ကျေးရွာနားမြှုပ်ထားတဲ့အလောင်းတွေနဲ့လက်နက်ကြီးကျည်တွေကိုဖယ်ရှားဖို့တောင်းဆို

မင်းပြား၊ဇွန်၁၄-၂၀၁၉

ခိုင်လင်းစံ(VOM)

 

 

ရခိုင်ပြည်နယ်၊မင်းပြားမြို့နယ်အတွင်းအခုလို၃ရက်နေ့ကကျေးရွာဘုန်းတော်ကြီးကျောင်းဝင်းအတွင်းလက်နက်ကြီးကျည်ကျရောက်ပေါက်ကွဲပြီးကျေးရွာသားတွေ ထိခိုက်သေဆုံးခဲ့ကာရွာလုံးကျွတ်ထွက်ပြေးခဲ့ကြရပြီးတိုက်ပွဲပြီးချိန်မှာဒေသခံတွေကြုံတွေ့နေရတဲ့အခက်အခဲတွေနဲ့ပတ်သက်လို့သတင်းစာရှင်းလင်းပွဲတစ်ရပ်ကိုဒီကနေ့နေ့လည်ပိုင်းကစပါးထားကျေးရွာဘုန်းတော်ကြီးကျောင်းမှာပြုလုပ်ခဲ့ကြပါတယ်။

 

 

အဲ့ဒီသတင်းစာရှင်းလင်းပွဲမှာစပါးထားကျေးရွာအနီးမြှုပ်နှံထားတဲ့လူသေအလောင်းတွေနဲ့မပေါက်ကွဲသေးတဲ့လက်နက်ကြီးကျည်တွေကိုသက်ဆိုင်ရာကလာရောက်ဖယ်ရှားပေးဖို့အတွက်ကျေးရွာသားတွေကတောင်းဆိုလိုက်ပါတယ်။

 

“သတင်းစာရှင်းလင်းပွဲကိုဒီကနေ့၁၁နာရီလောက်ကစပြီးတော့ပြုလုပ်ခဲ့ကြပါတယ်။အဓိကတောင်းဆိုတာကတော့တိုက်ပွဲဖြစ်စဉ်အတွင်းမှာထိခိုက်သေဆုံးခဲ့ရတာတွေ၊ကျေးရွာသားတွေထွက်ပြေးသွားခဲ့တဲ့အခါမှာနေအိမ်တွေကပစ္စည်းပျောက်ဆုံးတာတွေ၊ပြီးတော့ရွားမှာမြှုပ်ထားတဲ့လူသေအလောင်းတွေရှိနေတယ်။အဲ့ဒါကိုဖယ်ရှားပေးဖို့နဲ့မပေါက်ကွဲသေးတဲ့လက်နက်ကြီးကျည်တွေကိုဖယ်ရှားပေးဖို့အတွက်တောင်းဆိုခဲ့ကြတာပါ။”လို့ ဦးညီညီအောင်ကပြောပါတယ်။

 

အဲ့ဒီအလောင်းတွေနဲ့လက်နက်ကြီးကျည်တစ်လုံးဟာကျေးရွာနဲ့ပေ၂၀၀၀ခန့်အကွာမှာရှိနေတာဖြစ်ပြီးအလောင်းတွေကတော့တိုက်ပွဲဖြစ်စဉ်အတွင်းကျဆုံးသွားတဲ့တိုက်ပွဲဝင်ရဲဘော်တွေရဲ့အလောင်းတွေဖြစ်နိုင်တယ်လို့ပြောပါတယ်။

 

 

“အဲ့ဒါတွေနဲ့ပတ်သက်လို့ရွာသားတွေဘက်ကလည်းသက်ဆိုင်ရာကိုအကြောင်းကြားထားတာရှိတယ်။ဒီနေ့ကျွန်တော်တို့ကိုခေါ်ပြီးတော့ရှင်းလင်းတဲ့အတွက်အခုပဲမြို့နယ်အထွေထွေအုပ်ချုပ်ရေးမှူးဆီကိုသွားပြီးတော့ဒီကိစ္စကိုသွားတယ်။သူ့အနေနဲ့တော့သက်ဆိုင်ရာအဆင့်ဆင့်ကိုတင်ပြပေးမယ်လို့ပြောလိုက်ပါတယ်။”လို့ လွှတ်တော်ကိုယ်စားလှယ်ဦးလှသိန်းအောင်ကပြောပါတယ်။

 

အဲ့ဒီတိုက်ပွဲဟာစပါးထားကျေးရွာအနီးမှာဇွန်လ၃ရက်နေ့ကဖြစ်ပွားခဲ့တာဖြစ်ပြီးအလောင်းတွေကိုမြှုပ်နှံထားတဲ့ကျင်းတွေကနေအလောင်းတချို့ဟာပြန်ပေါ်လျက်ရှိနေပြီးဒါတွေကိုသက်ဆိုင်ရာကဖယ်ရှားပေးဖို့လိုအပ်နေတယ်လို့ဦးလှသိန်းအောင်ကပြောပါတယ်။

 

 

အခုလိုမျိုးကျေးရွာအနီးမှာအလောင်းတွေနဲ့မပေါက်ကွဲသေးတဲ့လက်နက်ကြီးကျည်တွေရှိနေတာကြောင့်ကျေးရွာသားတွေဟာသူတို့ရဲ့အလုပ်အကိုင်တွေကိုလုပ်ကိုင်ဖို့အတွက်မသွားရဲမလာရဲဖြစ်နေကြတယ်လို့ကျေးရွာသားတွေကပြောပါတယ်။

 

ဓါတ်ပုံ- Lay Mro

 

#voiceofmyanmar #ရခိုင်ပြည်နယ် #မင်းပြား #စပါးထားကျေးရွာ  #အလောင်း #လက်နက်ကြီး

 

Related posts

Leave a Comment

VOM News

FREE
VIEW