ကိယက်ဗ်၊ မေ-၄-၂၀၂၄
မျိုးဆက်(VOM)
မေလနှောင်းပိုင်း သို့မဟုတ် ဇွန်လအစောပိုင်းမှာ ယူကရိန်းအရှေ့ပိုင်းရှိ ခါကိဗ်နဲ့ ဆူမီဒေသတို့ကို ရုရှားက ထိုးစစ်ဆင်တိုက်ခိုက်နိုင်ကြောင်း ယူကရိန်းစစ်တပ် ထိပ်တန်းတာဝန်ရှိသူ တယောက်က ပြောပါတယ်။
ဗြိတိန်အခြေစိုက် အီကိုနောမစ်မဂ္ဂဇင်းနဲ့ တွေ့ဆုံမေးမြန်းခန်းတခုမှာ ယူကရိန်း စစ်ထောက်လှမ်းရေးအေဂျင်စီရဲ့ လက်ထောက်အကြီးအကဲဖြစ်သူ ဗိုလ်ချုပ် Vadym Skibitsky က အခုလို သတိပေးပြောဆိုလိုက်တာဖြစ်ပါတယ်။
လက်ရှိတွင် နိုင်ငံအရှေ့ပိုင်း ယူကရိန်းရဲ့ ဗျူဟာမြောက် အမာခံနယ်မြေ ဒွန်နက်စ်ဒေသရှိ ချာဆစ်ယားမြို့မှာ ယူကရိန်းတပ်တွေနဲ့ ရုရှားတပ်တွေအကြား တိုက်ပွဲတွေ ပြင်းထန်စွာ ဖြစ်ပွားနေပါတယ်။
ရုရှားမကျူးကျော်ခင်က လူဦးရေ ၁၂၅၀၀ ရှိတဲ့ အဲဒီမြို့မှာ လက်ကျန်နေထိုင်သူ ၆၈၂ ယောက်သာရှိတော့ပြီး ရေနဲ့ လျှပ်စစ်မီးမရှိဘဲ ခက်ခဲကြမ်းတမ်းစွာ တနှစ်ကျော်ကြာ နေထိုင်နေရပြီး လူသားချင်းစာနာမှုဆိုင်ရာ အကူအညီတွေ လက်လှမ်းမမှီကြောင်း ဒေသန္တရာတာဝန်ရှိသူတွေက ပြောပါတယ်။
ဒီအတောအတွင်း အမေရိကန်က ယူကရိန်းအတွက် ဒေါ်လာ ၆ ဘီလီယံတန်ဖိုးရှိ စစ်ရေးထောက်ပံ့မှုတွေ ပေးအပ်နေပြီး နေတိုးအဖွဲ့ကလည်း ယူကရိန်းအတွက် စစ်ရေးအကူအညီတွေ ထပ်ပေးမယ်လို့ ကတိပြုထားပါတယ်။
ယူကရိန်းရဲ့ အနောက်အုပ်စုမဟာမိတ်တွေရဲ့ စစ်ရေးအထောက်အပံ့တွေဟာ ယူကရိန်းစစ်မြေပြင်ရဲ့အခြေအနေကို ပြောင်းလဲသွားနိုင်ကြောင်း စောင့်ကြည့်လေ့လာသူတွေက ပြောဆိုထားကြပါတယ်။
Ref:NHK
Photo:Reuters
Related posts
-
ကြည့်မြင်တိုင် ရပ်ကွက်ရုံးတွေမှာ ပေါက်ကွဲမှုဖြစ်လို့ ၁၀ ယောက်ကျော် ဒဏ်ရာရ
စက်တင်ဘာ ၃၀ – ၂၀၂၄SS (VOM)ရန်ကုန်တိုင်း၊ ကြည့်မြင်တိုင်မြို့နယ်က ရပ်ကွက်အုပ်ချုပ်ရေးမှူးရုံးတွေမှာ ဒီကနေ့ စက်တင်ဘာ... -
လက်ဘနွန်ပြည်သူ သိန်းချီပြီး ဆီးရီးယားကို ထွက်ပြေး
ဘေရွတ်၊ စက်တင်ဘာ-၃၀-၂၀၂၄ ရတီ(VOM) လက်ဘနွန်ကို အစ္စရေးရဲ့ လေကြောင်းတိုက်ခိုက်မှုတွေကြောင့် လက်ဘနွန်ပြည်သူ သိန်းချီပြီး ဆီးရီးယားကို... -
အလုံမှာ မိန်းကလေးတယောက်ကို ရည်းစားဖြစ်သူက ဓားနဲထိုးသတ်မှုဖြစ်ပွား
စက်တင်ဘာ ၃၀ – ၂၀၂၄SN (VOM)ရန်ကုန်တိုင်း၊ အလုံမြို့နယ်၊ ဆင်မင်းရပ်ကွက်မှာ အသက် ၂၂...