ဒီဇင်ဘာ ၂၃၊၂၀၂၁
KK(VOM)
ပြည်သူ့လွှတ်တော်ဒုဥက္ကဌဦးထွန်းထွန်းဟိန်ကို မနေ့ ဒီဇင်ဘာ ၂၂ရက်က နိူင်ငံတော်အကြည်ညိုပျက်စေမှုပုဒ်မ ၅၀၅(က)(ခ)တွေနဲ့ ထောင်ဒဏ်လေးနှစ်ချမှတ်ခဲ့တယ်လို့ သိရပါတယ်။
ဦးထွန်းထွန်းဟိန်ကို လားရှိုးအကျဥ်းထောင်အတွင်းက အထူးတရားရုံးကနေ မနေ့မနက်ပိုင်းက အလုပ်နဲ့ထောင်ဒဏ်အမိန့်ချမှတ်ခဲ့တာဖြစ်တယ်လို့ NLD ပါတီဝင်တဦးက ပြောပါတယ်။
“ဖေဖော်ဝါရီလက ထုတ်ပြန်ချက်နှစ်စောင်နဲ့ပါတ်သတ်ပြီး လူထုအုံကြွအောင်လှုံ့ဆော်တာ၊ တိုင်းပြည်မငြိမ်မသက်ဖြစ်အောင်လုပ်တာဆိုပြီး စွပ်စွဲချက်နဲ့ တရားစွဲတာပါ”လို့ပြောပါတယ်။
အမျိုးသားဒီမိုကရေစီအဖွဲ့ချုပ် NLD ပါတီရဲ့ ဗဟိုအလုပ်အမှုဆောင်အဖွဲ့က ဖေဖော်ဝါရီလ ၇ ရက်နဲ့ ၁၃ ရက်ကထုတ်ပြန်ခဲတဲ့ ကြေညာချက်နှစ်စောင်နဲ့ ပါတ်သတ်ပြီး စစ်တပ်မှ ပုဒ်မ ၅၀၅(က)(ခ)တို့နဲ့ တရားစွဲဆိုခဲ့တာဖြစ်တယ်လို့ အမည်မဖော်လိုသူတဦးက ပြောပါတယ်။
ဦးထွန်းထွန်ဟိန်ကို ဖေဖော်ဝါရီ ၁ ရက်မှာ စစ်တပ်ကဖမ်းဆီးခဲ့ပြီး နေပြည်တော်မှာ နေအိမ်အကျယ်ချုပ်နဲ့ ထားခဲ့ပါတယ်။ ဖေဖေါ်ဝါရီ ၇ ရက်နေ့မှာ ပြန်လွှတ်ပေးခဲ့ပြီး ဖေဖော်ဝါရီ ၁၀ ရက် ညနေပိုင်းမှာပြန်လည်ဖမ်းဆီးခဲ့တာဖြစ်ပါတယ်။
NLD အစိုးရလက်ထက် ပြည်သူ့လွှတ်တော် ဒု-ဥက္ကဋ္ဌ အဖြစ် တာဝန်ယူခဲ့တဲ့ ဦးထွန်းထွန်းဟိန်ဟာ၁၉၉၀၊၂၀၁၅၊၂၀၂၀ အစရှိတဲ့ရွေးကောက်ပွဲတွေမှာ သုံးကြိမ်တိုင်အနိုင်ရရှိထားသူဖြစ် ပါတယ်။
ပြီးခဲ့တဲ့ ဒီဇင်ဘာ ၂၁ ရက်ကလည်း မကွေးတိုင်းလွှတ်တော်ဥက္ကဋ္ဌ ဦးတာကို မကွေးထောင်အတွင်း အထူးတရားရုံးမှ သဘာဝဘေးအန္တရာယ်စီမံခန့်ခွဲမှုဆိုင် ဥပဒေပုဒ်မ ၂၅ အရ အလုပ်ကြမ်းနဲ့ ထောင်ဒဏ် သုံးနှစ် ချမှတ်ခဲ့ပါသေးတယ်။
#voiceofmyanmar #VOM #ဦးထွန်းထွန်းဟိန်
