စစ်တွေ၊ မတ် ၂-၂၀၁၉
ခိုင်လင်းစံ (VOM)
ရခိုင်ပြည်နယ် မြောက်ဦးမြို့နယ်က ကျေးရွာအုပ်ချုပ်ရေးမှူး ၉၀ နီးပါးနှုတ်ထွက်သွားတာနဲ့ပတ်သက်လို့ ဒီကနေ့ မတ်လ ၂ ရက်နေ့နေ့လယ်ပိုင်းက ပြည်နယ်အထွေထွေအုပ်ချုပ်ရေးရုံးမှာ သတင်းစာရှင်းလင်းပွဲပြုလုပ်ခဲ့ပါတယ်။
အထွေထွေအုပ်ချုပ်ရေးဦးစီးဌာန ဒုတိယညွှန်ကြားရေးမှူး ဦးဌေးအောင်နဲ့ ရခိုင်ပြည်နယ် ဒုတိယရဲတပ်ဖွဲ့မှူး ဒုရဲမှူးကြီး မောင်မောင်စိုးတို့က ရှင်းလင်းခဲ့ကြတာဖြစ်ပါတယ်။
“မြောက်ဦးမှာ အုပ်ချုပ်ရေးမှူး ၄ ဦးကို သက်ဆိုင်ရာလုံခြုံရေးတပ်ဖွဲ့ဝင်တွေ ခေါ်ယူမေးမြန်းတဲ့အတွက် ကျန်တဲ့အုပ်ချုပ်ရေးမှူးတွေက ကျေးရွာအုပ်ချုပ်ရေးမှူးလုပ်ရတာ မလုံခြုံတော့ဘူးဆိုပြီး ထွက်စာတင်ပါတယ်ဆိုပြီးတော့ မီဒီယာတွေမှာ ပြောကြားထားတဲ့အတွက် ခေါ်ယူပြီးတော့ ရှင်းလင်းရခြင်းဖြစ်ပါတယ်။”လို့ ဦးဌေးအောင်ကပြောပါတယ်။
တိုက်ပွဲဖြစ်ပွားရာဒေသတွေက ကျေးရွာအုပ်ချုပ်ရေးမှူးတွေကို ခေါ်ယူပြီးတော့ အခုလိုစစ်ဆေးမှုတွေပြုလုပ်နေရတာဟာ နယ်မြေတည်ငြိမ်အေးချမ်းရေးအတွက် သက်ဆိုင်ရာလုံခြုံရေးတာဝန်ရှိတဲ့သူတွေက သတင်းလက်ဦးမှုရယူပြီးတော့ ဆောင်ရွက်တဲ့အခါမှာ သက်ဆိုင်ရာကျေးရွာအုပ်ချုပ်ရေးမှူးတွေဟာ ပါဝင်ပတ်သက်နေတဲ့အတွက် အခုလိုခေါ်ယူစစ်ဆေးနေတာဖြစ်တယ်လို့ ပြောပါတယ်။
“ကျွန်တော်တို့ ပြည်နယ်ထဲမှာ သွားရေးလာရေးတွေ အခက်အခဲဖြစ်နေတယ်။ ဘယ်သူသတ်လို့သတ်သွားမှန်းမသိဘူး။ နောက်ကသေနတ်နဲ့ပစ် လုပ်ကြံသတ်ဖြတ်ခံရတာတွေလည်းရှိတယ်။ ဒါကြောင့် ပြည်သူတွေအေးချမ်းစေဖို့အတွက် ကျွန်တော်တို့ ရဲတပ်ဖွဲ့မှာ တာဝန်ရှိပါတယ်။ ကျွန်တော်တို့ ရဲတပ်ဖွဲ့ကလည်းပဲ ရတဲ့သတင်းစာကားပေါ်မှာ ကြိုတင်လက်ဦးမှု ရယူပြီးတော့ လုပ်ရတာရှိပါတယ်။ အဆင့်ဆင့်အကြောင်းကြားတာတွေလုပ်ပြီးတော့ မေးစရာရှိလို့ခေါ်လာခဲ့တာပါ။ ဖမ်းဆီးတာမဟုတ်ပါဘူး။”လို့ ရခိုင်ပြည်နယ် ဒုတိယရဲတပ်ဖွဲ့မှူး ဒုရဲမှူးကြီး မောင်မောင်စိုးကပြောပါတယ်။
လက်ရှိမှာတော့ အဲ့ဒီအုပ်ချုပ်ရေးမှူး ၄ ဦးကို ချုပ်ရမန်ယူစစ်ဆေးနေတာဖြစ်ပြီး မိသားစုတွေနဲ့လည်းတွေ့ဆုံခွင့် မပေးသေးတာဖြစ်ပါတယ်။
ဒါ့အပြင် ရခိုင်ပြည်နယ်အတွင်းမှာ အခုလိုမျိုး ပုဒ်မ ၁၇ (၁) နဲ့ငြိစွန်းတယ်ဆိုပြီး စစ်ဆေးနေတဲ့ ကျေးရွာအုပ်ချုပ်ရေးမှူး ၅ ဦးအထိရှိနေတာဖြစ်ကြောင်းနဲ့ မြောက်ဦးမြို့နယ်က လေးဦးနဲ့ ရသေ့တောင်မြို့နယ်က တစ်ဦးတို့ဖြစ်ကြပါတယ်။
#voiceofmyanmar#မြောက်ဦး#အုပ်ချုပ်ရေးမှူး#ရခိုင်
