Day: March 8, 2023

ဘန်ကောက်၊ မတ်-၈-၂၀၂၃ မျိုးဆက်(VOM) ထိုင်းဘုရင်စနစ်ကို အသရေပျက်စေတယ်ဆိုကာ ထိုင်းအစိုးရရှေ့နေတွေဟာ သရော်စာမှတ်ချက်တွေနဲ့ အဝါရောင်ဘဲရုပ်တွေပါတဲ့ ပြက္ခဒိန်တွေရောင်းချတဲ့ အမျိုးသားတဦးကို ထောင်(၂)နှစ်ချမှတ်လိုက်ပါတယ်။ ထောင်ချခံရသူဟာ အသက် ၂၆ နှစ်အရွယ် နာရာသွန်ချော့မန်ကောင်ဆင်ဆိုသူဖြစ်ပြီး ၂၀၂၀ ခုနှစ်နောက်ပိုင်းမှာ အသရေဖျက်မှုဆိုင်ရာ ဥပဒေနဲ့ ဖမ်းဆီးခံရသူ ၂၀၀ ကျော်ထဲမှာပါ၀င်ကာ ဒီဥပဒေဟာ လွတ်လပ်စွာထုတ်ဖော်ပြောဆိုခွင့်ကို ထိခိုက်စေတယ်လို့ ဝေဖန်သူတွေက ပြောဆိုထားပါတယ်။ ရာဘာဘဲရုပ်တွေဟာ ထိုင်းမှာဒီမိုကရေစီလိုလားသူတွေရဲ့ အမှတ်သင်္ကေတတခုဖြစ်ပြီး ဘုရင်စနစ်ပြုပြင်ပြောင်းလဲရေးအပါအ၀င် ဒီမိုကရေစီအသွင်ကူးပြောင်းရေး ဆန္ဒပြပွဲတွေမှာ ကျယ်ကျယ်ပြန့်ပြန့် အသုံးပြုခဲ့ကြပါတယ်။ ထိုင်းအာဏာပိုင်တွေဟာ ဘုရင်စနစ်ကိုစော်ကားတယ်လို့ ယူဆရတဲ့ ဘယ်လိုလုပ်ဆောင်မှုမျိုးကိုမဆို အပြစ်ပေးအရေးယူမှုတွေ ပြုလုပ်နေတယ်လို့ လူ့အခွင့်စောင့်ကြည့်အဖွဲ့ HRW က ပြောပါတယ်။ ဒါဟာ ထိုင်းနိုင်ငံအနေနဲ့ လူ့အခွင့်အရေးလေးစားတဲ့ ဒီမိုကရေစီနိုင်ငံဖြစ်လာဖို့ ဝေးကွာသေးတယ်ဆိုတာ ပြသနေတာဖြစ်ပြီး နိုင်ငံရေးသဘောထားကွဲလွဲမှုတွေကို ထိန်းချုပ်ဖို့ မကြာသေးမီနှစ်တွေအတွင်း ထိုင်းအစိုးရဟာ တော်၀င်မိသားစုကို စော်ကားမှုဥပဒေကို အသုံးချနေတယ်လို့ လူ့အခွင့်အရေးစောင့်ကြည့်အဖွဲ့က…

ကိယက်ဗ်၊ မတ်-၈-၂၀၂၃ မျိုးဆက်(VOM) ကုလသမဂ္ဂအတွင်းရေးမှုးချုပ် အန်တိုနီယိုဂူတာရက်စ်ဟာ ယူကရိန်းသမ္မတင်္ဇီလန်စကီးနဲ့ တွေ့ဆုံဆွေးနွေးဖို့ ယူကရိန်းကို သွားရောက်နေပါတယ်။ သူဟာ လာမယ့်သီတင်းပတ်မှာ သက်တမ်းကုန်ဆုံးမယ့် ယူကရိန်းလယ်ယာထွက်ကုန်တင်ပို့မှုဆိုင်ရာ သဘောတူညီချက်ကို သက်တမ်းတိုးဖို့ သမ္မတဇီလန်စကီးနဲ့ ဆွေးနွေးသွားမှာဖြစ်ပါတယ်။ ကုလသမဂ္ဂအကြီးအကဲ ဂူတာရက်စ်ဟာ မတ် ၇ ရက်မှာ ပိုလန်နိုင်ငံကိုရောက်ရှိမှာဖြစ်ပြီး မတ် ၈ ရက်တွင် ယူကရိန်းသမ္မတဇီလန်စကီးနဲ့ တွေ့ဆုံမှာဖြစ်တယ်လို့ သိရပါတယ်။ ရုရှားကတော့ ဒီသဘောတူညီချက်သက်တမ်းတိုးမယ့်ကိစ္စကို သဘောမတူဘူးလို့ ထုတ်ဖော်ပြောဆိုထားပြီး နောက်ထပ်ဆွေးနွေးမှုတွေအတွက် ရုရှားကိုယ်စားလှယ်အဖွဲ့ဟာ လာမယ့်သီတင်းပတ်အတွင်း ဂျီနီဗာကို သွားဖို့ရှိနေပါတယ်။ ဒီခရီးစဉ်ဟာ ပြီးခဲ့တဲ့နှစ်ဖေဖော်ဝါရီလမှာ ယူကရိန်းကို ရုရှားကကျူးကျော်မှု စတင်ပြီးနောက်ပိုင်း ကုလသမဂ္ဂအကြီးအကဲရဲ့ တတိယအကြိမ်မြောက် ယူကရိန်းခရီးစဉ်ဖြစ်ပါတယ်။ ဂူတာရက်စ်နဲ့ ဇီလန်စကီးတို့ဟာ မတ် ၁၈ ရက်မှာသက်တမ်းကုန်ဆုံးတော့မယ့် ယူကရိန်းလယ်ယာထွက်ကုန်တွေ တင်ပို့ရေးသဘောတူစာချုပ် သက်တမ်းတိုးရေးဆွေးနွေးမှာဖြစ်ပြီး အဲဒီသဘောတူညီချက်ကို ယူကရိန်းနဲ့ရုရှားတို့အကြား ကုလသမဂ္ဂနဲ့ တူရကီတို့က ဖြန်ဖြေမှုကြောင့်ရရှိခဲ့တာဖြစ်ပြီး ရုရှားက…

ပြုံးယမ်း၊ မတ်-၈-၂၀၂၃ မျိုးဆက်(VOM) မြောက်ကိုရီးယားက စမ်းသပ်ပစ်ခတ်လိုက်တဲ့ ဒုံးကျည်တစင်းကို ပစ်ချရင် စစ်ကြေညာမှုအဖြစ် မှတ်ယူမှာဖြစ်ကြောင်း မြောက်ကိုရီးယားက သတိပေးလိုက်ပြီး အမေရိကန်နဲ့ တောင်ကိုရီးယားတို့ရဲ့ ပူးတွဲစစ်ရေးလေ့ကျင့်မှုကိုလည်း ပြစ်တင်ရှုတ်ချလိုက်ပါတယ်။ မြောက်ကိုရီးယားရဲ့ မဟာဗျူဟာမြောက်လက်နက်စမ်းသပ်မှုကို အမေရိကန်က စစ်ရေးအရ အနှောက်အယှက်ပြုတာဟာ စစ်ကြေညာခြင်းသာဖြစ်ကြောင်း မြောက်ကိုရီးယားခေါင်းဆောင်ကင်ဂျုံအန်ရဲ့ ညီမဖြစ်သူ ကင်ယိုဂျုံက သတိပေးလိုက်တာဖြစ်ပါတယ်။ မြောက်ကိုရီးယားဟာ ပစိဖိတ်သမုဒ္ဒရာထဲကို ဒုံးကျည်တွေပိုမိုပစ်ခတ်နိုင်ကြောင်း သူမကအရိတ်အမြွတ်ပြောကြားထားပြီး ပစိဖိတ်သမုဒ္ဒရာဟာ အမေရိကန် သို့မဟုတ် ဂျပန်ရဲ့ လွှမ်းမိုးချုပ်ကိုင်မှုအောက်မှာရှိမနေဘူးလို့ ပြောပါတယ်။ အမေရိကန်နဲ့ သူ့ရဲ့မဟာမိတ်နိုင်ငံတွေဟာ ကုလသမဂ္ဂလုံခြုံရေးကောင်စီက တားမြစ်ပိတ်ပင်ထားတဲ့ မြောက်ကိုရီးယားရဲ့ ပဲ့ထိန်းဒုံးကျည်တွေကို တကြိမ်တခါမှ ပစ်မချဘူးသေးပါဘူး။ ဒါပေမယ့်လည်း ဂျပန်နိုင်ငံကို ဖြတ်ကျော်ပြီး နောက်ထပ်ဒုံးကျည်တွေပစ်ခတ်မယ်လို့ မြောက်ကိုရီးယားက ပြောဆိုထားတာကြောင့် လုံခြုံရေးဆိုင်ရာနဲ့ပတ်သက်ပြီး မေးခွန်းထုတ်မှုတွေ ထွက်ပေါ်နေပါတယ်။ အမေရိကန်နဲ့ တောင်ကိုရီးယားတို့ရဲ့ ပူးတွဲစစ်ရေးလေ့ကျင့်မှုတွေဟာ ကိုရီးယားကျွန်းဆွယ်ရဲ့အခြေအနေကို တင်းမာမှုတွေမြင့်တက်စေတယ်လို့ မြောက်ကိုရီးယားက စွပ်စွဲပြောဆိုထားပါတယ်။ Ref:Reuters…