ရန်ကုန်၊ ဇွန် ၁၉ – ၂၀၁၉
သူရိန်(VOM)
ရန်ကုန်ပြည်သူ့ဆေးရုံကြီးမှာ ဒီရက်ပိုင်းအတွင်း H1N1 ကူးစက်ရောဂါနဲ့ လူနာနှစ်ဦးသေဆုံးသွားတယ်လို့ ရန်ကုန်နာရေးကူညီမှုအသင်းနဲ့ ကော့မှူးမြို့နယ် ပြည်သူ့ကျန်းမာရေးဦးစီးဌာနက သိရပါတယ်။
ရန်ကုန်တိုင်း တောင်ပိုင်းခရိုင် ကော့မှူးမြို့နယ်က အမျိုးသမီးတစ်ဦး H1 N1, PD M 09 ရောဂါနဲ့ အခုလ ၁၄ ရက်က သေဆုံးခဲ့သလို ၁၈ ရက်ညကလည်း အမျိုးသားတစ်ဦး H1 N1 နဲ့သေဆုံးသွားတယ်လို့ သိရပါတယ်။
ရန်ကုန်ပြည်သူ့ဆေးရုံကြီးမှာH1N1နဲ့ သေဆုံးသူတွေ ထပ်မံရှိလာတယ်လို့ ပြောဆိုသံတွေထွက်ပေါ်လာခဲ့တာကြောင့် ပြည်သူတွေအကြား စိုးရိမ်ထိတ်လန့်မှုတွေ ရှိတဲ့အတွက် အတည်ပြုဖို့ ရန်ကုန်ပြည်သူ့ဆေးရုံကြီးက ဆေးရုံအုပ်ကြီး ဒေါက်တာဒေါ်ခင်သိင်္ဂီမြင့်ကို မနေ့က မေးမြန်းခဲ့ရာမှာ ” အဲ့ဒီကိစ္စနဲ့ပတ်သတ်ပြီးတော့ နေပြည်တော်ကနေ သတင်းထုတ်ပြန်ပေးပါလိမ့်မယ်။” လို့ ပြန်လည် ဖြေဆိုခဲ့ပါတယ်။
အခုလ ၁၄ ရက်ကသေဆုံးခဲ့သူဟာ ကော့မှူးမြို့နယ် ပျားမွတ်ကျေးရွာမှာ နေထိုင်တဲ့ ဒေါ်အေးအေးစိုး ( ၂၉ နှစ်)ဖြစ်ပြီး မနေ့ညက သေဆုံးခဲ့တဲ့ အမျိုးသားကတော့ အသက် ၆၀ ဝန်းကျင် အရွယ်ဖြစ်ကြောင်းကိုသာ လတ်တလော အတည်ပြုနိုင်ပါသေးတယ်။
ဒေါ်အေးအေးစိုး နေထိုင်ခဲ့တဲ့ အဲဒီရွာမှာတော့ ကော့မှူးမြို့နယ် ပြည်သူ့ကျန်းမာရေးဦးစီးဌာန ကျန်းမာရေးဝန်ထမ်းတွေဟာ ကူးစက်ရောဂါကာကွယ်နှိမ်နှင်းရေးလုပ်ငန်းတွေကို တိုင်းပြည်သူ့ကျန်းမာရေးဦးစီးဌာန၊ ကူးစက်ရောဂါတိုက်ဖျက်ရေးဌာနရဲ့ လမ်းညွှန်ချက်အတိုင်း ဆောင်ရွက်နေတယ်လို့ သိရပါတယ်။
H1N1ရောဂါ ပြည်တွင်းမှာ ဖြစ်ပေါ်ခဲ့တာက ပြီးခဲ့တဲ့၂၀၁၇ ခုနှစ် ဇူလိုင်လက နောက်ဆုံးဖြစ်ပါတယ်။ ချင်းပြည်နယ်၊ ဧရာဝတီတိုင်းနဲ့ ရန်ကုန်တိုင်းမှာ ဖြစ်ပေါ်ခဲ့တာဖြစ်ပြီး ဓါတ်ခွဲစစ်ဆေးချက်တွေအရ Influenza Type A.A/ H1N1 Pdm-Positive ၊ Seasonal Flu, A/H1N1 တို့ဖြစ်ခဲ့တာပါ။
ဓါတ်ပုံ- ရန်ကုန် နာမှုကူညီရေးအသင်း
#voiceofmyanmar # ရန်ကုန်ပြည်သူ့ဆေးရုံကြီး H1N1 နဲ့ နှစ်ဦးသေ #ရန်ကုန် #ကော့မှူး
