပြီး သူဟာ လူမြင်ကွင်းကနေ ပျောက်ကွယ်နေတာ သီတင်းသုံးပတ်ရှိပြီဖြစ်ပါတယ်။ Ref: NHK #voiceofmyanmar…

This Day in History Voice of Myanmar ပွါတိုရီကိုတွင် ၂၀၁၇ ခုနှစ် စက်တင်ဘာ ၂၀ ရက်က ဟာရီကိန်းမုန်တိုင်း မာရီယာဝင်ရောက်တိုက်ခတ်မှုကြောင့် လူ ၃၀၀၀ ကျော်သေဆုံးပြီး ဒေါ်လာ ၉၀ ဘီလီယံကျော် ပျက်စီးဆုံးရှုံးခဲ့သည်။ #voiceofmyanmar #VOM #ThisDayInHistory #September20

လီမာ၊ စက်တင်ဘာ-၂၀-၂၀၂၃ မျိုးဆက်(VOM) ပီရူးနိုင်ငံမှာ ဘတ်စ်ကားတစီး ချောက်ထဲကျ တိမ်းမှောက်မှုကြောင့် လူ ၂၄ ယောက်ထက်မနည်း သေဆုံးသွားကြောင်း တာ၀န်ရှိသူတွေက ပြောပါတယ်။ အဲဒီဘတ်စ်ကားဟာ ဟွမ်ကာယိုနဲ့ ဟွမ်တာမြို့အကြား အန်ဒက်စ်တောင်တန်းဒေသမှာ ညအချိန်ခရီးထွက်ခဲ့ရာ ပေ ၆၅၀ အနက်ရှိ ချောက်အတွင်းကို ထိုးကျတိမ်းမှောက်ခဲ့ခြင်းဖြစ်ကြောင်း တာ၀န်ရှိသူတွေက ပြောပါတယ်။ မတော်တဆဖြစ်ပွားရတဲ့ အကြောင်းရင်းကို အာဏာပိုင်တွေက စုံစမ်းစစ်ဆေးနေဆဲဖြစ်ပါတယ်။ အခင်းဖြစ်ပွားရာ လမ်းဟာ လွန်ခဲ့တဲ့တလခန့်က မြေပြိုမှုမှာ ပျက်စီးသွားတဲ့ နေရာဖြစ်ပြီး ပြန်လည်မပြုပြင်ရသေးကြောင်း တာ၀န်ရှိသူတွေက ပြောပါတယ်။ အခင်းဖြစ်ရာနေရာကို ဒေသခံတွေ ဦးစွာရောက်ရှိခဲ့ပြီး ယာဉ်ပေါ်မှာ ခရီးသည်အချို့ကို အသက်ရှင်လျက်တွေ့ရှိခဲ့ကာ ကယ်ဆယ်ရေးသမားတွေရောက်ရှိပြီးနောက် ဆေးရုံပို့ဆောင်ခဲ့ပါတယ်။ ပီရူးမှာ လမ်းမတော်တဆမှုတွေဟာ အထူးသဖြင့်ညဘက်နဲ့ တောင်တန်းထူထပ်တဲ့ ဒေသတွေမျာ အများဆုံးဖြစ်ပွားလေ့ရှိပြီး တရား၀င်ကိန်းဂဏန်းများအရ ၂၀၂၂ ခုနှစ်မှာ ယာဉ်မတော်တဆမှုတွေကြောင့် လူ ၃၃၀၀ ကျော်သေဆုံးခဲ့ပါတယ်။ Ref:…