ဆယ်နှစ်အတွင်း အပြင်းထန်ဆုံးမုန်တိုင်း ဂျပန်မှာတိုက်ခတ်၊ နေအိမ်ကိုးသိန်းကျော် လျှပ်စစ်မီးပြတ်တောက်နေ

တိုကျို၊ စက်တင်ဘာ-၉-၂၀၁၉

မျိုးဆက် (VOM)

 

တိုက်ဖွန်းမုန်တိုင်းဖက်ဇိုင်ဟာ ဂျပန်နိုင်ငံ တိုကျိုမြို့အနီး ကုန်းတွင်းပိုင်းသို့ ဝင်ရောက်တိုက်ခတ်ပြီးနောက် နေအိမ် ကိုးသိန်းကျော် လျှပ်စစ်ဓါတ်အား ပြတ်တောက်မှုတွေဖြစ်ပေါ်နေပါတယ်။

 

မိုးသည်းထန်စွာရွာသွန်းပြီး လေတိုက်နှုန်းတစ်နာရီလျှင် မိုင်၁၃၀နှုန်းနဲ့ တိုက်ခတ်နေတဲ့ တိုက်ဖွန်းမုန်တိုင်းဟာ ဂျပန်မှာတိုက်ခတ်တဲ့ မုန်တိုင်းတွေထဲမှာတော့ ဆယ်စုနှစ်အတွင်း အားအပြင်းဆုံးဖြစ်ပါတယ်။

 

ကာနာဂါဝါတစ်မြို့လုံးလည်း လျှပ်စစ်မီးပြတ်တောက်နေပြီး ဒေသခံတွေကို နေအိမ်ပြင်ပမထွက်ကြဖို့ အာဏာပိုင်တွေက သတိပေးထားပါတယ်။ မုန်တိုင်းကြောင့် ပို့ဆောင်ဆက်သွယ်ရေးတွေ များစွာထိခိုက်မှုရှိပြီး ကျည်ဆံရထားခရီးစဉ်၁၀၀နဲ့ လေယာဉ်ခရီးစဉ်၁၃၀ကို ဖျက်သိမ်းလိုက်ရပါတယ်။

 

 

မိုးရေချိန်နဲ့ လေတိုက်နှုန်းဟာ စံချိန်တင်မြင့်တက်နိုင်တယ်လို့ မိုးလေဝသကြိုတင်ခန့်မှန်း သတိပေးချက် ထုတ်ပြန်ထားပြီး တိုကျိုတစ်ဝိုက်က ဒေသခံတွေ ဘေးလွတ်ရာ ရွှေ့ပြောင်းကြဖို့ အကြံပြု ထားပါ တယ်။ကန်နာဂါဝါ၊ ရှီဇူအိုကာနဲ့ တိုကျိုစီရင်စုနယ်တွေအတွင်းရှိ လူပေါင်း ၃၉၀၀၀၀ကျော်ကိုလည်း အာဏာပိုင်တွေက သတိပေးချက်ထုတ်ပြန်ထားပါတယ်။

 

 

မုန်တိုင်းကြောင့် လက်ရှိအချိန်ထိ လူ ၃၀ ကျော်ထိခိုက်ဒါဏ်ရာရရှိခဲ့တယ်လို့ ကျိုဒိုသတင်းဌာနက ဖော်ပြပါတယ်။ အင်အားပြင်း တိုက်ဖွန်မုန်းတိုင်း ဖက်ဇိုင်ဟာ ကမ္ဘာ့ဖလားရပ်ဘီပြိုင်ပွဲ ဂျပန်နိုင်ငံမှာ လက်ခံကျင်းပဖို့ ပြင်ဆင်နေချိန်မှာ တိုက်ခတ်ခဲ့တာဖြစ်ပြီး ဒီပြိုင်ပွဲအတွက် နိုင်ငံခြားသား လေးသိန်းကျော် လာရောက်ဖို့ ခန့်မှန်းထားပါတယ်။

 

 

Ref : BBC

Photo :AP

 

#voiceofmyanmar #ဂျပန်  #တိုင်ဖွန်းမုန်တုိုင်း

Related posts

Leave a Comment

VOM News

FREE
VIEW