ကိယက်ဗ်၊ မေ-၁၂-၂၀၂၄
မျိုးဆက်(VOM)
ယူကရိန်းအရှေ့မြောက်ပိုင်းနယ်စပ်ကို ရုရှားရဲ့ ထိုးစစ်ဆင်တိုက်ခိုက်မှုတွေကြောင့် ခါကိဗ်ဒေသက ဒေသခံ ၁၈၀၀ ဘေးလွတ်ရာ ထွက်ပြေးခဲ့ရတယ်လို့ ယူကရိန်းတာဝန်ရှိသူတွေက ပြောပါတယ်။
ပြီးခဲ့တဲ့ သောကြာနေ့ကတည်းက ရုရှားရဲ့ အံ့အားသင့်ဖွယ် ကျူးကျော်တိုက်ခိုက်မှုတွေကြောင့် နယ်စပ်ဒေသမှာ တိုက်ပွဲတွေ ပြင်းထန်နေပါတယ်။ယူကရိန်းရဲ့ ဒုတိယအကြီးဆုံး ခါကိဗ်မြို့ကို သိမ်းပိုက်ဖို့ ကြိုးပမ်းမှုအပါအဝင် ရုရှားဟာ သူ့ရဲ့ထိုးစစ်ကို နွေရာသီမှာ အရှိန်မြှင့်ဖွယ်ရှိနေပါတယ်
ယူကရိန်းတပ်တွေကတော့ ရုရှားရဲ့ ဘယ်လိုထိုးစစ်ကိုမဆို တွန်းလှန်နိုင်တယ်လို့ အခိုင်အမာဆိုပါတယ်။ ရုရှားရဲ့ လက်ရှိထိုးစစ်အတွင်း ဗော့ချန့်ခ်မြို့အနီးရှိ ကျေးရွာငါးရွာကို သိမ်းပိုက်နိုင်ခဲ့တယ်လို့ ရုရှားဘက်က ပြောပါတယ်။
ရုရှားရဲ့ ဒီတိုက်ခိုက်မှုဟာ သွေးတိုးစမ်းတဲ့သဘော တိုက်ခိုက်ခြင်း သို့မဟုတ် ပိုမိုကြီးမားတဲ့ ထိုးစစ်စတင်ခြားလား အပါအဝင် ရုရှားတပ်တွေ ဘယ်လောက်ထိ ထိုးစစ်ဆင်လာမယ်ဆိုတာကို ရှင်းလင်းစွာ မသိရပါဘူး။
ယူကရိန်းသမ္မတ ဇီးလန်စကီးရဲ့ မနေ့ညက ပြောတဲ့ညစဉ်မိန့်ခွန်းမှာတော့ နယ်စပ်ရှိကျေးရွာ ခုနှစ်ရွာမှာ တိုက်ပွဲတွေ ဆက်လက်ဖြစ်ပွားနေပြီး ခံစစ်အတွက် ကြိုတင်ပြင်ဆင်နေကာ ဒွန်နက်စ်ဒေသအခြေအနေဟာ အထူးတင်းမာနေဆဲဖြစ်တယ်လို့ ပြောဆိုထားပါတယ်။
Ref:BBC
Photo:Getty Images
Related posts
-
ကြည့်မြင်တိုင် ရပ်ကွက်ရုံးတွေမှာ ပေါက်ကွဲမှုဖြစ်လို့ ၁၀ ယောက်ကျော် ဒဏ်ရာရ
စက်တင်ဘာ ၃၀ – ၂၀၂၄SS (VOM)ရန်ကုန်တိုင်း၊ ကြည့်မြင်တိုင်မြို့နယ်က ရပ်ကွက်အုပ်ချုပ်ရေးမှူးရုံးတွေမှာ ဒီကနေ့ စက်တင်ဘာ... -
လက်ဘနွန်ပြည်သူ သိန်းချီပြီး ဆီးရီးယားကို ထွက်ပြေး
ဘေရွတ်၊ စက်တင်ဘာ-၃၀-၂၀၂၄ ရတီ(VOM) လက်ဘနွန်ကို အစ္စရေးရဲ့ လေကြောင်းတိုက်ခိုက်မှုတွေကြောင့် လက်ဘနွန်ပြည်သူ သိန်းချီပြီး ဆီးရီးယားကို... -
အလုံမှာ မိန်းကလေးတယောက်ကို ရည်းစားဖြစ်သူက ဓားနဲထိုးသတ်မှုဖြစ်ပွား
စက်တင်ဘာ ၃၀ – ၂၀၂၄SN (VOM)ရန်ကုန်တိုင်း၊ အလုံမြို့နယ်၊ ဆင်မင်းရပ်ကွက်မှာ အသက် ၂၂...