Month: August 2024

  ကိဗ်ယက်၊ ဩဂုတ်-၁၅-၂၀၂၄ မျိုးဆက်(VOM) ယူကရိန်းအတွက် ဗြိတိန်က ထောက်ပံ့ပေးထားတဲ့ လက်နက်တွေကို ရုရှားနိုင်ငံထဲကို လက်ရှိဝင်ရောက်တိုက်ခိုက်ရာမှာ အသုံးပြုဖို့ တားမြစ်ထားတာမရှိကြောင်း ယူကရိန်းကာကွယ်ရေး ဝန်ကြီးဌာနက ပြောပါတယ်။ ဒီလက်နက်တွေကို နိုင်ငံတကာ ဥပဒေစည်းမျဉ်းတွေနဲ့အတိုင်း အသုံးပြုသွားမယ်လို့ ယူကရိန်းကာကွယ်ရေးဝန်ကြီးဌာန ပြောရေးဆိုခွင့်ရှိသူက ပြောပါတယ်။ ရုရှားနိုင်ငံ ကာ့ဒ်ဒေသကို ယူကရိန်းတပ်တွေ ထိုးဖောက်ဝင်ရောက်တိုက်ခိုက်မှု ၁၀ ရက်မြောက်ဖြစ်လာချိန်မှာ လက်နက်တွေ အသုံးပြုခွင့်ရရှိထားတယ်ဆိုတာ ယူကရိန်းက ထုတ်ဖော်ပြောဆိုလာတာဖြစ်ပါတယ်။ ယူကရိန်းထိုးစစ်ဆင်နေတဲ့ နေရာတွေရှိ အရပ်သားတွေကို ဘေးလွတ်ရာရွှေ့ပြောင်းနိုင်ဖို့ လူသားချင်းစာနာမှုဆိုင်ရာ စင်္ကြံတွေ ထူထောင်သွားမယ်လို့ ယူကရိန်းက ပြောဆိုထားပြီး ရုရှားကတော့ ယူကရိန်းတပ်တွေကို ပြန်တိုက်ထုတ်နေတယ်လို့ ဆိုပါတယ်။ ဒီအတောအတွင်း ယူကရိန်းဒေသရှစ်ခုကို မနေ့ကညက တိုက်ခိုက်ခဲ့တဲ့ ရုရှားရဲ့ ဒရုန်း ၂၉ စင်းကို ယူကရိန်းလေတပ်က ပစ်ချခဲ့ပြီး ရုရှားရဲ့ တို်ကခိုက်မှုအတွင်း လူတယောက်သေပြီး ၁၃ ယောက်ဒဏ်ရာရခဲ့တယ်လို့…

  Voice of Myanmar တရုတ်နိုင်ငံသည် ပထမကမ္ဘာစစ်အတွင်း ၁၉၁၇ ခုနှစ် ဩဂုတ် ၁၄ ရက်တွင် ဂျာမနီနှင့် ဩစတြေးလျ-ဟန်ဂေရီတို့ကို စစ်ကြေညာခဲ့သည်။ #Voiceofmyanmar #VOM #ThisDayInHistory #August13

  ဒါကာ၊ ဩဂုတ်-၁၄-၂၀၂၄ မျိုးဆက်(VOM) ဘင်္ဂလားဒေ့ရှ်နိုင်ငံမှာ ဖြစ်ပွားခဲ့တဲ့ လူတယောက်သေဆုံးမှုနဲ့ပတ်သက်ပြီး ဘင်္ဂလားဒေ့ရှ်ဝန်ကြီးချုပ်ဟောင်း ရှိတ်ဟာစီနာကို လူသတ်မှုနဲ့ အမှုဖွင့်ပြီး စုံစမ်းစစ်ဆေးမှုတွေ စတင်နေပါတယ်။ မြို့တော်ဒါကာမှာ ရက်သတ္တပတ်များစွာ ဆန္ဒပြပွဲတွေအပြီးမှာ ဝန်ကြီးချုပ် ဟာစီနာက ရာထူးကနေ နုတ်ထွက်ပြီး အိန္ဒိယနိုင်ငံကို ထွက်ပြေးခဲ့ပေမယ့် ယခင်အစိုးရ ထိပ်တန်းတာဝန်ရှိသူခြောက်ယောက် ကိုလည်း တာဝန်ရှိသူတွေက စုံစမ်းစစ်ဆေးနေပါတယ်။ နိုင်ငံသားတယောက်သေဆုံးမှုနဲ့ပတ်သက်ပြီး ရှေ့နေ မာမန်မီယာက ဒါကာတရားရုံးမှာ ကိုယ်စားအမှုဖွင့်ခဲ့တာဖြစ်ပြီး ဒီကိစ္စကို စုံစမ်းစစ်ဆေးဖို့ ရဲတပ်ဖွဲ့ကို တရားရုံးက အမိန့်ထုတ်ခဲ့တာဖြစ်ပါတယ်။ ဒီလို အမှုဖွင့်ရပြီးနောက် နာရီပိုင်းအကြာမှာတော့ ဝန်ကြီးချုပ်ဟောင်း ဟာစီနာကတော့ သူမကို ရာထူးကနေ နုတ်ထွက်ခဲ့ရတဲ့ ဆန္ဒပြပွဲတွေနဲ့ပတ်သက်ပြီး စုံစမ်းစစ်ဆေးဖို့နဲ့ ပါဝင်ပတ်သက်သူတွေကို အရေးယူပေးဖို့ ပြည်ပကို ထွက်ပြေးပြီးနောက် ပထမဆုံးအကြိမ် လူသိရှင်ကြား ထုတ်ပြန်ချက်မှာ တောင်းဆိုထားပါတယ်။ ဒါဟာ ရာထူးကနေနုတ်ထွက်ပြီးနောက် ဟာစီနာအပေါ် ပထမဆုံး ရာဇဝတ်မှုနဲ့…

  ကိပ်တောင်း၊ ဩဂုတ်-၁၄-၂၀၂၄ မျိုးဆက်(VOM) အာဖရိကမှာ ကူးစက်မြန် မျောက်ကျောက်ရောဂါနဲ့ ပတ်သက်ပြီး အရေးပေါ်အခြေအနေ ကြေညာလိုက်ကြောင်း တောင်အာဖရိကတိုက် ရောဂါထိန်းချုပ်ရေးနဲ့ ကာကွယ်ရေးဌာနက ဩဂုတ် ၁၃ ရက်မှာ ထုတ်ပြန်ကြေညာလိုက်ပါတယ်။ မျောက်ကျောက်ရောဂါ မျိုးကွဲသစ် ကူးစက်ပျံ့နှံ့နေတာကြောင့် အခုလို အရေးပေါ်အခြေအနေ ကြေညာတာလို့ တာဝန်ရှိသူတွေက ပြောပါတယ်။ ကွန်ဂိုမှာ ယခုနှစ်စကတည်းက မျောက်ကျောက်ရောဂါ ကူးစက်မှု ၁၃၇၀၀ ကျော်နဲ့ သေဆုံးသူ ၄၅၀ ထိရှိခဲ့ပါတယ်။ ကွန်ဂိုအပြင် ဘူရွန်ဒီ၊ ဗဟိုအာဖရိကသမ္မတနိုင်ငံ ၊ရဝမ်ဒါအပါအဝင် အခြားအာဖရိကနိုင်ငံတွေမှာလည်း ရောဂါ ပျံ့နှံ့နေပြီး ထိန်းချုပ်နိုင်ဖို့ ပြင်းပြင်းထန်ထန် လုပ်ဆောင်ရလိမ့်မယ်လို့ ကျွမ်းကျင်သူတွေက သတိပေးထားပြီး အာဖရိကပြင်ပနိုင်ငံတွေကလည်း ကူးစက်လာနိုင်ခြေအပေါ် အနီးကပ်စောင့်ကြည့်နေပါတယ်။ လက်ရှိမှာတော့ ဗိုင်းရပ်စ်မျိုးကွဲနှစ်ခု ရှိပြီး ပထမအမျိုးအစားဟာ ၂၀၂၂ ခုနှစ်က ဥရောပနဲ့ အခြားနိုင်ငံတွေထိ ကူးစက်ခဲ့တဲ့ ဗိုင်းရပ်စ်ဖြစ်ပြီး အဓိကအားဖြင့်…