ပြည်ထောင်စု ဝန်ကြီးဌာနများ လျာထားပြီ

ဧပြီ ၆-၂၀၂၆

KKL(VOM)

ပြည်ထောင်စုအစိုးရ ဌာန ၃၁ ခုထားပြီး ပြည်ထောင်စုဝန်ကြီး ၃၀ ဦးနဲ့ဖွဲ့စည်းမှာ ဖြစ်သလို

ပြည်ထောင်စုတရားလွှတ်တော်ချုပ် ဦးသာဌေး ၊

UEC ဥက္ကဋ္ဌ ဦးသန်းစိုး တို့နာမည်ကို ဒီနေ့ကျင်းပတဲ့ ပြည်ထောင်စုလွှတ်တော်မှာ နိုင်ငံတော်သမ္မတအဖြစ် ရွေးချယ်ခံထားသူက တင်သွင်းထားပါတယ်။

နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံး ‎ ဥက္ကဋ္ဌအဖြစ် ဦးအောင်ဇော်သိန်း ‎အပါအဝင် ၉ ဦးဖြင့် ဖွဲ့စည်းသွားမယ်လို့ ပြည်ထောင်စုလွှတ်တော်မှာ အဆိုပြုထားပါတယ်။

နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌနှင့် အဖွဲ့ဝင်များအဖြစ် ခန့်အပ်တာဝန်ပေးသင့်သည့် ပုဂ္ဂိုလ်များ၏ အမည်စာရင်းကို ပြည်ထောင်စုလွှတ်တော်ဆိုင်ရာ နည်းဥပဒေ ၃၃၊ နည်းဥပဒေခွဲ (က) နှင့်အညီ လွှတ်တော်သို့ ဖတ်ကြားတင်ပြပါတယ်။

နိုင်ငံတော်သမ္မတအဖြစ် ရွေးချယ်တင်မြှောက်ခံရသူက ရွေးချယ်ထားသော အဖွဲ့ဝင် ၃ ဦးမှာ –

၁။ ဦးအောင်ဇော်သိန်း

၂။ ဦးဥာဏ်ထွန်း

၃။ ဦးမျိုးတင့်

ပြည်သူ့လွှတ်တော်ဥက္ကဋ္ဌက ရွေးချယ်ထားတဲ့ အဖွဲ့ဝင် ၃ ဦးကတော့

၁။ ဦးကျော်သန်း

၂။ ဦးတူးမော်

၃။ ဒေါ်စုစုဝင်း

အမျိုးသားလွှတ်တော်ဥက္ကဋ္ဌက ရွေးချယ်ထားသော အဖွဲ့ဝင် ၃ ဦးဟာ

၁။ ဒေါ်ဥမ္မာအေး (သို့မဟုတ် ဒေါ်အုန်းမာအေး)

၂။ ဦးတင့်ဝေ

၃။ ဒေါက်တာ မာလာမော် တို့ဖြစ်ပါတယ်။