Day: February 18, 2021

ဖေဖော်ဝါရီလ ၁၈-၂၀၂၁ ခွန်ခမ့်သူ(VOM) ကရင်ပြည်နယ်၊ ဘားအံမြို့၊ ဘားအံတက္ကသိုလ်ရှေ့ လမ်းမပေါ်မှာ ဒီနေ့ ဖေဖော်ဝါရီ ၁၈ ရက် မနက် ၁၀ နာရီက WE WANT DEMOCRACY စာတန်းကို ဆန္ဒပြသူတွေက ရေးဆွဲခဲ့ကြပါတယ်။ သပိတ်စစ်ကြောင်းဟာ နာရီစင်စုရပ်ကနေ ဗိုလ်ချုပ်လမ်းအတိုင်း ကြွေးကြော်သံတွေနဲ့အတူ စီတန်းလည့်လည်ပြီး ဘားအံတက္ကသိုလ်ရှေ့ လမ်းမပေါ်အရောက်မှာ စာတန်းရေးဆွဲခဲ့ကြတာ ဖြစ်ပါတယ်။ ဆန္ဒထုတ်ဖော်ပွဲမှာ ကိုယ်တိုင်ပါဝင်ခဲ့သူတစ်ဦးက” စစ်အာဏာရှင်တွေက မတရားအာဏာသိမ်းပြီး မတရားတဲ့ ဥပဒေတွေနဲ့ ဖိနှိပ်ဖို့ ကြိုးစားနေတယ်။ ဒါကိုလက်မခံနိုင်လို့ လမ်းပေါ်ထွက်တောင်းဆိုနေရတာ ဖြစ်တယ်။ ဒီမိုကရေစီက ကျနော်တို့အတွက် မရှိမဖြစ်လိုအပ်တယ်”လို့ ပြောပါတယ်။ အဲ့ဒီ စာတန်းကို ကျောင်းသား၊ ကျောင်းသူတွေက ဦးဆောင်ရေးဆွဲတာဖြစ်ပြီး ဆန္ဒပြစစ်ကြောင်းကလည်း ပူးပေါင်း ရေးဆွဲခဲ့ပါတယ်။ ဆန္ဒထုတ်ဖော်ရာမှာ ဒီမိုကရေစီရရှိရေး၊ စစ်အာဏာရှင်အလိုမရှိ၊ အမေစုနဲ့ သမ္မတကြီး ချက်ချင်းလွှတ်၊ ဖမ်းဆီးခံခေါင်းဆောင်တွေ ချက်ချင်းလွှတ်၊…

ဓါတ်ပုံ HA #voiceofmyanmar #VOM

ဖေဖော်ဝါရီလ ၁၈-၂၀၂၁ Voice Of Myanmar မကွေးတိုင်းဒေသကြီး၊ အထက်မင်းလှမြို့နယ် မန်းသံပုရာကန်ရေနံချက်စက်ရုံက CDM ပြုလုပ်နေတဲ့ အလုပ်သမားခေါင်းဆောင် ၆ဦးကို မနေ့ညပိုင်းမှာ ရဲကဖမ်းဖို့ကြိုးစားပြီးနောက် ဒီနေ့ ဖေဖော်ဝါရီ ၁၈ရက်နေ့မှာတော့ အထက်မင်းလှမြို့နယ်မှာ နစအကောင်စီကို ဆန့်ကျင်ဆန္ဒပြသူအရေအတွက်ဟာ အရင်နေ့တွေထက် ပိုများလာတာကို တွေ့ရပါတယ်။ အဲ့ဒီစက်ရုံက အလုပ်သမားခေါင်းဆောင်တွေကို မနေ့ညပိုင်းမှာ ရဲကားတစ်စီး၊ ရဲဆိုင်ကယ် ၂၃ စီးနဲ့ စုစုပေါင်း လူ ၇၀ ခန့်က ဝန်ထမ်းအိမ်ရာတွေထဲလာပြီး ဖမ်းဖို့ကြိုးစားခဲ့တာဖြစ်ပါတယ်။ လက်ရှိရပ်နားထားတဲ့စက်ရုံကို ဖေဖော်ဝါရီ ၂၅ရက်နေ့မှာ ပြန်ပြီးလည်ပတ်ဖို့ လျှပ်စစ်နဲ့စွမ်းအင်ဝန်ကြီးဌာနက ဖိအားပေးနေတာတွေလည်း ရှိတယ်လို့ သိရပါတယ်။ #VoiceOfMyanmar #VOM #အထက်မင်းလှမြို့နယ် #မန်းသံပုရာကန်ရေနံချက်စက်ရုံ #ဆန္ဒပြ

ရန်ကုန်၊ဖေဖော်ဝါရီ ၁၈၊၂၀၂၁ အေးချမ်းသူ(VOM) ရန်ကုန်ရှိ ကျောက်တံတားမြို့နယ်မှာ ဒီနေ့နေ့လယ်က စစ်အာဏာရှင်စနစ်ကိုဆန့်ကျင်တဲ့ တိုင်းရင်သားပေါင်းစုံလူငယ်တွေက ဆူးလေကုန်းကျော်တံတားကနေ သမ္မတရုပ်ရှင်ရုံကိုပတ်ပြီး ချီတက်လမ်းလျှောက်ဆန္ဒပြခဲ့ကြပါတယ်။ ချီတက်ရာလမ်းတစ်လျှောက်မှာ တိုင်းရင်သားလူငယ်တွေက “အမေစုနှင့်ခေါင်းဆောင်များအမြန်ဆုံးလွှတ်ပေးရေး ဒို့အရေး အာဏာရှင်စနစ်အလိုမရှိ ပြည်သူ့အာဏာ ပြည်သူပြန်ပေး မတရားမှုမှန်သမျှ ဆန့်ကျင်ကြ ” တို့ကြွေးကြော်ခဲ့ကြပါတယ်။ စစ်အာဏာရှင်ဆန့်ကျင်ရေး ဆန္ဒပြပွဲမှာ ကချင်၊ ကယား၊ကရင်၊ချင်း၊မွန်၊ရခိုင်၊ရှမ်းနဲ့အခြားမျိုးနွယ်စုတွေလည်း ပါဝင်ခဲ့ကြပါတယ်။ #voiceofmyanmar #VOM #ရန်ကုန်

လာရှိုး၊ ဖေဖော်ဝါရီ ၁၈၊၂၀၂၁ Violin Shayi(VOM) လာရှိုးမြို့မှာ ဒီကနေ့ ဖေဖော်ဝါရီ ၁၈ ရက် မနက်ပိုင်းက ဒီမိုကရေစီအရေးလှုပ်ရှားသူ အင်အား တစ်သောင်းခန့်ဟာ ဆောက်လုပ်ရေးဌာနကနေစပြီး မြို့တော်ခန်းမနားအထိ ထိုင်သပိတ်ပြုလုပ်ကာ အာဏာသိမ်း စစ်ကောင်စီကို ဆန္ဒပြခဲ့ကြပါတယ်။ ဆန္ဒပြသူတွေက “စစ်အာဏာရှင် အစိုးရအလိုမရှိ၊ ရုံးမတက်နှင့် ရုန်းထွက်၊ အမေစုနှင့် ဖမ်းဆီးထိန်းသမ်းခံထားရသူများ ချက်ချင်းလွှတ်၊ ပြည်သူ့အာဏာ ပြည်သူ့ ပြန်ပေး ” စတာတွေနဲ့ကြွေးကြော်ခဲ့ကြပါတယ်။ ဒီဆန္ဒပြပွဲမှာ ကချင်၊ ရှမ်း၊ တအာင်း ပလောင်၊ “ဝ”၊ မြန်မာပြည်ဖွား မွတ်ဆလင်များ စတဲ့ လူမျိုးစုံပါဝင်ပြီး ပညာရေးဝန်ထမ်းတွေ၊ကျောင်းသားသမဂ္ဂတွေ၊ စက်ဘီးစီးအဖွဲ့၊ဒီမိုကရေစီအရေးလှုပ်ရှားသူတွေနဲ့ ဒေသခံပြည်သူ တစ်သောင်းနီးပါးခန့် ပါဝင်ပါတယ်။ #voiceofmyanmar #VOM # လားရှိုး

မူဆယ်၊ ဖေဖော်ဝါရီ ၁၈၊ ၂၀၂၁ Shayi Violin(VOM) မူဆယ် ၁၀၅ မိုင်ကုန်သွယ်ရေးဇုန်မှာ ဖေဖော်ဝါရီလ ၁၈ ရက် ဒီနေ့ မနက် ၁၀ နာရီကစပြီး ပူးပေါင်း ဆန္ဒပြနေကြပါတယ်။ ဆန္ဒပြပွဲမှာ ကချင်၊ ကရင်၊ ဗမာ၊ ရှမ်း ၊တအာင်းပလောင် စတဲ့ တိုင်းရင်းသားလူမျိုးတွေအပြင် ဒေသခံလူဦးရေ ၁၀၀၀ ခန့် ပါဝင် ဆန္ဒပြကြပါတယ်။ ဖေဖော်ဝါရီ ၁၇ ရက်နေ့ကလည်း ကားတွေပျက်ကြပြီး ကားပိတ်မှုဖြစ်ကာ မြန်မာနိုင်ငံရဲ့ အရှေ့မြောက် အဓိက ကုန်သွယ်ရေး တံခါးပေါက်ဖြစ်တဲ့ ၁၀၅ မိုင် ကုန်သွယ်ရေးဇုန် ခေတ္တ ရပ်တန့် သွားခဲ့ရတယ်လို့ သိရပါတယ်။ #voiceofmyanmar #VOM #မူဆယ်

Photo-HA #voiceofmyanmar #VOM #UN

မဟာဗန္ဓုလ တံတားပေါ် မှာ ကားလမ်းပိတ်ဆန္ဒပြရင် ရှင်းလင်းဖို့ရဲနဲ့ မော်တော်ပီကယ်တို့စောင့်နေပေမယ့်လည်း လူတွေကတံတားပေါ်မသွားပဲ ရှုခင်းသားပတ်လမ်း မြင်တော်ထိပ်မှာ ကားတွေနဲ့ပိတ်ဆို့ပြီး တံတားပေါ်ကားတွေမရောက်အောင်ဆန္ဒပြ ဓါတ်ပုံ – HA #voiceofmyanmar #VOM #မဟာဗန္ဓုလတံတား