ဆိုးလ်၊ ဒီဇင်ဘာ-၇-၂၀၂၄မျိုးဆက်(VOM)ပြီးခဲ့တဲ့ အင်္ဂါနေ့ညက စစ်အုပ်ချုပ်ရေး အမိန့်ထုတ်ပြန်ခဲ့မိတာနဲ့ပတ်သက်ပြီး တောင်ကိုရီးယားသမ္မတ ယွန်းဆွတ်ခ်ယိုးလ်က ပြည်သူတွေကို တောင်းပန်လိုက်ပါတယ်။ကွန်မြူနစ်မြောက်ကိုရီးယားရဲ့ခြိမ်းခြောက်မှုနဲ့ ပြည်တွင်အဖျက်သမားတွေကို ဟန့်တားဖို့လိုအပ်တယ်ဆိုကာ စစ်အုပ်ချုပ်ရေးအမိန့်ထုတ်ခဲ့ပေမယ့် ပြည်သူတွေနဲ့ လွှတ်တော်အမတ်တွေရဲ့ ကန့်ကွက်မှုကြောင့် ခြောက်နာရီအကြာမှာ ပြန်လည်ရုပ်သိမ်းခဲ့ရပါတယ်။စစ်အုပ်ချုပ်ရေး ထုတ်ပြန်လိုက်မိလို့ ဖြစ်ပေါ်လာတဲ့ အဆင်မပြေမှုတွေအတွက် တောင်းပန်ပါတယ်။ အရမ်းအံ့ဩသွားတဲ့ ပြည်သူတွေကိုလည်း တောင်းပန်ပါတယ်လို့ သမ္မတယွန်းဆွတ်ခ်ယိုးလ်က ပြောပါတယ်။ဒါဟာ နိုင်ငံရေးမတည်ငြိမ်ဖြစ်ပြီးနောက်ပိုင်း ပထမဆုံးအကြိမ် လူသိရှင်ကြား ပြောဆိုမှုလည်းဖြစ်ပါတယ်။ သူရာထူးတာဝန် ဆက်လက်ထမ်းဆောင်တာအပါအဝင် နိုင်ငံရေးတည်ငြိမ်အောင် ဘယ်လိုဆုံးဖြတ်မယ်ဆိုတာက အာဏာရပါတီအပေါ် မူတည်တယ်လို့ သူက ဆိုပါတယ်။အာဏာရပါတီရဲ့ လွှတ်တော်ကိုယ်စားလှယ်တွေရဲ့ မျက်နှာစုံညီအစည်းအဝေးကို မနေ့ကပြုလုပ်ခဲ့ပြီး ဒီကိစ္စကို ဆွေးနွေးခဲ့ကြပါတယ်။ ဒီနေ့ညနေ ငါးနာရီမှာ သမ္မတအပေါ် စွပ်စွဲပြစ်တင်မှုစတင်ခင်မှာ အစည်းအဝေးထပ်လုပ်ဖို့ ရှိနေပါတယ်။တောင်ကိုရီးယားအတိုက်အခံပါတီတွေဟာ သမ္မတကို ဖြုတ်ချဖို့ ဆန္ဒရှိနေကြပြီး အဓိကအတိုက်အခံ ဒီမိုကရက်တစ်ပါတီနဲ့အခြားပါတီက အမတ်ငါးယောက်ဟာ ယွန်းဆွတ်ခ်ယိုးလ်ကို စွပ်စွဲပြစ်တင်ဖို့ အဆိုတင်သွင်းခဲ့ကြပါတယ်။အဆိုကို အတည်ပြုဖို့ အမတ်သုံးပုံနှစ်ပုံက…
Read More
