ရန်ကုန် ၊ စက်တင်ဘာ ၂၂-၂၀၁၉
သူရိန် ( VOM)
အမျိုးသားဒီမိုကရေစီအဖွဲ့ချုပ်အနေနဲ့ဒုတိယဗဟိုကော်မတီ တတိယအကြိမ်မြောက် ပုံမှန်အစည်းအဝေး အပြီးပြု လုပ်တဲ့ သတင်းစာရှင်းပွဲမှာအစည်းအဝေး ဆုံးဖြတ်ချက် ၅ရပ်နဲ့ ရှေ့လုပ်ငန်းစဉ် ၃ရပ်ကို ထုတ်ပြန်ကြေညာခဲ့ပေမယ့်၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးကိစ္စ မပါဝင်တော့တာကိုတွေ့ရပါတယ်။
ဒုတိယဗဟိုကော်မတီ၊ ဒုတိယအကြိမ်အစည်းအဝေးတုန်းက လုပ်ငန်းစဉ် ၅ရပ်ရှိပါတယ်။ အဲဒီအထဲမှာ ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးဟာ ပြည်ထောင်စုလွှတ်တော်မှာဆောင်ရွက်နေတဲ့အတွက် တတိယအကြိမ် အစည်းအဝေး ကနေ ရှေ့လုပ်ငန်းစဉ် ၃ရပ်ကိုပဲ ချထားပါတယ်လို့ NLD ပါတီ ဒုတိယဥက္ကဋ္ဌ ဒေါက်တာ ဇော်မြင့်မောင်ကပြောပါတယ်။
ဒုတိယအကြိမ် ဗဟိုကော်မတီ ဒုတိယအကြိမ်မြောက် ပုံမှန်အစည်းအဝေးမှာတုန်းကတော့ (၁) ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး (၂) အမျိုးသားပြန်လည် သင့်မြတ်ရေးနှင့်ပြည်တွင်းစစ်ချုပ်ငြိမ်းရေး (၃)ဒီမိုကရေစီဖက်ဒရယ်ပြည်ထောင်စု ပေါ်ထွန်းရေး (၄) အဖွဲ့ချုပ်အဖွဲ့ဝင်များအကြား ညီညွတ်ရေးနဲ့ ပူးပေါင်းဆောင်ရွက်ရေး (၅) ၂၀၂၀ အထွေထွေရွေးကောက်ပွဲကြီး အောင်နိုင်ရေးဆိုပြီး ရှေ့လုပ်ငန်းစဉ် ၅ ရပ်ကိုချမှတ်ခဲ့တာပါ။
တတိယအကြိမ်မြောက် ပုံမှန်အစည်းအဝေး အပြီးမှာတော့ ရှေ့လုပ်ငန်းစဉ်တွေမှာ အမျိုးသားပြန်လည်သင့်မြတ်ရေးနဲ့ ပြည်တွင်း ငြိမ်းချမ်းရေး ၊ ဒီမိုကရေစီဖက်ဒရယ် ပြည်ထောင်စု တည်ဆောက်ရေး ၊အဖွဲ့ချုပ် အဖွဲ့ဝင်များ အကြား ညီညွှတ်ရေးနှင့် ပူးပေါင်း ဆောင်ရွက်ရေး ၊၂၀၂၀ အထွေထွေ ရွေးကောက်ပွဲကြီး အောင်နိုင်ရေးအချက် ၃ချက်ပါဝင်ပြီး ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးကိစ္စ ပါဝင်လာခြင်းမရှိတာတွေ့ရပါတယ်။။
ဒါ့အပြင်ဆုံးဖြတ်ချက် ၅ချက်က ဗဟိုအလုပ်အမှုဆောင်အဖွဲ့ကဦးဆောင်ပြီး စွမ်းရည်မြင့် သင်တန်းတွေပေးဖို့၊ တွေ့ဆုံပွဲတွေ ပြုလုပ်ပြီးပါတီ၊ အစိုးရ၊ လွှတ်တော် ဟန်ချက်ညီညီ ဆောင်ရွက်ဖို့၊ လယ်ယာမြေကိစ္စတွေနဲ့ ပတ်သက်လို့ သက်ဆိုင်ရာ အစိုးရ အဖွဲ့တွေကိုတိုက်တွန်း ပေးဖို့ ၊ရွေးကောက်ပွဲ မဟာဗျူဟာ ရေးဆွဲတာနဲ့ သက်ဆိုင်ရာ အခြေခံ အချက်အလက်တွေပေးပို့ဖို့၊ တိုင်းရင်းသား ရေးရာကော်မတီ ဖွဲ့စည်းဖို့ပါဝင်ပါတယ်။
၂ရက်တာ ကျင်းပတဲ့ ဗဟိုကော်မတီအစည်းအဝေးကို နာယကဦးတင်ဦး၊ဗဟိုအလုပ်အမှုဆောင်အဖွဲ့ဒုတိယဥက္ကဋ္ဌ-ဒေါက်တာဇော်မြင့်မောင်နဲ့ ပြည်နယ်တိုင်းတွေက ဝန်ကီးချုပ်တွေ ၊ လွှတ်တော်အသီးသီးက ဥက္ကဋ္ဌတွေနဲ့ ဗဟိုအလုပ်အမှုဆောင်အဖွဲ့ဝင်တွေတက်ရောက်ပြီး အစီရင်ခံစာတင်သွင်းတာ စာတမ်းဖတ်တာတွေ လုပ်ခဲ့ကြပါတယ်။
#voiceofmyanmar #NLD #ဗဟိုကော်မတီအစည်းအဝေး
