Day: September 7, 2020

မန္တလေးတိုင်းအစိုးရက ကိုဗစ်နဲ့ပတ်သက်ပြီး အမိန့်ထုတ်ထားပေမယ့် ကြီးကြပ်မှုအားနည်း မန္တလေး၊ စက်တင်ဘာ ၇-၂၀၂၀ ညီသစ်(VOM) မန္တလေးတိုင်းအစိုးရက ကိုဗစ်နဲ့ပတ်သက်ပြီး စက်တင်ဘာလ ၆ ရက်နေ့မှာ အမိန့်တစ်ရပ်ထုတ်ပြန်ခဲ့ပေမယ့် မန္တလေးမြို့ကိုဝင်ထွက်တဲ့နေရာတွေမှာ စစ်ဆေးမယ့်သူတွေမရှိတဲ့အတွက် ကြီးကြပ်မှုတွေအားနည်းနေတယ်လို့ သိရပါတယ်။ အဲ့ဒီထုတ်ပြန်ချက်ထဲမှာတော့ ဒီကနေ့စက်တင်ဘာ ၇ ရက်နေ့က စတင်ပြီး မန္တလေးမြို့အဝင်ဂိတ်တွေက သတ်မှတ်ထားတဲ့နေရာတွေမှာ Stay At Home ကြေညာထားတဲ့ ဒေသတွေဖြစ်တဲ့ ရခိုင် ၊ ရန်ကုန်တိုင်းအတွင်းရှိ ဒေသတွေနဲ့ မြင်းခြံမြို့တွေကနေလာတဲ့ အိမ်စီးကားတွေ နဲ့ ခရီးသည်တင်ယာဉ်လိုင်းတွေကို စစ်ဆေးမှုတွေ ပြုလုပ်နေတယ်လို့ ထုတ်ပြန်ထားတာဖြစ်ပါတယ်။ ” ဒီနေ့နေ့လယ်အထိတော့ သတ်မှတ်ထားတဲ့အသွားအလာ ကန့်သတ်နေရာတွေကနေ ကျွန်တော်တို့ စစ်ဆေးရေးဂိတ်ကိုဖြတ်သွားတဲ့ ကားတွေ မရှိသေးပါဘူး၊ ဒီဂိတ်ကိုဝင်လာတဲ့ရန်ကုန်၊ မိထ္ထီလာ၊ နေပြည်တော် စတဲ့နေရာတွေကလာတဲ့ကားတွေကို သတ်မှတ်ထားတဲ့ ဆေးစစ်ချက်ထောက်ခံစာတွေ၊ ရပ်ကွက်ထောက်ခံစာတွေပါမှ ပေးသွားပါတယ်” လို့ အမရပူရမြို့နယ်၊ ထိန်ကုန်းရပ်ကွက်…

ရခိုင်ပြည်နယ်မြောက်ပိုင်းမှာ ရိုဟင်ဂျာ လက်နက်ကိုင်အဖွဲ့သစ် ပေါ်ပေါက်နေ ဒါကာ၊ စက်တင်ဘာ-၇-၂၀၂၀ မျိုးဆက် (VOM) ရခိုင်ပြည်နယ်မှာ ဖိနှိပ်ခံရိုဟင်ဂျာတွေရဲ့ အခွင့်အရေးတွေကို အကာအကွယ်ပေးဖို့အတွက် အာရခန်ရိုဟင်ဂျာတပ်မတော် (Arakan Rohingya Army)အမည်ရ လက်နက်ကိုင်အဖွဲ့အစည်းသစ်တစ်ရပ် ရခိုင်ပြည်နယ်မှာ ထွက်ပေါ်လာပါတယ်။ ARA အဖွဲ့ဟာ သူတို့အဖွဲ့တည်ထောင်တာနဲ့ပတ်သက်ပြီး စက်တင်ဘာ ၁ ရက်မှာ ကြေညာချက်ထုတ်ပြန် ခဲ့တယ်လို့ အဲဒီအဖွဲ့ သတင်းရင်းမြစ်တစ်ဦးက United News of Bangladesh သတင်းဌာနကို စက်တင်ဘာ ၆ ရက်မှာ ပြောပါတယ်။ ရိုဟင်ဂျာတွေရဲ့ လူ့အခွင့်အရေးတွေနဲ့ အခြားလူနည်းစုတိုင်းရင်းသားတွေရဲ့ တန်းတူညီမျှရေးအတွက် Arakan Rohingya Army အဖွဲ့ကို မြန်မာနိုင်ငံက ရိုဟင်ဂျာတွေနဲ့ ဖွဲ့စည်းလိုက်ပြီဖြစ်တယ်လို့ ကြေညာချက်မှာ ဖော်ပြထားပါတယ်။ လက်ရှိမှာတော့ ARA အဖွဲ့ဟာ ရခိုင်ပြည်နယ် မြောက်ပိုင်းမှာ အခြေစိုက်မှာဖြစ်ပြီး အခြားနိုင်ငံတွေရဲ့ ပိုင်နက်နယ်မြေတွေကို အသုံးပြုမှာမဟုတ်ဘူးလို့…

ကွာရန်တင်းကို ၁၄ ရက်ပြန်လည်သတ်မှတ်ပြီး ရောဂါကူးစက်ခံထားရသူတွေအနေနဲ့ ဆေး၂ကြိမ်စစ်စရာမလိုတော့ ရန်ကုန်၊ စက်တင်ဘာ ၇-၂၀၂၀ သိင်္ဂီ (VOM) ကွာရန်တင်းကာလကို ၂၁ ရက်ပြုလုပ်နေတဲ့အစား ၁၄ ရက်အဖြစ် ပြန်လည်သတ်မှတ်လိုက်ပြီဖြစ်ကြောင်းနဲ့ ဒီလိုသတ်မှတ်တာဟာ WHO ရဲ့ လမ်းညွှန်ချက်တွေအတိုင်း လုပ်ဆောင်တာဖြစ်တယ်လို့ ကျန်းမာရေးနဲ့အားကစားဝန်ကြီးဌာန မှ ဒေါက်တာခင်ခင်ကြီး က VOM ကိုပြောပါတယ်။ ဒါ့အပြင် ကိုဗစ်ကူးစက်ခံထားရသူတွေအနေနဲ့လည်း အရင်ကလို ရောဂါပိုးရှိမရှိ ၂ ကြိမ် စစ်ဆေးစရာမလိုတော့ဘဲ ရောဂါသက်သာလာပြီး ၄ ရက်အကြာမှာ ဆေးရုံကနေ ဆင်းခွင့်ရရှိတော့မှာဖြစ်တယ်လို့ ပြောပါတယ်။ ” Quarantine နှစ်ပတ်ဖြစ်ပါပြီ ၊ ဒါဟာ ခုမှဖြေလျှော့လိုက်တာ မဟုတ်ပါဘူး၊ အရင်တပတ်ထဲက စတင်နေတာပါ။ ဒီနေ့မှာတော့ ကိုဗစ်အမျိုးသားကော်မတီက သဘောတူလိုက်ပြီလို့ စတင်မှာဖြစ်ပါတယ်။ ခုလိုဖြေလျှော့တာ မြန်မာနိုင်ငံတစ်နိုင်ငံထဲ လုပ်တာမဟုတ်ပါဘူး။ ဒီပြင်နိုင်ငံတွေ စင်္ကာပူတို့ ထိုင်းတို့ တခြားနိုင်ငံတွေမှာလည်း…

ဧရာဝတီတိုင်းအတွင်း ရွေးကောက်ပွဲဝင်ပြိုင်မယ့် ကိုယ်စားလှယ်လောင်း ၂ ဦး ပယ်ချခံရ ပုသိမ်၊ စက်တင်ဘာ ၇-၂၀၂၀ သူရိန်(VOM) ဧရာဝတီတိုင်းအတွင်းရှိ မဲဆန္ဒနယ်အသီးသီးမှာ လာမယ့် ၂၀၂၀ ရွေးကောက်ပွဲ ဝင်ရောက် ယှဉ်ပြိုင်ဖို့ အမည်စာရင်းတင်သွင်းထားသူ လွှတ်တော်ကိုယ်စားလှယ်လောင်း ၅၄၅ ဦးရှိတဲ့အထဲက ကိုယ်စားလှယ်လောင်း ၂ ဦး အပယ်ချခံခဲ့ရပြီး ၁ ဦးမှာ သူ့ရဲ့သဘောဆန္ဒအရ အဆိုပြုလွှာရုပ်သိမ်းသွားတယ်လို့ ဧရာဝတီတိုင်း ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ ဦးအောင်မြင့်က ပြောပါတယ်။ “ကျွန်တော်တို့တိုင်းထဲမှာ ကိုယ်စားလှယ်လောင်း ၅၄၂ ဦး လက်ခံထားပါတယ်။ လျှောက်တာက ၅၄၅ ဦးပါ။ အခုစာရင်းအရ ၃ ဦး မပါဝင်လာခဲ့ဘူး။ ၁ ဦးက သူ့ဟာသူ နုတ်ထွက်သွားတာ ဖြစ်ပါတယ်။ ၂ ဦးကတော့ ပယ်လိုက်တာပါ။ တစ်ဦးက ပန်းတနော်က တစ်သီးပုဂ္ဂလိလဝင်ပြိုင်တဲ့ အမျိုးသမီးတစ်ဦးပါ။ သူ့အဖေက နိုင်ငံသားစိစစ်ရေးကဒ်ရှိတယ်။…

မင်္ဂလာဒုံစက်မှုဇုန်က စက်ရုံ ၃ ရုံမှာ ကိုဗစ်လူနာတွေ့ရှိပေမယ့် စက်ရုံတွေမပိတ်သေးတဲ့အတွက် အလုပ်သမားတွေအခက်တွေ့ ရန်ကုန်၊စက်တင်ဘာ ၇-၂၀၂၀ အေးချမ်းသူ(VOM) ရန်ကုန်မြို့၊ မင်္ဂလာဒုံစက်မှုဇုန်ရှိ စက်ရုံ ၃ ရုံအတွင်းမှာ ကိုဗစ်လူနာ ၃ ဦးတွေ့ရှိပေမယ့် စက်ရုံတွေပိတ်သိမ်းခြင်းမရှိတာကြောင့် အလုပ်သမားတွေအနေနဲ့ အခက်အခဲနဲ့ ရင်ဆိုင်နေရတယ်လို့ အလုပ်သမားအရေးဆောင်ရွက်နေတဲ့ Labour Power Groupအဖွဲ့မှ ဥက္ကဌဦးကျော်မျိုးထွေးကပြောပါတယ်။ “ကျန်းမာရေးဦးစီးဌာနနဲ့ အစိုးက ရှောင်တခင်ဝင်ရောက်စစ်ဆေးသင့်တယ်။ ဥပမာပြောပြရရင် စက်ရုံရှေ့က လာကြည့်နေတာတို့၊ အလုပ်သမားတွေကို ပိုင်ရှင်တွေက ဘယ်လိုကျန်းမာရေးဝန်ဆောင်မှုပေးလဲဆိုတာမျိုးတွေကြည့်ပြီး စက်ရုံပိတ်သင့် မပိတ်သင့်ဆုံးဖြတ်ရမှာ”လို့ ဦးကျော်မျိုးထွေးကပြောပါတယ်။ မင်္ဂလာဒုံစက်မှုဇုန်အတွင်းက EMC သားရေအိတ်က်ရုံ၊ DragonState အထည်ချုပ်၊ Famoso အထည်ချုပ်စက်ရုံတို့မှာ ကိုဗစ်အတည်ပြုလူနာ ၃ ဦးတွေ့ရှိခဲ့တာဖြစ်ပါတယ်။ EMCသားရေအိတ်စက်ရုံဟာ ဆက်လက်ဖွင့်ထားပြီး လုပ်ငန်းလည်ပတ်နေတဲ့အတွက် အလုပ်ဆင်းနေရတဲ့ အလုပ်သမားတချို့မှာ ရပ်ကွက်အဆောင်တွေက အလုပ်ပေးမသွားခြင်း ၊ အလုပ်ကနေပြန်လာရင် ပြန်လက်မခံခြင်း အစရှိတဲ့…

သက္ကလတိုက်နယ်ဆေးရုံက ဆရာဝန်တစ်ဦးအပါအဝင် ကျန်းမာရေးဝန်ထမ်း ၆ ဦး ကိုဗစ်ရောဂါကူးစက်ခံရ နေပြည်တော်၊စက်တင်ဘာ ၇-၂၀၂၀ ကောင်းလက်ျာ(VOM) ပဲခူးတိုင်း၊ ကဝမြို့နယ်၊ သက္ကလတိုက်နယ်‌ဆေးရုံက တိုက်နယ်ဆရာဝန်တစ်ဦး အပါအဝင် ကျန်းမာရေးဝန်ထမ်း ၆ ဦး ကိုဗစ်ရောဂါပိုးကူးစက်ခံခဲ့ရတယ်လို့ ပဲခူးတိုင်း ကျန်းမာရေးဦးစီးဌာနကနေ သိရပါတယ်။ ဒီကနေ့မနက် ၈နာရီ ကျန်းမာရေးဝန်ကြီးဌာနကထုတ်ပြန်ချက်အရ သက္ကလတိုက်နယ်ဆေးရုံမှာ ကိုဗစ်ကူးစက်ခံရသူ ၈ ဦးပါတယ်လို့ ထုတ်ပြန်ခဲ့တာလည်း ဖြစ်ပါတယ်။ ” နှစ်သုတ်စစ်ထားတာ ရှစ်ယောက် ပိုးတွေ့တယ်။ အဲ့ဒီထဲက ခြောက်ဦးက ကျန်းမာရေးဝန်ထမ်းဖြစ်နေတာပါ။ လတ်တလော တိုက်နယ်ဆေးရုံကို လော့ဒေါင်းချထားလိုက်တယ်”လို့ ကဝမြို့နယ် တိုင်းဒေသကြီးလွှတ်တော်ကိုယ်စားလှယ် ဦးမျိုးခိုင်က ပြောပါတယ်။ သက္ကလတိုက်နယ်ဆေးရုံက ကျန်းမာရေးဝန်ထမ်း သံသယလူနာတစ်ဦးမှာ ကိုရိုနာဗိုင်းရပ်စ်ရောဂါပိုးကူးစက်ခံရတာဟာ စက်တင်ဘာ ၅ ရက်နေ့က ဖြစ်ပေါ်ခဲ့ပါတယ်။ အဲ့ဒီလိုဖြစ်ပေါ်ပြီးနောက်ပိုင်း လူနာနဲ့ထိတွေ့ခဲ့သူတွေကိုနဲ့ ကျန်းမာရေးဝန်ထမ်းတွေကို တိုပတ်နမူနာယူ စစ်ဆေးရာ ဒီကနေ့မနက် ၈ နာရီ…