မေ ၁၄၊ ၂၀၂၄
Shy V
ကချင်လွတ်လပ်ရေးတပ်မတော် (KIA) ရဲ့ စစ်ဦးစီးချုပ် ဒုတိယဗိုလ်ချုပ်ကြီးခေါင်လွမ်းဟာ နာမကျန်း ဖြစ်ပြီး ယမန်နေ့ မေလ ၁၃ ရက်နေ့ည ၆ နာရီကျော်ခန့်က ကွယ်လွန်သွားကြောင်း KIA နဲ့ နီးစပ် သူတွေဆီက သိရပါတယ်။
“ဟုတ်တယ်။ စစ်ဦးစီးချုပ် ဒု ဗိုလ်ချုပ်ကြီး ခေါင်လွမ်း ကွယ်လွန်သွားပြီ။ အသည်းရောဂါကြောင့်။ အားလုံးက စိတ်မကောင်း ဖြစ်ရပါတယ်။ ဝမ်းနည်း မဆုံး ပါပဲ” လို့ KIA နဲ့ နီးစပ်သူ တယောက်က ပြောပါတယ်။
လိုင်ဇာမြို့ရှိ သူရဲ့ နေအိမ်မှာ ကွယ်လွန်သွားတာဖြစ်ပြီး ကွယ်လွန်ချိန်မှာ အသက် ၆၂ နှစ် ရှိပြီလို့ ဆိုပါတယ်။
ရန်ကုန်တက္ကသိုလ်က ဘွဲ့ရခဲ့သူဖြစ်ပြီး ၁၉၈၈
ခုနှစ်ကစ KIA ထဲ ဝင်ရောက်ခဲ့ပြီး ပြီးခဲ့တဲ့ ၂၀၂၃ ခုနှစ် ဇန်နဝါရီလမှာ ဒုတိယ စစ်ဦးစီးချုပ် ရာထူးကနေ စစ်ဦးစီးချုပ် ရာထူးတိုးမြှင့်ခံထားရတာ ဖြစ်ပါတယ်။ သူကွယ်လွန်တဲ့အတွက် ဆုံးရှုံးမှု ကြီးမားကြောင်း အတိုက်အခံအင်အားစုတွေက လူမှုကွန်ယက်မှာ ရေးသားချက် အများအပြားတွေ့ရပါတယ်။
Photo Crd# NUGလူမှုကွန်ယက်
KIA စစ်ဦးစီးချုပ် ဒု ဗိုလ်ချုပ်ကြီး ခေါင်လွမ်း ကွယ်လွန်
