စစ်ကိုင်း မတ် ၁၆-၂၀၁၉
စောပြည့်ချမ်းသာ(VOM)
စစ်ကိုင်းမြို့နယ်၊မင်းကွန်းကျေးရွာအုပ်စု အုပ်ချုပ်ရေးမှူးကို တာဝန်ကနေ ရပ်စဲပေးဖို့ မင်းကွန်းဒေသခံ ၂၀ကျော်က ဒီနေ့ မနက်ပိုင်းအချိန်ကစစ်ကိုင်းမြို့အတွင်းစီတန်းလှည့်ပြီးဆန္ဒထုတ်ဖော်ခဲ့ပါတယ်။ ဆန္ဒထုတ်ဖော်မှုကိုစစ်ကိုင်းမြို့ဇေယျာသီရီရုပ်ရှင်ရုံကစတင်ပြီး မြို့မဈေးလမ်း၊တာရိုးလမ်း၊ဇေယျာလမ်း မြို့တော်ခန်းမထိ စီတန်းလှည့်လည် ဆန္ဒထုတ်ဖော်ခဲ့ကြပါတယ်။ ဥပဒေချိုးဖောက်တဲ့ မင်းကွန်းအုပ်ချုပ်ရေးမှုးကို တာဝန်က ရပ်ဆိုင်းဖို့ မြို့နယ်/ခရိုင်အုပ်ချုပ်ရေးမှုးတွေအနေနဲ့ ရပ်ကျေးအုပ်ချုပ်ရေးဥပဒေအတိုင်းဆောင်ရွက်ကြဖို့ ၊ပြည်သူကိုယ်စားပြုတဲ့ အစိုးရတစ်ရပ်ပေါ်ပေါက်စေဖို့ ၊ကောင်းမွန်တဲ့စီမံအုပ်ချုပ်မှုတစ်ရပ်ပေါ်ပေါက်လာစေဖို့  စတဲ့ဗီနိုင်တွေ ကိုင်ဆောင်ပြီး ဆန္ဒထုတ်ဖော်ခဲ့ပါတယ်။ “ဒီနေ့သူတို့ဆန္ဒထုတ်ဖော်တာနဲ့ပတ်သတ်လို့ လည်းဘယ်လိုမှ မအောင့်မေ့ပါဘူး။ခုလိုလုပ်တာကလည်း ဒေသဖွံ့ဖြိုးရေးအတွက်လုပ်တာ၊ပလပ်မြေရောင်းစားပြီးအဂတိကျူးလွန်တာမဟုတ်ပါဘူး။ ကိုယ့်သိက္ခာလုံလုံနဲ့အမှုကိုရင်ဆိုင်သွားမှာပါ”မင်းကွန်းအုပ်ချုပ်ရေးမှုး ဦးမျိုးမြတ်ထွန်းကပြောပါတယ်။
#voiceofmyanmar #ဆန္ဒပြ #မင်းကွန်း #အုပ်ချုပ်ရေးမှူး #စစ်ကိုင်း
