TNLA  ယာယီအခြေပြုထားတဲ့နမ့်ဆန်မြို့အနီးတောင်ရိုးဘုရားကုန်းကို သိမ်းပိုက်ရရှိကြောင်းတပ်မတော်ထုတ်ပြန်

နေပြည်တော်၊စက်တင်ဘာ- ၁၈- ၂၀၁၉

မင်းရန်နိုင်(VOM)

 

ရှမ်းပြည်နယ်မြောက်ပိုင်းနမ့်ဆန်မြို့ရဲ့အနောက်မြောက်ဘက်မီတာ၄၀ဝ၀ခန့်အကွာရှိTNLA ယာယီအခြေပြုထားတဲ့တောင်ရိုးဘုရားကုန်းအားစက်တင်ဘာလ၁၇ရက်နေ့မှာတပ်မတော်ကသိမ်းပိုက်ရရှိခဲ့တယ်လို့မနေ့ကသတင်းထုတ်ပြန်ပါတယ်။

 

 

တပ်မတော်မှတစ်ဖက်သတ်အပစ်ခတ်ရပ်စဲထားတဲ့ကာအတွင်းTNLA ကအခွင့်ကောင်းယူပြီးတောင်ရိုးဘုရားကုန်းရှိသာဿနိကအဆောက်အဦတွေကိုအကာအကွယ်ရယူကာအဖျက်အမှောင့်လုပ်ငန်းများဆောင်ရွက်နေခဲ့တယ်လို့တပ်မတော်ကဆိုပါတယ်။

 

 

ဒါကြောင့်တပ်မတော်စစ်ကြောင်းတွေနဲ့စက်တင်ဘာလ၁၃ရက်နေ့မှစက်တင်ဘာလ၁၆ရက်နေ့အထိထိတွေ့တိုက်ပွဲ၆ကြိမ်ဖြစ်ပွားခဲ့တယ်လို့သိရပါတယ်။စက်တင်ဘာလ၁၇ရက်နေ့မှာတပ်မတော်စစ်ကြောင်းတွေရဲ့တိုက်ခိုက်မှုကြောင့်နံနက်၆နာရီ၅၀မိနစ်ခန့်မှာTNLA ယာယီအခြေပြုထားတဲ့တောင်ရိုးဘုရားကုန်းအားအောင်မြင်စွာသိမ်းပိုက်ရရှိခဲ့တယ်လို့တပ်မတော်ကဆိုပါတယ်။

 

 

ဒီဖြစ်စဉ်အတွင်းTNLA ထံမှဆိုင်ကယ်၅စီး၊သာဿနိကအဆောက်အဦတွေကိုအကာအကွယ်ယူပြုလုပ်ထားတဲ့ပစ်ကျင်း၄၅ကျင်း၊ဘန်ကာ၅လုံးသိမ်းပိုက်ရရှိခဲ့တယ်လို့သိရပါတယ်။  တပ်မတော်ဘက်မှလည်းစစ်သည်တချို့နိုင်ငံတော်အတွက်အသက်ပေးလှူခဲ့ရပြီးအရာရှိ/စစ်သည်တချို့ထိခိုက်ဒဏ်ရာရရှိခဲ့တယ်လို့တပ်မတော်ရဲ့ထုတ်ပြန်ချက်ကဆိုပါတယ်။

 

ဒီထုတ်ပြန်ချက်နဲ့ ပတ်သက်ပြီး TNLA ကို VOM က ဆက်သွယ်ပေမယ့် တာဝန်ခံဖြေကြားပေးမယ့်သူ မရှိသေးဘူးလို့ ဆိုတဲ့အတွက် TNLA ရဲ့ တုံ့ပြန်ချက်ကို မသိရသေးပါဘူး။

 

 

တပ်မတော်ကရှမ်းမြောက်ဒေသတွေမှာစစ်ဆင်ရေးပြုလုပ်နေတာနဲ့ပတ်သက်ပြီးမြန်မာ့ငြိမ်းချမ်းရေးနဲ့လုံခြုံရေးအင်စတီကျူအမှုဆောင်ဒါရိုက်တာဒေါက်တာမင်းဇော်ဦးကတော့

 

 

“တပ်မတော်အနေနဲ့အခုထိတော့ကောင်တာတိုက်စစ်မတွေ့ရသေးဘူး။ဒါပေမယ့်လုပ်နိုင်လားဆိုရင်တော့လုပ်နိုင်တယ်။တပ်မတော်ကအပစ်ရပ်ကာလကို၂၁ရက်ပဲတိုးပေးထားတာဆိုတော့ဒီကာလမှာအဆင်မပြေတော့ဘူးဆိုရင်တိုက်ပွဲတွေဆက်ဖြစ်လာနိုင်ပါတယ်”လို့မှတ်ချက်ပြုပြောဆိုပါတယ်။

 

#voiceofmyanamr #TNLA  #နမ့်ဆန် #ဘုရားကုန်း

 

Related posts

Leave a Comment

VOM News

FREE
VIEW